牛舞日本燒肉‧涮涮鍋放題 (利舞臺廣場)

Open Now

Now Closed

今日同朋友去咗銅鑼灣利舞臺一間叫「牛舞日本燒肉‧涮涮鍋放題 」嘅餐廳食日式放題，呢間餐廳最吸引嘅地方係放題可以全日燒，午市時間無論幾點入座都可以坐到下午四點，可以慢慢燒同慢慢食，好好品嚐美食；餐廳座位寬敞，大部份嘅肉類同海鮮類都係用QR code落單，例如自助醬料區、蔬菜區、小食區、雪糕甜品區同飲品區，自助區嘅衛生環境都好好。我哋揀咗A級嘅「日本薩摩和牛放題」，總共有140種唔同嘅食物選項，餐廳會先上一盤薩摩和牛拼盤，見到個賣相已經非常吸引，入面有薩摩和牛嘅特上西冷、牛肩胛薄切、壺漬牛肋條、牛胸腹肉同是日稀少部位，全部嘅油脂分布都好似大理石花紋一樣咁靚。職員會先以壽喜燒嘅形式煮熟兩片特上西冷，叫我哋點生雞蛋汁一齊食，之後再會放蔬菜入去煮，其餘嘅薩摩和牛就可以選擇燒烤或涮鍋嘅形式去煮，和牛肉質幼嫩，入口即溶，肥而不膩；和牛嘅口感偏重，建議大家可以先燒烤後涮涮鍋，咁樣就唔會食到咁滯，而呢間餐廳放題嘅質素都唔錯，就算係之後落單嘅幾碟和牛質素仍然保持到，值得一讚；另外我哋仲嗌咗唔少海鮮，包括生蠔、磯煮鮑魚、海蝦、甲羅燒等等，全部燒出嚟都好有鮮味；燒菠蘿好甜，牛油芝士雜菌金菇都好香，推薦大家試一

牛舞日本薩摩和牛肉質都可以話係香港放題界天花板！價格$538/位，每塊均勻滿滿雪花靚到不得了任食呢個質素日本薩摩和牛還是覺得好抵！如要飲埋酒水+$48或食埋刺身要再加$48先送一盤薩摩和牛拼盤薩摩牛牛肩胛薩摩牛牛腹肉薩摩牛牛肋條薩摩牛和牛粒是日稀有部位除左是日稀有部位，基本上食到邊款岩口味先再點唔驚浪費quota 火鍋湯底選左同和牛超搭壽喜燒湯，自助有生雞蛋供應串燒/海鮮甲羅燒/鵝肝/雞泡魚乾等都幾開心天婦羅火鍋配料/小食/關東煮最喜歡羅白炸物/甜品/雪糕飲品均自助 最開心有明治雪條很喜歡

召喚食肉獸-【銅鑼灣🐮 牛舞日本燒肉‧涮涮鍋放題】薩摩和牛吃到飽🐮對自己好啲，要食就食好啲、我就叫咗個A餐總共有124款食物嘅選擇。佢會先上過薩摩和牛拼盤，有特上西冷，牛肩胛，牛胸腹肉，稀少部位，牛腹脅肉，任食仲要冇限時真心抵。和牛嘅油脂分布同肉質真心高質仲要一次過滿足兩個願望可以同時食燒肉同埋壽喜燒。壽喜燒係專人幫你烹調，無論服務同埋食物嘅質素都係超出預期。由於啲肉質非常靚少少的蘸上鹽同埋黑椒已經好好味，仲要係入口即溶。限定精選都好多選擇，我哋叫咗乳鴿，鮑魚雞泡魚乾同甲羅燒。甜品都係日本嘅雪條同埋雪糕，仲有啫喱糖添。熱食都好多選擇，有椒鹽燒賣，餃子同章魚燒。趁而家咁Menu咁正好想去食多次.我就最鍾意食放題選擇多🤤請繼續支持我@thaihk_spicy 嘅食評

