牛八和牛燒肉屋 (Closed)

上星期日去食午餐，排隊給我們4位枱，我見對面有空的4位卡位，便要求去坐卡位，但有位女員工話不可以，她沒有說原因，總之就話不可以，搞到我都發火，有這樣的員工一定激走客人，服務態度其差！希望佢地能提高足夠的訓練，改善一下員工的服務態度！食物方面還可以，午餐最抵食，約$65元就能食燒烤牛肉，味道有葱和salty taste. 燒起來來都幾好味，還有一碗白飯，一柸飲料和3種韓國辣味小食，總括來說都幾抵幾好味，但服務態度就不合格。

路經此店，見是新嘢，於是抱住試試的心態入來。雖然說是週末中午的用餐高峰期，但取號後就即刻有位了⋯⋯我哋4個人，但俾咗6人位卡座，好開心。不過坐低時發現枱面抹得唔干淨，地上又有好些食物残渣⋯⋯研究完餐牌，便依日式餐廳的慣例按桌面的鐘叫人點餐。按一次，我哋都聽到鐘聲，但冇人應；等咗5分鐘，再按第二次，情況依然。於是要走去擺茶水和餐具的服務站去搵3個堆埋喺度的侍應來點餐⋯⋯上菜好快，但上哂菜都冇人來斟茶，我唯有自己到服務站拎茶壺來斟，斟完還番個壺，全程有服務生看到，但冇反應。⋯⋯第二次加單，又按鐘，又冇人應，d侍應好鐘意堆哂係度望住部點餐機傾計，完全唔理頋客，於是我哋又要走去服務站搵佢哋⋯⋯眼見坐隔離枱的食客又係咁。唔知點好意思charge客10%服務費。對於食物，只可以說新鮮度都可以。因為係食客自助烤，冇乜厨師的工作，所以只可以評價咁多。飯就量好大，不過有些太干同硬。鑑於服務太差，唔會再幫襯。

幫襯過牛八好多好多次, 因為真係岩晒我呢類食肉獸. 二百幾蚊, 任點任食牛豬雞, 加$40仲有啤酒/清酒放題, 約老友去飯聚一流.完全吾洗驚叫多左, 又或者食貴左俾老婆哦 今晚3人行, 7點去到, 等位等左20分鐘, 都算快.不過今日個位有 D 僻, 叫天不應叫地不聞, 要下下行出去俾 order 紙.單骨雞翼, 牛肩, 五花腩, 牛舌 ... 呢 D 必食.鹽燒定醬汁, 無所謂啦, 點點點, 反正上到枱都吾識分, 哈哈.蜜糖腸係必點, 同必然 Encore, 真係好食.今次試多樣嘢 : 牛肋骨湯, 好味 ( 夠味精 ), encore 左一次添.象徵式點左一碟生菜同秋葵 (同老婆交差) 時間過得真係快, 任食120分鐘實在吾夠, 多30分鐘會更 perfect 

今日下午放假、本來去食日式火鍋放題、但見到隔離舖好多人、行去望下、係日式燒肉店，價錢又幾底食。點了海鮮定食和牛肋肉並牛腹胸醬汁定食。定食是跟白飯、三款前菜、餐湯和飲品。海鮮好新鮮，虾好大隻、燒虾真係好香。帶子都算大隻、勁底食 HK$89。

啲野食同服務垃圾到不得了。啲侍應係咁傾計好難叫，過到黎又唔耐煩，如果係好忙好多客都可以理解，但偏偏個場都只係坐得半滿。食物方面，啲牛肉不論叫醬汁鹽醬或蒜茸味既肉都係同一隻味，叫野食又漏單，野飲又去錯隔離枱，想提提佢黎哩枱又叫極都聽唔到急急腳走，完全唔彩人，最後又拎返過黎。其實入到去啲枱得一半滿，唔明點解都可以做得咁差。食到咁上下想叫個甜品，送到上枱真係呆左下。個窩夫軟綿綿成條毛巾咁，仲要係凍既。同個男侍應反映，佢就話「係阿，係凍咖，跟雪糕黎所以係凍。你可以燒一燒佢。」語氣態度仲要極差，自問同佢講野都客氣，只係想佢同廚房反映下，睇下會唔會可以整返好啲，估唔到係得到個咁差既回覆。概括來說：又要等，又唔平，野食質素一般偏低，服務除左個男侍應態度極差之外都係一般。唔係求氣想普通食飯既話建議去第二間。

