牛陣 (德福廣場1期)

Open Now

Now Closed

去牛陣打邊爐最吸引就一定係哈根大師啦!一入到去即刻不番幾杯食先!!我地就叫左番茄湯底湯底唔算特別濃郁d牛都上得好快手打邊爐料就自己係出面拎既邊爐黎講其實成個都好普通不過不失而最吸引既就係哈根大師!!!呢個就係牛陣邊爐最回本既位(除左肉之外)佢提供既味都唔少 都大約有8-10款!!滿足晒想食雪糕既我啊~

只有一小時，稍不留神就浪費了。入去前先想清楚自己要食乜，重點係乜。之後集中注意力地食！咁就包冇損失，此外最緊要係自己去食，如果唔係傾吓講吓又冇時間喇。講返食物，我喜歡蔬菜多選擇，種類多，有羽衣甘藍同秋葵，唔會成日有。我指如果以$100以下價格而言。肉類方面，我叫定食，有兩盒肉，選多！除此之外我十分欣賞佢地咖哩牛肉。我食了兩碗，汁正，配料足，送飯同烏冬都一流。而最值回票價的是哈根達雪糕。一共6球 x 2. 抵哂！

午飯時間德福繼續係咁多人，同同事話好耐冇食過菜不如試吓一個鐘頭嘅打邊爐！可能因為冇乜人好似我哋咁會lunch 打邊爐所以都唔係等左好耐就入到去！我地揀左最平果個餐$69 包一碟肉再加出面配菜任拎！為咗爭取時間我哋一坐低就即刻衝出去拎嘢食！出面有好多唔同種類嘅菜、菇同丸等揀，都好抵食！肉雖然薄左d ，但咁嘅價錢算係咁！發覺原來一個鐘打邊爐都可以，但當然就一定有d 趕，唔係可以好休閒咁食！出邊仲有雪糕食，但唔係好食得落，下次有機會都會再食！

好耐冇去牛陣打邊爐，見店員sell 泰式火鍋，見卑多幾十蚊可以任飲又多款泰國野，就一試無妨。火鍋湯底係DIY，配菜配料已經配搭好，跟指示放入去就ok。 湯底一開始煮滾都唔錯，自己都飲左幾啖。豬肉&牛肉都係要落order先再refill，so far肉質都ok，牛舌太簿，食唔出味道。其餘火鍋菜式都係自助，有魚塊&雞肉，蔬菜類都好多款，都係白蘿蔔、生菜&雞脾菇，比較喜出望外係 羽衣甘藍&蟲草絲 都食左幾轉。食完埋野，仲有條芒果糯米雪條食，係幾香芒果糯米飯味。

近排好多火鍋店都推出唔同國家主題嘅火鍋套餐，今次肥妹仔頭就同屋企人去咗牛陣呢度打邊爐， 咁啱佢而家做緊泰式風味冬陰功湯，非常特別。限定湯底穀飼上級牛肉套餐  $219肥妹仔我哋揀咗限定上級牛肉套餐， 湯底就揀咗diy冬陰功湯。呢一個湯底好特別，因為店員會即場喺你面前用新鮮嘅材料爆香，然後再倒個冬陰功湯底出嚟，真係未食已經聞到好香辣嘅味道，令人流曬口水。上級牛肉火鍋肉類我哋叫咗呢一個上級牛肉，雪花紋好靚，食到牛肉肉質好軟淋，牛味都好濃郁， 放題質素嚟講一絕。豬肉佢嘅豬肉係屬於薄切嗰隻，唔會好厚，輕輕喺冬陰功湯底碌一碌，索曬冬陰功湯汁，好好食。魷魚，帶子，蠔除咗牛肉，豬肉之外，肥妹仔我哋仲叫咗魷魚，帶子同埋蠔。蠔好大隻，好新鮮，食落去好飽滿，魷魚同帶子亦都不錯，吸曬個冬陰功湯汁，好惹味。而出面仲有啲自助區可以畀我哋拎一啲新鮮嘅蔬菜，丸類去食，非常豐富。同埋仲有肥妹仔至愛嘅哈根大師雪糕食，肥妹仔食咗四杯。芒果糯米飯雪條因為而家牛陣做緊泰國特色主題，所以每一枱都會送芒果糯米飯雪條。呢一個雪條肥妹仔之前食過，超級好食!雪條入面有粒粒煙韌嘅糯米飯，芒果汁同椰汁好香甜，正!

