炯記餐室 (沙咀道)

Open Now

Now Closed

今晚係荃灣收工 屋企冇飯開經過呢間手撕雞店🐥見好耐冇食過手撕雞 想過下口癮就黎咗食～黎到個陣19:00 見幾多人係叫外賣 入到去坐低環境都幾光猛企理我同同事兩個人就叫咗個 炯記二人套餐 $198 首先黎咗兩碗是日靚湯🥘今日係粟米青紅蘿蔔湯都幾清甜 每碗都有件粟米同蘿蔔 用料十足🥕🌽嘢飲🧃我哋就叫咗咸檸七同咸檸樂 唔洗再另加錢留意如果叫阿華田特飲就要另外加$10啦🥃而小食我哋就揀咗 麻辣雞腎🥓 同 酸辣雲耳🌶雲耳酸酸辣辣幾開胃 又爽脆雞腎又惹味 好易咬 之前係其他餐廳食過啲雞腎多數都係又硬又難咬㗎!成個套餐入面 冬菇醬皇豬手（例牌）係最好食嘅 一定要叫!! 燜得非常入味 又稔 平時係出面食開啲豬手真係有一半都係咬唔甩又硬但呢間嘅豬手真係有驚喜🫶🏻大概一碟有四件大大件嘅豬手🍖郊外油菜有菜芯同生菜兩款可以揀 我哋就揀咗生菜🥬當然唔少得主打嘅手撕雞🐥店員拎到埋黎個陣 真係嚇親我哋 成座山咁高….有鹽焗手撕雞同麻辣手撕雞兩款而我哋就揀咗麻辣手撕雞 都係非常惹味～最緊要係份量真係非常多 完全食唔曬不過個人就建議手撕雞或者雞腎 其中一樣揀麻辣 另一樣就揀鹽焗 咁就可以試曬兩種味 下次再黎食 我就會試

雖然個招牌寫住手撕雞但唔只得手撕雞，仲有出名嘅鵝油撈麵同燒味！招牌嘅手撕雞都有兩種口味，鹽焗同麻辣味，我今日就試咗麻辣手撕雞飯 $50，平時食手撕雞都係食麻辣，但佢嘅辣係真心辣😂不過辣得來又好好食，雞又好嫩滑！好彩有白飯餸🤣唔係都頂唔順！碟雞嘅份量都十足，食食吓飯都唔夠餸🙈另外仲試左個煙燻燒鵝撈麵 $62，個麵係用鵝油撈勻，食落又唔會有油膩覺，仲有油香，真係食唔停口。而燒鵝又係份量十足，絕對對得住個價錢！燒鵝食落有好香嘅煙燻味，就咁食都好好食好夠味！而且仲啖啖肉！另外仲追加左份醬皇叉燒（例牌）$68，份量又係嚇你一跳，即刻有啲擔心食唔晒！佢哋嘅叉燒用嘅係半肥瘦腩肉燒成，啖啖肉之餘又唔會乾爭爭。之後買嚟屋企加餸真係一流！

一直想試這間炯記的鵝油撈粗，lunch time 終於約到友人一齊去食，見到2人餐好似幾抵咩都有，便決定點了2人餐（$198）🤭食哂飽到上心口 🥢 麻辣手撕雞（半隻）份量十足😳一開始麻香微辣，之後愈食愈辣🌶️幾過癮🤣不好辣的朋友可選鹽焗 🥢 冬菇醬皇豬手豬手炆得好腍且入味👍🏻冬菇亦夠味且味道剛好 🥢 鹽焗雞腎及酸辣雲耳雞腎入味又名爽口（亦可選麻辣）雲耳微酸微辣 🥢 太子鵝油撈麵鵝油撈粗撈得非常均勻🤩油香且味道剛好😈務著會長肉的風險也要吃完 🥢 油菜 - 可選菜芯 / 生菜 ♨️ 是日靚湯 - 清甜的紅蘿蔔粟米湯☕️ 飲品 x2

