牛舞日本燒肉‧涮涮鍋放題 (利舞臺廣場)

Open Now

Now Closed

同舊同學喺銅鑼灣食飯，想搵間放題食和牛燒肉，又想涮涮鍋…Why not both?呢間”牛舞” (牛舞日本燒肉 ‧ 涮涮鍋放題)，做緊一個日本薩摩和牛放題。平日$588一位，食120分鐘。當中包括: - 薩摩和牛拼盤- 涮涮鍋湯底 (或可以選專人炮製嘅關西式壽喜燒體驗)- 勁多和牛、海鮮同配料選擇以作燒肉同火鍋之用薩摩和牛拼盤呢個拼盤包括薩摩牛特上西冷、牛肩胛、牛肋條同是日稀少部位等等。除咗特上西冷，其他嘅部位都係可以任叫。其實燒肉淨係食薩摩牛嘅唔同部位已經係非常抵玩。和牛嘅味道，入口即溶，加少少鹽，其實真係唔需要多解釋，實在好食得太誇張。壽喜燒體驗如果揀咗壽喜燒體驗，就會有專人嚟整一個關西式壽喜燒，佢會用咗薩摩和牛拼盤上最靚嗰兩塊西冷去燒。呢兩塊西冷和牛，加埋蛋漿一齊食，天下無敵。海鮮配料如果揀呢一個set，就會有相當多嘅海鮮可以任食。甲羅燒、海蝦、白鱔、磯煮鮑魚、帆立貝、芝士焗蠔…冇一樣唔係最強。特別係甲羅燒，撈埋蛋漿，又係一絕。白鱔更加唔使講，不過呢個要燒熟啲先好食。其他配料千祈唔好睇小其他配料。除咗任食嘅和牛，呢度仲可以叫田雞腳、乳鴿、花膠、大量奇特串燒(羊肉、雞頸肉、雞心等)

原來真係有一間餐廳可以一次過滿足晒2個願望，可以一邊打邊爐，一邊日式燒烤，所以今晚我同朋友真係超滿足。薩摩和牛拼盤跟餐就有呢個拼盤！有薩摩牛特上西冷、薩摩牛牛肩胛薄切、薩摩壺漬牛肋條、薩摩牛牛腹脅肉及是日稀少部位2款。當中我至鍾意就係牛肩胛，完全係入口即化，超級正！甲羅燒第一次係餐廳玩甲羅燒！蟹膏好香！忍唔住要再追加！蒜香牛油帆立貝帆立貝有鮮味，配上蒜香牛油，係燒烤必食。鱔魚鱔魚肉質滑嫩，具有彈性。炸物呢度嘅炸物都有唔少選擇㗎！有炸天婦羅、香芋丸、同埋甜蜜蜜番薯條！燒菠蘿菠蘿清甜多汁，同樣係燒烤必選之物。魚肚、花膠最令我驚喜嘅係打邊爐有魚肚同花膠。魚肚的肉質滑嫩，彈性十足，口感細膩。花膠軟滑，彈性十足。磯煮鮑魚口感煙韌彈牙，唔錯唔錯！食完靚牛之後仲可以食日本雪糕，今晚真係好開心！

食肉獸最Like就係食放題，一次過滿足你2個願望🔮，一邊嘆燒肉，就一邊Shabu Shabu！想追求高質嘅和牛，梗係揀最豪嘅A餐🌟，超過140品任食選擇，真係多到食唔晒！🌟 A餐 ─ 薩摩和牛放題 $658/位一入座即上一份薩摩和牛拼盤🐄啲肉都算幾靚仔，有齊西冷、牛肩胛肉、牛胸腹肉等各個部位。店員會即刻幫你起埋個壽喜燒鍋🍲，然後就到自己郁手嘅時候喇！薩摩和牛同各款牛、雞、豬肉可以無限追加📱，薄切嘅適合打邊爐，而厚切嘅就隊晒落去燒，好彩有120分鐘食，真係食到我好忙呀🤣！🦀 甲羅燒日本會搵到，喺香港餐廳都幾罕有。蟹蓋入面有蟹膏、蟹肉同特製嘅味噌，只要將附送嘅蛋漿撈入個蟹蓋，然後燒熟佢就食得🔥。食落似係蟹味蒸蛋再帶啲燒烤味，都幾特別！🦐 海鮮：生蠔、虎蝦、鮑魚、帆立貝通通任食🍢 炸物：炸墨魚餅、南瓜薯餅等等，我就最鍾意個甜蜜蜜番薯條，炸得超脆好味呀✨！🍨 甜品：有日本明治雪條，不過最推介都係榴槤雪糕👍🏻，唔係太甜好清爽，我都食咗兩杯哈哈！

