牛角日本燒肉專門店 (Mikiki)

Open Now

Now Closed

講起日式燒肉連鎖店，一定會諗起牛角！！SS2 性價比之選燒肉放題100分鐘💰HK$278 (每位)最鍾意嘅就係牛角啲燒肉汁，用嚟撈飯點燒肉一流～✨ 溫泉玉子牛角飯味道超正，配搭燒肉一流～✨昆布湯湯底清甜，帶有少少胡椒味，進店必飲～✨豬頸肉飲質爽口彈牙～✨牛舌口感有啲韌，個人不是太喜歡～✨牛五花肉質比較肥美，鍾意食肥牛嘅人就啱晒胃口啦～✨牛肩脊肉質比較瘦，但係牛味濃郁，唔小心叫咗好多款唔同醬汁嘅嚟食下～✨日本雞橫膈膜肉質比較彈牙，口感非常之特別，推薦一定試～✨雞腿肉每塊都大大塊，肉質嫩滑～✨枝豆係唔可以缺少嘅日式前菜～呢個價錢食到咁樣嘅質素算係唔錯，不過個人覺得100分鐘嘅放題真係有少少趕～

我係咁寫包單係全世界最差，仲要$400一個人。我要俾#👎👎👎👎👎。有幾差？第一，牛肉種類嘅選擇好少。你唔好同我講用唔同Sauce就係一個選擇。第二，食物選擇少。第三，$400俾啲咁嘅牛俾我，我街尾打邊爐$200個人任食嘅牛都好食過佢多多聲。啲牛奀過我面皮，老過我母親。第四，枱面啲sauce差到呢⋯一係好鹹，一係辣味冇辣。唉，通常辣味可以掩蓋難食嘅食物。冇咗辣味，啲肉真係好難哽。第五，漏單。叫咗一口牛兩次都完全失蹤。算啦我當佢冇。臨走之前見到隔離有得食。針對我咩？最後，執枱執得慢，咁可能唔怪得晒waitress。我枱面嗰啲碟食到第三round先嚟執我啲碟。我諗我以後唔會再去牛角。亦都提議大家唔好再去Mikiki嘅牛角。

自從知道牛角減少分店後 都多咗幫襯 最抵係78蚊嘅午市套餐。 餐牌如下：前菜有沙律：紅蘿蔔絲， 洋蔥絲 和牛肉 加些醋 酸酸地幾開胃； 日式昆布湯 加少許白芝麻肉類方面有： 雞肉 、豬頸肉 和豬肉。 雞肉要燒比較耐，好大件和四四方方，燒燒下會散咗， 當散咗之後會更加容易熟。 豬頸肉和豬肉 相對雞肉唔使煮咁耐， 因為較薄， 醬汁好美味。飯可以選普通白飯和牛角飯。牛角飯有紫菜、蔥和 汁， 手機落單時仲可以揀多汁、少汁、多蔥、少蔥、走蔥 、還有少飯，還可以任添！ 一碗其實都已經幾大碗， 所以冇添到。飲品方面有凍水蜜桃綠茶， 可選少次或走冰，或者加兩蚊有汽水都算抵飲。

牛角本燒肉專門店是日本知名的國際燒肉品牌，在日本擁有逾600多間分店，而「牛角」海外分店數目超過40間，除香港有20分店外，在美國、加拿大、新加坡、台灣、印尼等地均設有分店。香港「牛角」不是每間都有燒肉任食放題，Mikiki分店是其中一間有提供的。來到牛角Mikiki店門口的員工先為簡單介紹，有定食及放題並為我遞上需要的餐單，更推薦我選「Lv3 極旨澳洲和牛90分鐘燒肉放題」，因為餐廳正在做促銷，加送「日本國產牛燒肉放題」不另加錢。我決定用餐後被帶入餐廳坐下，提示我用座位上的iPad自助點餐或用手機掃code下單。我下單後，只等了5分鐘左右食物已陸陸續續送到。用餐時間90分鐘但可能沒有太多人所以過了時間也沒趕走。總括而言，用餐時間足夠，食物味道OK，服務態度不錯

出來買東西路過看到這裡有牛角燒肉，約上媽咪帶小朋友一起吃，前台接待小姐姐態度特別好，介紹的很詳細，食物質素很好可供選擇的很多，覺得烤菠蘿🍍挺好吃的，服務態度也很不錯，下次還會約朋友過來吃推薦