德福商場的食肆週末大多擠滿等位的人群、牛陣更是長期人氣高企、要早早訂枱分兩場。一坐下就點了新推出的冬蔭公湯底、可以DIY自製湯底、有海鮮任食放題。滾熱辣的冬蔭公湯底唔會太辣、但夠惹味、用來煮海鮮就適合不過。跟餐有各式飲品可選擇。軟嫩的牛肉、豚肉和海鮮拼盤。外面放著多種蔬菜、丸、菇類、魚柳等、亦有煮熟了的青咖喱牛肉。青咖喱汁唔算辣、都幾濃。有幾款Haagendaz 雪糕自助享用。最後仲送每人一支iSEEiSEE芒果糯米飯手工雪條。

早排牛陣推出咗個diy冬陰功火鍋湯底因為肥雞老母好鍾意食泰國嘢所以決定一家人去試下 一開始呢佢哋會畀塊牛嘅脂肪比我哋爆香佢然後落啲南薑香茅紅蔥頭紫天椒鮮蝦魷魚等等炒香佢炒完之後呢店員就會將個冬陰功湯底畀我哋我哋到一個version啦唔辣呢就可以根據自己落幾多辣椒嚟定嘅咁當我啲湯底滾咗之後呢就可以接埋檸檬汁呢就一個自製嘅冬陰功湯底就完成啦 呢家覺得呢個過程好得意唔只可以食之外仲可以自己落手落腳做埋咁嘅湯底我一同出街飲過冬陰功湯底都差唔多只不過呢間屋企又唔係好食得啦呢所以我哋落嘅辣椒粉少咗好多 當然啦其他大老爺你如牛呀軟呀蔬菜呀都冇乜分別只不過呢一個餐呢就多咗一啲人買海鮮海鮮包括魷魚號同埋帶子嘅 一如以往嘅水準啲牛 牛肉搏得嚟都油脂分佈得幾平均食落口你都好香濃 至於其他配料都係一啲院呀腸仔呀蘿蔔呀今次多咗個羽衣甘藍肥雞有幾得意就試下六啦都幾好味嘅 豬豬甜品呢除咗有haagen-dazs之外 仲有一間本土自製嘅雪條叫做ic 咁呢一條雪條呢就係香芒糯米飯雪條當初肥雞以為係香芒糯米飯嘅味道估唔到薯條入面真係有糯米飯同埋芒果肉 對肥雞嚟講咗一個好特別嘅嘗試

一向鍾意食泰國菜嘅我，知道牛陣出咗冬陰公味嘅火鍋就即刻同男朋友二話不說去試。火鍋放題就食得多，但其實我第一次食牛陣。原來佢同其他放題店真係好唔同，首先食材就真係非常新鮮。我出去拎嘢食嘅時候都覺得非常impressive,食材全部出晒凍煙，佢嘅保鮮工作做得非常好!呢個冬陰公鍋同平時普通鍋有啲唔同，一開頭俾咗好多材料同埋配菜我哋，我哋可以係個鍋到自己DIY烹調食材，然後再加冬陰公湯。有一樣野非常值得一讚嘅係，平時打邊爐加湯，好多時候都係加水或者加清湯，牛陣嘅冬陰公火鍋加湯的時候係真係加啲冬陰公湯落去，即使加咗幾多次都keep到有冬陰公嘅鮮味。另外非常欣賞牛陣對牛肉嘅執着，佢哋用嘅全部都係澳洲頂級牛肉，絕對食得出同出邊嘅火鍋放題係有好大分別。而且係任食！我同男朋友一共叫咗五碟成個放題都好有泰國特色，連甜品都係芒果糯米飯雪條。如果雪條都唔夠，仲有哈根達斯雪糕任食

最近見到牛陣宣傳緊個叫「冬蔭美鍋」嘅火鍋，自己都比較鐘意飲冬蔭功湯，而且仲可以DIY自己親手煮，實在太吸引了！於是收工後約埋成班朋友一齊去牛陣試下呢個新火鍋。打完邊爐之後原來仲有個美肌手工雪條，入面有糯米飯、芒果粒、仲有椰奶。呢個配搭又真係從來都未試過，有少少期待呢個甜品呢。當我地向店員點咗呢個「冬蔭美鍋」後，店員好細心咁講解點樣DIY呢個火鍋。每張桌上面亦都有宣傳牌教大家點樣DIY個火鍋。呢個火鍋湯底材料包括咗南薑、香茅、紅蔥頭、芫茜莖、指天椒、泰檬葉、草菇、秀珍菇、鮮蝦、魷魚同青檸。首先先落一小塊和牛脂肪係鍋裡面，等佢逼出油脂，之後再均勻揸個鍋底。之後放南薑、香茅、紅蔥頭、芫茜莖、指天椒、泰檬葉、草菇、秀珍菇、鮮蝦、魷魚係鍋裡面炒大約30秒。最後加上冬蔭功湯底，等佢煮滾。煮滾後再加上青檸汁就完成。完成後飲一飲咗個冬蔭功湯底，酸酸辣辣，十分開胃。另外仲有少許海鮮，鮮味十足。我地今次叫咗「日本產黑毛和牛」作為配料﹐和牛非常嫩滑﹐加上冬蔭功湯底﹐帶有少少酸辣，非常美味！打邊爐當然要飲番支啤酒啦！呢個冬蔭功套餐仲包括埋泰國象牌啤酒任飲。感覺就好似去咗泰國打邊爐咁！在自助吧前，仲可以自己DI

