Video
1-min walk from Exit A1, Yau Tong MTR Station
continue reading
Additional Information
Some vegetarian dishes available daily.
Opening Hours
Mon - Sun
07:30 - 22:00
Public Holiday
07:30 - 22:00
Above information is for reference only. Please check details with the restaurant.
裝修完畢，最近幾日重開 室內開揚光猛 增添咗幾部冷氣 室內環境明顯 相比之前涼快 食物方面 餐牌亦有所改變 多咗一啲 新派西餐美食， 今日試咗 下午茶 蝦拼牛油果多士沙律， 加十蚊 一個迷你 蕃茄濃湯螺絲粉， 餐飲配有黑咖啡， 凍飲加三蚊， 總共成為61蚊， 性價比相對低咗， 但整體食物感覺新鮮好食， 唯一 沙律相對地細 菜比較少， 而且只有檸檬汁 冇任何沙律醬，黑醋提供 相對失色， 最敗筆 嘅係 付款方法 竟然還原基本部 只提供八達通 以及 現今付款， 令本人相當失望， 暫時沒有電子支付。 裝修後 鋪內 露天位置 不設吸煙區 空氣比之前清新不少
continue reading
侍應只顧大聲互相溝通，毫不理會客人。愈嚟愈過分，嘈過街市。入店無人彩你係正常。坐低叫嘢食，佢地可以係你側近行過扮睇唔到，同送貨嗰個邊行邊大聲講笑都得，仲要兩個侍應都係咁，被無視了。究竟係佢係客定係我係客？更驚人的，見到有坐在外邊的客人，自己行入嚟cashier 落order，話自己座邊張枱。嘩! 佢遲過我坐低㗎! 乜原來呢度潛規則係要自己行去cashier 落 order 㗎？幾時改咗我唔知啊？樓下嗰間，不嬲係cashier 落單嘅，叫做十分正常。呢間呢？個客自己去cashier 落單叫咩？叫失職。下次使唔洗自己去攞餐啊？餐廳是客人食飯嘅地方，唔係侍應互相嘻笑嘅俱樂部，我入嚟唔想聽你地互相大叫嘻嘻哈哈，成何體統？毫無紀律。另外，店內煙味極濃，戶外座位的煙味透過有縫隙的落地玻璃全吹入室內，跟坐在隔離冇分別。呢個係先天問題，餐廳位置於戶外，根本全透風，Ok fine，以前我食完就走。而家？你話呢？我係本區客，知道呢間野不嬲有熟客，因為佢係唯一可以在店吸煙的餐廳。但都唔可以放任到呢個程度。反映在無競爭下，管理層無心做好個品牌。
continue reading
嗌完外賣過嚟拎，佢哋將我個外賣黐錯單，我嗌咗個港式早餐，嘥咗我少少時間唔緊要，佢哋知道嗰餐係我嘅，佢哋話個餐啱咪得囉，佢問我係唔係雞扒，我話唔肯定，佢話返我唔可以唔肯定，因為我嗌港式早餐，我唔會記得入邊有咩嘢食喺入邊，唔緊要啦，我拎個餐嘅時候佢仲連續講三句：「個餐係唔係啱先，啱唔啱先，啱唔啱先亅，呢啲嘢應該係要佢哋check，佢哋黐錯唔緊要，點解個態度仲要咁差呢？之前啊呢間嘢仲要成日漏咗多士，但係我住得比較遠都冇攞唔到，所以都已經有個習慣會係咁check，但係嘢食點都唔緊要，係啲態度真係好有問題，點解要推翻個波比客人到，我一直都冇出聲喺度等，成件事一定唔係咁運作。
continue reading
我偶爾會幫襯，貪佢無咩人又有open area, 晚間職員服務好好，要讚。唯晚餐要加$15先有飲品同餐湯，湯係好好飲，但餐選擇唔多，同其他分店牌有分別，問過職員都只解釋係公司決定，可能係咁，晚市一向生意一般。最難忘係杯咖啡，真係飲極都咁差，敢講任何餐廳都會好飲過佢，或者應該係選豆方面應改進吓。
continue reading
呢間餐廳分咗室內同室外嘅位置，我哋入到嚟坐低，外面就有食客食煙，搞到煙味飄晒入嚟，就算坐遠門口位都好難頂…怕煙味嘅朋友要留意一下 🚬 🚬🚬.食物方面，我哋order咗2個main同一個Caesar salad。.磨菇忌廉湯，唔夠香味，質地有啲稀。.Caesar salad 味道正常，係啲汁有啲多。.煙三文魚Pizza係薄批嚟，食落好脆，芝士拉絲又香，配埋煙三文魚、蜜桃、蕃茄都唔錯~.厚切豬扒真係好厚好大塊，但切開又幾juicy，肉質唔會好硬~薯條大大條，好香脆。.食到接近尾聲…突然發現有隻蟲仔喺條薯條度行緊，我即刻用紙巾㩒死咗佢放埋一邊，然後發現又多咗隻蟲仔大駕光臨(碟嘅左下角)，我真係不敢恭維…🥲拿拿聲走人….呢度嘢食質素ok，但環境我個人就唔太滿意，想食嘅話我會選擇take away～😬
continue reading