炯記手撕雞 (汝州街) (Closed)

炯記呢間店舖好有名，之前都有去過其他分店，今次就去咗汝州街分店。環境算係唔錯，我地去到店舖大概五點半，已經好多人坐滿哂店面💕💕由於炯記我已經食過，所以已經試過哂幾款店舖招牌菜，又試過套餐，所以今次主要嗌幾款食完又想食，念念不忘嘅食物。首先係次次嚟都一定要食嘅手撕雞，份量足足有全隻都只係68元，食落口好食得嚟又啖啖肉。手撕雞有辣有唔辣，我地今次揀唔辣，食落口唔會冇味，都有淡淡的鹹味，又幾好食！跟住上枱嘅係銷魂腩叉，叉燒色澤勻稱，外層微脆，表面甜甜地，內裏肉質細嫩，具咸香味，食到我地都停唔到口。接下來上菜是醬皇豬手撈麵，配上水蜜桃梳打。豬手醬汁十分濃郁，口味偏甜。豬手焾得十分入味，豬手大大隻，共有三大件，作為套餐嘅餸菜，份量都好足夠。鵝油撈麵，色澤靚，食落味道啱啱好，唔會過鹹。最後飲杯水蜜桃梳打，very yummy！😘正～✨🥳完全有清香嘅水蜜桃味又不會太甜，夏日炎炎飲杯梳打夠哂爽，亦為呢餐好味嘅晚餐作句號。

我地叫左例牌肥叉燒, 鵝油撈麵, 牛肚牛腩,  麻辣手撕雞腸粉…首先講下麻辣手撕雞腸粉, 腸粉好滑, 米漿溝得好, 好香…. 醬汁足夠, 好食! 手撕雞小小辣, 份量適中…牛肚牛腩不過不失, 食一個都絕對夠飽, 份量好多…. 再加上仲跟埋個黑木耳小食，酸酸甜甜好醒胃，三兩下就食哂兜飯啦。例牌叉燒, 識食一定係叫肥叉, 唔太乾, 甜甜地好好食! 我呢碟仲有埋軟骨, 好好嚼口…鵝油撈麵 (誠意推介),D麵好香好入味, 份量好多, 唔會乾身, 因為鵝油撈得好均勻! 麵又煮得恰到好處..下次應該試下配醬皇豬手, 相信一定更加好食….其他環境及menu

自從食完長沙灣嘅鵝油撈麵後就對佢念念不忘🤣 今日經過深水埗決定encore多次😆 地方雖小但整齊企理，而且衛生方面都做得唔錯😎 入到餐廳後店員建議嗌二人套餐，因為人均唔使$100就可以品嚐到八款特色美食🫣 整體價錢親民，大件夾抵食～ 絕對值得一試！👭 二人滿足套餐 $198鹽焗手撕雞香濃鮮嫩🐔 每啖都充滿麻油香味💕 配上少少白芝麻口感豐富😛 秘製醬皇豬手有四大塊🐷 食落去有濃郁嘅醬油味，骨肉分離，入口即化而且超多膠質😃 酸辣雲耳同鹽焗雞腎都係送麵嘅小吃之選，清涼爽脆，超級入味😌 郊外油菜好新鮮而且份量都唔少🥬 太子鵝油撈麵採用咗頂級嘅荔枝柴燒鵝油🦢 鵝油味好重，食落去完全唔油膩而且麵條夠彈牙😆呢個套餐仲包兩碗例湯同飲品😝 粟米紅蘿蔔湯味道滋潤鮮甜，真材實料無味精㗎～ 凍奶茶香濃幼滑，做到茶記嘅水準😎 凍檸蜜就正常發揮，解暑一流！

媽咪自從食過長沙灣《炯記》嘅鵝油撈麵就念念不忘呢日陪媽咪去深水埗買嘢，媽咪提議出開嚟，不如去食鵝油撈麵於是買完嘢就去深水埗《炯記》叫咗個”二人滿足套餐” $198有鵝油撈麵x2、牛腩、牛肚、手撕雞、雞腎、蒜香雲耳、郊外油菜、老火湯x2 同 飲品x2；好豐富嘅呢🤩太子鵝油撈麵水準穩定，無鵝膻味，無油膩感麵條質感煮得啱啱好媽咪話覺得呢到麵嘅份量仲多過長沙灣店清湯牛魔王牛魔王 = 牛腩同牛肚牛腩有嚼勁，牛肚夠軟腍牛肚特別入味麻辣手撕雞媽咪話嗰辣味唔係好麻，不過都幾辣雞肉質地紮實鹽焗雞腎鵝腎爽口，鹽焗味特出酸辣蒜香雲耳，蒜香味濃郁. 郊外油菜，份量都唔少. 呢日嘅老火湯係青紅蘿蔔湯，媽咪話都幾夠火喉. 飲品一杯冷檸茶少甜，一杯熱檸蜜呢個二人餐份量都幾多，結果我同媽咪都食到捧住個肚走，其實三個人share 都夠，呢個套餐都確係抵食