第一次寫open rice評論今次嘅用餐感覺不錯。來到門口就有位，可能係下午茶時間門口的員工簡單介紹。有定食及放題並為我地遞上需要的餐單我地決定用餐後並帶入餐廳坐低提示我地用code落單我地落單後，只等了5分鐘左右時間並全部食物送到用餐時間90分鐘可能冇咩人所以過咗時間都冇趕我地走總括而言，用餐時間足夠，食物味道OK，服務態度不錯。

好耐冇食牛角今次入去前門口個職員話我嗌個餐有塊牛送，問我要唔要咁就梗係試下la,佢li個黑毛和牛真係好好食我咁鐘意食牛角嘅原因，因為佢有明太子醬嘅前菜每次都要嗌返幾round先夠喉🤤

今日母親節，黎到Mikiki食牛角，叫咗個放題Set C。平時都食開Set B ，好少食到有海鮮同和牛咁，所以今日就一於集中叫啲Set C先有嘅嘢。首先係牛，有安格斯和牛、安格斯一口牛，同埋和牛赤身。啲牛的確比之前set B既好，唔會太韌，多啲脂肪，香口啲。三款嚟講一口牛比較難熟，亦都會有筋，但整體都真係好食過之前啲牛。前菜試咗牛角明太子沙律，好好食，啲沙律加咗啲醋，再配埋明太子嗰種鹹鹹地，想食完又食，佢仲會有少少薯仔喺面，最後encore左一碗。海鮮方面有蝦，廣島蠔，同埋帶子。啲蝦醃咗啲鹽，燒完之後，有啲鹹香，再加燶燶哋幾好食。帶子加左牛油一齊燒，都唔錯，不過最後嗰啲唔知點解好鹹。最正係廣島蠔，佢加左牛油連埋個錫紙一齊燒，啲壕都幾大隻，幾有鮮味又有汁，最後應該每人食咗八九隻。最後食完仲會有一人一杯Movenpick 雪糕，不過可惜得雲呢拿同士多啤梨兩隻口味，冇得任食。我哋有會員卡，埋單每人$448。

連鎖日式燒肉嚟講，牛角絕對香港數一數二好食同保持水準。平時牛角好多人排隊，拎完飛都要等起碼半個鐘先有得食，難得是日閒日唔使等就揀咗食佢😂和牛二品 ＆三品燒肉盛合 $242日本九州極上黑毛和牛牛肋肉日本九州極上黒毛和牛一口牛美國上級牛頸脊，牛肋肉，肩脊肉重點當然係和牛，充滿牛味同油分，和牛牛肋肉比一口牛更吸引，因為比較容易自己燒。下次應該會重點單點😋配前菜沙律，湯同牛角飯牛角極上四品燒肉盛合 $185美國上級牛頸脊，特選熟成牛，上級牛肋肉，網燒一口牛配前菜沙律，湯同牛角飯和牛set 珠玉在前，呢個四品燒肉被比下去了。不過其實都唔錯，而且較經濟。石鍋辛奇豆腐海鮮湯配牛角飯 $107好普通，性價比低😐牛角都係食返燒肉好啲

由於臨時屋企人先決定去牛角食，用apps book枱已經full左，唯有去禁飛😢7點鐘禁等左兩個鐘先有位，小朋友都等到發脾氣🙈呢間有放題，不過我地今次係散叫，小朋友食放題回唔到本😅入坐即刻叫左個溫泉蛋牛角飯調和佢嘅心情，仲叫左石鍋泡菜海鮮湯（估唔到有韓式食物），石鍋蔥拉面，呢d唔洗燒上枱即刻可以食，醫住個肚先海鮮湯辣度適中，豆腐好嫩滑，海鮮有帶子，硯， 墨魚桶，配料豐富燒物方面叫左牛角十品燒肉盛合，牛油蝦，雞泡魚干......肉質質素唔錯，唔會好鞋好韌，黑毛和牛牛肋肉油脂比較多，食一塊已經夠🤣

