烤吧 (Closed)

向來emax都冇咩好食，但今日黎metroplex睇戲時，巧合望到有新餐廳開張，一於下午茶黎試下一來新開張，二來唔一定黎食主菜，可以試下咖啡先，做緊優惠送甜品，見到一瓶瓶的甜品，咩都唔理試左先因為唔太餓，所以點左個“忌廉磨菇湯“ 味道ok，賣相ok，份量ok，總括來來以新餐廳黎計已經超出左自己的期望。。。。咁當然唔少得為左飲咖啡而送甜品個part啦，叫左杯“朱古力咖啡mocha“ 黎到面前時，真是估唔到有cream係面，好意外。。。到甜品啦，一睇就知吸引左我，最初有四款甜品揀，但因為款款都好吸引唔知揀邊款好，到最後揀左“意大利芝士杯“ 一開始唔太覺佢似，因為冇一層層，但其實各有各的分別，細細杯岩晒。唔會話太多或太少。。。。下次一定會返黎再光顧

先講環境，一入到餐廳，去到戶外座位，見到一幅好靚的GRAFFITI，成個氣氛都非常好，可惜有少許雨，結果都選擇了室內位置。紅磚牆配吊燈，氣氛不錯。坐低叫了點小食同飲品，肉醬薯條加蜜瓜沙冰。那個肉醬薯條味道一般，但那個蜜瓜沙冰真的要推介一下，蜜瓜味濃而且清香，質感柔滑，必定要一試。跟住我地8個人叫了一些主菜，包括炭燒牛扒、羊架、土耳其烤肉串、燒春雞、煎三文魚、墨西哥雞肉意粉等..........不得不試那個土耳其烤肉串，大大舊雞牛羊肉配洋蔥、紅椒青椒，惹味得來也十分有口感。其餘的味道都很不錯而且唔係太滯。最後還點了些甜品,BROWNIE同CREAM BRULEE都十分好味，不太甜，飯後必試！不過可能始終係新餐廳，上菜落單都有點亂，希望下次去會有改善。