放工去黃金買電子用品，之後過了去食炯記，餐廳主打燒味，用料上乘，而且味道有質素保證。跟餐送例湯或飲品，例湯清甜。銷魂腩叉炒蛋飯叉燒用了腩位，肥瘦均勻，表面燒至焦香，肉質嫩腍，炒蛋有很香的牛油味，炒蛋幼滑且香。清湯切腩撈麵牛腩帶點牛油脂，炆至入味且肉質鬆化，撈麵用了鵝油，比較濃味，麵質爽口彈牙。炯記鹽焗手撕雞手撕雞拌了點麻醬，雞皮皮下脂肪不多，雞皮爽口，雞肉娕滑且雞味濃郁。鵝油生菜生菜翠綠，帶點甜豉油香味。

深水埗地鐵站步行約5分鐘直達, 交通方便。我就叫左個鹽焗手撕雞腸粉、半肥瘦蜜汁叉燒、醬皇豬手同埋炯記經典炒蛋飯。先講下鹽焗手撕雞腸粉，腸粉好滑，撈埋手撕雞汁食真係一流，另外手撕雞亦都好入味，食完好開胃。 半肥瘦蜜汁叉燒味道同質地都合乎期望地好味，好果可以再多d汁就完美了。醬皇豬手炆得夠林夠入味，骨膠原十足，份量好足，抵食。最後 炯記經典炒蛋飯,，個飯好足料，有漢堡扒、炒蛋、火腿，仲有德國紐倫堡腸，鐘意食肉既你記得叫啦。呢個飯配左香濃既咖哩汁，雖然我覺得多左小小油，但係色香味俱全。MENU

好耐冇出過去深水埗, 買完野就去搵野吃, 去到汝洲雞見到呢間荼記D野幾岩食, 就入去坐喇。價錢都平民化, 我地二人就可以叫多D野SHARE黎食。1.鹽焗手撕雞腸粉腸粉好味, 皮好滑醬好食又多,一D都唔姑寒 芝麻又香; 手撕雞肉唔差2.例牌叉燒數量頗多, 叉燒特別嗌左肥叉燒, 所以好合我口味, 帶有小小蜜汁好食!3.香茅雞翼好香香茅味, 黎到係炸過下,所以好脆邊4.郊外油菜可揀當日新鮮菜, 有芥蘭, 我地揀左生菜, 新鮮5.咖喱炒蛋漢堡腸飯好重蛋香味火腿同埋漢堡扒都有香煎過咖喱好香別有風味門面menu等

手撕雞一直系老公嘅最愛，今日食嘅哩間炯記手撕雞，真系大份又抵食，如果咁岩糧尾，真系飽肚得嚟啖啖滋味👍🏻。▶️銷魂腩叉撈麵($56)太子鵝油撈麵搭配最靚嘅半肥瘦腩肉叉燒，麵身爽口彈牙，睇相已經知道有幾入味。叉燒肥瘦相間，唔會黏牙又唔會覺得肥膩，趁熱食最好食~▶️鹽焗手撕雞($70)啖啖肉之選，而且份量不俗，唔系細雞。撒上白芝麻，滋味非常~如果就咁食肉就略微鹹咗d，如果配搭白飯或者湯粉麵，相信味道更均衡👍🏻。▶️海蜇($70)話說枕邊人系一個海蜇怪，所以我就膽粗粗叫咗一整碟海蜇，份量真系好大，麻辣爽口，入口sir sir聲。不過都系有d鹹，要配野飲。天時火熱，一邊飲凍飲一邊食佢就岩喇😂。▶️荔枝梳打(跟餐+$10)跟餐+10非常抵飲，暢快~

今日行完西九龍之後 去左附近炯記食飯🤭選擇太多樣樣都想試下 都花左唔小時間去簡 有選擇困難症😆招牌都有寫手撕雞 咁又點少得叫手撕雞呢？有得揀鹽焗或者麻辣 不過同行朋友唔食得辣 叫咗鹽焗 不過唔會好鹹 都唔錯☺️無骨鳳爪每次見到都會忍唔住點🤣因為真係好好食 酸酸辣辣好開胃 而且仲要係凍冰冰 依家天氣又熱辣辣 食得好舒服😌叉燒蛋包飯🍳睇餐牌見到已經覺得好吸引😍叉燒係半肥瘦 好正 加上蛋包飯既精華 就係隻蛋！隻蛋好creamy 加上豉油真係好夾 👍🏻👍🏻牛魔王飯🐮有牛腩同牛肚 牛腩肉質好嫩牛肚又爽口 加上飯上面淋左清湯 唔會好寡👏🏻

炯記手撕雞 深水埗, MTR C出口轉左新餐牌!! 類似新式茶餐廳咁食物好多種類, 多左D西式野, 同麵包類我地叫左一碟例牌叉燒, 冬菇豬手飯, 鹽焗手撕雞腸粉, 同埋芝士西蘭花我地唔記得叫肥叉燒, 所以都比較瘦, 下次大家記得要求肥叉燒, 相信會正好多! 冬菇豬手飯, 豬手好香冬菇味, 配埋白飯好食! 豬手炆得好腍, 而且大隻, 多肉, 果然係呢到既招牌菜! 鹽焗手撕雞腸粉, 我地一致認同腸粉好食, 滑身唔會OVERCOOK變左一PAT PAT,佢個麻醬好掂, 手撕雞不錯!! 芝士西蘭花相對會等得耐小小, 因為係即叫即焗, 西蘭花翠綠新鮮, 加上白汁同埋芝士浦面相當惹味, 賣相不俗。總結: 豬手必點!!Menu