我為左滿足愛吃燒牛肉的好閨蜜，次次選用餐地點既時，必定先以「肉」字行頭，今日來到新蒲崗mikiki，就已經有一間出色既燒肉專門店。其實牛角係香港都有唔少分店，仲越開越多，受歡迎程度有增無減，所以 一定有佢嘅個人之處，今次就試咗兩個午市套餐。石鍋辛奇牛肉飯+熱柚子蜜一上菜已經聞到熱辣辣嘅牛肉香味，撈埋啲燒肉汁，真係食到舐舐脷， 而且份量都少，呢款真係抵食夾大件。牛角豚、雞六品燒肉盛合 +橙汁嚟到牛角， 梗係要試下自己親手燒肉嘅樂趣，有齊六款雞同牛既燒肉， 款款都口感一流， 色香味俱全，我朋友就最開心。

我媽咪話想食牛角，但今日我哋唔係好想食咁多，所以冇揀放題，揀咗兩個lunch set當日係平日下半3:30左右，所以好靜，全場得三幾枱客人。我哋點咗兩客和牛二品&三品燒肉盛合個餐除左牛肉，仲有沙律、昆布湯同一杯飲品今次牛肉錯手揀咗鹽味，上邊有啲蔥嘅，一放上爐燒就好易燶，而且肉質冇原味鮮，下次都係揀原味再點鹽醬好味好多，呢個set有5種牛，每款兩片，當中有兩款係和牛：-九州極上黑毛和牛牛肋肉-美國SRF安格斯黃牛牛板腱全碟最好味係九州極尚黑毛和牛，肉味濃，油脂甘香其餘牛肉嘅都係普通貨色，真係單點剩係食九州和牛好過跟餐個湯清到水咁，飲落淡而無味，如果唔係見到有幾片細細嘅昆布，仲以為飲緊清水牛角飯加$11有溫泉蛋，撈飯食唔錯牛角雪糕加$12/位，揀左抹茶味，好難食，味道古怪，好似食緊擦膠咁，冇下次下午茶時段75折，埋單$450，如果正價食真係唔抵

平時晚晚行過見牛角都好多人等位，難得星期日放假行過，見到唔駛排隊就去食下啦！我地見左假日lunch set都幾抵食。每位百幾蚊至二百蚊，啱晒又想食下燒肉但又食量唔大嘅吃貨😋我地叫左 Set B & Set C，前菜係胡麻沙律，昆布湯比較淡，仲有野飲都算豐富。Set C大部分嘅肉嘅質素都ok啦，而Set B嘅牛舌、豬頸肉、份量都唔少，仲可以加錢配牛油金菇、燒𧐢、帶子等。我男友最愛嘅香蔥溫泉玉子飯，最後食唔夠喉要加多份燒肉拼盤😂

Mikiki 午市牛角walk-in 唔使等直入，今次就冇揀到食放題，試吓食套餐。質素都唔錯，服務態度非常好。牛四品 $168 連飯同飲品。 牛肉肉味濃林身，肥瘦均衡唔油膩。新鮮肉唔會好似出面未溶晒雪。第一眼睇會以為份量少，其實食落十舊一人份量係好夠。因為想食牛舌揀左自選三盛，一樣高質。牛舌燒三十秒兩邊。口感一流，其餘兩選牛四品都有。牛六品 除咗牛肉之外仲有雞肉同豬腩肉。 第一次見雞肉切到長條形，外觀係幾好但好難燒得燒最後都係要剪碎燒。加左錢要牛角必食嘅紫菜溫泉蛋飯。 推薦會員仲送雞泡魚乾。

同事想食好啲慶祝，就嚟咗牛角食燒肉。新蒲崗呢間有燒肉放題，都有散叫嘅定食。呢次就揀咗最平嘅定食：$125，有沙律、昆布湯、飲品一杯、任添嘅牛角飯，同埋一碟肉。肉就有六款：雞髀肉、雞軟骨、雞翼、豬頸肉、豚五花同埋另一款豬肉，每款有2-3舊。想大讚佢嘅牛角飯，加咗紫菜同葱，仲有啲及汁，配搭埋軟熟嘅飯，勁好食。淨係食牛角飯已經好滿足。佢加埋啲燒肉，就更加正！我一共食咗2碗呢！佢嘅肉嘅質素都高，唔係Hea肉！朋友俾貴啲嗌埋有牛肉嘅餐，評價都好高。價錢係貴，但性價比係值得的。推薦想食好啲慶祝下可以嚟食！