Grill n More (Closed)

我地2030到，滿懷歡喜咁唸住有好多嘢食，點知去到一陣已經無曬魚生，我地唸都算啦！魚生咁貴，可能有限量呢？但係點知再食多一陣，雪糕剩返dd，生果剩返橙，蛋糕甜品咩都無曬⋯問佢可唔可以補給，佢應完之後就走左，但係咩都無補返唯一係d生蠔好少少⋯我地六個人埋單⋯⋯都埋左$1xxx，但係好似咩都無食過咁。我打呢篇食評嘅時候，個身仲有d痕痕地，味精應該好重，奉勸大家去一次就好啦

衛生極差， 處理壽司嘅姨姨， 戴著手套 看似衛生， 佢冇嘢做嘅時候就會去執枱（ 仍然用住嗰對手套）....， 跟住有人食壽司嘅時候， 佢又係用返嗰對手套去切壽司啲蝦又唔 refill

不知是否在星期二去, 人流頗少. 餐廳環境不錯, 舒適度ok. 爐方面使用明火同燒烤網.燒肉方面, 肉類款式算是一應俱全, 有牛豬雞魚(鯖魚、魷魚、八爪魚、比目魚)同腸, 但種類感覺不夠多. 肉類味道一般, 而且易痴網, 不太方便, 而且網太易燒焦...熟食方面, 提供種類足夠不俗, 有炸物（如：炸雞塊、炸雞鎚、春卷、咖哩角等），味道一般, 但可滿足想食炸野的慾望；更有其他特色熟食（如：泰式豬頸肉, 紅酒牛肉等）, 賣相極佳！飲品方面, 種類一般, 有罐裝飲料和自斟菊花茶同酸梅湯, 如加入更多韓式飲料則更佳！甜品方面, 種類不少, 賣相極佳, 味道亦不俗, 部分很有特色如日式小丸子. 唯雪櫃温度太低, 雪糕很硬, 可能要擺爐邊加暖一下才食.更有多款生果, 解解熱氣.總括而言, 未食過值得一試！網烤很有風味, 不過建議每檯放瓶油, 咁就唔使咁易痴網.

原本打算食燒肉放題，見佢之前都好多人幫襯，好似唔伏咁……點知去到，人地已經無做燒肉放題，只好叫燒肉套餐吧！叫咗一個A(韓式燒烤拼盤 HKD78) 同 C(純牛燒烤拼盤 HKD88)燒起上嚟都幾靚，而且唔會好黐底，完全無難道，但啲肉嘅品質就一般喇~有湯跟埋，但唔係好夠味!另外，配有小碗炒飯同蒿麥冷麵同餐飲，但無影相~蒿麥冷麵:麵條超硬，個汁又唔夠味小碗炒飯:似撈飯多D，完全無炒飯應有鑊氣餐飲叫咗可樂，無特别~

星期一友人就來電說：「好久不見了，星期四有空？」還用得著問⋯吃飯吧！工作關係，晚上來到了油塘，友人也只好遷就來此。經常路過大本營看到的一家韓燒，外觀相當不錯，坐位也很舒適，今晚應該是你了。坐下來就選了最實惠的208什麼放題，名字輝煌得很，反正就是記不住，晚餐時段最便宜那款就是⋯是時候拿東西吃了，肥牛、一口牛、五花肉、蝦、魷魚、金漬、生菜，該拿的都拿了，開動吧⋯一片肉、一片生菜、兩片金漬，本來該是何等美味⋯怎麼回事？金漬味道怪怪的，自家製？那我還是喜歡超市賣的罐裝金漬好了，生菜老得不能再老，又硬又乾，昨天跟蔬菜供應商吵架了吧！算了⋯烤肉還是吃肉吧，一點肉的甜味也沒有，猶如嚼蠟，醃過的就更不要試了。肉吃怕了，吃甜品吧⋯看來雪糕是全店最好吃的出品，沒有之一。真心想做街坊生意的話，不如先處理好出品吧，韓燒也是需要用心的，隨隨便便的出品，客人也就隨隨便便流走了。