呢間燒肉店，我都分唔到係日式定韓式。但中價燒肉之中佢真係算係number one 了先講價錢🐣🐷 雞肉豬肉星期一至四 $188 星期六日$208 🐣🐷🐂 雞肉豬肉牛肉星期一至四 $235 星期六日$250 🐣🐷🐂🐟 雞肉豬肉牛肉海鮮星期一至四$288 星期六日$308我和朋友今次就揀咗 雞肉豬肉牛肉燒無法啦～友人對牛肉情有獨鍾呢間牛八嘅肉嘅種類都算幾多 無種肉都會有唔同嘅醬揀但其實，我覺得隻隻醬都差唔多 反而我覺得佢啲肉幾好食嘅新鮮。 檯面有辣醬 豉油 鹽，可以自己沾肉食， 但我個人覺得唔使沾都已經好好食呢一間牛八有好多週邊食物，例如沙律，飯等等。呢D食物質素1流真心好食講真，食太多肉是會厭的有D呢週邊食物就very good 醃青瓜醃蘿蔔呢種小食都幾開胃肉靚呢個冷麵真係超級好食 我自己一個食曬成碗可以媲美出面要比錢食嘅冷麵放題食到哩種質素嘅冷麵真係100分溫泉蛋沙律亦都好fresh.呢間燒肉店嘅員工好好，燒到一半時，會幫你換網薑味汽水抹茶雪糕正

冬天又係烤肉既季節😏呢度既午市烤肉套餐都幾抵食，價錢由$62起，有多種肉類可以選擇，套餐包前菜，湯，飲品同白飯一碗。-前菜有三款，泡菜唔入味，唔辣又唔酸，味道奇怪。而芽菜係可以接受既，蘿蔔就只有一舊仔😂我平時係好鐘意食韓國泡菜既，但呢款泡菜味道難以入口，總括黎講，前菜係唔好食既🙅🏻‍♀️牛尾湯清甜可口，個人好鐘意😉烤肉味道濃，飲返碗清湯，即刻中和返冇咁膩。牛肋肉+肩脊肉(醬汁) $69餐牌上有指示我地每款肉類要烤幾耐時間，以上兩款肉類要大火烤二十秒，反轉再烤多十五秒。燒肉汁同烤肉非常搭配。而我就用左韓式辣醬配白飯，味道即刻無咁單調。兩種肉類都幾好食，味道唔錯，牛味濃郁，而且充滿肉汁。呢個價錢，咁既質素，絕對係抵食既。-另外仲嗌左個三文魚石鍋飯，撈燒肉汁食，味道普通，但勝在熱辣辣，仲有飯焦香。

垃圾... 呃人放題時間。連續寫左4次單，漏咗兩次，一坐低連碗都無，要人問佢先知要俾，侍應仲要周圍行行企企，黑口黑面，宵夜時段俾錢入黎受你氣.漏單食唔飽仲要叫勁耐先有人理你，以後唔會幫襯。

本來開開心心同老婆慶祝結婚週年點知我6點28分入座，6點35落第一張單，7點05分仲未到，追左兩次之後，另一員工先發現漏左單，店員態度又差，話補時間比我，但係吾通今晚我白白坐多半個鐘用餐？大家嘅時間都好寶貴，就算係補時間我都吾會接受，不如改善下員工工作態度好過啦今次用餐係星期五，價錢比平日高係正常，但係我今次晚餐book左早段6點半，入坐的時候只係半個場有客，未見得員工太忙應付不到，唯一解釋係呢間燒烤放題對顧客的用餐感受非常無視，所以冇好好去訓練員工應有的質素！

星期六係荷里活廣場，lunch set 係少有既,大部分餐廳只做星期一至五。但平日要返工，又點會有時間帶仔出街試好西呢！去牛八和最大原因，就係星期六都有set lunch ,而且價錢同weekday一樣，所以值得試試。韓國餐廳，kimchi 加燒肉係主打，推介牛胸肉，唔"鞋"又有肉味。牛肋骨就略為肥左D，如果冇咁多肥膏,會好好多。如果唔夠肉燒，仲可以另外加肉，唔駛叫多個set lunch,因為set lunch係白飯任加。成餐飯二百零蚊，星期六來說,真係好抵😋😋

