牛八和牛燒肉屋 (Closed)

好耐無食日式燒肉，而細佬係食肉獸，佢又好想試呢間燒肉放題！今日難得有機會早食飯，於是一早去攞位。等左冇幾耐就可以入座啦！本來諗住食個牛肉套餐，點知輪到我哋嘅時候，前台嘅服務人員同我地講，而家做緊promotion,食海鮮套餐可以買四送一，而海鮮套餐係比牛肉套餐貴少少但係就可以食埋豬肉同牛肉加埋海鮮於是我哋覺得好似都幾抵，而且我哋有咁啱四個人，咁就揀咗海鮮套餐啦！首先一上枱就係一大碟嘅長腳蟹，食長腳蟹好麻煩，食左好耐。因為有限時嘅關係我哋一邊燒，一邊食長腳蟹，好繁忙。佢海鮮種類唔係太多，但係燒三文魚嘅話就幾好食同埋燒帶子。我哋開始嘅時候係逐塊三文魚燒、逐粒帶子燒；後期就成個錫紙兜就擺咗上個爐度燒，乾手淨腳！🤣最後每人可以揀一款甜品，我就要左個柚子抹茶雪糕，幾好味！總括來講佢啲肉同海鮮都幾新鮮！要留意喺order肉嘅時候，有啲款式比較厚，有啲係一粒粒，有啲係薄切，薄就快熟好多！所以選擇嘅時候要留意！

距離上次食都差唔多一年了，以為服務會好小小，點知都係冇變化，落單等咗好耐都冇人過嚟，幾個侍應好鐘意企係部落單機度傾解，完全無視客人。雖然今次好過上次，個爐都keep住有嘢係度燒。唔講態度，食物質素一般，醃料唔入味，肉質普通料，300幾蚊雖然要求唔可以太高，但至少都要食得入口吧？汽水好似溝咗水，冇味又冇氣，仲要限飲兩杯，最衰鑽石山冇其他燒肉選擇，呢間嘢都係快啲執咗佢啦，仲要好多人排隊，希望管理層多留意下啲comment啦。

因有優惠 1年1會 牛八燒肉用優惠券$150 (要幫襯450+10%以上)2小時任點任食(有牛) $238+10% 好過"日牛"90分鐘 要沖住食又要被 催促離坐員工招呼好 禮貌地帶入座 落單後 再叫侍應就有啲難 因地方大都見唔倒……未點餐先送上 牛肉2 豬肉2 雞肉2之後問侍應牛肉喺邊款 冇人答得倒想再點: 因2片牛肉係全程最好食嘅肉類冇調味 微結冰 一叠叠就上枱牛肉 牛舌 嚡韌冇調味點嘅牛肉 每次上枱都唔同質素 餐紙可選: 醬油味/蒜茸/柚子/鹽醬/味噌/蜜糖 全部欠奉枱面供應 醬油 & 鹽 冇柚子醬還好有供應檸檬 但 冇七味粉 冇芥辣有湯拉麵 ~ 淡茂茂 麵大量 少湯一口牛肋肉 香草雞亦 有調味石鍋牛肋肉湯牛尾清湯味水沙律 : 菜一堆 新鮮 冇沙律醬 海帶未浸透 硬身

之前在荷里活廣場上班的時候，常常看見這間店很多人排隊，好幾次都因為太多人的關係吃不了！所以今次我們8點就到了，等了1小時終於有得吃了！可是last order是在10點，所以120分鐘的放題，我們只能吃60分鐘！但我們也覺得ok啦！畢竟排了那麼久，吃快點就好了！可以萬萬想不到！點了第一輪的食物，要9:30才到，足足等了25分鐘啊😧 實在太過分了！這裏的肉有不同味道，可以選擇例如醬汁、味增等等！但是他們是用一個大盆放所有的肉！根本分不了口味！連基本的擺盤都沒有！就很廉價的樣子！至於食物質素就很一般啦！豬肉又厚又un，還要很肥！牛肉都挺鞋的！正常水平有牛舌，冷麵而比較好吃的就只有芝士烤年糕！在飲料方法確實離譜，每人只限2杯飲品！選擇不多只有3款汽水！其實2杯是喝不完的，因為。太難喝了！🤮🤮🤮溝到好淡好淡！7喜跟水沒有分別！其實已經每人限2杯，不用那麼省吧🙄水費很貴嗎？這裏的價錢又不是很便宜！這個價錢，有很多更好的選擇吧！今次真的是浪費金錢了😿