逼人食貴嗰個皇牌餐， 唔食皇牌餐 就要七個人逼一個爐(四人枱)，如果兩個要 皇牌餐先比分兩張枱， 重點係佢有大把枱，都唔畀人坐，佢話唔想抹枱， 我係食飯時間去7:00 已經唔想做

Grill n More係一間燒烤餐廳，lunch時間只有一個小時，有幾想都唔夠時間喇~見佢有lunch set，就入去試吓喇~入到去竟然見到自助餐嘅陣容，一盤盤熟食睇眼前，仲有日式壽司、鐵板燒肉類、中西甜品……種類都算唔少，但一心諗住食lunch set，就照舊喇！泡菜牛肉飯配熱柚子茶~飯由鐵鍋盛著，及出吱吱聲！夠哂熱！一D都無交行貨，不過個飯唔係好重泡菜味，我就自己加咗果個細細碟嘅泡菜入去撈！因為個鐵鍋都夠熱，所以都夠溫度令佢有熱度！至於佢嘅柚子茶係比埋飲管嘅！一方面可以比您自己攪均勻啲，另一方面，可以少少地咁飲，唔會燙傷！不過，的確唔太環保！其實我覺得放個匙羹都已經足夠🤔

已經食過幾次，服務態度一次比一次差，記住喺呢度食嘢，你雖然有俾錢，但呢度類似阿姐的職員/經理係會惡過你，會俾面色你睇。雖然而家餐廳推出一人的定食餐，但喺晚市嘅時間就算餐廳有位，你都唔好諗住可以食，因為如果你唔係幫襯任食的，門口經理都唔會俾你入座，就算你話想等位，門口經理都會即刻叫你唔使等，佢一定唔會俾位你，因為唔幫襯任食的，你係唔會有位的，就算你話要投訴，但呢間餐廳機制差，想投訴都唔可以，所以唯有喺度發洩下。

一入到門口接待姨姨已经唔友善其實錢我比得起加上你哋唔係什麽高级餐廳我亦冇要求你哋有咩高質服務但連基本手門都冇仲要用D唔友善既眼光對待我同我小朋友我覺得一次中伏就夠冇下次

睇完食評後覺得ok，所以去試一下，訂咗七点半去到七点三，明明有位仲要等到七点半先俾入去，入到去沒有朱古力噴泉，又冇生蠔送，D牛仔骨冇味，三文魚唔係好生鲜，熟嘅嘢食都冇咩好食，片皮鸭竟然俾把刀自己片，所以冇食過，D碟仲要洗得唔係好乾淨，装咗杯檸檬茶，睇下好似有D油喺上面。所以星期日都冇咩人去食，仲要收$218真係中伏。

預早慶祝媽咪生日油塘選擇唔多食肉獸既陳太對韓燒有十分大既好感我地大家放工入座簡左食90分鐘佢都有120分鐘提供既我鍾意依家既原因係佢保留到舊式韓燒既食材都有新式放題提供既唔同美食如果數我同媽咪對食物既回頭率一定有熟食:人參雞湯 炸物有炸雞炸魚薯條麥樂雞炆牛筯燒物:牛舌 金沙骨 牛肉 扇貝甜品刺身都一應俱全可以滿足貪心既你記得可以換個燒網 唔洗燒到黑媽媽我會拎啲生菜夾肉食咁樣會冇咁膩仲有時拎生菜抹下個網既焦同油依招係去韓國遊學團個導遊教既

之前去過幾次都係將軍澳分店嘅晚巿自助燒烤，油塘分店同午巿都係第一次，呢度比另一間分店靜好多。食物一般，當然無晚巿咁多嘢食，但價錢唔貴，人唔多，又有啲熟食，都可以吖。熟食區嘅蘿蔔牛雜，炆得幾淋，味道可以，唔食得辣嘅我覺得越食越辣。呢個應該唔係豬腳，係豬手，有肉唔係淨係得皮，炆得淋啲就好喇。椒鹽骨都可以，不過涷咗，其他是不好吃的。炸物算唔錯，雞塠唔熱但係都脆，咖哩角仲熱，夠晒脆，不過食咗一次後無Refill。牛脷係我最欣賞，切得薄燒完唔會韌，好爽口。牛護心都好味，不過難熟啲。叉燒同雞都可以。甜品就麻麻。

