Video
7-min walk from Exit B, Yuen Long MTR Station
continue reading
Opening Hours
Mon - Sun
06:45 - 22:30
Above information is for reference only. Please check details with the restaurant.
家庭晚餐今晚有老有少一行十人到廣東餐廳小廚晚飯，家人喜歡海鮮，餐廳有來料加工服務，價錢為公道市價，於是我因應母親大人吩咐去街市買了奄仔蟹和新鮮鮑魚，另再點了九道小菜。櫥窗掛滿各種廣東燒味，然而，那串串掛著幾個焦糖色的的東西對我來說頗新奇，不禁停步注目，一問之下原來是市面罕見的傳統菜式，金錢雞 和 蜜汁雞肝，那當然不能錯過，我決定點幾個 雞肝（$8/件）試試，正考慮 金錢雞（$25/份）可能太肥膩，就不讓三高爸爸試了，怎知他進來時早發現了它，而且甫坐下立即嚷著要試，於是也就順他意點一份來分嚐。飯店先送上例湯，是老火花生雞腳湯，喝著有家的感覺。雞肝 表面有焦糖色蜜汁，微微焦香，內裡軟嫩，味道濃郁甘香，絕不輸法國鵝肝。金錢雞 我沒試，只知道爸爸吃時頻頻讚好，還說走時要點一份打包（可惜被我勸止！三高人士，還是淺嚐好了！）。我忘記了自己想試 琵琶鴨，點了半隻 燒鴨，賣相吸引，大大份，味道也非常不錯，果然是做燒味的，絕對對得起自己的招牌。薑蔥炒蟹 一來，賣相非常了得！一上桌大家不禁嘩嘩聲，一看就知夠鑊氣，薑蔥給得豪爽，火喉剛剛好，蔥保持爽嫩，吸收了蟹汁，特別味美，我買的蟹很多蟹羔，蟹羔仍緊緊地留在蟹蓋和蟹身沒掉甩，可見廚師夠功力。陳皮蒸鮑魚 清理得乾淨，火喉掌握得不錯，肉沒有因蒸得過火而變靭。美極中蝦 蝦肉鮮甜爽口，夠鑊氣，不過咸，薄殼蝦連蝦殻都能吃，讚！另外我們也點了 豉汁蒸盲鰽、麵醬炒涼瓜、蝦醬炒通菜、黑椒牛仔骨、豉椒炒蜆、椒鹽鮮魷，每樣的味道合格。蘿蔔炆牛腩 份量充足，牛腩牛根都很入味，唯蘿蔔沒有燜得足夠，不夠軟林，口感硬，有點令人失望。想不到 淨湯米粉 竟給我們驚喜，店家的米粉口感似檬粉，彈牙，親友吃完一碗又點一碗，十分推介。
continue reading
平安夜慶祝，順便慶祝埋小弟升職。食生不如食熟，又嚟到廣東食啦！一早訂左位，所以人多都唔怕！難得我臨時加位調枱都無詐形，今時今日咁嘅服務態度邊度搵？野多就唔駛講啦！試左最新推出嘅酸菜魚煲！嘩！啲湯底好味到我變左煩膠吳若希係咁問「點解嘅！點解嘅？」點解咁好味！我唔食魚都鍾意呢個魚煲！十分有九分！跟住啲燒味當然唔少得啦！依然係無得頂，想知有幾好食？自己過嚟試！我地食大閘蟹，佢地仲貼心煲埋薑茶俾我地驅寒！無得輸！
continue reading
今天如常的很忙，三十幾度，老闆要我東奔西跑。又或者應該講係，我有個好老闆，衹不過喺office我本來就係要東奔西跑嘅角色，我哋啲西裝友喺呢個天時特別辛苦，收工之後我決定 斬料 返屋企同阿媽食好啲。半邊燒鵝，有油光好靚，燒鵝肉嘅味道好有鵝肉味，啖啖肉唔算太多骨，唔算鞋口但應該唔算嫩滑，食嘅時候點啲酸梅醬就very good，只係不過齋食嘅話就算係有啲鹹。燒肉，燒肉嘅肥肉同瘦肉都算平均，咬起上嚟啲燒肉皮都算脆卜卜不過又有啲硬，啲燒肉味道正正常常，但係唔知點解有幾嚿特別鹹。生活艱難，其實食乜嘢係乜嘢味真係冇所謂， 最開心就係返到屋企同阿媽同家姐食餐飯。老闆，我當然知道你會睇到我呢篇openrice文，我唔係怨你，只不過我真係好辛苦， 可唔可以請多件 行街佬 呀，請個fresh grad嘅 PT都好吖。
continue reading
老公生日搵地方食飯, 聽人講元朗廣東燒味小廚好食就去試吓｡ 原來餐廳可以預定海鮮, 真的不是一間普通茶餐廳｡去到餐廳門口巳經見到燒味好靚, 入到去地方寬敞枱與枱之間吾迫同乾淨｡ 第一感覺巳經不錯｡食飯最緊要都系食物同味道, 我們點了﹒﹒﹒芝士龍蝦伊麵 - 芝士汁好味, 龍蝦新鮮, 伊麵爽口鮑魚燜鵝掌 - 鮑魚同鵝掌燜到好入味 (媽咪好like)蟶子燜米粉 - 平時蟶子總會用豉椒炒, 今次燜米粉好有新意豉汁蒸鱔 - 豉汁味岩岩好, 鱔好爽口冰鎮秋葵 - 好fresh美極牛仔骨 - 口感同味道啫啫通菜煲 - 少少辣好正芝麻蜜香炸雞 - 皮脆肉滑帶少少蜜糖味, 同一般吊燒雞不一樣生日飯吾少得壽包, 餐廳都有得食, 好perfect 大家食得好開心, 非常滿足的一餐 一定會再幫襯
continue reading
前2晚打算同成班屋企人食飯，見屋企附近開左間新燒味店，又有小菜個啲，就走去問下有無得訂枱，因為屋企比較多人想佢地坐得舒服啲🤔 點知真系有得訂枱，個叔叔仲問我使唔使訂定隻乳豬，同屋企人一齊食。咁我見我屋企都幾多人，燒隻乳豬都無妨，所以就要左。🤓 最好既地方系佢會問定我幾點到舖頭，可以去之前先即刻燒！唔使怕凍晒唔好食！🎉到個日去到，一上隻乳豬，嘩！真系熱辣辣香噴噴！好靚仔！個個親戚都忍唔住系咁影相😂 正所謂色香味，色香都俱備，味道都好好！😍一咬落去塊皮真系脆卜卜，啲肉好嫩好多汁，成舊擺落口真係好好食！😵😵無論係自己嚟食燒味飯，定係一家人叫餸食飯，我都好推介👍🏻（唔好意思其實仲有其他小菜但唔記得左影😂）
continue reading