鑽石山出左名無野好食，食來食去都係個啲。所以今天來點特別的，去試下烤肉吧。雖然價錢唔係算平，但想係附近搵啲新意思。肉類都算幾多選擇，雞牛豬的各個部位都有。蔬菜類都有幾多選擇，仲有飯同麵類揀添。以$238/位來說，真的算抵吃。但我們因為怕太飽，所以都係少食麵飯類比較好了。牛舌係最最最好味既，食落爽爽脆脆咁。好有口感，另外雞翼好貼心，幫你對開左，方便客人去燒，大讚...最後點左涼拌青瓜，同生菜平衝一下食左咁多肉肉既罪惡感。套餐包埋一個甜品，我就叫左綠茶味雪糕。味道都算唔錯既。

話說本身有和心會員卡，而且經常在荷里活廣場「蒲」，所以午市套餐和晚市放題都吃過不少。這次就點評一下午市套餐。這裡的午市套餐大約定價在$60多，這次點了牛肋肉定食。套餐包括了前菜、熱湯、8塊牛肉、飯和飲品，但是我加了$15轉配紫菜溫玉飯，因為蛋黃配牛肉才是王道！除此之外，趁著平日追加有優惠，也加了$30選購肩脊肉🙂特愛這裡的泡菜，鹹鹹香香不會太酸，讓人一口接一口～熱湯就是牛尾清湯，感覺就是泡麵湯底的清澈版😂肉品方面其實跟放題的差不多，都是偏瘦，但牛味都幾足。最後埋單用了和心會員卡打了九折。這裡最神奇的地方就是桌子上方都沒有什麼大大的抽風設施，然而每次吃完後身上都沒有沾到油煙味，可以安心繼續逛街👍🏻

每一間商場食店正常都會有一個職員係負責帶位，拎飛，又或者有部機放出黎拎飛用，但係呢間鋪係冇個部機，係用人手比飛叫位，但當我今晚去既時候我企左係門口5分鐘都冇人理我，當時並唔係得我一個等緊拎飛，係有三枱人等緊！當時附近有個女職員係到執緊枱見到我地叫人但係竟然望左一眼就走左，要我同另一個食客入去叫我想拎飛，先有個經理叫人出去寫飛！坐底5分鐘就知道呢間餐廳今日返工既職員係完全唔夠！亂晒龍！今日係叫左238個放題燒肉。想落單但冇職員，落完單野食又係等勁耐先到，每一枱都有漏單！隔離枱叫左杯可樂竟然等左30min再吹單先到！仲要好多野食都放錯枱不斷聽到有人話我冇叫過呢碟野，至於食物方面！呢間睇個名都知係食牛既，但係竟然最好食既竟然係豬頸肉！成碟牛不知所謂，冇味！又碎！完全唔知自己食緊d咩！飲品方面，如果你唔加錢就只有兩杯汽水，可樂係百事，至於甜品！佢最出名嘅柚子雪糕今日係冇貨嘅，所以我哋就叫咗一個雲呢拿雪糕配窩夫另外一個係單球綠茶雪糕，每人限叫一客既！但係雀巢雪糕質數仲好過佢，真係不知所謂！如果呢個價錢黎比我覺得出面會有更好既選擇！不過我覺得今晚呢個情況係呢間公司既問題！唔夠人手！食物質數勁差！如

今天晚上跟太太試了和牛放題。早上個經理打來問我是否會來，佢話早一日打來沒有接聽，所以未必有足夠和牛提供。呢個係一個大話，因為我沒有試過打來的沒有接聽或者miss call 顯示。佢最後話問完廚房，有足夠的貨， anyway, 點解要咁唔老實？今晚七時入座，要了和牛，大約四十分鐘後來了第一個order, 見咁長既order need time, 立即再order, 但都係好耐，侍應都自發不好意思幫我追，但都係好耐。其實咁惜貨就唔好做放題吧，比客人既感覺係小家。和牛是普通貨式，兩人食了千八蚊，唔值。自己買來食更好。

呢間餐廳個經理態度好差 我哋落左單 見半粒鐘都未上菜 覺得佢漏咗單 我哋去提左員工一次 經理一次 之後另寫左張單俾佢 到最後半小時 經理就叫我哋埋單 冇幫我地加時 我話想再叫啲野 佢話已經截左單無得再加 仲加多句話‘食唔晒啲嘢要另外加錢’ 果陣時我哋枱面差不多食曬啲野 其實我只想加生菜 因為冇嗌過， 佢咁講我即刻呆左 未試過一個經理咁樣同啲客講野 態度差到爆 我地只係點過一次單 之後加過少少野 第二次想再嗌既機會都無啊 叫咩放題啊 好似唔想俾人點野食咁 做唔到放題叫唔好係到扮放題啦 無見過咁肉酸既放題餐廳 以後都唔會幫襯呢間野☹️😡😡😡😡 好嬲