牛舞日本燒肉‧涮涮鍋放題分咗3個級數，美國極上牛肉、樂天澳洲和牛、日本薩摩和牛，由$288-$588起。薩摩牛set會先上咗一盤薩摩和牛拼盤😍 有薩摩壺漬牛肋條、牛腹脅肉、牛胸腹肉、甚至有2款係稀少部位。另外薄切嘅薩摩牛特上西冷以及牛肩胛，店員會幫忙以壽喜燒及涮涮鍋方式烹調🤤牛肉無限encore推薦：首推薩摩牛牛肩胛，油花分佈均勻非常靚仔，適合shabu shabu。燒肉就可以主攻最肥美嘅牛腹肉☺️牛舌、牛肋條亦相當唔錯。海鮮方面：竟然甲羅燒都係任食！蟹膏濃郁帶有一絲絲蟹肉！其次磯煮鮑魚、虎蝦質素唔錯都幾彈牙，值得encore❤️

食材新鮮，地方又乾淨！😋😋今次揀左最貴嘅A餐，日本薩摩牛，好好食！壽喜燒汁又唔太甜！正👍🏻👍🏻燒肉方面亦好好味，即叫即切，樣樣都好味！連個網都想讚唔易痴肉同燶！唔洗成日換網

完全係中伏，食最平嘅餐都要四百幾蚊，雪櫃冇咩嘢飲，雪櫃嘅西瓜係臭嘅（隔離枱都係咁講），隔籬枱阿姨同啲Staff反映完之後佢哋淨係收走啲嘢，雪櫃啲嘢西瓜仍然擺喺度，冇人去出佢係咪真係變咗，完全等下一個中伏，牛肉嘅品質好差，唰唰鍋個湯底好鹹，大家如果有興趣可以explore下。

聽朋友講牛舞既肉用料夠正，所以就同朋友一齊去食個薩摩和牛套餐。店内環境光猛，自助area乾淨企理。首先店員會為我地示範整個壽喜燒！ 上薩摩牛肩胛雪花似豹紋，非常精美！薄而大片好快就煮熟，戲肉就係將牛蘸上蛋汁，變成超香超滑！牛味夠濃，非常難忘既靚牛！必定推介。其餘既薩摩和牛拼盤都係好精緻！睇見就已經知道係用料上盛，真係有分別！如果想食靚牛，叫呢個set一定滿意，牛以外還有多款既食材任食！蝦都係值得一讚，夠爽口彈牙，肉質緊緻。整體非常正，同朋友聚下食飯或慶祝都係唔錯唔選擇。

牛舞一直是我吃和牛的首選，因為他們的和牛質素甚高，而且是一個價錢任吃燒烤+火鍋！環境光猛闊落，抽風系統佳，吃完沒有油煙味！服務不錯，上菜從無漏單鹿兒島薩摩和牛(放題) $712.8@（連加一）點最貴的薩摩和牛套餐會包專人烹調壽喜燒，值得一試！薩摩牛薄切（壽喜燒）看著侍應表演功架，身手靈活地把配料跟大大塊的和牛煮熟，沾上蛋汁這和牛滑進喉嚨絲般幼滑，油花均衡不會過肥，十分正點！🦬🐂🐃🐄薩摩牛肋肉肋肉相當肥美，油脂極豐富又均衡，入口即化！薩摩牛赤肉比較重肉味的赤肉仍是和牛，所以雖有牛味但全不堅韌！薩摩牛肋條比較有嚼勁的肋條同樣肥美，沾上醋汁解膩吧！薩摩和牛粒這牛粒仍是入口即化，但由於四四方方比較難熟，所以我把一半放進了火鍋🍲中烹煮，另一半在爐邊慢火烤熟，仍然味美！薩摩壺漬牛肋條這個比較厚重，而且較多醬汁，所以全用火鍋🍲烹煮更佳更易熟，如用明火得減慢至一度🦬🐂🐃🐄(燒肉汁) (韓式辣醬) (椒鹽) (壽喜燒汁)四種醃製醬汁最正是椒鹽，鹹香配油花最好壽喜燒跟燒肉較甜適合嗜甜者辣醬配豚肉最好甲羅燒🦀這個白飯神器的邪惡蟹膏，真的超級好吃，不過殼底很薄，小心燒！燒菠蘿🍍加一些鹽，鮮甜無敵了！勝過一切甜