每次光顧都總找到食物不同的亮點,它的首本名菜手撕鷄,抵食又好味不在話下,今次試它的清湯牛魔王,簡直比美一些主打賣牛腩的麵檔,嫩滑入味的牛腩配牛肚再釀上腩汁,一個字"正"。煙熏燒鵝脾,皮脆肉滑,配上大大碗湯米,也只不過是六十多元,絕對是另一驚喜,店員推介醬皇义燒,儘管太多肉也要了一個例牌,啖啖肉,肥廋適中,愈食愈好味,簡直停不了,似乎需要叫碟冬菇扒生菜,中和一吓,只是廿元,也絕不馬虎,冬菇和生菜份量也不少。這頓美食也只不過二佰元多少少。所以話每次都一定令我超滿意。

咁岩收工諗唔到煮咩餸 咁就諗住買小小斬料番去煲個飯就算 咁岩見到呢間炯記餐室做緊個孖寶優惠 $98就有半斤叉燒同埋半隻沙薑雞 呢個價錢來講都相當吸引😍😍先講一下個沙薑雞🐔雞既肉質唔會好柴 滿滿沙薑既辛香味 又唔會話太搶搶走到冇晒雞味 不過沙薑雞始終比較油 如果想健康d都係要食番白切雞再講一下叉燒 叉燒唔會太肥 入口肉質比較淋身 唔洗好大力都咬得開 食到叉燒外面微微焦香既蜜糖 佢既叉燒唔會話好濃味 但$98蚊有個孖寶兩盒大大盒絕對值回票價👍🏻

人在荃灣突然想食燒味，去邊度好炯記係唔錯選擇！招牌二人套餐其實好抵，不過我唔太好豬手，決定散叫！店舖不用加一，而且散叫不用$200亦超豐富奉送明火例湯，都幾清甜！炯記煙燻燒鵝撈麵 $62 燒鵝調味幾好，皮仲有少許脆感肉質唔乾，少少偏肥～撈麵用嘅係鵝油撈粗，撈粗係皇道，口感順滑！鴛鴦手撕雞 轉瀨粉 $52一次過可以食晒辣同唔辣兩種口味，當小食share食都唔錯瀨粉超大碗，唔會軟爛！醬皇叉燒 例$68以呢個價錢例牌都幾多，厚切肉質軟稔，可惜整體偏肥！凍飲+$5

荃灣真係美食天堂，因為今日趕時間所以求其搵咗間就近嘅餐廳，估唔到竟然都好好食！嗌咗佢推薦嘅二人餐，非常之抵食，有兩碗鵝油撈麵，半隻手撕雞，四舊豬手，木耳同埋雞腎小食，生菜一碟，湯兩碗，野飲兩杯，最後食唔晒要打包。鵝油撈麵可以話呢間餐廳嘅招牌菜，因為好少餐廳有而佢亦都做得好好，冇鹼水味，好香鵝油味，呢個一定要一上枱熱辣辣即刻食，攤凍咗面就會變硬！手撕雞好滑好香雞味，睇佢牆上介紹原來佢用嘅係三黃雞，難怪咁好食！豬手炆到好林冇牙婆都食到，味道啱啱好濃味得來不會太鹹，冬菇雖然細細粒但係好滑好入味！而最令我鍾意嘅係雞腎，淋得來帶少少爽，食得出唔係雪藏貨，我會為咗呢個雞腎返兜！木耳亦都唔差非常之爽脆好濃嘅蒜味！