當天打算早點食飯所以6點就入去，門口冇人招呼，等左10分鐘之後就有人帶我地入坐。叫左個極上牛每位258未加一。包兩杯野飲，兩個人俾左四人檯，坐得舒服。雞牛豬任叫。肉種類數量多而且有不同醬汁揀，反而蔬菜就冇乜。但乜都叫兩份先試下。最後發現佢所有野都好伏，係完全冇調味。d牛肉好薄好細舊，雞肉係完全冇味，得豬頸肉係ok啲。最後兩個甜品d味好膠，得甜味，綠茶冇綠茶味，雲尼拿冇雲尼拿味。而果個鐵夾好難夾，夾到隻手超痛。兩個人600蚊，呢個質量完全唔值呢個價。不如食牛摩好過。

第一次試呢間燒肉屋，都有提供好多款式的牛肉、豬肉、雞肉選擇，唔單止係豬牛雞既唔同部位，有薄有厚，食盡不同質感、口感，仲有好多唔同嘅味道，例如：醬汁、鹽醬、柚子胡椒、柚子生薑、蜜糖醬油等等... 令味蕾都有唔同的刺激，仲有唔同嘅沙律選擇，加埋韓式泡菜，食幾多肉都唔怕油膩，有啲菜可以吸下油，無形中都食多咗好多。

有朋自遠方來，同我哋兩夫妻食飯，本來排第二間，但呢間有位，好，咁入去啦。侍應同我哋講用膳時間兩小時，我哋坐低即刻落單再傾計。傾下傾下發現唔對路，原來過咗廿分鐘都未上過任何嘢! 啲嘢食要自己燒都要用時間，上菜咁慢唔駛叫第二輪啦！燒得嚟咪夠鐘走? 見勢色唔對，我哋唯有催催侍應。入席後廿五分鐘，嘢食終於嚟喇! 咦？ 筷子呢？ 我哋未有筷子啵～食到咁上下都係叫甜品，食完埋單走人算啦！等呀～等呀～ 叫咗甜品好耐都未上呀，問下落單未先! 「唔該，我哋叫咗兩份waffle, 兩個雪糕仲未嚟。」 點知侍應答:「吓? 冇晒waffle喎!」嗰一刻真係勁嬲! 冇唔係問題，我哋催你，你先話冇? 如果我哋唔問，係咪等到2046?最後，我哋落咗商場樓下食雪糕!

今晚一家人到該餐廳食兩個鐘放題，頭兩轉order都算正常，第三轉order開始自動cut單，點知32分鐘前個侍應突然擺低張單，問要咩雪糕 朱古力 綠茶？我們問係唔係last order?如果係我們可否落埋最後一次order？同埋雪糕現在落單，可否遲少少先上？侍應話ok 。我們一行4人，最後一張單叫左8片牛舌，8片牛肋肉，一杯汽水（每人包兩杯，我們之前只order左7杯，理應還有1杯）。點知個雪糕一分鐘都唔洗個呀姐就送上台。我們講，個雪糕我們叫起的，仲有d肉未到。個呀姐就好大聲咁講，咩叫起啊？依家落單咪依家起咯！我們再強調，我們仲有肉未到，係你們侍應叫我們揀左先，話可以遲d先起。個呀姐先收回個雪糕。1分鐘都未到，又到個白色衫過黎叫我們埋左張單先。（當時離交台足足還有半個鐘）ok 我們照埋單。一埋單個雪糕又自動上台了。過了10幾分鍾最後張單order終於上了，自動幫我們cut剩2片牛舌，4片牛肉。汽水催了又催，到最後離座都未見蹤影。最後揾了經理，那位催我們埋單的白色衫、掛住trainee 牌ge行過來 自稱係經理，給我們的解釋係 人手不足，大部分都係part time，sorry，我依家補

打邊炉打得多，轉下口味，食下燒肉放題先！同一班朋友黎食，食燒肉前，叫左個凱薩沙拉食，幾好味，每一款肉都寫明要燒幾耐，雖然款式不太多，但係質素唔錯！仲有拉麵可以order。

-可能期望越大失望越大， 平時行過見到呢間嘢嘅門口好多人。難得閒日放假， 就過嚟食下燒肉午餐定食。 點知係超失望🤪😡！！！職員態度差！！！！差到冇得頂🤬🤬！！！曾經兩次出錯飲品。並且我哋未叫埋單嘅情況下，print 張receipt出嚟叫我哋俾錢。原因係個男職員覺得：“我哋冇嘢想再叫。”完全係冇禮貌嘅態度下👿講呢番說話。 其實想講嘢食質素一般都算，但係態度差真係唔可以容忍🙅。我好明白做呢一行飲食業 - 環境差、服務時間長、係好難頂。 但係絕對唔可以因為自己個人嘅唔開心，而這個態度反應喺顧客身上。 真心希望呢間食店能有所改善， 唔好令我哋班食客失望。 A餐： 牛肋肉定食 （醬汁/鹽醬）（$65）F餐： 牛肋肉 & 肩脊肉定食 （醬汁/鹽醬）（$69）__________地址：鑽石山荷里活廣場3樓311B號舖