嚐味 (Closed)

今天晚上叫了一個二人餐及一杯台式飲品。先講二人餐，鹽焗雞充滿血水，炒菜明顯過熟，椒鹽蝦尚可,白飯凍冰冰，呈現僵硬的狀態。台式飲品--「凍」水蜜桃爆珠完全是暖的，真不明白，要熱的飯和凍飮這麼基本的事也不能達到，已使人很失望。結帳的時候，更恐怖的事情發生了!由於商場舉行抽獎活動，必須以電子貨幣付款，因此我進入餐廳前，得知該店接受八達通付款，怎知我到收銀處付款時，卻發現八達通機貼上紙，示意過了截數時間，收銀員表示十時截數後便不接受八達通，其實如店子有這樣的規定，應早點告知客人，侍應剛才也是每枱通知客人截單(last order),但該收銀竟說這是公司規矩，不可能通知每抬客，更責駡客人不該不帶錢吃飯，我當然有現金，只是不滿她這樣的服務態度，我付款後，表示以後也不會再光顧，該女子完全沒有歉意，繼續駡人，表示不再惠顧也沒關係，最後另一待應打圓場道歉，該女子才收口。客人付錢吃飯，反而被駡，食物水準連基本要求也不能達到，這樣的店子還可經營多久?

今早去了沙田公幹，辦事完畢後已經十二時多，又適逢午飯時間，於是在下先用膳再繼續在下餘下的工作。原本行經排頭村的排頭餐廳，可是見到太多人便沒有進去，後來再到連城廣場看看，就發現這嚐味，看過門口餐牌已經選定了要吃甚麼。上星期到九龍灣淘大吃過去骨海南雞飯，在下不知道這裡做得如何，因此點選了這菜。服務員端上了去骨海南雞飯後，賣相尚可，但是油飯卻較啞色，色水不夠亮澤而且很乾身，雞屬於中規中矩，沒有異樣，醬料不是分開三碟，而是混和了。吃下海南雞後，雞不是嫩滑，油飯也是在下看到的一模一樣乾身，可以說是雞油少之又少。這是較差的海南雞飯。另外在下加了五個大洋要了一杯凍咖啡，咖啡味也算十足，奶和咖啡糖水尚算恰到好處。在下去好時吃個海南雞可好過這間呢！服務方面尚可還OK的，不過坐位有點狹窄。

昨晚太遲去聖詩會所以完了才有空找吃的行到去連城已經十點Euro Gogo截咗單所以再試吓搵食結果行到尾俾我見到這間店看看餐牌價錢相宜便入坐了身型魁悟的店員 (應該是經理) 很有禮沒因我在他們就快打烊的時間而變了面色我點了... 香妃雞還是貴妃雞米線本來想食河粉, 但賣完了米線較稔身湯味幾鮮不過我猜有落味精吧欣喜的是有大量的唐生菜跟米線而且雞肉的件數不少我食晒D米線仲有雞肉剩後來才望到他們是有營食肆唔知係咪因為咁所以俾多D菜呢唔想阻人收工所以我也識趣快快脆脆食完埋單其實想客人快些賣單不一定需要黑面的雖然我少來沙田但絕對有下次雖然味道只是中規中矩但食得開心也不是必然的我俾笑面是因為被誠意打動

第二次來這裡吃，第一次來到的時候就覺得此店沒有什麼特色專長，什麼品種的食物也有，其實跟茶餐廳差不多啦。這次叫了個梅菜扣肉飯，菜單上說是師父秘制，所以便叫了試試。果然，叫個普通不過的地道菜式可能比其他風味食物更有驚喜肉肥瘦得宜，不太油，梅菜也不太咸，肉入口有點即溶的感覺，所以，很快便吃完了全碟飯，而沒有吃滯的感覺。就這次吃飯來說，還是不錯的，但價錢可更便宜。

