Video
Read full review
2009-08-11
51 views
今日陪媽咪上左嫲嫲屋企幫佢整野順便探下佢，跟住佢知道我地未食野就係咁一定要我地叫D外賣食，而且佢又想食個下午茶，所以就叫D野上去食啦。剛巧佢屋企得返呢間GREENWAYS既外賣紙...哈哈，所以我地就唯有叫呢間啦。呢間野又係標榜有機，營養，健康等等，所以都知應該濃味極有限，不過偶然健康一餐都好呀。我地三個人叫左一個火腿芝士三文治烘底，一個古法燉羊肉飯同埋一個栗米汁龍脷柳意粉。三樣野我都有食過，首先其實佢既份量係OK大既，個意粉同飯都幾大盒下，個飯我地都食唔哂。味道當然係偏淡啦，我覺得粟米汁龍脷柳意粉最好味，佢個粟米汁幾濃架，撈埋D意粉好好食，但D汁就少左D。個魚柳都幾好，幾滑，而且味道適中，又少少鹹味剛剛好。個意粉硬左少少，不過都可以接受既。但個羊肉同埋三文治就爭DD啦。佢個羊肉飯有勁多料，冬菇，蘿蔔，好多菜等等，個蘿蔔就幾好味，因為入哂味，所以食落去好香...冬菇都ok，但其他野就真係淡到無咩味咁，尤其是個羊肉，個羊肉係勁瘦，又無味，我覺得似食瘦肉多d，雖然係健康姐，但都好難捱架嘛。個三文治可能因為外賣所以凍左，變左好硬同埋唔夠脆，食落無咁香口，但味道係幾好既。其實我覺得呢間野講真都
剛巧佢屋企得返呢間GREENWAYS既外賣紙...哈哈，所以我地就唯有叫呢間啦。呢間野又係標榜有機，營養，健康等等，所以都知應該濃味極有限，不過偶然健康一餐都好呀。
我地三個人叫左一個火腿芝士三文治烘底，一個古法燉羊肉飯同埋一個栗米汁龍脷柳意粉。三樣野我都有食過，首先其實佢既份量係OK大既，個意粉同飯都幾大盒下，個飯我地都食唔哂。味道當然係偏淡啦，我覺得粟米汁龍脷柳意粉最好味，佢個粟米汁幾濃架，撈埋D意粉好好食，但D汁就少左D。個魚柳都幾好，幾滑，而且味道適中，又少少鹹味剛剛好。個意粉硬左少少，不過都可以接受既。
但個羊肉同埋三文治就爭DD啦。佢個羊肉飯有勁多料，冬菇，蘿蔔，好多菜等等，個蘿蔔就幾好味，因為入哂味，所以食落去好香...冬菇都ok，但其他野就真係淡到無咩味咁，尤其是個羊肉，個羊肉係勁瘦，又無味，我覺得似食瘦肉多d，雖然係健康姐，但都好難捱架嘛。個三文治可能因為外賣所以凍左，變左好硬同埋唔夠脆，食落無咁香口，但味道係幾好既。
其實我覺得呢間野講真都唔算太差，但個羊肉真係爭左少少，而且味道真係幾淡下，所以... 哈哈，總括太健康既野食都係唔太適合我。
Post
