嚐味 (Closed)

同太太在沙田行街，行到累了，我們心中就出現了下午茶這一個念頭。不過，在沙田要找平平地的下午茶，選擇可真的只有快餐店? 我們不甘心，決定往連城廣場的食肆層找一找，結果，太太選中了這一間名叫《嚐味》的餐廳。選這兒的原因，主要因為有東西適合素食人士，而這一個所謂的素食，就是他們的咖喱配薄餅。說真，這的確只有咖喱同薄餅，感覺很單調。我叫了一碗麵，可是店員送錯了給鄰檯的伯伯，而那伯伯又毫不客氣地食了，到真係佢果份出現時，才知道弄錯了，那將錯就錯，我食佢的那個什麼肥牛蕃茄麵，感覺一般般。奶茶，明顯的奶不夠，茶太苦，不合格。整體感覺，很一般.....或以下。

HKD110 兩個人食 lunch. 叫左沙彊無骨海南雞飯連凍飲同埋鹽酥雞肉澡飯連凍飲.Really sorry that 雞無雞味又勁 '鞋'.飯又只係白飯唔係油飯. 雖然可以話係 HKD5X 價格貨色, 但同一價錢行多兩步去沙田中心附近會好食好多.鹽酥雞肉澡飯等左 over 15 分鐘, 佢話即炸喎.炸到雞肉乾咁, 最大問題係肉澡 D 肉好 '梅', 只能講有隻'老'水蛋係正常少少.

新城市好多餐廳，但最中意去就係呢間，雖然唔係平，但貪佢夠好食，返完成日工食餐好飯人都有動力啲，今次食燒雞排炒蛋飯，雞排夠大塊抵食，精髓係個蛋度，熟唔透嘅蛋撈埋啲飯，令本身平平無奇嘅白飯昇華左一個層次，大啖大啖食哂落肚杯凍菜蜜同一般茶記差不多，但就冇咁多冰，唔會飲兩啖就「下，完左？」見隔離枱啲湯都唔錯，下次叫返碗例湯飲先

久違的嚐味香茅豬頸肉配香油飯豬頸肉一如以往的彈牙爽口，香茅汁香得可用作拌飯，可惜發揮唔到佢的用處，因為香油飯已經夠香夠惹味，令人很想添飯，只好將豬頸肉大大力點滿香茅汁，才不至於浪費，整個飯被我吃光光，但仍回味無窮，最後發現拌碟的生菜配香茅汁也是一流，最後連拌碟也都清光，希望廚師有把茶洗淨吧泰式炸蝦餅泰式辣醬偏甜，惹味，適合小朋友和不吃辣的人，這個價錢有蝦餅四大塊算是合理，蝦餅的味道不錯，但肉質較鬆散，口感不太好，但整體而言，都是美食！會再來！

難得撞正朋友忠哥放假，我一家三口就入沙田探下佢吧。午飯時間，我地由瀝源行到去連城廣場，都唔覺得有咩特別想食，去到盡頭見到哩間食店，感覺上比較實惠，就入去試下吧～坐低安置好BB，就睇下有乜好食先。忠哥話想食【豬手飯】，老婆喺南非嘅時候食過幾次印度人煮嘅咖喱之後就中意咗哩味野了，加上食過 大快活 嘅出品，就成日想食了，就【咖喱雞飯】吧 我睇黎睇去都唔覺得有咩特別好食，就黎碟【牛脷飯配洋蔥汁】吧，除咗忠哥想飲奶茶外，我同老婆都想試試佢地個【例湯】～先上檯嘅係【豬手飯】，賣相唔錯啵，豬手上有榨菜粒，唐生菜鋪底，旁邊有粒小番茄，青瓜片，仲有個醬汁添～加埋有一碗分量嘅油飯，感覺好豐富啊 試試啲豬手先～夾一件點下啲汁。。。其實味道唔差的，豬手本身嘅味比較寡，但連榨菜粒加醬汁一齊食，味道就合理得多，整體上就算係食得過了雖然有啲位唔係太易咬，但口感軟中有咬口，經濟飯餐，要求唔好太高，其實算係咁喇～（評分 : 6.5/10）跟住就係老婆嘅心頭好咖喱雞配白飯了。但賣相唔係幾吸引啵，啲雞好似好細件咁，切成一粒粒容易入味嗎？ 分量感覺上亦唔夠多，聞落亦唔多香。。。試試味先。點講呢。。。。。。唔係話難食，但味道一

