GUM "JENG!" X 御前上茶 (Closed)

突然想試試咖喱，叫了一個咖喱「安格斯」牛肉，牛肉有2片，味道一般。咖喱質感有點稠，味道有點淡。失望而回。環境不錯，看起來算乾淨，不會太迫。但是坐位沒有椅背，坐得不太舒適。

有一日,我朋友話帶我去食好好味既茶湯飯la!! 咁我梗係第一時間openrice 啦!! 正正就係Lee 間”御前上茶”!!個時一睇第一個comment 而經係” 我食過最難食既茶湯飯!!” 哈哈... 但因為死港女既我唔想諗食咩, 所以就去左!!! 其實!! 真心!! 真係唔太難食既! 起麻佢係日本米!! 上餐時, waiter 叮囑一定要落晒D湯, 佢話好多人落少少,所以覺得唔好食。 睇黎佢都有睇openrice D 負評bor!! hahaha!!點講呢?? 其實係好有家既感覺既茶湯飯!! 如果你有diy 過就知!! 飯面個D 有芝麻,有D 黃色野個D 粒粒(我個人形容為送飯個D味精野)先係靈魂! 成個飯既味道與口感都係係個到黎。所以點都唔會輸。只係你要衡量差唔多一百蚊既家的感覺值值啦! btw.. 佢跟餐唔洗加錢既凍綠茶先係應該收負評個個lao!! 叫得”御前上茶”wor!! 我知! 杯茶係跟餐送既.. 但比少少茶味都得掛?

平時嘅我就唔係太鍾意抹茶 但朋友鍾意就即管試吓啦泡飯就食得多啦 茶漬飯就真係未試過呢度有唔同口味嘅定食 就連湯底都有得揀:鰹魚汁湯/玄米抹茶/中華澄湯/濃豬骨湯今次就揀左鰹魚汁湯汁燒鰻魚茶漬飯 定食:飲一啖個湯底覺得都幾清淡 但撈飯食嘅話真啱啱好 但可能因為揀左個真係湯底嘅湯底食落好似都同平時食開嘅泡飯分別不太大抹茶鬆餅配雙色霜冰淇淋:呢個鬆餅可以揀配抹茶霜/焙茶霜/豆腐霜冰淇淋或者係任意配搭兩隻口味個waffle外脆內軟 仲散發住抹茶味 鐘意抹茶嘅朋友一定好鍾意！個雪糕兩隻茶味都好濃 又唔會太澀但有一個問題 就係溶得超級快。。。😝總結:都算唔錯個定食價錢由$48去到$98都有 飯份量都唔小真係好適合鍾意抹茶嘅人😆

旺角店之前已食過一次，食品無嘜特別，再光顧就是貪佢方便一站式食完晚餐再來過飯後甜品，那個綠茶雪榚牛奶凍味道本來都不錯，最慘要迫人用個厚揼揼木製匙羹又怪又不好feel, 有禮貌咁要求個乸口乸面既女侍應換個小鐵匙羹，點知負負氣氣答我話: 就咁走咗去, 嘩！佢係咪當入去啲客人三歲細佬返緊幼稚園學揸匙羹，如果隻杯咁巴閉就揾個箱鑲起去，真係見所未見，聞所未聞，呢個奇怪經歷事就在御前上茶旺角分店發生，雖然已即時同老板投訴話會檢討(同佢講真係袋錢入佢袋)，老實就算食品點好食都假，食到成肚氣背脊骨落, 老板請啲職員惡劣輕佻態度只會不斷趕客，價錢又唔係特別平，好食過呢間既同類食物或甜品店通街都有，我唔會再貼錢買難受! 咩嘢御前上茶吖，入去食嘢唔用木匙羹要被人御前扣查，真係笑大人個口！

