炯記手撕雞 (汝州街) (Closed)

今日行完西九龍之後 去左附近炯記食飯🤭選擇太多樣樣都想試下 都花左唔小時間去簡 有選擇困難症😆招牌都有寫手撕雞 咁又點少得叫手撕雞呢？有得揀鹽焗或者麻辣 不過同行朋友唔食得辣 叫咗鹽焗 不過唔會好鹹 都唔錯☺️無骨鳳爪每次見到都會忍唔住點🤣因為真係好好食 酸酸辣辣好開胃 而且仲要係凍冰冰 依家天氣又熱辣辣 食得好舒服😌叉燒蛋包飯🍳睇餐牌見到已經覺得好吸引😍叉燒係半肥瘦 好正 加上蛋包飯既精華 就係隻蛋！隻蛋好creamy 加上豉油真係好夾 👍🏻👍🏻牛魔王飯🐮有牛腩同牛肚 牛腩肉質好嫩牛肚又爽口 加上飯上面淋左清湯 唔會好寡👏🏻