星期六賣旗後，到沙田新城市開歺，最終去嚐味，因為囡囡想食海南雞到達時已10點＋個字，落單時已10點58分...点解咁清楚....11點是分水線，侍應姐姐話海南雞歺在11点後才供應，我諗囡囡回答也正常"過幾分鐘後先落單"，侍應姐姐對答更妙"可以現在落單，11點後先可以出海南雞歺"，當然一次過落單。海南雞歺 - 結果到11點05分，第一份上的歺奇唔奇？兩份早歺未上已有這原整套歺棷子湯 - 好甜，渴後口乾，但唔似沒有味精上湯時蔬 - 西生菜...我家字典中"西生菜是生食"，熟了就油飯 - 如沒有吃錯，加水番蒸，味過濃海南雞 - 應該是海南貴嬇雞，加入廣東香料，一雞兩種味豬軟骨湯麵 - 台式的，即是肉臊甜味，仔仔最怕，麵夠彈牙補數，幾經辛苦才把麵吃完西式早歺 - 最穩陣，牛扒、炒蛋、火腿、朱仔飽，朱仔飽極脆 其如則是基本水平，比以上好得多食食吓，又入了3個客，於是侍應姐姐將兩張2人枱拍合。咦有空位....侍應姐姐不知從那取出一張枱，枱大細、高矮、顏色完全一樣，但居然是摺枱，唔通...配摺凳? 當然是...只有摺枱...都幾搞笑的歺廳約120元

下午，我要到希爾頓中心照骨質梳鬆症的關係，所以便要在附近吃。照完後，便去找東西吃，我們記得連城廣場有間吃無骨海南雞，於是便入去試下。我叫了：無骨海南雞湯米線－不錯，好滑的雞肉，不過米線如果爽這及不落芫茜就更好。媽媽叫了：雞絲湯拉麵－不錯，不過雞絲稍為淡了少許，鹹一點就更好！但本來我們想叫多一個灼芥蘭的，不過後來發覺灼芥蘭要三十八元一碟，所以我們沒有叫。（幸好我們所叫的食物中有幾條生菜，否則我們便沒有菜吃）服務態度不過不失啦！下一次我會再來的！

今日星期日在沙田好難搵位食野，在連城廣場見到呢間食肆唔駛排隊，就入去叫咗個二人餐：1. 無骨酸辣雞--完全冇雞味2. 冬蔭公海鮮湯--好難飲，好似飲緊椰汁加湯，味道好奇怪3. 炒通菜--冇通菜轉為牛肉炒菜芯，冇味，差過阿媽煮4. 魚餅--ok5. 肉碎炒飯--甜甜地，怪怪地6. 凍檸茶--好甜一句講晒，唔好味，不會再來，優點是便宜！

中午和舊同事食飯，佢地話呢度係飯堂，對我黎講味道不算特別好，但勝在環境ok、份量多、價錢也相宜。雞扒滑蛋飯：蛋滑得黎生左d；雞扒煎得皮脆，但肉質不算滑。雞扒豬軟骨飯：豬軟骨肉嫩汁香。雞扒豬頸肉飯：豬頸肉得三塊，肉質 “靱” 左d。豬頸肉肉燥飯：肉粒雖然唔夠香，但醬汁唔太咸, 撈飯好味。雖然食物唔算好好味，但好開心和一班舊同事既小聚。

呢晚同男友仔入左沙田行街街~行到肚仔餓, 又係搵食既時候...3 心 2 意, 結果揀左無人等位既呢間 <<嚐味>>通常食飯時間都無人等位既舖都.........不過我地都打算冒死一試, 吼吼!!睇左一陣 menu 就有決定啦:- 香矛雞扒豬頸肉飯 ($42)- 凍檸茶 ($4)- 芥末牛扒 ($32)大約 10 分鐘左右, 有野食!!香矛雞扒豬頸肉飯 - 個賣相唔錯, 雞扒好食, 肉滑入味, 讚! 可惜豬頸肉唔得, 燒得太乾, 肉硬又"鞋"凍檸茶 - 唔會過甜, 不過不失芥末牛扒 - 肉質算唔錯, 味道一般, 靠芥末醬, 份量超少, 大約 10 條仔...唔抵!經商議, 我同男友仔都覺得整體上....麻麻!未必會再食了, 希望加油~

上星期五男朋友放假去咗沙田連城廣場睇下有咩食, 見到嚐味新開張, 而且應該係味皇集團嘅, 因為食物都係一樣咪入去食囉! 點知入到去D員工服務態度勁差叫個女仔落單佢竟然唔彩我, 跟住係隔離張枱到執野, 後來終於叫咗第二個落單, 我order咗一碟無骨海南鷄飯, 男友就order咗一碟紅酒燴牛舌飯, 兩碟飯來到後, 我碟海南鷄飯勁小鷄囉!仲要好似垃圾咁好樣衰囉!都算..........我男友個碟紅酒燴牛舌飯唔知點解會變咗黑椒牛舌飯囉跟住問個侍應,佢態度勁差咁同我地講跟住我話黑椒汁嚟架喎佢仲要答我嘩!我地真係勁嬲囉,擺明就係黑椒汁仲要話係紅酒汁服務態度超差食物水準劣我地真係以後都唔會再去食囉

