古早牛肉麵 (Closed)

今日下午行完黃金商場，經過一間古早牛肉麵舖頭，門面闊落企理，即刻入去試吓先餐牌有午餐時段、下午茶時段丶全日供應時段，我當然揀咗最抵食嘅下午茶時光😆😆除了主食，只要加配$16就可以搭配其他小食由於疫情關係，好耐冇飛過台灣，見到個餐牌真係每樣都想食，最後我揀咗主食：肉鬆蛋手抓餅$ 38小食：台式小香腸$16 酥炸花枝丸$16 甘梅地瓜條 $16飲品：焦糖珍珠奶茶$15肉鬆蛋手抓餅，肉鬆加蛋絕對冇得輸，係我最愛，蛋餅香脆，入邊有勁多肉鬆，新鮮熱辣，簡直人間美食台式小香腸，香腸煎到好Juicy ，同喺台灣夜市食到嘅味道一模一樣，令人非常回味炸花枝丸，外皮炸到脆脆地，內裏好爽滑彈牙，十分可口甘梅地瓜條，地瓜條炸到外脆內軟配上金梅粉，十在絕配，簡直食到唔停得口珍珠奶茶，茶味好香濃，口感細滑，配有好多珍珠，珍珠控最愛整體而言，餐廳食物水準非常高，所有食物都係落單即做，新鮮熱辣，台灣風味十足！食完呢餐，感覺走咗台灣夜市一轉，而且非常抵食，絕對值得推薦

食台式野，其實心心念念都係d 台灣小食🐰今日黎到咁arm仲有下午茶，對於有選擇困難症 ge我黎講，佢個餐牌可以一份主食再用優惠價加multiple 小食，實在太開心了🐰❤️❤️❤️👉🏻秘制醬油豬軟骨湯米大大舊有肥有瘦ge 豬軟骨，係已經煮到軟骨部分通透❤️唔會咬唔開🐰仲2有舊煮到好入味ge 大白蘿蔔做配菜超抵食✨✨✨👉🏻台式小香腸❤️皮好脆好脆❤️想encore ❤️👉🏻宜蘭迷你蔥肉餡餅其中一個味招牌小食，一小口版ge餡餅, arm 哂眼太闊肚窄的人✨✨✨👉🏻輕芝士岩鹽奶蓋綠茶佢個奶蓋的確係冇出面就咁買的咁heavy, 非常適合做餐飲👍🏻👍🏻👍🏻

蚵仔麵線的勾芡太厚重了，感覺吃整口糨糊。甜不辣也炸得有點硬專門來吃的，有點小失望環境衛生都還不錯服務也勤快希望老闆娘能再改善下麵線的口感參考一下台北的“黃金麵線”味道

我們一家人，最喜歡行同尋食的地方，就是深水埗。因為，那兒的西九龍中心，是一個老少咸宜，而且又是一個充滿美食的商場。對面馬路的鴨寮街，是買小東西的好地方。而黃金、高登，是買遊戲及電腦的好地方。行遠一點，更是小朋友最開心的玩具街。所以每一次來深水埗，大家都好開心。而今次，大家就在黃金、高登的周邊，太太同小朋友早吃好了，而仔仔就選擇再下一城，陪我食晚飯。然後，阿仔說，上次爸爸不是想試這一間《古早牛肉麵》嗎? 既然來到門前了，兩父子就來一試吧。餐廳，以懷舊的台灣古年代為主題。一入去，就令人感覺到 6、70年代台灣既感覺。這些擺設裝飾，其實在許多活化舊建築的台灣景點可以看得見、找得到，也買得到。我來的目的是吃麵，所以我的晚餐就是這一碗看起來紅當當的古早半筋牛肉麵。湯底充滿了牛肉香，有少少的辣，所以，我可以用香辣來形容。牛展肉同牛筋，味道都是濃濃香香的，微微的辣也令牛肉的味道昇華了不少。兒子點了一客古早滷肉飯。足夠份量的滷肉，再加半隻滷蛋，味道夠晒香口。不要看小這點點的滷肉，就是這丁點的滷肉，輕輕地與飯撈勻，就可以把大部份的肉香味涉透入米飯之中。夠好味道的。太太同女兒來了，我們再加點一些小食同甜品

今日去深水埗買iphone14，約了朋友在地鐵站出口等，等著等著肚餓，突然好想吃台灣菜，行了兩步，見到古早牛肉麵，餐廳環境復古，門口有個吧檯，開放整潔，感覺還不錯，我和朋友建議不如試下，感受台北夜市氛圍。當時晚上七點幾，但十分幸運不用等位，很快就可以入座。餐牌一看，有晚市二人套餐，包含主食小吃台式飲品，兩個人一共才178，非常划算！選擇也非常多，經典牛肉面，大雞排，綜合丸子湯，你基本去台灣必吃的菜市，只要你想得到都有，不會怕選不到。我和朋友就決定要這個。我叫了雞排乾拌麵和牛肉湯麵，滿滿一大碗的肉燥，面也是台灣才吃得到的粗麵，非常爽口！讚！小吃是地瓜條和甜不辣，兩樣都十分不錯，味道和在台灣吃的差不多。環境四周放眼望去都是台灣的招牌圖片，彷如處身在台灣夜市，如果不是隔壁台講的是廣東話，我還以為在台灣，上菜上的快，店員麻利，平日下班和朋友平價吃上一頓超值的晚飯的不錯選擇～

