嚐味 (Closed)

沙嗲牛早餐好好味👍🏻👍🏻👍🏻有一日，路過隨便叫個早餐食，只係$32。佢嘅沙嗲牛麵棉質煙銀，味道十分之好。推介！試一試他們的早餐。不過出早餐嘅時間比較長。

經過赫德道行到攰來到這間嚐味，系門口望入去乾淨企理就入去一試，本身愛吃雞的我，選了招牌菜無骨海南雞飯、凍央、咖哩薄餅（忘了名稱）首先來的是招牌海南雞飯，賣相還可以，跟餐有椰子雞湯。先説海南雞飯，雞好嚡口，很乾不滑油飯冇油，不香，粘口，很乾身椰子雞湯好味，有排骨粒都仲可以理解為提鮮，飲飲下見到塊有骨豬扒，就令我聯想到燒味檔既例湯，將D頭頭尾尾掉哂落去👎跟餐油菜冇油，啞色凍央大杯，不過淡而無味咖哩好明顯用微波爐加熱，碗邊焦了，咖哩除了辣還是辣，無香味可言，薄餅較乾

本身星期六約咗人食飯去到尖沙咀點知俾人放飛機，咁一個人就諗住求其食啲嘢算，經過赫德道見到呢間海南雞飯好似好正咁咪入去試吓囉，叫咗個海南雞飯食有水準，唔算好貴又唔算好平味道唔差，服務態度仲好好添，如果鍾意食雞嘅朋友呢間我覺得可以推介吓

海南雞這道菜可吹到很大，什麼品種的雞配怎樣巧製的油飯， 份量少少閒閒地收你成百蚊再加一，或傳聞中五星酒店的更索價三百幾，味道是否成正比，我十分懷疑。命生得不正的我，唯有尋覓平民價平凡味。平凡其實不易，要實而不華，又要水準穩定要有自知之明，不妄動不偷懶，日復日地重覆，平凡可是一種境界，一種修行。這間店算是守到家業。話説這店用的是自家農場飼養的雞，肉質是比很多攞貨的雪藏雞好。吃下肉的纖維依然嫩滑有彈性，沒有霉爛没有乾，亦算有雞味。油飯味有油香，香料味不重，濃一點更好。有一些要改善的是飯撈得唔夠勻，有些深色有些淺色， 味道不夠均衡。

（第一日）泰式無骨酸辣雞湯河+港式奶茶（午餐）$58個泰式醬汁真係好加分，魚露的酸酸辣辣真係好開胃，而且仲有花生碎第一下，我先食雞翼，果然係無骨，但最欣賞的是原隻上，只係一邊開左個小洞去骨，令到上碟好原整，那麼小的一隻雞翼都花上心思。食物質素和味道就肯定高雞肉的肉質都算好嫩滑而湯河一望，份量吾夠多，可能會吾飽，點知一搞開，原來好實好多，打工仔絕對吾洗擔心。不過杯奶茶真係有d失望，好淡，太多奶？完全沒有茶味（第二日）坑燒香茅豬扒蛋炒飯+熱咖啡 $42 （下午茶）豬扒幾軟，而且真係有坑紋但完全沒有香茅味不過幸好有姜蓉，配飯食是最佳配搭。整體是好味的

今日去左尖沙咀赫德道食叻沙（又稱喇沙）,原本就想食大大粒雲吞麵，可惜太多人，所以就改去嗜味食叻沙。佢新開時食過一次，印象唔差，之後就未有衝動再食。今次叫左個什錦龍蝦湯叻沙配米粉$58，餐飲凍檸茶+$3。先講配料：雞肉似用海南雞，幾嫰滑，豬頸肉亦唔差。有豆卜，札肉，芽菜及半隻鹵蛋。配料豐富，雖然每樣只有一兩舊。湯底：叻沙但味道唔香濃，說好的龍蝦味湯底呢？蝦子味也沒有呢。總結如果湯底味道可以做到更好就好了。如果用食材可以取更多🌟，不過湯底

話說今日諗住原本去食印度野但因為朋友話想食平少少於是就入咗你泰國嘢到睇下 諗住平平哋入邊又有人裝修又唔差一定唔會伏啦點知🤷🏽‍♀️...平嘅話呢就真係幾平$40左右有埋嘢飲不過因為我哋早食仲有下午茶但食物嘅質素真係。。。因為下午茶關係我哋叫咗一個泰式肉碎煎蛋飯同一個鹽焗雞飯份量都比較細 先講個泰式肉碎蛋飯睇樣都知伏食落都真係伏...個肉碎又少又冇味 隻蛋仲要係凍嘅簡直係味覺嘅折磨...跟住講講個計大概40幾蚊八成都係雞皮又冇乜肉食落太油又冇乜味 睇到都唔多開胃...咁我哋諗住叫多個農夫包share la其實佢個咖喱都OK 入邊嘅牛腩硬左啲 芝士其實都夠 不過個包係燶哂既 不過呢個價錢講真都唔會諗住好食得去邊($78)但係冇諗過係咁差🤷🏽‍♀️如果自問對食物質素冇乜要求嘅朋友都可以黎試吓嘅不過我應該唔會再嚟呢度食😂