中伏了...係餐廳門口睇到個餐牌真係唔差, 入到去叫左個海南雞飯, 飯不是普遍吃到既油飯, 唔會覺得有油味, 似淨白飯...雞肉都冇咩特別, 完全唔滑...仲有叫左個香茅豬扒炒蛋飯...味道真係唔好味, 好普通, 豬扒似普通炸豬扒, 炒蛋老, 唔滑...連送飯既汁都冇...茶記既味都好味過佢好多...

馬鞍山出名劣食天堂。一係冇野食 選擇少 一係冇野好食 難食呀呢間嚐味開左係馬鞍山頌安商場一個月到頌安商場冇乜好食 得幾間大家樂 麥記 稻香 乜乜乜嚐味又為頌安附近幾個屋頓嘅居民加多個選擇先講環境方面 格調的確唔錯 係幾令嘅 講真 食餐飯梗係想舒舒服服啦！食物方面 首要賣相要讚第二味道都幾錯 同屋企人四個人 叫左個 1.海南雞飯二人餐 $128 -無骨海南雞半隻-炭燒豬頸肉-肉燥四季豆-香油飯兩碗2.喇沙二人餐 $108-雜錦喇沙米線-香茅雞翼拼泰式魚餅3.咖喱薄餅想特別講下嘅係 佢個汁 食雞食豬頸肉 炸野都會比你呢個汁認真開胃 酸酸地 薑蓉魚露混賣 點乜都好食！員工態度都唔錯 唔明又好好錦解你聽！讚！最後總共賣單 $265 食單大部份野食都$50幾起跳 除開宜家每人$60幾到 算係錦啦！幾滿意 大家試下！

這間嚐味真係勁差呀！我同女友叫了兩個飯、分別係豬軟骨滷肉飯同豬手飯、 個豬軟骨滷肉飯d豬軟骨完全錯晒、d肉諗到一劈野咁、味道竟然係糖醋排骨味仲要係涼嫁、d滷肉又小又冇味…錯晒！至於個豬手飯就真係一山還有一山高喇、d豬手好似白拾燻蹄咁、又係冇味嫁、d酸菜就係街市買2蚊包果d、仲要水都唔沖兩 o下就擺上去、個飯係油飯黎的、但係就只係d飯染了黄色囉、一d雞油味都冇d飯又爛…個汁真係嚇死人，大家有冇食過白醋加辣椒油的雞醬呢？我從來都未食過一餐咁差嫁…火…火…火！！！

入到黎坐低左先記得重未check openrice，見到咁多個負評已經知道出師不利，但又費事起身走人，唯有硬着頭皮繼續頂硬上。為「安全」起見，點左難度唔算太高既「海南雞飯」餐，幸好總算有驚無險…海南雞飯套餐（$72）︰份量比我想像中大，$70幾蚊有湯有飯有菜重有野飲，凍飲重唔駛加錢添，算係咁啦！味道方面叫做不過不失，D雞用冰鮮雞就一定架喇，不過肉質都尚可接受，唯一要批評既係佢用左較為平價既雞胸肉，令口感較差。除左普通野好似油飯同油菜等不值一提之外，呢度特別要讚下佢既例湯，果個椰子煲雞一飲就飲得出雖然都落左少少味精，但係都飲得出係用左心機去煲，D料亦都落得非常足，絕對唔係馬馬虎虎，算係比較喜出望外既收穫。總括黎講，咁既價錢以沙田黎講絕對交足功課，不過非常好食就絕對稱不上，絕對唔值得山長水遠黎幫襯！

