炯記餐室 (沙咀道)

Open Now

Now Closed

店子不大由兩位招呼體貼有禮的大媽負責,不但細心介紹各款小食和招牌菜式,還專登為我們轉一張較單邊寬敞枱面的位置,當然由她發辦揸主意,要了一個不用二佰元的二人套餐,本來這個價錢不存任何太大期望,但上枱時不但賣相了得,份量十足,味道更是有驚喜,鹽焗手撕雞有咬口雞味濃,雞皮更肥瘦適中爽口,怪不得差不多每枱都見到;至於醬皇豬手伴以厚身冬菇,最重要是朱手無毛,已值得加分,另外兩小食:鹽焗雞腎及酸辣雲耳,轉眼已被清碟,不用多說,而腩汁油菜大大碟,最正就是鵝油撈麵不肥不膩,還襯上兩碗住家靚湯,餐後再來兩杯咸檸七,為這頓晚餐劃上一個完美的句號,200蚊有這樣的招呼、這樣的食材,夫復何求。

荃灣多嘢食相信大家都唔會反對，而呢間鵝油撈麵，相信大家都唔會陌生👫🏻二人套餐 $198🐓麻辣手撕雞（半隻）-呢個麻辣真係好辣 難怪店員話冇少辣得中辣 但個味道真係好惹味-三黃雞皮薄 肉嫩 份量都幾多🐖冬菇醬皇豬手-豬手有4大隻 入味而且夠腍-冬菇都夠入味 大粒d就perfect 🐥麻辣雞腎-雞腎彈牙 口感好-同樣麻辣味 辣得惹味🍝太子鵝油撈麵x2-招牌鵝油當然夠香 麵質適中-色澤都好吸引 味道有滷水味👍🏻🥬郊外油菜🥣是日靚湯x2🍹特飲x2總括嚟講，晚餐價值真係超值又超飽，味道又出色，唔錯

住荃灣咁耐都未試過呢間，有次同阿囡的同學家長傾開介紹我食“炯記餐室”，食左真係覺得幾正啊！推介🐧太子鵝油撈麵清湯牛魔王撈麵 *$66🐮有牛腩同牛肚，炆得好腍好入味，粗麵夠彈牙，配上鵝油同甜鼓油，入口充滿油香又唔覺膩，仲要大大碟添！幾抵食。🥣送左2碗是日例湯真係好足料好夠味加錢仲可以追加飲品我同朋友揀左幾款小食款款都咁惹味🐥海蜇手撕雞腸粉 *$48海蜇係超爽口，食完想再食，海蜇迷要試！手撕雞又係必點菜式，入夠嫩滑，啖啖肉，雞味濃郁；腸粉都好滑。必要ENCORE！🐷醬皇豬手 *$24*2粒豬手幾腍，滷水炆得入味，不會好黏口又食到啖啖肉的感覺。♨️四川麻辣小食麻辣牛肚木耳絲 *$28麻辣豬耳 *$282款都好惹味，我推介牛肚木耳絲，麻辣汁夠香，有麻辣香味而不嗆喉，就算唔食得太辣都可以食到。店員姐姐極力推介地獄口水雞下次我一定要試下！

三點三下午茶係時候去叉叉電😮‍💨 估唔到呢間荃灣都有分店而且仲有超值嘅下午茶套餐添！嚟到茶記梗係要叫返碗叉燒煎蛋撈飯啦🍳～ 金黃色嘅蛋汁包住每粒米飯，配上啖啖肉嘅叉燒同少許豉油，簡單又美味🤪 脆皮燒腩仔撈麵都唔輸蝕㗎！外皮燒至脆卜卜，肉質半肥瘦，香嫩juicy，鹹香滋味，包你食上癮💗小食方面都有好多選擇！海蜇微辣彈牙，燻蹄份量十足而且十分爽口，係餐前嘅冷盤之選🤭 鹽焗手撕雞味道鹹香🐔，肉質柔軟嫩滑，配上滑溜嘅腸粉都幾match！冬菇超級入味，生菜鮮甜爽脆，營養均衡，唔錯唔錯🙈最後試埋新出嘅阿華田五穀麥芽特飲🍫！阿華田味幾出，配上五穀麥芽都幾得意，口感豐富，值得一試～ 好立克就正常發揮，係童年嘅味道🤣