同屋企人心思思走左去食燒肉放題，星期日$258加一，可以即時入會有9折喎！點有溫泉蛋既食物，服務員話蛋唔夠貨要留俾散嗌既客人，下？唔夠貨唔係店鋪問題咩，放題既客俾足錢架喎不過其他野樣樣都好好味，食食下牛腹胸又話唔夠貨又要留俾散嗌既客，無得再點但好彩，其他野都真係ok，補返數啦其實店面好忙但服務員都好有禮貌，辛苦晒～～～

又係要到食燒物既時候喇....其實坊間真係有好多燒物店....豬牛羊雞乜都有不過低食既又唔係太多所以牛八都係一個幾好嘅選擇因為豬牛羊雞素拿乜都齊尤其係食肉獸....包你睇到口水流餐牌其實都有幾多野揀我朋友食呢個牛件....佢話肉質好嫩滑細緻...脂肪分布恰到好處....真係媲美日本靚和牛口感我就叫朱同雞..牛就比我老友食其實齋食肉又唔多夠飽...叫埋呢個紫菜飯先至啱啱好有有前菜又有湯又有凍飲又有燒物又有飯埋單都係＄230左右

星期六同男友出黎鑽石山附近探完嫲嫲後就過左黎呢度食燒肉, 上網見到新開張, 有放題亦都有午市套餐! 上一手係金舌燒肉店, 而家已轉左叫牛八! 午餐價錢同款式同金舌都差唔多, 唔知係咪只係轉左招牌燒肉食太多會膩, 食午市放題2個人加埋要5百幾蚊, 感覺唔太化算! 所以選左午市套餐 , 價錢由$62—$139 包湯,前菜,白飯, 飲品! 因今日係假日關係, 追加燒肉要俾正價叫左2個餐各$69 牛肋肉&牛腹胸定食, 牛肋肉&肩脊肉定食, 另加一碟牛舌正價$62前菜泡菜醃味一般唔太好食, 另外2款幾好牛尾湯好清, 我就麻麻燒肉好食, 有牛肉味食完發覺豬左, 貴3蚊 $65已經有個牛舌套餐😂 起碼可以食多碗白飯多杯野飲坐位濶落, 幾好坐. 午餐呢個價錢質素合理

這間牛八和牛燒肉屋的環境十分良好，衛生和味道也十分良好，但他們的服務態度很非常不好。有些人可能覺得他們的服務態度很好，但你們有沒有想過是誰和你們去，你們的年齡有多少歲，你們可能是成年人或青少年，可我們這是小朋友，他們都小朋友都是隨便敷衍一下，所以奉獻各位小朋友，如果要去那裡吃，必須得和成年人一起去。我平時對餐廳都不會評頭論足，但是這次我真的火了，讓我和大家說說。今天我和同學一起去吃，本來一開始好好的，他們對我們都不是敷衍一下，他們可能以為我們之後的會有大人來，可一小時後，他們發現我們沒有大人來，就隨便隨便敷衍我們一下，足足有半個鐘小時，我們完全沒有燒過任何東西。他們還說會幫我們去看看，但結果他們只是和經理說說，並沒有幫我們拿過來，而且他還常常上錯東西，我們不是叫了很多東西，而且叫的差不多都是一樣的，但他們還是常常上錯東西，特別是那些冷麵，我們明明叫了不要蛋，但他給的三碗冷麵都有蛋，還有我們一開始下的單，他到最後二十五分鐘才問我們有沒有，我們實在吃的太生氣了，這可能是我吃飯吃的最生氣的一天。

紅日, 很多人排隊, 好在取飛後可於wechat查看輪候號碼和大概時間, 可以行住等等了大約20分鐘就可以入座了,由於唔多食燒海鮮, 我們叫了普通的那個牛豬雞燒肉放題, 假日$258食品種類都很多, 除了燒的肉還有沙律和飯, 每人包兩杯飲品和一個雪糕一坐底會有一盤拼盤, 可以先每款肉試一試味再決定追加什麼牛肉雖然不是和牛但亦很有肉味, 其他食物味道亦不錯環境亦很舒適, 我們兩人亦被安排坐在4人卡位上, 所以十分寬闊而且店員服務良好, 反應快, 亦主動定期會來觀察你有沒有需要, 同時清楚介紹碟上的是什麼肉店員亦會主動為我們換燒網在鑽石山呢頭想吃燒肉放題的可以來一試