服務態度非常差，尤其有一帶黑框眼鏡嘅女服務生，她將台單飛擲落台，加上黑口黑面，非常無礼貌，問佢問題個樣唔耐熉，難已相信今時今日以日本連鎖經營會有如此差服務態度！

旺角，日飯聖地，購物和食事均非常和味。是晚的2人套餐，小食六選二、主食八選二，奉上甘香抹茶，可加甜品（三選一）。我們點了關西章魚小丸子和蟹籽薯仔沙律。小丸子的粉漿不黏口，不會太腍，章魚彈牙，加上表面塗上薄薄的醬汁跟海苔絲，配合得恰到好處，但略嫌章魚有點小。蟹籽沙律的薯仔且剛好，口感豐富，蟹籽和薯仔二合為一，完美合拍。主食柚子醋蘿蔔蓉牛肉飯跟海老茶漬飯均是驚喜之作。牛肉飯的牛肉雖然量不多，但塊塊嫩滑，柚子醋的微酸中和了牛肉的飽膩感，添上了一抹清新。海老茶漬海老鮮甜爽口，茶漬飯清新襯托出海老的鮮味。甜品—抹茶慕絲蛋糕果然不負所望，回甘回味。抹茶甘香而不澀，慕絲creamy，兩者為黃金比例，若能稍微減甜會更好。餐廳設計簡約，適合女生輕食聚會，happy ladies’ night!

好耐冇同N小姐出街一出去就係咁吹水 最鍾意搵甜品再慢慢吹由於大家都係雪糕+焙茶控所以黎呢度食雪糕 最近都冇乜食雪糕🤤🤤呢間除左有甜品 仲有咸食 😳😳定係我一直誤會左呢度得甜品食呢🤔🤔好欣賞佢有焙茶雪糕食仲記得第一次食果陣就俾佢獨有烘焙過ge味道吸引（唔係呢間食啦）叫左個綜合聖代+鐵板抺茶鬆餅綜合聖代配焙茶（$62）呢個焙茶雪糕唔夠香 冇好強烈烘焙ge味道而且有碎冰 一d都唔滑 扣左唔少分都幾失望下鐵板抺茶鬆餅配抺茶雪糕（$60）一上枱好吸睛 zaza聲 估唔到食雪糕都可以za雪糕 都係唔夠抺茶味 唔滑同過甜鬆餅還可以吧

行到煙廠街就睇下附近有咩食！我同朋友都是一個抺茶控所以就諗住тryтry呢間主打抹茶既店舖💚有咸食又要甜食!good good!唔洗轉場.入面空間還好不算太細都好快就有位可以坐！呢間出名抹茶既野食但我諗都唔洗諗叫左個茶漬飯✌🏻可能實在太餓啦!.👉🏻鮪魚蓉茶漬飯茶漬飯我未落茶就試咗啖都幾鹹下！落咗茶落去中和返少少就變返淡味啲咁🤗✨茶湯是鰹魚湯汁,點點鹹！湯泡可在滿到飯面,攪拌後每啖都好夠味道😏就咁飲湯都oĸay整體上飯的份量剛好!1個人食非常飽肚!👉🏻蟹羔蟹肉親子茶漬飯呢個冇咁鹹就咁食！飯素同蟹肉食落好惹味但蟹肉未算鮮甜同新鮮👀湯既味道一加左蓋過了很多味道！蟹羔和蟹籽的分量更多會更好！中規中距吧！沒有太大驚喜不過其實茶漬飯都係個綽頭黎既啫😌食完我都係覺得食返個甜品好點😬😬👉🏻御前戚風聖代有焦糖麥仁、忌廉、抹茶凍、雙色雪糕、曲奇餅🍪麥仁脆脆配雪糕幾夾又硬又軟😻雪糕是綠茶加焙茶味✨抹茶凍就最喜愛啦！成杯野都算甜呀以為係日本人開但偷聽到原來間野係台灣人開嘅😙😙

之前黎呢間食過甜品覺得唔錯 見到有茶漬飯已經好想試，機會終於黎喇~我地叫左2個1人餐(蟹糕蟹肉親子茶漬飯、玉子牛肉飯、小丸子、唐揚餃子，套餐還包括搽茶及沙律)，另外叫了柚子蘿蔔蓉牛肉飯。茶漬飯很令人失望呀…完全品嘗不到茶香純粹只有魚湯味，而且偏咸。同埋搵唔倒蟹膏玉子牛肉飯相對不錯，不過牛肉飯都很難會難食…至於小食味道也很一般，小丸子機乎沒有“咸”反而朋友覺得柚子蘿蔔蓉牛肉飯中酸酸甜甜的柚子有點驚喜哦不過可能因為繁忙時間，所以感覺有點趕客，而且仲落錯單黎錯野食咸食就不太建議喇，想試甜品嘅朋友可考慮teatime黎食

