GUM "JENG!" X 御前上茶 (Closed)

難得放假 食完飯梗係要食埋甜品直落啦呢間唔只係食甜品咁簡單 佢都有好多正餐可以食㗎 不過佢既抹茶甜品好出名嘅 夏天嘅時候d人為左買佢嘅綠茶雪糕更加係大排長龍添御前聖代 即係綠茶巴菲 我男朋友將佢既雪糕轉咗做豆腐味 當你享受緊個豆腐雪糕嘅時候 又突然咬到好煙韌嘅糯米丸子 之後再食都吹卜卜聲嘅脆脆 食多幾啖你就食到滑漏嘅豆腐 我覺得呢個豆腐既作用係好好似食完啲甜嘢要飲杯水清清個口咁 之後又食到甜甜嘅紅豆 到最後就係甘香煙韌嘅綠茶果凍做結尾 成個口感真係好複雜 值得提個豆腐雪糕唔太甜好味 抹茶蕨餅 唔係度度都有得食架 只有食到綠茶地方先有機會食 細細粒同埋出面有啲粉末包住 佢有d似日式嘅年糕 不過冇咁煙韌 就咁食係有啲甘甘地嘅綠茶味 要靠側邊嘅綠茶糖漿先可以令到佢變咗一個甜品 其實加左個綠茶糖漿真係好味好多 因為綠茶糖漿雖然係好甜不過用嚟配呢個甘甘地嘅蕨餅就啱啱好