牛舞（Gyumai）是一家專注於燒肉和涮涮鍋的自助餐廳，位於香港的銅鑼灣和觀塘。這裡提供來自鹿兒島的薩摩牛和澳洲L’grow和牛，並擁有多達120種食品選擇，包括新鮮刺身和日本雪糕。餐廳的放題套餐價格從$268起，並提供多款午市選擇，適合不同食客的需求。今日就同阿仔去咗銅鑼灣利舞臺上面嘅牛舞食晚飯🤭難得嚟到決定叫最貴既日式薩摩和牛放題😆基本上Menu上面所有嘢全部都可以選擇，一次過食咗好多唔同嘅和牛🐮 此外，新菜單還增添了多款新食材，如厚切豚腩條、串燒等。就算唔鍾意食牛嘅朋友仔都好多其他嘢可以選擇👍🏻最估唔到嘅連白鱔都有😂還有其他新鮮海鮮🦀🦐，如鮑魚和帶子，以及其他自助餐選項，總共提供141種食物選擇🤤而薩摩牛屬於高品質的黑毛和牛，肉質細膩，入口即溶。令人食到停唔到口🤤選擇呢個套餐的話仲要無限時～啱晒一大班朋友一路食飯一路傾偈👍🏻重點係所有食材都真係好新鮮~

卡位坐得舒服，一次過可以食壽喜燒同燒肉兩款食法！滿足貪心嘅我！日式薩摩和牛放題 星期一至四 $588先黎一個薩摩和牛拼盤，拼盤仲有2款稀少部位！而食完仲有好多牛都可以QR任點 ！薩摩牛特上西冷，薩摩牛牛肩胛薄切，薩摩壺漬牛肋條，薩摩牛牛腹脅肉，薩摩牛 牛胸腹肉等，可配搭燒肉汁,椒鹽, 韓式辣醬&壽喜燒汁，燒肉汁及韓式辣醬夠惹味！牛肩胛薄切幾乎入口即化，必食！涮涮鍋湯底可簡一款味，有壽喜燒湯、黑松露牛骨湯、香辣味噌湯底三選一！壽喜燒湯會配生雞蛋，煮熟肉再沾黎食！yummy 連海鮮都有得任點任食甲羅燒,油甘魚鮫,雞泡魚乾,一白鱔,磯煮鮑魚,燒生蠔及虎蝦等～一白鱔夠晒厚身同埋彈牙！磯煮鮑魚夠入味又矜貴，虎蝦新鮮爽身～出邊仲有自取配料有丸蔬菜、麵食，熟食，飲品請🥤及甜品等超過100種食材任飲任食2小時，記得等齊人先好入座～

餐廳平時做開日本燒肉放題嘅，咁本來lunch time都唔諗住去食㗎啦點知路過又見到原來佢有做午市套餐喎！都幾抵食，可以叫一份日式嘅飯或者烏冬啦，或者一個少量嘅一人份量燒肉，就可以任食去啲生果呀，甜品呀，飲麵豉湯同汽水等等咁呢個價錢$100樓下真係算好抵食，環境又舒服佢個主食照燒雞扒飯就一般啦 咁我就不停食佢其他嗰啲任食食物😆😆都算有多元化，有生果西瓜，有泡芙，小蛋糕，仲有唔同嘅雪糕呀，雪條等等啲味都幾特別有海鹽味，同埋奶茶味

今日老友請我嚟牛舞食燒肉，佢竟然好豪咁叫個A餐，仲以為佢發咗達，點知食落原來都幾好味係值呢個價。一開始有侍應拎個吉煲過嚟，原來用嚟煮壽喜燒，喺你面前煮係幾特別。Buffet吧出邊啲嘢都係任食，不過都係啲炸嘢咖喱咁，咁我食俾得呢個錢梗係專心食牛啦。日本和牛都算幾多選擇，仲每種配埋唔同汁，但係基本上就咁落鹽已經最能夠食到牛味。員工會主動教你點樣燒，我最初嗰幾塊全部燶，下次同女朋友出街可以喺佢面前表演吓。員工基本上都算親切有禮，會主動幫你換網又會主動幫你介紹吓啲嘢食，放題嚟講到算係咁。應該會再嚟。