有時唔知想食乜，都會同朋友去任食放題放縱下~ 對於鐘意食牛嘅我哋來講，牛舞絕對啱我哋心意😚😚，300幾蚊就食到極上和牛，真係好開心咖😍😍😍最令我哋歡喜嘅係佢除咗可以燒，仲可以玩shabu shabu，雖然店員建議食完原本果個壽喜燒嘅肉後，不建議再加肉煮，但相信好多鐘意食壽喜燒嘅朋友仔都會同我一樣繼續拾下拾下，邊拾邊燒都咪話唔過癮。🥰🥰佢哋嘅放題食品多達150幾款，而且肉質都好軟腍，無論燒定拾都食到濃濃嘅牛味，絕對啱曬一眾牛魔王🤣🤣🤣 飲飽食醉之後，千祈唔好遺忘佢個甜品區啊，好多LOTTE同meiji嘅雪糕/雪條，我平時少食凍嘢嘅都食咗2、3條，真係太好味啦🤣🤣

薩摩牛、和牛稀少部位、甲羅燒、。。。這些字眼聽到便流口水了🤤朋友帶我來的這間牛舞統統都吃到🤤而且還是燒肉、涮涮鍋兩吃的任食放題😍一下子便擊中貪心貪吃的我的內心呀🤭.我們這次吃的是🐃A餐：日本薩摩和牛放題 ，有124種任食菜品、酒精放題、還送薩摩和牛拼盤喔。 入座後可以用QR Code 掃碼點餐，飲品、甜品、雪糕、熱食就可以出去「自助區」自己拎，有好多款選擇。.薩摩和牛雪花紋好靚，入口牛味十足，油脂香溶化於口腔之上。而甲羅燒也是必吃的回本之選！滿滿的蟹膏及鮮甜蟹肉在烤網上翻滾，以細火輕烤十分鐘加上鵪鶉蛋攪拌，味道濃郁好消足喔。內藏方面我推介牛舌，薄切彈牙爽口喔。套餐也有其他澳洲和牛、美國牛肉、野菜、海鮮、雞類回來吃，這次吃不完，下次要再吃喔🫶

一間舖頭同事可以食壽喜燒同埋燒肉，真係啱晒三心兩意嘅我，仲要係可以食到薩摩牛咁高質嘅牛肉，真係令我超級期待🥴餐廳環境相當之好，兩個人安排咗張大嘅卡位，就算放晒食物都相當寬敞👍🏻同好多放題一樣，佢有自助吧可以俾你攞嘢食，分別有甜品、雪糕、飲品、仲有一啲小食、不過我竟然俾佢個日式咖喱牛筋腩飯吸引住，忍唔住食咗兩碗😆我哋揀咗薩摩和牛放題套餐，呢個餐可以食晒壽喜燒同埋燒肉，店員首先會即場幫你整一份壽喜燒，我哋揀咗五成熟，肉質啱啱好，好鍾意佢甜甜地嘅壽喜燒醬汁，就連啲配菜吸收埋醬汁都相當入味😍之後當然唔少得梗係食佢嘅薩摩牛燒肉啦，油脂咁分布啱啱好，口感相當出色❤️之後我哋仲用QR code落咗海鮮、內臟、雞肉、豬肉，當然梗係唔少得再encore佢嘅薩摩牛啦，真係食到勁滿足👅

同好姊妹慶祝生日🎂必選牛舞😍又有燒肉又有涮涮鍋，仲要任飲任食，食物款式又多，正呀👍🏻一係唔食一食就食最好🫣一黎送左個薩摩牛和牛拼盤加埋個壽喜燒，個和牛拼盤簡直無得彈，肉質好出色，肉味香濃又多汁😳再黎個壽喜燒，有專人服侍☺️和牛肉片剛剛好，鮮嫩無比，配搭日本蛋，蛋醬濃郁，真係食完要再encore!!!!而壽司燒啲蔬菜都好甜，索哂啲汁，唔好講笑，我哋清哂🤩另外，套餐除咗牛肉豬肉外，仲有雞內臟食，唔好講笑，雞內臟係好出色，完全無腥味仲好新鮮，好掂😏海鮮仲有蝦，蠔，多春魚，帆立貝同墨魚仔😳蝦同蠔好不錯🫣自家製左碗紫菜牛肉飯，勁好味，哈哈😆其他仲有熟食，甜品同啤酒🍻任飲，真係食得好開心🫶🏻