不嬲去沙田食嘢都會連城上面既food court行先，貪佢就腳同埋比較便宜。今次上到去見到開咗間新既食海南雞，所同男友去試下。 入到去，我覺得地方好窄，好難先入到去坐。張枱又細，根本放多少少嘢都冇位。我地兩個叫咗海南雞飯餐同埋鹽焗雞飯、紅油抄手、草莓鴨胸。其實佢d 嘢都算唔錯，最鐘意草莓鴨胸，咁耐以黎第一次嘗試，好鐘意食。紅油抄手唔得，一d 都唔辣。兩個雞我比較鐘意海南雞，鹽焗雞太淡，太多骨，冇肉食。食完我同男友都唔想逗留太耐，食完都即刻走la。

12：15PM黎到食Lunch，唔洗等位。 $39 嘅海南雞飯，唔包飲品都算！食物質數好一般，兼且服務態度其差！叫服務員加水，佢只係加半杯，唔知道仲以爲啲水好貴。另一個肥侍應，問都唔問就收咗我未食完嘅飯。大哥，唔係唔俾食埋D伴菜呀？！食完飯，飲完杯水，佢仲仲拿拿林收晒枱面上嘅嘢！知你想做多啲生意，但都唔洗咁趕客呀嘛？！呢間嘢，冇下次！

是日monday假期,岩岩係大陸玩完2日落黎攰到飛起,求其搵間野入去就食啦...唔想諗...5點半左右,仲有下午茶,見到緊係即叫啦,餓到傻咁滯...酸辣肥牛河$37我點了個『酸辣肥牛河』menu係咁寫的【湯底可選擇:酸辣,麻辣:大辣/中辣/小辣】咁我就問個似係經理的男人:我要酸辣既大辣!佢話酸辣冇得揀大中細,ok咁我就諗住黎到先再自己加辣椒油好~上台,一睇.e?!酸辣=只酸不辣?!真係一少少辣都冇,係完全清湯上加酸菜...我係要酸辣肥牛河呀,唔係要酸菜肥牛河囉...算了,我係大陸玩左2日,冇乜力同佢嘈,自己加辣椒油算了男朋友點了個吉豬蛋飯,個吉豬都唔錯,幾脆,但個蛋...係冇味,雖然係有汁,但唔算惹味吧...30幾40蚊絕對唔係貴,如果好食,俾多個double都冇問題...但40蚊要我要個咁既『酸辣』我覺得一d都唔值囉...

服務簡直係不知所謂夜晚9點40分去到, 叫個侍應落單, 要左個二人餐. 首先, 大熱天時, 一杯水都冇, 簡直係奇怪. OK, 你話係環保.一直O係度等左15分鐘, 飲品未黎, 連拼盤都冇. 心諗唔對路, 可能落漏單, 所以問經理. 經理過左去櫃台一陣, 之後問邊個侍應落18號台O既單, 果個幫我落單O既侍應O係度笑, O係佢個袋度拿返幫我落單張紙, 走去個櫃台. 其實果時已經冇乜客, 咁都可以落漏單, 真係莫名奇妙. 本身都火火地, 另一個經理同我地講唔係落漏單. 事實係點, 大家心知肚明? 張單係寫左2157落單D野食一係唔黎, 一係就突然間出現, 不過只係兩杯凍檸茶同一個海南雞飯. 我地要再同佢講仲有一個麵未黎, 佢先急急腳俾我地. 麵黎到, 同佢講仲有個拼盤未黎, 佢先至去整. 個侍應落漏單, 之後O既服務仍然係咁唔上心, 唉...講返食物, 海南雞D肉"鞋"的, 避風塘茄子D蒜一D味都冇, 茄子好濕. 其餘食物例如豬頸肉, 炸蝦只係一般.埋單時, 因為佢地埋緊數, 所以唔可以用八達通俾錢 =.=. 依D係咩服務方式?

自從連城廣場大裝修後，很多食肆都不同了。晚上來到，發現沒有什麼吸引的食店，就去試試新開的嚐味。店員推介二人餐，好像是$168（還不用加一），兩個湯粉，一個菜，兩款小食，還有兩杯特飲。普普通通，份量多，飲品過甜。整體來說，非常抵食！但又不會特地來吃的餐廳。