今日一個人去行街 一支公 無個伴。😂見利舞臺有間牛舞有燒肉有打邊爐未試過2樣都有既餐廳咪去試下囉 睇完個餐牌叫左最平C餐試下 食完又ok wo 叫啲牛板腱 有一片片有一口牛有條狀既 可以叫吾同既汁 食完口感都吾錯 起碼吾韌先 餐廳擺放咗好多唔同嘅食物甜品飲品打邊爐既野食 可以有下次👍🏻啲相你哋自己睇啦

在openrice book位時禁左7 位，其實是6位大人，一位23個月大BB, 畢竟openrice無得比我選擇大人／小童，咁我照禁7字好合理丫，去到都要有張凳比佢坐吧？去到現場，睇清楚哂條款2歲以下係免費，咁我都同肥仔經理講聲，我地7位其中一位是BB...關於座位方面佢當時都無咩特別講，答左我ok到入座, 佢比左張8人檯然後用隔板隔開2個位唔比我話一陣會有人坐，實質比6個位我，我話7位喎，佢聲線是一直保持禮貌的回應‘’其實BB都已經無收你錢‘’，我地o哂咀，咁你叫佢坐邊？佢擔多張凳夾硬攝落兩張凳中間, 有小朋友既都知道，要餵小朋友食粥媽媽自己又要食野，比個位佢坐定定係好重要，無收費難道想我手抱佢嗎？媽媽仲一袋2袋，況且當日唔full, endup我地隔離被隔板隔開果兩個位最終都係無人坐。訂位時已經訂7位，係咪應該比返7個位既空間我呢？就算是BB小朋友係咪都應該安排一個合適位置比佢呢？如果全場爆滿，被間開既兩個吉位有人等我都覺得可以體諒，但唔係嘛？撇除座位安排問題，食物係ok的，只係被迫6個人用一個爐打哂交（本身應該有2個爐）！

食物可以 但服務態度頗差的體驗 （年輕的侍應服務都很好 唯獨一位中年的侍應很差）book了17:30 17:33就通知17:40未人齊入座就要取消我們的預約 入座後中年侍應就強調如果要享用85折優惠1930就要已經埋好單 然後我和朋友去夾餸時 那位侍應走過來通知他1900就會上蛋糕 因為是幫朋友慶祝想保持驚喜 所以希望他下次不要當面問 雖然沒有下次了 到了1900 他就把蛋糕連盒掉到我們的抬面 這間餐廳是有收切餅費的 但連刀也沒有 至少可以把蛋糕的包裝盒拿掉吧 當然也沒有點蠟燭 不過還是有好侍應的 我們請人把枱面清潔 還有借火機 兩個年輕的侍應馬上就幫忙 亦十分樂意禮貌 1928時我們謹記那位侍應的忠告 讓其中一位朋友先賣單 我和另一位朋友把握時間食埋蛋糕 但他說我們還在座位上不可埋單 從未見過如此不近人情 心地又差的侍應 我們離開時餐廳還是半空的 不是那位侍應說的fill booking 如果依間餐廳想繼續給經營 希望他好自為之吧 回歸正傳 食物還是可以的 肉有肉味 不過甜品雪糕選擇少 他海報上的雪糕種類一半都沒有

黎咗第四次，今次隔半年黎食，之前頭盤都叫有水準，食得過，今次真係忍受不了今吹叫咗A餐最貴嗰，頭盤難食到，冇舊咬得入口，麪包蟹又好多水。今次啲肉差咗好多，一個人$5XX，寧願食牛角，冇樣值得食，老顧客黎埋呢次冇下次。而且張枱好多小昆蟲，已經影響食慾，2個人食咗頭盤已經唔想再食，冇諗過同之前黎食差太遠。啲肉食落全部好難咬。我同朋友都話冇下次，夾埋$1100唔知食咗啲咩，又貴又唔好食，食到一肚怨氣，衞生又差