牛舞日本燒肉‧涮涮鍋放題 (利舞臺廣場)地址: 銅鑼灣波斯富街99號利舞臺廣場8樓A號舖電話: ====================新年會好多飯局，見下親我朋友，單身架我仲可以逗利是添。日本燒肉放題，有一百多項料及食物。一來就上了一大盤和牛，可以燒或shabu shabu ，燒更香，肉類燒過是美味至極，牛油脂豐富。熟食都有水準，我地試了甲羅燒（出面食要個成百元，食多幾件回本），加雞蛋燒甘甘地。雞軟骨，芋泥波波同香蕉，外皮是糯米粉，qq甜品都不馬虎，有蛋糕仔同曲奇，曲奇牛油香十足，仲有好多款日本雪條，好食！飲品也多款式，不停出出入入拎甜品同野食，當做運動下。牛肉有水準，食物種類多，氣氛好

今日黎到銅鑼灣經過見到呢間餐廳可以燒肉同火鍋2食好吸引就決定入去試下自助區有熟食，飲品，甜品澳洲和牛腹肉、澳洲和牛肋條、澳洲極上牛柳粒這些澳洲和牛的部位都經過精心挑選，肉質鮮嫩多汁。澳洲和牛腹肉的脂肪與肉質的平衡創造了絕佳的口感，澳洲和牛肋條則帶有豐富的肉汁。而澳洲極上牛柳粒則展現了牛肉的頂級質感。每一口都讓人感受到肉的鮮美和嫩滑壽喜燒這道菜以牛板腱為主要食材，切成薄片後烹煮。牛板腱的肉質柔軟，入口即化。壽喜燒的烤製過程中，肉質吸收了醬汁的香甜，帶來了獨特的風味。這道菜結合了肉的鮮美和醬汁的滋味，令人回味無窮牛五花薄切、雞腿肉這裡的牛五花薄切和雞腿肉都經過細心處理，切成薄片後更易入口。牛五花薄切肉質豐腴，帶有濃郁的肉香。而雞腿肉則鮮嫩多汁，吃起來口感滑嫩椒鹽雞軟骨經過炸製後撒上椒鹽。雞軟骨炸至酥脆，椒鹽的調味則提升了整體的風味。每一口都帶來了香脆的口感和微辣的滋味。這道菜作為開胃小吃或者下酒菜都非常合適

❀ 牛舞日本燒肉‧涮涮鍋放題 #銅鑼灣 ❀❗可以同步享用高質鹿兒島薩摩和牛燒肉打邊爐❗——————————————————平時唔知食火鍋定係燒肉好，呢間餐廳可以一次過食晒兩款，仲有一啲熟食、甜品，大滿足😌主打鹿兒島薩摩和牛，係日本著名嘅和牛品種🐮由於薩摩牛超級着重血統，用未曾孕育過的100%純鹿兒島黑毛和牛種嘅母牛，所以產量相對其他和牛稀✨和牛肉色較為鮮紅，肉質嫩滑，油脂且熔點低，近乎即溶，油脂中甚至還帶有一股奶油香🥰.✷𝑀𝑒𝓃𝓊✷☞ 日本薩摩和牛放題 $648大推呢個最高級別嘅最高級薩摩和牛放題套餐🥳呢個放題包咗任食薩摩牛火鍋、薩摩牛燒肉、海鮮，仲有甜品、酒精飲品放題，都真係幾抵食㗎。.先上一份薩摩和牛拼盤，有齊薩摩牛最高質嘅部位。平時好怕入口即溶嘅和牛好油膩，但薩摩牛真係嫩滑得來又唔會過分heavy，仲幾有牛香😋.隨即就有店員幫手準備壽喜燒，會送上兩塊薩摩牛特上西冷、油脂分布平均，口感非常嫩滑。壽喜燒汁香甜，點埋日本生雞蛋汁一齊食就Perfect😚.之後就可以按自己喜好隨便添加燒肉或者火鍋牛😆除咗拼盤嘅牛肉之外，仲有其他部位可以選擇，例如牛舌。亦有好多海鮮可以單點🦐🐟無論係甲羅燒