同朋友👫一齊喺荃灣，佢話好肚餓，又話想食撈麵或者沾麵，咁我哋即刻Google一下，見到呢間餐廳，我去過佢其他分店，不過呢間未食過，咁就決定掹朋友去試吓😆叫咗 $62 嘅「炯記煙燻燒鵝🦢撈麵🍜，指定燒鵝胸（+$10）」，另加 $18 叫咗「鵝油菜心🥬」，再加 $8 要「鹹檸七🍋🥤」：「炯記煙燻燒鵝胸」切片成bite size, 基本上啖啖肉，燒鵝胸🦢肉質軟熟幾好鵝味😋；「撈麵🍜」就彈牙兼有鵝油同醬油香味😋。「鵝油菜心🥬」：菜心新鮮爽脆😆仲有 $68 嘅「鹽焗手撕雞🐓（半隻）」：手撕雞🐓上邊加咗麻油同白芝麻粒，令到啖啖肉又有鹹香嘅雞肉更加香口味美😋；半隻雞應該真係有半隻，份量好多🤩街坊小店街坊價錢，食得朋友同我都飽飽，好滿足😆

最近食太多新式餐廳，突然掛住有香港味道嘅小店，諗起荃灣呢間餐室，因為次次等過馬路都會見到，所以試下😆堂食嘅枱唔算好多，但唔會覺得坐得太迫，而且都幾整潔。未點餐己經先來一碗例湯😋太多野想食哈哈，所以決定叫2人餐，就可以試曬佢哋嘅招牌菜式。鹽焗手撕雞（半隻）好大碟，未食先黎個試覺衝擊！好有鷄味而冇俾咸味掩蓋。麻辣雞腎口感爽脆，麻辣入味。不過我唔喺好食得辣，如果食得辣就好鐘意食喇！酸辣雲耳涼拌開胃前菜，酸酸辣辣真喺好開胃，但份量之多其實唔應該當佢喺前菜🤣鵝油撈麵好好味😋 見到個名會有d 膽心會唔會好油，但完全唔會，味道唔會太重，所以連餸食味道都好夾，唔會覺得偏咸。而且麵質口感剛好，因為我好怕d 麵煮得過淋，正！冬菇醬皇豬手豬手好入味，炆得好淋，冬菇都好入味而且份量都多。食完充滿骨膠原！我去cashier 度見到佢有得賣盒裝豬手，可以買番屋企加熱食，好方便，我下次都去買番盒先！2人餐仲包2杯餐飲及油菜我寫左咁多樣野，呢個喺一個2人餐，成張枱擺滿曬！大碟抵食而且味道不錯，3個人食都可以飽住走呀！食飽先有力氣努力工作嘛。

🕖時段-星期三夜晚8點幾先食飯 餐廳入面坐左幾枱客 落單同上菜都好快手_▫️脆皮燒腩仔撈麵 $52 今日突然想食燒腩仔 皮脆腩肉肥瘦均勻 油脂好香撈麵煙韌鴨油好入味😋嗌撈麵仲跟碗中湯唯一略嫌燒腩仔上菜時唔夠熱_▫️鴛鴦手撕雞小食 $34太鐘意食手撕雞所以嗌多個小食😂 鴛鴦一半鹽焗一半麻辣 之前已食過鹽焗超正👍🏻今次試埋麻辣 對我來講算頗辣 要飲凍飲先得🤪但有少少麻辣食得過癮啲 _餐廳另有二人同四人套餐 都幾抵食 如果小食啱口味不妨一試😀

叫左叉燒飯同手撕雞麵叉燒literally 係人生食過最硬既肉係on top of柴 /乾佢係好硬咬都咬唔開我真係唔知佢哋點做到叉燒冇燒過既肉香味 亦冇麥芽甜味係一舊唔知咩嚟既硬物深水埗十五蚊盒資素好過佢雞味道可以但 again硬身柴皮我要鹽焗手撕雞麵但係辣嘅我係咪誤會左佢地啲鹽焗係有辣既調味？定外賣就求其比😡Its reli wasting money n time waiting forsuch kind of food🤮.. 不是要求高質 只是放工想要一盒正常普通飯都搞到咁😢