雖然在日常中，額外添加糖份的甜飲已較少飲了(由過往最少每天一杯，至現時盡量每星期只喝一杯)，不過甜品呢，在外用膳過後，尤其晚飯後，甜魔便會跳出來誘惑，哈哈！素食晚餐後，在旺角頭慢步至旺角尾，來到這間台灣過江龍，點選在下最愛的抹茶甜點系列。這次選擇了這杯抹茶豆腐飲，冰凍的抹茶，茶味濃郁帶回甘，豆腐非常滑溜，由於豆腐是沒有味道的，所以沒有搶去抹茶的濃甘，只是添加了滑嫩感。

是日放假，當然唔放過機會搵朋友聚聚。之前行過廣華街，呢邊甜品多。呢間之前見到一個甜品已經70元，竟然開左有熱食，而且價錢唔貴。想食熱食，但又唔肚餓，可以揀呢間。我要咗叉燒拉麵，35元，唔大碗。湯係偏淡，叉燒反而夠味，唔係好match，平時食拉麵個湯頭係濃味，呢碗似係茶做湯。朋友叫咗甘海老茶漬飯，如果喜歡食茶漬飯應該會喜歡食，茶味唔濃，好清，朋友喜歡食。我自己幾喜歡佢杯奶茶，茶味幾特別，唔係難飲（以為日式餐廳會沖得麻麻）。係廣華街有得平食日式下午茶，都不錯。

上星期屋企唔想煮飯，諗住係樓下求其食。御前上茶剛開業時黎過一次食甜品覺得都ok。見未試過佢既晚餐，一家人6大1小諗住試下，坐底時侍應拍埋左三張細枱比我地，咁我地有小朋友又有孕婦，亦見到餐廳並不是滿坐，隔離又有張空枱，就叫佢拍埋比我地；我地亦表明佢有客時會即刻騰空比佢，但餐廳員工用惡劣態度拒絕話好快會滿座，我地所有人都嚇一嚇，廚房員工更申個頭出黎用兇惡既眼神望住我屋企人。既然咁想趕我地走，我地惟有轉去附近餐廳食。食完回家途中經過呢度再望入去，依然只有兩成食客大量空位，唔知係咪D員工唔想做，總之今次以後絕不會再幫襯。我不要求你有五星級酒店服務，我都係入黎食餐飯，唔駛當我地仇人咁掛。

利申左先，其實我都係第一次食茶漬飯，所以唔可以分辨到呢間係咪正宗，即管主觀講講食後感。首先，個湯可以揀昆布或培茶，我揀左昆布湯，因為感覺上夾啲。三文魚中規中矩，用熱湯淋面，其實都熟左少少。整體都唔錯，味道好特別。臨尾點左抹茶雪糕，都好唔錯👍🏼見大部份客人入黎都係為左食抹茶雪糕就知！

難得放假 食完飯梗係要食埋甜品直落啦呢間唔只係食甜品咁簡單 佢都有好多正餐可以食㗎 不過佢既抹茶甜品好出名嘅 夏天嘅時候d人為左買佢嘅綠茶雪糕更加係大排長龍添御前聖代 即係綠茶巴菲 我男朋友將佢既雪糕轉咗做豆腐味 當你享受緊個豆腐雪糕嘅時候 又突然咬到好煙韌嘅糯米丸子 之後再食都吹卜卜聲嘅脆脆 食多幾啖你就食到滑漏嘅豆腐 我覺得呢個豆腐既作用係好好似食完啲甜嘢要飲杯水清清個口咁 之後又食到甜甜嘅紅豆 到最後就係甘香煙韌嘅綠茶果凍做結尾 成個口感真係好複雜 值得提個豆腐雪糕唔太甜好味 抹茶蕨餅 唔係度度都有得食架 只有食到綠茶地方先有機會食 細細粒同埋出面有啲粉末包住 佢有d似日式嘅年糕 不過冇咁煙韌 就咁食係有啲甘甘地嘅綠茶味 要靠側邊嘅綠茶糖漿先可以令到佢變咗一個甜品 其實加左個綠茶糖漿真係好味好多 因為綠茶糖漿雖然係好甜不過用嚟配呢個甘甘地嘅蕨餅就啱啱好

有次同朋友發現呢間甜品店都有正餐食所以決定搵晚黎試叫左個芝麻雞翼 勁夠鍋氣勁好食！而且啲肉質都幾好 炸完都仲有好多肉汁好juicy然後又叫左個櫻花蝦意粉 又係好creamy好好食！不過最中意都係呢個紅豆小丸子雪糕！！！滑口得黎又好濃味！