廣東燒味餐廳

Open Now

Now Closed

葵芳呢間...難聽d講句...真係黑店黎平心而論..d食物都ok..可以食得落肚但d服務真係差到喊，頭先去買個燒味飯食，叫左之後就等喇，已經同個樓面講左三、四次要加多ｄ豉油，但後來佢就好似詐傻咁，落少少就想入袋，同佢講聲話要多ｄ豉油，就面黑黑咁加返俾我，想叫佢再加少少姜蓉(今次就詐晒傻聽唔到咁)，跟住個收銀用好差既態度講「要加錢ga wor!!」，搞到好似乞佢食咁，仲慘過做乞兒！！跟住我嬲到連個湯都無拎就抽埋盒飯走左去！！我以後都唔會再幫襯呢間野！！從未試過食飯食到咁受氣！

今晚買咗半斤义燒及半隻油雞返屋企食! 返來o羅!今次d水準返來o羅! d 义好有蜜汁味, 燒得好均勻!好味! 而d油雞雞又瘦又滑! 回復以往水準! 正!

昨晚忽然想食四寶飯, 咁咪諗起廣東燒味啦! 通常斬料都會食佢! 今次叫了兩個套:-乳豬四寶飯- 乳豬好脆好味, 义燒唔夠蜜味及過淋, 其他紅腸,咸蛋一舨, 但d菜就又硬又老,以及d飯硬到不得了!鹽局雞套餐- 雞唔入味有d似雪雞! 菜同飯一樣差!新年時佢d燒味食到我老媽, 姨生女等人回味無窮! 希望佢快d改善番啦!

係屋企附近搵食，新開張走o黎試下。兩個人叫了燒味套餐及一碟滑蛋叉燒飯。燒味套餐要了燒肉、叉燒雙併，燒肉皮不單止不脆，又硬又韌，差點咬不開，而肉好”鞋”，叉燒一點蜜汁味都冇，又係好柴皮。而滑蛋叉燒飯-芡汁多過蛋，好像食芡汁撈飯。最好就係杯凍奶茶，夠香濃。又話叫”廣東燒味”，D燒味一點都唔掂。隔兩間的燒味舖好食過佢10倍有多。