今日去咗同朋友食飯，好耐冇食台灣嘢朋友就提議不如試吓呢間古早台灣麵，味道唔錯價錢又抵食咁佢餐牌有好多種配料同埋醬汁嘅選擇，我哋就選擇左二人套餐，佢包括左兩款嘅煮食同埋小食，仲有兩杯嘢飲總共都只係$178，相當之抵食。主食方面我就選擇左酥炸大豬扒嘅麻辣醬乾拌麵，豬扒方面炸得金黃鬆脆 ，麻辣醬辣度適中，同埋佢豬扒同面嘅份量啱啱好，啱啱好一啖豬扒一啖面食晒小食我就叫咗麻辣豬耳 ，豬耳非常爽口，配合佢麻辣醬汁令人忍唔住一啖接一啖嘢飲方面我揀咗百香果雪梨茶，百香果嘅酸酸甜甜配合雪梨嘅清爽恰到好處，啱啱好可以配合返麻辣醬嘅味道，清甜解渴如果下次再嚟深水埗我都一定會再嘗試呢間高質嘅台灣牛肉麵

今日被我係深水埗發掘到一間唔錯既台灣餐廳，裝修充滿台灣氣息，包括舊式招牌，燈箱等等。店鋪前方係飲品吧，餐廳飲品選擇幾多，同出面飲品店差唔多。餐廳二人套餐好吸引，包括兩款主食、小食同飲品，價錢只係$178🤩- 袐制醬汁豬軟骨滷肉乾拌麵豬軟骨肉質唔算太稔，不過醬汁幾入味。滷肉份量多，麵條中等粗度幾掛汁。- 宜蘭迷你蔥肉餡餅雖然係迷你餡餅，但入面餡料幾飽滿，外皮幾脆口。- 招牌珍珠奶茶珍珠好煙韌，茶底幾香，唔會被一般手搖店遜色。至於朋友叫左酥脆大豬扒麻辣醬乾拌麵，麻辣豬耳同百香果雪梨茶，朋友同我一樣覺得好抵食👍🏻

收工返屋企近近地，附近咁啱有間台灣餐廳，決定試一試佢嘅台灣麵、滷肉飯。餐廳入邊環境有少少懷舊台灣裝飾，有啲特色掛牆，仲有員工服務好！簡單食個二人套餐$178紅燒牛肉湯麵🥘四五舊牛肉，有菜又有蘿蔔！出去食都可以少少健康！加埋面都幾好食，配合埋啲辣菜甫，少少辣度更加好食！值得推薦👍🏻滷水大雞髀肉燥飯一整個大雞髀🍗上，配合埋肉燥飯！整個雞髀變做滷水，比較軟身，可能年紀大嘅都啱食！可以好容易拆開啲肉嚟食，非常入味非常稔，下面就配一個滷肉飯，不錯的👍🏻甜不辣、地瓜條兩個小食，甜不辣就有啲類似年糕，地瓜條加上酸梅粉，整體都好match！奶蓋冬瓜茶、蘆薈多多飲品選擇都好多，估唔到連奶蓋都有，但係配冬瓜茶就一般！反而蘆薈多多就更加好飲！二人餐178$，平民之選！😜😜😜

喺附近做完嘢，諗住求其食啲嘢就返歸，點知畀我發現呢間古早牛肉麵，即時懷念台灣的味道，於是膽粗粗入去試下一睇餐牌唔洗諗，點咗紅燒牛肉麵！牛骨湯底惹味濃郁，半筋肉紅燒牛肉煮得軟稔入味，白蘿蔔清甜，生菜爽脆，加埋煙韌、粗幼適中的麵條，係我懷念嘅味道呀！既然係古早，我都撇開時下流行嘅台式飲品，揀返杯古早桂圓紅棗茶！真材實料，係有龍眼肉同紅棗喺底，加埋蜜糖，甜甜哋又暖笠笠，最適合呢個秋冬飲，感覺成個人好滋補！裝修加咗好多懷舊風嘅兒童教育漫畫，又幾得意坐喺到，好似穿梭時空返咗過去咁呀餐牌幾環保，marker擦得甩，可循環再用