開咗好耐既韓燒從來都未試過,因為佢之前得放題,仲要百幾蚊一個,所以覺得唔抵。但琴日行過見有午巿韓燒套餐,所以今日就試一試佢。唉,但真係試過先明點解午巿一點鐘都只係得兩三檯客。首先揀咗張梳化位坐,但係張梳化仲有上手留落既油跡。得咁少客都唔好好咁清潔吓,真係唔得囉。跟住睇咗一輪叫咗兩個套餐,一個set A, 一個set B。套餐包唔同既肉,可以揀炒飯或冷麵,但今日只得白飯,無所謂,白飯仲好。仲有人蔘雞湯或羅宋湯,包一種飲品,安全起見揀罐裝飲品最好。人蔘雞湯無咩人蔘味,羅宋湯就係一般。Set A, 有韓式護心肉,但唔好食咬唔開。豬仔骨,豬扒,雞中翼ok。最好食牛胸腹同五花腩。Set B, 一口牛同魚柳好味,雞中翼,八爪魚ok,鯖魚塊好魚腥。仲有粟米,芝士條,生菜係跟餐。整體食物一般,如果有埋甜品會圓滿d。衛生有待改善。題外話,食食吓有其他客,都係兩位,佢同我地一樣揀張4人檯坐,但個侍應唔係好想比佢地坐,叫佢地坐兩人檯,其中一個人就話你都無人仲咩唔比我坐,個侍應即刻無聲出。除咗午巿韓燒,仲有韓式飯,麵套餐,都係五六拾蚊一個。佢晚巿我就覺得貴咗d啦。

之前係幫襯過呢間的任食食物質素係唔差的今日唔去食放題想試下佢地嘅晚餐今日係點了💁🏼部隊鍋同埋💁🏼歐巴烤骨仲升級+$20有一個湯，汽水，飯同泡菜個湯都唔錯架，雖然人參味就唔重，但我都怕重參味🙈個白飯黎到都係有啲煙嘅但始終唔夠熱，配埋泡菜已食左半碗飯🤤跟住我個歐巴骨來了🍴🍴🍴，一上台好香好夠熱，仲有2粒菠蘿甜甜的，味道真係唔錯👍🏻跟住仲有朋友的部隊鍋睇個樣都唔錯，一食呢勁淡味，啲味勁稀勁稀啲公仔面係好似大光面咁既面質簡單黎講係唔會再食呢個部隊鍋仲要$78埋單如下呢間店如果坐到個好位係可以坐正係擂台位Pokémon go，仲唔怕無電添，佢地有免費充電器借👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

位於油塘地鐵站的分店，10分方便，由於朋友介紹這裏有優惠吃下午茶，而且還是韓式的，感覺幾特別，所以就來試一試！二人份量就是這樣，女生來說不過不失吧，還是可以吃得飽！比較驚喜的反而是甜品方面，檸檬撻做得很好底下的三文魚沙律做得也不錯，三文魚肉很大塊，而且沙律菜清甜冷麵也很不錯，很彈牙，蛋糕也香軟！反而炸雞方面我就有點 失望了，一點也不香脆，而且咬下去全部都是粉，雞肉又有冰鮮的味道，韓式餐廳 不是炸雞才是重點嗎？最後就是甜品 雪糕窩夫，窩夫很重的甜味，而且香脆，我個人比較喜歡香脆口感，雪糕也很滑溜！如果是英式下午茶甜品是合格的，但是如果是韓式下午茶 炸雞就一定不合格了，炸雞不合格還說什麼 韓式🤧