剛開張來過一次，海南雞飯本來已經不過不失，或者系今次第二次再來，發覺他們所謂的招牌海南雞，實在系小弟覺得最難食的海南雞.....又韌又“鞋”！！！！！一點海南雞應有的味道都沒有. 我想除了咖哩之外，一個肉碎煎蛋飯的肉碎，味道真的以為食緊譚仔的炸醬......anyways，真的吾會再去呢間野食，真的可以講句，難食到嘔P.S 呢間鋪頭的部份服務員水平應有待改善，你們不是普通一間茶餐廳，不應有粗魯態度面對食客

又係Friday night, everywhere in TST is full of people, and especially when now is World Cup’s period. 呢間看似茶記，其實環境幾好，坐得舒服，主要食星加坡/ Thai 食物，當然唔好要求係好 pro 果種。招牌無骨海南雞飯醬料做足三種味道，算係誠意之作；海南雞合格收貨，只係飯又夠油，冇油飯應有既味道而且呢個飯足足等左15mins, 係催促下先拿拿聲「不」出來比我黑糖rose tea 味道不太好海南雞的變奏，另一個飯係酸海南雞飯，係白飯冇咁吸引，醬汁都幾惹味。紅荳冰轉餐飲要加$12 ， 紅荳太少，奶又冇乜味。比錢同臨走兩店員都有講多謝，服務態度ok不過個價錢貴左少少，唔太夠飽。

我錯了我應該上openrice 先至入黎呢間野 我錯了見佢企理過隔離間茶餐廳 而為好味d點知...食個港式早餐都可以咁難食沙爹牛肉麵, 牛乳炒蛋, 多士, 凍咖啡沙爹牛冇沙爹味, 個湯一d都唔濃炒蛋 好老好鞋口 唔太信佢有落牛乳 自己屋企炒仲好味凍咖啡可以冇咖啡味 點樣整? 真心求指教最正常係個多士 少少過燶 但冇所謂啦 都係咁食普通茶餐廳既水平都做唔到...點解可以有咁多分店...老闆真係勁!!

尖沙咀區晚飯時間，每間餐廳都很多人，經過這店見到有位，見到門後餐牌有無骨海南雞就被吸引了選擇這店，見到超值410B二人餐的款式比較啱口胃，就跟朋友二人便點了這個餐無骨海南雞雖然肉質夠滑但味道很淡 點了醬汁食落口味道也是一般，泰式肉碎生菜包的肉碎很鞋口，串燒和牛粒也燒得一般 ，口感比較乾身，咖哩薄餅的咖哩汁很稀味道也很淡，所以寧願淨食薄餅，椰子雞湯只飲到味精的味道，跟一般例湯差不多，只有田園沙律菜配麻醬比較好一點，整餐食物的分量也比較少。

Laksa was creamy, full of peanut taste.Fired rice look good, the egg was not over cooked, and cover the rice well.Free soup, mostly coconut soup, good to skin.

行行下好餓經過寶勒行搵間茶餐廳食下午茶，門面靚靚地、相比隔離幾間茶餐廳價錢算公道，就揀佢啦🙂入到去先知食東南亞野，都有幾多野食，星馬泰咩都有，大包圍，不過最後都係叫左港式下午茶😂4點幾冇謂食咁多野～Order Jor 個吉豬薯，冇諗過食落塊豬扒有香茅味，有驚喜喔，炸得都唔錯。茶餐黎講。五香肉丁米，普普通通，不過不失。一杯馬來拉茶，甜甜地，不錯。不過都似沖粉個隻。其他野價錢平民，下次可以試試晚餐😋

剛好路過此地，見到窗外掛著喇沙之類的menu,所以便試試這間餐廳。本來早上十點多應該是早餐時段，幸好仍然可以order喇沙。油面和米粉份量十分足夠，而這款雜錦喇沙的配料也可以啊！只可惜雞肉的雪味仍然有些重😒湯底味道有椰漿味道，也挺鮮味，少許的辛辣，整體味道夠濃，不會稀稀的。印象不錯。希望下次再來試試其他的馬來咖哩吧！

今日一個人行到尖沙咀，剛剛好午餐時間，本來想食車仔麵，點知行過見到新開了這間店，吃叻沙，一於試吓！午餐係包飲品或湯，我揀了什錦湯叻沙有豆卜、雞絲、叉燒、豬頸肉、蛋、芽菜、生菜！湯底微辣，叻沙味可以，不過唔夠香濃，豬頸肉比較硬，豆卜好入味，雞絲有雞味！水果茶好多水果整體食物和環境都OK，如果有機會再來尖沙咀做嘢，都會再來，試吓佢嘅海南雞飯，因為見到大部份人都係食海南雞飯，而且聽到隔離枱話個湯好好飲，不過如果要湯就無飲品