本來以為要到明天情人節才可與老婆仔相見但今天下午老婆仔原本要做的事取消了所以可以一聚吃個下午茶同時也是互相發洩工作壓力的時間隨意挑選下我們到了沙田的嚐味原因是老婆仔被菜單的肉臊飯吸引著我們點了30元的台式鹵蛋肉臊飯 和 28元的咖哩薯仔配印度薄餅先來的是台式鹵蛋肉臊飯其實我們都還未吃午餐所以這麼大碗是相當抵吃不過老婆仔卻說沒想像中好吃起碼蛋又鹵得太熟本是希望有一點點流心而肉臊的份量又不多味道也只是一般不過在肚餓的情況下而且這個價錢算是不錯我的是咖哩薯仔配印度薄餅相比起肉臊飯這個薄餅的份量真是少得可憐只有兩片薄餅幸好薄餅還算厚起初我還安安慰肚餓的自己說晚餐時間不會太晚所以就吃這麼一點點吧不過沒想到吃完後竟然很飽應該是因為薄餅很足料而且咖哩薯仔也相當好吃配合起來吃有意想不到的效果值得在不太肚餓時一試這餐廳店面不太大但可能是因為下午茶時段所以人不多吃完後我們還坐著聊天互相伸訴釋放壓力聊得很久也沒有被趕離開

喺呢一層美食坊行嚟行去揾嘢食 , 見到呢間餐廳嘅餐牌有好多款食物揀 , 就想試下。不過 , 叫咗嘢食先後悔冇睇到食評。俾我揀多次 , 我死都唔會入嚟坐。落完單後 , 叫個侍應攞三杯熱水 , 佢就攞咗三杯凍水。咁都算啦 , 佢拎走嗰三杯水嘅時候仲要倒瀉水 , 整到朋友條褲濕哂。無語。隨後送嚟嘅三杯熱水延續各人嘅憤怒。每隻杯內都只有三分之一杯熱水 , 好似連水都唔想俾你飲。唔叫又會渴死你 , 叫又俾得三滴你。想點?叫咗四款飯。唉......第一係無骨海南雞飯。諗住海南雞飯係招牌 , 就叫嚟試吓。的確係無骨 , 不過就嚿嚿都係雞胸肉 , 好鞋好韌。第二係美國板燒牛脷飯(洋蔥汁)。牛脷好冧 , 一咬就開。不過汁同飯都係凍嘅。第三係香茅豬扒炒蛋飯。OK啦......第四係豬頸肉鹵肉飯。"勁難食" , by 隔籬位。轉述該朋友的話 , 豬頸肉得三數塊 , 淡而無味。而且從未食過咁難食嘅台式鹵肉。谷住成肚氣食完 , 價錢又非常唔合理 , 好。食物質素+價錢+服務態度嚇死人。一句到底 , 唔會再嚟。

9點鐘既連城廣場, 每間食肆都唔洗等位, 任我地揀, 點解我要揀嚐味呢..... 賣相几好既無骨海南雞飯, 冇例湯跟, 油飯勁硬, 雞係無骨同埋都有雞味, 但超鞋, 咬到牙都軟埋... 雜錦喇沙拉麵, 唔知點解喇沙係會配拉麵, 而我地亦鬼遮眼叫左, 湯底完全無味, D餸肉肉酸酸咁放响麵底, 賣相仲衰過嗱咋麵... 不會再回來!!!!

看個菜單，雞應該是這間舖的招牌菜！ 賣相都算不錯，食第一口都不錯，算滑！但是食到雞肉時，就發現啲肉好硬，出盡九牛二虎之力先可以完成！不過個Sauce同杯奶茶都算不錯！＄48食這個SET，同一層都仲有唔少選擇服務方便，都可以話冇！個個都冇乜表情，我們想走翼，佢話要加＄8，仲要講一大篇道理講點解加＄8

以為食咖哩係安全啦，叫左個咖哩牛腩飯，咖哩好難好難食點知真難頂，第一次我係會剩哂D肉，因為D牛腩係酸既D汁都有D酸但冇牛腩咁酸朋友叫左肉噪鹽酥雞飯，肉噪好唏淡咪鹽酥雞好麻麻..肉噪鹽酥雞同平時出外食的味道都唔同...有點怪

沙田工作食飯的確係一大困難好味則貴平則不好味耐不耐都幫襯嚐味不是因為食物好味不是因為平係是一杯好飲的朱古力味濃而且香滑無論凍熱都保持到這質素今日食左個蕃茄牛腩飯起茶記食依個飯其實有d冒險$45 搏佢一搏其實味道唔差不過份量唔夠個薯仔又煮唔淋牛腩有點兒過肥下次還是食雞好