牛陣 (Closed)

我自己都做過賣和牛，一塊肉眼STEAK 300G 至少都$450...宜家$200幾就可以任食。有D人會話D肉鞋..一隻和牛有好多位..脾位就當然鞋D..少脂肪MA..咁你見唔到D雪花..就唔係和牛架喇?!如果你真係食到呢個位咁就唔好煮太耐喇,! 個個客都想食"林",但一隻牛,肉眼位有幾多大家都知...D客以前幫我買10pcs..都成$800..宜家有得坐又任食..d日本醬汁都唔平架!!仲有d客見到澳洲同日本牛肉一樣色就以為攪錯...其實特別是肋骨同頸位，因為少油花所以望落好似..真係要師傅先識分...同埋自己食下..和牛會香d。最後其實日本人好多都喜歡脾位..喜歡啖啖肉...太油食太多都唔好。最緊要係大家食既心態..。我都覺服務唔係咁好..但多人就好難講架喇..我都明成日俾人問埋d again又again既問題。加上香港人好難明白日本人既文化..對和牛既認知又唔多...如果真係想食好d..自己去taste既牛陣買返屋食..咩位都有..但你想2人食到飽冇$1000都唔好諗喇。

很喜歡看過食評才決定是否"幫襯"和以甚麼心態"幫襯"。當然以平常心的心態，最能食出佳餚的真味，不過有時候，某些餐廳的特色是招牌菜，錯誤的選擇亦可以ruin了一頓飯，很多時候很多出名的餐廳吃完後想給它一個"哭"面，就是期望太高的關係。這一間任食牛肉鍋，想試很久了，但吃過後，(我們是吃$140那一種)牛肉不算是太驚喜，反而它的薄切豬腩肉，不但有很香的豬肉味，還有些軟骨夾在肉中，真的不是太常吃到的。埋單才一人$154，基本上是很抵食，我們一行7人，共8碟牛4碟豬，很誇張啊不過要留意的是，吃的朋友也要是食得快之人，因為90分鐘內要快食，基本上連聯誼說笑的時間也不多啊！所以有了心理準備才來吃，應該還是覺得抵的！

無聊行過apm時發現呢間o野..終於尋日去試..因為覺得食牛肉鍋一定要sukiyaki湯底..所以揀o左$120的普通牛肉餐~>w<個湯味ok...越滾越甜...母親大人厭佢甜飲唔到..囧" 但sukiyaki係甜o架嘛..囧"一o黎碟肉肉...嘩..好大碟呀..仲切到好薄薄...淥一淥就熟..好滑..好好味~>w<蔬菜豆腐粉絲烏冬白飯牛肉飯雪榚任拎任食..牛肉飯炒得唔錯~>w< 一定要食粉絲...入晒味..而且唔係幼幼粉絲..必吃..有少少扣分係佢係畀杯清水你..唔係畀茶你..囧"最後total食o左兩碟肉...飽到郁唔到啦..囧""遲o的一定會同o的fd o黎多次..因為覺得好o岩食~!價錢可以接受...一定有下次!

試過APM牛陣, 覺得和牛好味, 可以自己選蔬菜類, 價錢唔貴的日式火鍋! 但好奇怪! 唔明點解牛陣門口放了很多1.8公升的Sake樽, 但入去食嘢, 就說沒有Sake供應?? Waitor說他們只有啤酒供應, 門口放了很多1.8公升的Sake樽只是裝潢...吓...!!! 食和牛沒有Sake??? 唔係化??? Waitor這樣一說, 我真係晴天霹靂, 好彩佢哋畀我在外面買回來飲, 於是拿拿聲去Jusco買, 當然佢哋要收$100開瓶費! 但他們會幫你雪凍支酒和畀冰筒你(如果要凍飲).服務算係咁, 如果有Sake賣就唔駛咁煩啦! APM牛陣真的要檢討檢討!

起初都覺得OK,但在本人給予食評食即管看一看其他食客的意見,似乎大部份人都覺得好好食.但老實說我個人認為可以但未到高水準.因為最近試過其他分店的牛肉,頗為肯定別的一家食肆用花相約價錢也可嚐到更高水準的肥牛噃......Generally speaking,是可以一試,尤其是午巿時段,比起同層的食肆相對花較少時間QUEUE UP..所以大家不妨試試..要是10為滿分,我今次會給予..........6分....

