Video
Opening Hours
Today
12:00 - 14:30
18:00 - 22:00
Mon
Closed
Tue - Sun
12:00 - 14:30
18:00 - 22:00
Above information is for reference only. Please check details with the restaurant.
呢間日式燒肉店嘅位置一啲都唔顯眼, 店內只有十幾個位, 雖然地方細小, 但都尚算舒服。佢哋嘅燒肉選料優質, 價錢公道,唔同部位嘅牛肉, 就俾番相等水準嘅牛肉。美國極佳級牛小排定食: $158牛小排有十多片, 肉味偏淡。封門柳定食: $188封門柳一樣有十多片, 封門柳牛肉味濃郁, 入口鮮嫩多汁, 灑少少鹽, 令牛肉嘅鮮味更加凸出。 每個烤肉定食跟一個石板燒, 牛肉嘅生熟程度因應個人喜好而上碟, 呢個定食仲有醋沙律同飯, 醋沙律好開胃, 而個飯粒粒分明, 煮得啱啱好。
continue reading
食物方面，我點了吉列牛小排定食，雖然整體賣相吸引，沙律新鮮，但主角“牛小排”缺乏‘’牛味‘’，令人十分失望🥲支付方面，我結帳時驚覺唔夠現金，提出希望以payme、fps支付餘下的，皆被店家拒絕。店員其後要求扣下我的電話或身份證，方可以到附近的櫃員機取錢，我實在無法接受😨幸好最後有熱心的客人讓我payme轉帳，再幫我以現金支付🫶更重要的是，吉列牛小排味道實在不太好❗️店家需要提升服務態度之餘，更需要改善食物質素，才對得起價錢🫠
continue reading
呢家係咪自家經營嘅小店呢？好似香港得呢一間呢間店係好細間啫我諗目測只可以坐12個人之前經過發現好多人喺入邊而外邊亦都排滿晒人今日就早少少去到就唔使排隊啦雖然係小店但係價錢唔係好平民石燒牛肉嚟講算係可以性價比亦都叫一般不過質素算係中等以上偶然食吓都可以
continue reading
係老陳餅店隔離有一間小店唔講唔知 原來係一間食吉列牛既餐廳店舖小小 只有十幾個位置平日晚市 唔洗等位✌🏻老闆娘好仔細講解今日有咩牛好食佢哋既分別俾個餐牌大家睇吓冰鮮美國純種黑安格斯牛頸脊定食肉質好鮮嫩 又好有牛肉味燒完仲係好多汁沾小小鹽 配上紫菜飯 好正呀！美國極佳級牛小排定食呢個牛肉相對冇上面果款禁有牛味但係軟滑d 入口油脂比例好好 都好好食牛舌唔記得影相不過 牛味好重 就算煎熟左都好嫩口好大塊 遮到成個飯面因為紫菜飯，糖心蛋同布丁 係另外加錢既套餐我哋都有一個 焙茶布丁茶味好香濃 又滑overall 樣樣野都好好食 一定會再黎
continue reading
星期日晏晝去經過，係巷仔裡面嘅小店，見價錢合理，諗住一試無妨。嗌咗兩份lunch，高質，驚喜！慢煮豚肉Juicy，應該係腩肉，肥瘦夾雜但係唔油膩。另外配炒蛋，係日本蛋，炒得好香滑。個珍珠米摻咗啲肉汁，好好味，抵食！安格斯吉列牛冇得自己燒，廚房燒好直上，我鐘意生啲切起有血水，所以呢個對我嚟講踭咗少少，但係其實都好好味，冇鞋口。我哋仲加咗8蚊要杯小川咖啡，勁香！另外要讚下店員，我哋一坐低就好詳細咁解釋每個餐啲牛肉豬肉有咩特色，邊啲肉味濃，邊啲有油香。我哋今次食lunch叫做係小試牛刀，會在幫襯，廚房做得好，下次再揀啲貴價餐都好有信心會好味！
continue reading
You may be interested in