之前成日同朋友講開有間主打食手撕雞嘅餐廳原來荃灣都有分店今日決定同媽咪過嚟試吓餐廳裝修得幾靚而且感覺好乾淨店員服務態度都唔錯我哋諗咗一陣店員過嚟介紹咗有個二人餐話好抵食我哋見到價錢都幾合理$198 2人餐包括左我一直都想食嘅手撕雞雖然套餐包半隻，但係已經好足夠雞皮爽，雞肉滑嫩用上鹽焗口味，帶鮮鹹香味豬手肥而不膩，食落Ｑ彈軟嫩，配埋蠔油冬菇一齊食好滿足麻辣雞腎辣得過癮，雞腎無雪味爽口彈牙另外仲有一個小食係酸辣雲耳，做前菜小吃黎醒胃岩曬套餐仲可以揀鵝油撈麵/白飯撈麵用上鹼水粗麵，配埋鵝油簡直係一絕呢個套餐其實兩個人一定食唔晒下次人多可以叫朋友一齊黎食，性價比高

今晚又想偷懶唔想煮，去完荃新天地行街之後就同朋友係附近搵食，經過呢間炯記餐室好多人推介，一於入去試下先二人套餐 ($198)我地兩個人見到個二人套餐有齊哂咁多款人氣推介食品，有手撕雞、雞腎、雲耳、豬手同鵝油撈麵，再加一碟菜、兩碗老火湯同兩杯飲品，仲抵過自己買餸煮飯呀😜鹽焗手撕雞 (半隻)雖然話份量係半隻但其實都幾大碟，可以揀鹽焗或者麻辣，我地就揀左鹽焗，手撕雞啖啖肉，雞皮夠哂滑，上面加埋少少芝麻粒，好正😚麻辣雞腎麻辣味都好夠，係辣中帶麻既後勁，雞腎口感爽脆，作為前菜小食很不錯👍🏻酸辣雲耳雲耳口感清新，配埋酸辣汁好惹味🔥醬皇豬手好欣賞佢個豬手煮到好腍好入味，仲有豐富既骨膠原，啱哂我😚太子鵝油撈麵呢個幾乎每枱必點既鵝油撈麵，一人一碟唔洗爭，粗麵煮到好彈牙，配上鵝油同秘製甜豉油一齊食，好滿足😋郊外生菜🥬&老火湯最後食埋碟生菜平衡返就最好啦，仲有家的感覺既老火湯，好滋潤😍

炯記餐室嘅鵝油撈粗🐦 今日終於搵到機會過去試 🤤 好彩啱啱過咗食飯時間 入到去即刻有位😝 黎到炯記一定要試吓佢嘅鵝油撈粗🐦 我就揀咗配手撕雞🐔同海蜇 鵝油撈粗食落去淡淡鵝油香 😋但一啲都唔油膩 👍🏼越食越想食 😍 手撕雞都係炯記名物 🥰一食落口充滿着麻油同芝麻嘅香味 😙 加上去晒骨 每一啖都只有雞肉 🤩食完一舊就好想再食一舊🥳 海蜇就不過不失🤨 都相信係交貨黎🥲 另外都見到佢有一啲冷盤買走 😛 例如雲耳 牛肚木耳絲 麻辣紅蹄 🤭 不過今次未有時間 下次有機會再試🤓

炯記真系好多野都好好食，又想食叉燒，又想食豬手同鹽焗手撕雞，咁炯記四寶飯絕對系最好的選擇，只要60蚊可以一次滿足曬你3個願望，哈哈哈哈。鹽焗手撕雞：手撕雞肉質鮮嫩，非常入味，鹽焗味好香仲帶有芝麻香味。炆豬手：大大件豬手好入味，又淋又滑又有嚼口，啖啖骨膠原，食落一D都唔肥膩，非常好食。叉燒：味道偏甜，肥瘦適中，送飯真系一流，非常好食圖片中奶茶並不是炯記,系隔離鋪港式支装奶茶，有興趣可以試下，都好唔錯😂

上網睇先知原來炯記有幾間分店，我去嗰間喺荃灣。去到一定要食佢嘅鵝油撈麵🍜 我又唔係好講得出嗰陣係唔係鵝油味，總之又香又好食啦😋 麵嘅味道調得啱啱好，唔會太油，又唔會黐埋一舊。諗起都回味呀🤩撈麵可以配唔同配料，我就配左手撕雞🐥 可以選擇配煙燻燒鵝髀🍗、清湯腩🐮、豬手🐷、叉燒、油雞等等。單點同下午茶餐都係大概HK$40-50，行過值得一試😊💰: HK$40-50 pp (下午茶)💝: 7.5/10