牛舞係一間綜合多元化嘅餐廳，佢有燒肉、打邊爐、日式放題刺身，但係可惜嘅係，雖然佢每樣都有，但係每樣都係普普通通毫無特色。首先，燒肉嗰一part係正常發揮，符合期望嘅水平同競爭對手差不多。但係去到邊爐嗰一part，就唔係好得啦，首先佢啲邊爐牛肉嘅質素係非常之一般，接近超市買到嘅平價質素，而且佢啲肉料選擇唔多。仲有日式放題刺身嘅種類好少，只得五至六款，而且刺身嘅味道係非常之淡，咬落仲要有渣，最後佢哋嘅飲品除咗有汽水機咖啡機之外，就係清一色四洲集團嘅飲品，雪糕甜品方面都係清一色本地品牌。

今日做野做得勁辛苦😵‍💫超級肚餓！即刻同朋友揾下有冇邊間食物選擇多嘅放題食吓先🤣OpenRice又見到牛舞嘅評價好似唔錯啵！😍🍴日式薩摩和牛放題🥢薩摩和牛拼盤呢個係更餐送嘅！有薩摩牛特上西冷、薩摩牛肩胛肉、薩摩牛牛肩胛壽喜燒、薩摩牛牛腹脅肉、薩摩牛牛胸腹肉及是日稀少部位兩款🥢厚切牛舌最鍾意燒到7 8成熟😍咁就啱啱好，唔會太生又唔會太硬😗🥢豬肉芫荽卷串豬肉卷包著新鮮芫荽，香脆味美，口感豐富🥢甲羅燒估唔到呢個餐都仲有埋甲羅燒食！😍就咁食又得，撈埋飯一齊食都得🤪超級無敵滿足！😳😳🥢虎蝦虎蝦新鮮彈牙，唔會痴殼🤪🥢韓國蠔🦪 蠔肉肥美多汁，味道鮮甜🫶🏻🥢蒜香牛油帆立貝帆立貝🐚配上蒜香牛油🧈，係燒烤必食🤓都算幾新鮮🥢炸物呢度嘅雜物都有唔少選擇㗎！有炸墨魚餅、南瓜薯餅、吉列炸蝦🍤同埋甜蜜蜜番薯條！🥢菠蘿🍍菠蘿清甜多汁😋一啲都唔酸🤓📣而家只要加多每人$48就可以升級做刺身飲食！刺身都有七款㗎！有日本甘蝦、八爪魚、三文魚刺身、希靈魚、鯛魚、墨魚同埋北寄貝刺身😍性價比:8/10好食程度😋：8/10回頭指數💓:8/10

三個人食，最貴個餐！頭盤既牛係最靚，之後再俾既牛都有一半係牛脂🫠…其他海鮮就一般，生蠔臭臭地，白鱔隻味食完個口會有浸「甘苦」味，蝦就大隻正常！ 元貝真係一睇就知唔靚，總之，食牛就得架喇～壽喜燒就一般， 自己唔太鍾意甜口既肉。夜晚8:30後 85折， 空間大，好坐！每人$625（已包加一）對比之下，牛角係好食啲既～ 但如果鍾意有埋壽喜燒，牛舞都可以，但價錢真係貴左啲～

在銅鑼灣百貨公司血拼過後，順道到附近的牛舞開餐，和牛放題，正！是大滿足的一晚！環境乾淨企理，優雅寬敞燒肉放題是大愛，套餐組合選擇多，豐儉由人！前菜、小食、蔬菜、飲品、甜品，可自助取用，花多眼亂，眼寬肚窄是常態 😂😂😂薩摩和牛拼盤，目測是非常高質的牛肉 😋😋😋薩摩牛特上西冷，原片西冷直接下鍋，再放少許湯汁輕煮，最後醺上蛋汁同食。牛肉嫩滑肥美，軟綿綿的，超水準👍👍👍薩摩牛 - 牛肩胛薄切，雖同是薩摩牛，食法各異。蔬菜墊底，加入壽喜燒汁，是傳統的壽喜燒鍋！牛肉亦夠嫩滑，好味道！薩摩壺漬牛肋條，有預先醃過的，得喜歡這個味道，牛肉相對有咬口薩摩牛 - 牛腹脅肉，明火燒烤的，肉香滿滿，油香撲鼻，嫩滑！薩摩牛 - 牛胸腹肉，同樣是明光爐燒，肉味較濃，好好食！除了薩摩牛，甲羅燒同樣令人驚喜！蟹膏蟹肉鮮甜濃郁，加上蛋黃汁，味道更上一層樓！海蝦大大隻的，鯖魚有益健康👍👍非常有驚喜，高質素的放題餐！