呢間超人氣手撕雞撈麵店 除咗佢嘅手撕雞好食之外🐔個人好推介呢度嘅撈麵❤想試晒招牌菜 一定係揀炯記四寶撈麵 有齊手撕雞、豬手、叉燒同紅腸😚撈麵爽口彈牙 每一條都掛滿鵝油同埋秘製醬汁 超級惹味🥰

尋日星期三終於都過左一個星期嘅一半啦🙈今次同同事去左位於深水埗嘅「炯記手撕雞」，又可以食返餐豐富嘅午餐啦😝醬皇豬手撈麵 + 凍奶茶 $59原本諗住喺叫燒鵝撈麵，可惜早兩日前轉左餐牌，點知叫左醬皇豬手撈麵同樣係有驚喜😋豬手又入味，又冧！再配上撈麵認真正🤤鹽焗手撕雞腸粉 + 凍檸茶 $45餐廳另一主打就係手撕雞😬當然緊係要叫黎試一試啦！好嫩滑又好有雞味！亦係好味😋銷魂腩叉 $68呢個半肥瘦嘅叉燒真係值得一讚👍一上枱就已經好吸引🤤望到都流晒口水！入口即溶，好一個黯然銷魂叉燒😋麻辣手撕雞牛角包🥐 $33呢個配搭十分新奇！估唔到又配搭得幾好喎😋

有冇手撕雞愛好者呢？呢間餐廳喺深水埗地鐵站附近，連個招牌都係以手撕雞為名、個二人套餐先HK$198咋～仲免加一，超抵食！二人套餐包括半隻手撕雞（鹽焗 / 麻辣）、例牌豬手（醬皇 / 冬菇醬皇）、雞腎（鹽焗 / 麻辣）、酸辣雲耳、郊外油菜、太子鵝油撈麵、白飯、是日靚湯及飲品。✍🏻 /鹽焗手撕雞（辣）▪️美味指數：♥♥♥♥♡呢款係凍食，半隻手撕雞有一大碟，辣辣哋好過癮！見到呢間店嘅牆壁都有特別介紹佢哋所用嘅雞：三黃雞，皮滑肉嫩，雞味特濃。✍🏻 /醬皇豬手▪️美味指數：♥♥♥♥♥想食熱食就唔可以錯過呢度嘅豬手喇～一碟有約6舊，舊舊都煮得十分軟腍入味，而且重點係啲皮去毛去得相當乾淨，滑溜溜，配飯好味！✍🏻 /麻辣雞腎▪️美味指數：♥♥♥♥♡可能叫左小辣，辣度再勁啲會更惹味！愛食辣嘅話，大家可以試吓辣啲🌶✨✍🏻 /酸辣雲耳▪️美味指數：♥♥♥♥♥個酸辣汁好正，十分開胃又爽口，男友大愛，畀佢食左8成🫶🏻✨✍🏻 /太子鵝油撈麵▪️美味指數：♥♥♥♥♥好大碗麵，鵝油好香，麵偏扁薄，食落爽彈👍🏻✨

這個很棒，獨創手撕雞牛角包，是最有不同的食物，屬於茶餐廳化的手撕雞店。四寶飯獨創手撕雞牛角包這店子沒有，有要一吃呢，不錯棒棒，吃了馳名秘制手撕雞及醬皇豬手～醬皇豬手，淋滑，有非常香八角味，入味，又不會鹹！每一啖滿滿骨膠原～獨有醬皇豬手，而手撕雞選鹽焗麻辣也很美味，真的棒喔。清湯牛魔王飯牛肉飯有牛肚及牛腩，在正式介紹之前，有面選擇，跟大家分享，面和飯亦很好吃，其實建議各點一碗牛魔王飯及面，可以互相品嘗彼此不同的湯頭及肉。牛腩雖然簡單，工序困難，要花點耐性和時間。清甜牛味，吃份量十足，大碗的清湯牛魔王飯～棒美吃多，清燉牛腩也是必吃，其中最有名氣的清湯腩～份量十足，吃個也棒！黃金皮旦皮蛋特殊的口感，讓不少民眾相當喜愛，深黑的外表更是皮蛋獨有的特色，但皮蛋剝開後，皮蛋外觀呈現黃色，也是很好吃，川味尖椒黃金皮蛋，真是很棒！黃金皮蛋比一般皮蛋尺寸細，但好好吃呢。

最近屋企人提議去咗呢一度食飯😋睇到喺IGd人話呢一間餐廳好有水準，所以即刻book枱試一試！大推！🤤吉列魚柳薯條上枱香噴噴，有咬口又有肉香，肉方面好juicy，非常惹味，超推介💯