/ 烔記燒味平時好少去食燒味餐廳，但烔記係我食過最好食嘅燒味店，佢除咗有普通嘅叉燒燒鵝之餘，總會有手撕雞、唔同嘅酸辣小食同埋好特別嘅鵝油麵。我平時好鍾意食肥叉燒，但係唔係間間都可以做到肥瘦均稱，肉汁唔鞋又唔韌，今次特登叫咗肥叉燒，食落口啖啖肉再加少少肥膏，好好味😋另外佢嘅燒鵝都係必食菜之一，燒鵝味香濃，肉質唔乾，在配搭埋鵝油麵食岩岩好👍🏻呢間烔記燒味好多地方都有分店，而且價錢好便宜份量都好多，啱晒外賣燒味返屋企加送又或者平平哋食餐飯👍🏻

🌟餐廳：炯記餐室📍地址：荃灣沙咀道209號地舖💰價位：～$50 - $100⏰營業時間：星期一至日11:00–21:30📱電話：3704 7667識我既朋友仔都知我好鍾意食手撕雞，今日放假去左荃灣行街，一於去試下呢間主打手撕雞既餐廳。———————————————————🔹炯記2人套餐入到黎，好多野都好想食，好彩餐廳提供幾款套餐，可以一次過試哂所有招牌菜式。我地揀左炯記2人套餐，有齊是日靚湯、鹽焗手撕雞、冬菇醬皇豬手、鹽焗雞腎配麻辣雲耳、太子鵝油撈麵／白飯，仲有兩杯飲品。———————————————————🔹是日靚湯 (粟米南瓜紅蘿蔔煲豬骨)咁乾燥既天氣歎返碗靚湯滋潤下先，廚師用左大量豬骨及雞骨熬制湯底，再加入粟米、南瓜及紅蘿蔔，夠哂鮮甜，好有家的感覺。———————————————————🔹鹽焗手撕雞 雞肉好滑好嫩，重點係不油不膩，啖啖肉，仲加左大量芝麻粒，拌麵/飯都一流～上菜個時，雞肉多到成座山咁，好大碟，賣相超吸引！———————————————————🔹冬菇醬皇豬手平時食豬手最怕就係炆得唔夠淋！呢度既豬手炆得好腍又入哂味，入口鬆化即溶，伴碟仲有我最鍾意食既冬菇，加上甜甜地既醬

我媽同我講，佢見到有間食手撕雞餐好抵食，所以我同佢去試下。餐廳不大但都算坐得舒適，冷氣亦開得足夠。個套餐都真係幾多嘢，有▶️半隻手撕雞。沙薑味好足夠,鹹鹹香香好惹味，最重要係唔使啃骨。▶️冬菇醬皇豬手豬手一咬就開，夠淋入味，充滿骨膠原。▶️鹽焗雞腎同手撕雞差唔多味道，都係沙薑味十足。▶️酸辣雲耳我幾鍾意呢個，因為好開胃。▶️油菜今日有菜心同生菜，我揀咗菜心，都幾新鮮喎，又淥得夠淋。▶️鵝油撈麵這個撈麵份量很多，唔算好油膩。▶️例湯湯渣有粟米紅蘿蔔等等，飲完唔會口渴，應該冇味精。▶️飲品兩杯普通飲品同埋特飲都揀得。我就揀咗鍾意嘅檸蜜，滋潤得嚟又消滯。

一入餐廳聞到手撕雞好香麻油味，已經好期待～招牌手斯雞有鹽焗/麻辣口味，都係咁高人氣～❤️鹽焗手撕雞撈麵 手撕雞好香麻油+芝麻味，而且好嫩滑，難怪差唔多檯檯都有人食～特色太子鵝油撈麵好香，麵質煙煙韌韌，好正!!🧡鹽焗手撕雞腸粉 出乎意料，好滑好滑既腸粉，好香手撕雞既麻醬味，非常高質💛清湯牛魔王撈麵 牛腩好淋又入味，牛肚都好軟淋，腩汁再加撈麵，味道更豐富💚冬菇扒生菜 炆冬菇+新鮮生菜，點鼓油+蠔油汁下次要試埋招牌既煙燻燒鵝，見到隔離檯食燒鵝脾飯，好似好正咁😍