7月10日晚上大概8時左右,為celebrate我男朋友的birthday而專登由港島區而去試一試呢個好似好日本式既Shabu Shabu. 當我地未可以入去時已經選擇試呢個90mins 任食$300 既A5特級和牛餐. - 當可以入去坐低時發現我地坐既兩人枱實在細得可憐,跟本就唔夠位擺碟牛肉,況且我地有叫野飲加埋佢地比既兩杯水, 調味料 (醱汁+麻醬), 電子爐, 重有個container 載住兩個撈lei. 可想而知我地係食得咁就住就住.- 第一碟牛肉唔知點解冇喇喇加埋d豬肉 which we didn't order, 問 waiter 佢話"第一碟一定係咁ga啦,冇得選擇 --------算 - Refill既牛肉睇好似好好但d肉非常之鞋口 重有好肯定d牛肉係唔新鮮因煮完係變成黑色既, 估佢唔到可以咁差. - 我地total叫咗3次refill,最後左兩次出奇地慢,唔吹佢都唔嚟. 我一定會好好咁幫佢宣傳叫人唔好去食. 300幾蚊一個人好肯定有其他地方好過佢.一定唔智有下次!!!!-

第二次來，之前是晚餐，今次是午餐。只有一碟牛，但蔬菜、雪糕等任食。面對滿滿一碟牛肉片送上，雖然不是放題，仍有一種滿足感。湯底ok，牛肉即使不加醬料，湯底的味道與牛的鮮味混合，yummy yummy~至於服務，普通啦。

7月5日下午與隊友於頂樓百老匯預售"Hancock"戲票後找餐廳填肚, 來到"牛陣"門前被其餐牌的半放題式的shabu shabu餐和價錢吸引, 見店內入座率頗高, 門外也有若干人等位, 一試無妨~牛肉火鍋(150oz)：份量足, 肉色鮮兼薄切, 只需於鍋中輕輕灼過即可入口豚肉牛肉混合(150oz)：豚肉偏瘦較硬, 牛肉依然正蔬菜放題：茹菌, 豆腐, 蘿蔔, 芋頭, 蓮藕片, 白菜, 莧菜, 洋蔥, 粉絲, 烏冬, 炒飯, 雪糕湯底只用普通的日式面豉湯, 幸有我最愛的麻醬作調味~ 肉的份量對於非食肉獸的隊友與我來說算相當足夠。每人送一杯汽水, 慢慢吃坐了接近兩小時~

今天又和同事食飯，聽說有一間專食牛肉的shabu shabu在apm，一個字「牛」。我地只選了最平的一種，可以食牛和豬腩肉，但係d牛可以源源不絕的送上，只食2小時，但係到最後半小時真係食都食唔落，當然還有其他的配菜可以到出面的bar攞，如蔬菜類、金菇類。唔記得左，我地選左兩個湯底，一個是豆漿，一個是鐵觀音，我都係第一次聽到可以用這兩種東西來shabu shabu, 埋單150元，真係攬住個肚走。

同屋企人去APM行街，之後系五樓發現到呢間野。大家都一心想試下，於是就囉左非先。行左差唔多一個鐘頭後返去，等左兩三分鐘就叫到，時間剛剛好。食物方面，好多個唔同既湯底同牛肉既套餐。我地要左個「すきやき」湯底普通牛肉既餐。牛肉$120任食90分鐘。而配料任取幾多都得。D野離得都算快，唔會好似好多任食店咁系咁拖你時間。前後追加左四碟靜牛肉兩碟豬肋肉。而且每次份量都唔少。湯底方面，「すきやき」湯底都算夠味，但若再濃返D會更好。先系湯底加入大量菇類烏冬等配菜最後先食。入晒味，正﹗﹗﹗牛肉質素一般啦，牛肉唔算話特別肥而且肉質亦都好一般。但如果以任食店質離計，都算過得去既。始終一分錢一分貨。豬肋肉就好正，好肥美。而且食落有D軟骨咁，前後都追加左成兩碟。但講到服務方面，其中一個女侍應態度幾好，加水唔會就咁倒水入個鍋到，專登入廚房囉D湯底出離加落去，而且做野睇得出好有心做。但其餘好幾個侍應都唔掂既，叫野又唔記得落單，加水就更加就咁倒水落去搞到個湯淡晒太馬虎了。整體離講食物質素系任食店離講算是可以的，但服務的確有待改善。

牛冇問題，問題出喺人度。睇咗食評至去食，都怕自己有偏見，但係好明顯之前所有人寫關於服務態度嘅都係真嘅。因為我都覺得好唔掂。去到坐低冇人理我哋，我招手跟住有個戴眼鏡髮長蓋耳嘅女侍應嚟。我哋問佢嘢佢都唔多願答咁，後來我哋叫五份一百蚊嘅，佢話係甜豉油湯底，我哋問可唔可以轉，佢話八十蚊嗰隻至轉得。雖然佢答得好冇禮貌，但係我都係覺得好笑多過嬲。我心諗如果我係老細聽到佢咁答客，肯定炒咗佢。明明五百五十蚊生意，變咗四百四十蚊，賺少兩成。多幾個咁嘅夥記，好快執得啦。上肉慢係預咗，唔通真係蝕俾你咩。不過我覺得啲肉都唔係咁差，咁嘅價錢我覺得啱。任執嗰啲就唔係太多嘢揀，不過我覺得可接受。雪糕得兩款，可以改善。知道係一小時，提last order都唔係問題。我食係午市，有枱剩，所以都唔係真係一粒鐘即趕，不過過咗三個字左右有個後生嘅過嚟話：「你張枱過晒鐘囉喎！」雖然知佢唔係惡意，但係我覺得可改善。最奇係，到走嗰陣開頭個女人忽然變到好好笑容，好似我哋走佢至笑得出咁。睇埋晚市價錢，覺得午餐值，但唔會夜晚嚟食。

