古早牛肉麵 (Closed)

未有得去台灣旅行，唯有食下台灣菜止下癮。見到鋪頭裝飾偏台灣懷舊風，價錢仲要好合理，即刻比佢吸引。下午茶餐牌價錢超優惠，仲包一杯熱飲。特登問過店員，下午茶份量同全日餐牌係一樣！滷水大腸麵線：賣相同台灣食到既一樣。驚喜位係大腸份量好多！大腸洗得乾淨又滷得入味，足料又好味，推薦！特盛台灣牛肉麵：揀左牛骨湯米粉湯底。眼見已經好足料，而且牛骨湯底好濃味，必試！叫左三款小食，套餐配既甘梅地瓜條只需要加$16。地瓜條香甜脆口，唔會太乾身，一條一條食唔停口。台式小香腸如果加埋蒜片就更好。起司蛋手抓餅本身以為會好普通，點知食落帶鹹香，又幾惹味。餐飲叫左無糖烏龍茶總括成餐飯真係超抵食，本身想食埋仙草凍甜品，但實在太飽，唯有等下次再食。