夜麻麻自己一個去咗深水埗搵食，又唔算好肚餓所以就嗌咗啲小食，估唔到呢度真係好有台灣風味，好似以前去緊夜市咁嗌咗一個麵線，雖然碗麵上高只得四粒，但食下食下下低原來都有。蠔仔新鮮，爽口，係食大腸嘅另外一個選擇另外在嗌咗一個蛋餅，入邊有好多生菜，亦都有雞蛋同芝士😍係一個不敗之選，永遠都係咁好味，而餅底超級脆😌😌跟住再嗌咗一杯朱古力珍珠奶茶，呢度嘅飲品種類有好多，熱嘅或者係茶類都有下次再黎呢度食牛肉麵😉😉

未有得去台灣旅行，唯有食下台灣菜止下癮。見到鋪頭裝飾偏台灣懷舊風，價錢仲要好合理，即刻比佢吸引。下午茶餐牌價錢超優惠，仲包一杯熱飲。特登問過店員，下午茶份量同全日餐牌係一樣！滷水大腸麵線：賣相同台灣食到既一樣。驚喜位係大腸份量好多！大腸洗得乾淨又滷得入味，足料又好味，推薦！特盛台灣牛肉麵：揀左牛骨湯米粉湯底。眼見已經好足料，而且牛骨湯底好濃味，必試！叫左三款小食，套餐配既甘梅地瓜條只需要加$16。地瓜條香甜脆口，唔會太乾身，一條一條食唔停口。台式小香腸如果加埋蒜片就更好。起司蛋手抓餅本身以為會好普通，點知食落帶鹹香，又幾惹味。餐飲叫左無糖烏龍茶總括成餐飯真係超抵食，本身想食埋仙草凍甜品，但實在太飽，唯有等下次再食。

上一次食隔离果间越南河关注到这间台湾餐厅，中意甘梅地瓜的同学可以试试！下午茶人均40蚊，珍珠奶茶花香味很香，珍珠都好食，最惊就系奶茶濑野，无估到又几惊艳到我，哈哈哈哈。炸鸡腿是可以选卤水鸡腿同炸鸡腿，搭配d甘梅地瓜，我好中意，饮啖珍珠奶茶，正！冻饮加3蚊，加料加4，要加珍珠啊！！面线汤，很稠，原以为会好咸，估唔到色香味俱全，面线口感适中，中意，觉得下次可以试试其他野。下午茶人均40抵食，如果甘梅地瓜再多d就更好了！！

深水埗古早牛肉麵，餐廳位置近鐵方便，好彩同朋友早咗嚟，所以唔使等位可以直入，坐低冇耐客人越來越多。二人套餐可以揀兩款煮食、兩款小食+2杯嘢飲，都只係$200有找，幾抵食。食台灣嘢叫牛肉麵係基本，賣相又幾靚仔，味道都唔錯。朋友叫咗鹽酥大雞扒肉燥乾撈麵，雞扒分量十足，不過朋友話撈麵口味偏淡。小食方面我哋揀咗甘梅地瓜條，香口好味，過足口癮。仲有甜不辣，質感煙韌，配以甜甜辣辣嘅醬汁，好味。雖然份量唔多，但係因為主食已經好飽肚，少份量嘅小食反而唔會導致浪費食物，但又可以試多啲唔同嘅菜式，幾好幾好。芋香珍珠奶茶、蜂蜜蘆薈烏龍，味道正常，頗有台灣風味。埋單仲要唔加一！非常抵食，如果再嚟到附近，都會encore嘅一間小店。

！！！服務員態度極差，牛肉餅大失所望，鹹到好似食緊一匙鹽咁.炸物太乾太黑過左火侯.而且服務員唔識處理問題，不斷自言自語講說話比客人聽！今日一試不會再去光顧 🤦🏻‍♀️

今日收工和朋友去深水埗行街，行完肚餓就去了這間台灣餐廳。餐廳裝修幾懷舊feel.我和朋友點了2人餐。古早紅燒牛肉牛骨湯麵：牛肉份量好多，牛肉味都好重，好淋，唔會覺的韌。牛骨湯都好香濃，好好飲。麵都好滑，好彈牙。仲有蘿蔔真係好香甜，非常入味！鹽酥大雞扒牛骨湯麵：鹽酥大雞扒炸得非常香脆，唔會話好多粉，脆卜卜好好食。同牛骨湯又幾夾，幾好食。地道甜不辣：佢係用魚肉做的台灣地道小食，食落去幾煙韌幾好食。D醬有少少辣，但食落都夾。宜蘭迷你蔥肉餡餅：一碟有2件，迷你細細件幾好食，蔥肉好香濃，唔錯。台式小香腸：佢個質感有點似臘腸，但佢係甜甜的，幾特別，幾好食，唔錯。薑汁桂圓紅棗茶，幾重薑味，紅棗甜甜的，好滋補下。茉香珍珠奶茶綠（微甜）：甜度剛剛好，不會太甜，飲到淡淡的茉香味，唔錯。