再訪牛陣，是為了一試新推出的泰國冬蔭公鍋。桌上放有DIY火鍋湯底的步驟，我們按照指示先把牛油平均塗在燒熱的鍋上，再爆炒香茅、紅蔥頭、魷魚和鮮蝦等。倒入冬蔭公湯後，待其滾起，擠上青檸汁，未吃已聞到陣陣酸辣味。$219澳洲上級穀飼牛色澤紅潤、帶點脂肪在鍋中燙後，肉質幼嫩，蘸少許麻醬已非常美味。豬肉片也不錯，肥膏不多夠健康薄切牛舌一點也不韌生蠔、帶子、魷魚也是任食生蠔沒有腥味，帶子也軟腍吃了很多牛肉後，也想吃一些澱粉質，圖右上的日本拉麵出乎預期的煙韌有彈性。魚柳嫩滑，也是一吃再吃泰國象啤任飲，味道清新順喉，配火鍋一流。甜品是每人一枝I SEE I SEE手工芒果糯米飯雪糕，餐廳果然有心思！

其實我都幾鍾意食牛肉，今日下午約咗D朋友去九龍灣德福廣場睇戲，大家就順便中午喺附近嘅牛陣食佢嘅午市放題，全部任食，飲品可選一罐，每位99元，另需加一服務費。我地用手機app先取票，好方便，食物材料好新鮮，性價比高，多款醬料，好味抵食。

經過一星期的辛勞工作，終於到週末了！為了慰勞自己，特意來到牛陣一試他們正在推廣的冬蔭公火鍋。與其他湯底不同，此鍋是要DIY的。餐牌會有指示提示客人按步驟放材料，最後才把湯倒進。在炒材料時要小心辣椒刺鼻氣味，如有需要可向職員索取口罩。門前的自助吧除了汁醬和蔬菜外，還特設有泰式醬汁和香茅蜜糖茶等，很貼合泰式主題。在職員細心提示下成功煮好冬蔭公湯底，三款肉類和海鮮亦隨之附上。肉類是當場即切，品質有保證。而海鮮類貨式亦比大多數火鍋放題所提供的質素要好。最後更有芒果糯米飯雪條，香甜的芒果配上椰子的微香，十分清新。糯米飯粒更令雪條添上煙韌的口感。貼心的服務再加上好玩又無限追加的火鍋配料，絕對是物有所值！

呢排天氣一涼真係好想打邊， 鍾意食辣嘢嘅人除咗會食麻辣火鍋之外，相信泰式冬陰功鍋都會係一個唔錯嘅選擇，喺facebook見到牛陣咁啱呢排做緊呢個泰式冬陰功火鍋嘅promotion，似乎唔錯又係時間約朋友拉大隊去試下新嘢啦。呢個湯底都幾特別，平時食嘅火鍋通常都係一早煮好嘅湯底，到時加湯咁，但係呢個係可以畀客人自己玩DIY，用香料加埋和牛脂肪咁落鑊炒，炒香咗啲香料先至再加入湯底，變相就感覺更加新鮮入味。 而且有得食有得玩，不過炒香料嘅過程中，啲香料都幾辛辣，個鼻有少少敏感。湯底入面有香茅、乾蔥、蘑菇、辣椒、南薑、芫茜等等，非常正宗嘅泰國口味，但係唔會太辣。跟餐仲有海鮮配料，有蠔肉、帆立貝、魷魚，比起一般嘅套餐更加豐富。 海鮮嘅質素都ok，加埋落冬陰功湯底到，就更加索味，酸酸辣辣非常開胃。另外仲有牛舌切得非常薄，入口都幾爽口，淥十幾秒就食得。而黑毛和牛質素都相當高，望落已經見到唔少雪花，而且顏色鮮紅，食落入口有非常香嘅油脂味，但係唔會太肥，亦都有好香既牛味。不過最令我驚喜嘅係今次牛陣呢個泰式湯底嘅promotion非常之有心思，由出面嘅小食同蔬菜配料，開始已經見到唔少泰國嘅元素。就好似呢一個

多數都係夜晚去打邊邊，晏晝去食真係第一次，不過真係抵好多。有「午市定量火鍋套餐」同「午市放題火鍋套餐」供應，揀咗定量，因為我次次都食菜多過食肉😂🥩定量就係得一碟牛肉，其他火鍋配料同Haagen Dazs 雪糕都係任食嘅😗🍢肉類配料比較少，都係幾款丸同腸仔🍡🥗蔬菜類比較多，較羽衣甘藍都有。🍛熟食有咖哩、白飯同雜穀飯，咖哩有好多料，紅蘿蔔🥕薯仔🥔同肉都大大舊👍🏻🍦雪糕有6隻味，有比較新嘅白桃紅桑子味😍食落冇乜紅桑子味，但有粒粒桃肉🍑我食咗4球🙈💰$69真係齋食雪糕都回本😌

牛陣係香港都有好多年而我都好耐冇食呢間90分鐘任食有幾款牛既級數比你揀另係6款湯底揀1由於我地一行6人，所以比2個湯底試左經典甜鼔油同咸柚子甜䜴油就夠味，咸柚子味偏淡，要食羅白先夠味牛最平係$159同$179$159牛係唔包野飲，每杯都要$12所以建議叫$179牛包野飲重牛味，但肉質較散豬肉好食一開頭叫牛黎得慢，之後上餐都快