上次bf推介就去左呢一間餐廳食嘢😎睇到OpenRice有好多人都話呢一度好有水準，就今日去咗試一試！果然冇介紹錯！我今次就試吓呢一個蔥油豬扒飯必叫之選，口感好好，香嫩多汁，咬下去好有滿足感，真係好正😋

炯記燒味今晚有客人來屋企食飯，肯定要斬料啦，甘就近近地去炯斬燒味啦。香港人真系好鐘意斬料加送，好多人，大約等左20分鐘。鹽焗手撕雞一隻HKD108：雞味濃好香味道好好唔算好喊好野味，但雞胸肉好乾，口感一般。秘傳煙薰燒鵝半只HKD220：燒鵝有炭燒煙薰味，一Ｄ都唔肥，好香好入味，連Ｄ骨頭都好入味。醬皇叉燒一斤HKD138：半肥瘦叉燒真系我Ｄ女最愛，叉燒味道好，好多叉燒蜜汁味道偏甜，小朋友最愛，送飯一流。

荃灣平價手撕雞飯!¨因為工作的關係，食飯都唔係咁定時有時下午茶時間先食午餐通常都有下午茶餐，就當係一個平Lunch如果唔係好大食量，都好夠飽我覺得呢間都幾抵食¨＊麻辣手撕雞飯＊($40)⭐️7/10雞肉睇落都覺得幾好食飯量正常，軟硬適中雞份量正常，係雞髀肉，食落都幾滑個麻辣汁非常香，都幾辣用黎餸飯真係一流！👍🏻跟餐送熱飲，叫左熱奶茶一杯正常港式奶茶，無特別好飲就唔特別講¨＊酸辣蒜香雲耳＊($20)⭐️7/10同行有一位同事，所以叫左個小食share小食份量都幾多，十分抵食個酸酸辣辣又有好香既蒜味，基本上食唔停口係幾好既開胃菜，十分推介¨炯記餐室 (沙咀道) (荃灣)荃灣沙咀道209號地舖‎٭ ‎٭ ‎٭ ‎٭ ‎٭✤環境 : 6.5/10✤服務 : 6.5/10✤價錢: 7/10✤回頭：Yes...#荃灣美食 #荃灣餐廳 #手撕雞 #炯記餐室

本身不好粗麵。 但光顧炯記數次，每次都點它的主打 - 鵝油撈（粗）麵。今次不選手撕雞，換換口味要了牛魔王撈麵。店員先奉上例湯，夠熱，濃郁，不覺有味精。麵的份量不少，醬汁撈得均勻，碗底沒有多餘的醬汁或油。 不會有太油膩的感覺，但吃到一半，覺得麵的梘水味頗重。牛腩有淡淡花椒八角味，部分肉質有點老。牛肚切幼絲，夠腍入味。碟底塾上西生菜。

.📍炯記餐室📍#饅頭去荃灣 #饅頭食中式菜------------------------------1️⃣ 麻辣手撕雞鵝油撈粗 ($48)呢間嘅下午茶都幾抵食，手撕雞份量都唔少，有髀有胸，雞皮有彈性唔會有過多肥膏，肉質唔會好嚡好乾，不過手撕雞調味近乎唔辣，芝麻同麻油味較重；但最重要係呢度嘅鵝油撈粗非常之香，粗麵富有彈性又冇鹼水味，甜豉油香氣夾鵝油好惹味，鵝油撈得好均勻，每一條麵條都充滿光澤又唔會過份油膩，以呢個價錢嚟經過講可以一試。------------------------------🔸整體評分：7.5/10🔸小編回頭率：7/10

今日同事無啦啦話不如食樓下嗰呢間手撕雞。我以為佢剩係得辣嘢，點知原來佢有腸粉！第一次食佢呢一個手撕雞腸粉，成碟清晒！平時腸粉有嘅甜醬麻醬當然有比齊你啦。佢有鹽焗手撕雞同麻辣手撕雞，我就叫咗個鴛鴦手撕雞，即係兩款都試晒。吃貨就係貪心㗎喇，鹽焗手撕雞清清地唔係太鹹。麻辣手撕雞食得過癮。加埋個神奇嘅蒸腸粉，一份令人滿足嘅早餐簡直令到我今日有個美好嘅開始！但係食完罪惡感同時增加，所以自行冇食下午茶，夜晚淨係敢食沙律。所以呢個咁邪惡嘅腸粉我會留返下次早餐食。仲有，姐姐啲服務好好！