女友生日, 一早去左book位, 去到等左3 mins到有位, 呢方面ok的, 因為不是食大酒店, 服務不是賣點, 可以不理食一個澳洲上牛肉餐第一碟ok的, 算係一分錢一分貨但refill的牛, 豬, 差很多, d肉鞋口鞋面的.........如果只係得一碟係靚野, 咁不如一早就食普通牛就算....應該冇下次...

六月五日(四)今晚決定左黎牛陣試試，都想試好耐，因為每次行過都會聞到陣陣香味，對於好牛既我真係好大吸引，今日終於都的起心肝去試一試，因為BUDGET有限，試住最平果種牛肉先，揀左日式甜湯湯底，因我同老婆都好鐘意尼種甜味湯底～澳州牛肉配日式濃湯湯底($120)牛肉第一碟牛肉質素普通，原塊上雖然好吸引，但無滑感覺，配合甜湯甜味尚算可以。第二碟追加牛肉係最好食一碟，切得較薄，煮熟後小滑，不錯～　第三碟追加牛肉份量很多，但質素方面坎坷，牛肉鞋不特止，而且很多根同渣，吃了兩三片放棄～豬肋肉有骨的一種，味道唔錯，煮得耐都唔會鞋，仲幾滑添～豬柳?細塊果種，睇之前食評話係豬柳，但尼款肉煮得耐會好鞋，豬肉黎講又唔敢話煮唔熟黎食，感覺上唔適合用黎做火鍋配料～服務黎講又唔覺差，我地果"格"度由兩位侍應負責，Order野同加水等都無問題，牛肉亦都好快送到～總體黎講以$100尼種牛肉黎講唔太食得過，如果全部都係第二碟質素咁就OK，但三碟裡面有兩碟麻麻地，博唔過，老實講以$120尼隻黎講我覺得吉野家果個比佢好食，起碼人地D牛肉煮完都真係滑～　配料方面唔錯，可以任夾，雪糕亦OK。下面位網友都講得有道理，牛陣係一間"

今次呢間同日本既shabu shabu 既食物同價錢差不多。 同樣係任食牛肉, 不過蔬菜係自助形式。 牛肉都好好食, 碟頭夠大! 蔬菜夠新鮮! 除左牛, 仲有豬既! 每件肉都切到好薄…係咁而灼灼都已經食得了。野食真係不錯呢。 不過, 彈既係….你唔好以為食得快就可以食多幾碟。 我地任食90分鐘, 當岩岩坐低既頭一,兩次都上菜好快!! 但當你繼續再order 牛肉時…已經開始放慢上牛肉! 仲有係既, order 再上牛肉時, 的waiter 的面口真係難看到不得了, 好似要睇佢面色咁! 老實講, 食物我覺得係值得既, 真係唔錯! 但係, 佢地的Service 真係要改善下, 起麻唔好黑口黑面先啦!!!

香港終於引入了平價的日式火鍋 實是可喜可賀至少可以一解我對momo paradise單思之苦平價日式火鍋店終於登陸香港 可以以100元左右食到日式火鍋實在叫人興奮雖然100元只係食澳洲牛同巴西豬 但任食烏冬 炒飯 同蔬菜環境都幾舒服 唔會太迫 日式火鍋來說 個人覺得好值這裡的肉是即叩即切的 所以會等得耐d 但出來比較靚同衛生(tip : 大家食到一半時order定 食晒就差唔多到喇 )我幫襯過幾次 試過普通和上級的牛 說真的 本人覺得冇咩大分別牛都係比較瘦 但有牛味 不過佢切得好薄 可以一滾即食 加上日式麻醬同日式醋 (各位朋友唔好再話人d豉油酸喇~)實在好鬼正 不過豬就普通 豬腩肉正d 不過比較肥啊其他的蔬菜都不過不失啦 炒飯幾好大家可以唔點醬食真d牛味 因為佢個清湯比較重味 唔點醬都唔會冇味的個人覺得 如果喜歡食牛的 牛陣係唔錯的選擇雖然他的澳洲牛比較瘦 但都有牛味 而且切得薄 可以一滾就食港式任食火鍋的牛係冇得比的 另外我見人食3xx的日式和牛真係幾靚 係貴d 但和牛一向都貴的 所以如果好食的都值日後有機會一定要豪一次 不足的地方有部份員工態度真係有問題 但有d都ok的上級牛同普