牛極 (好順利大廈) (Closed)

前日同朋友一齊去左元朗呢間牛極度食晚餐，門面好光鮮同乾淨。由於我地比較遲去食，所以好快就入左去坐低。一入去已經見到自助沙律加醬料吧，仲有白飯、湯、水、圍裙提供。沙律、白飯同湯都係無限任食!所以唔洗驚唔夠食我叫左牛肩排(180G)，朋友就叫牛柳(200G)。餐廳好貼心咁用紙巾蓋住牛扒，以免客人比油彈到係等待牛肩排燒好既同時，我已經拎左湯、沙律同飯喇!個湯類似羅宋湯，有好多牛肉係入面!建議可以將牛排切成小塊，會比較快整熟!牛肩一D都唔"un"!口感適中!本身塊肉落左少少胡椒醃製，落埋其他醬汁個味就岩岩好喇。呢個係朋友既牛柳，相對牛肩比較稔身，牛味比較淡，但都好味!估唔到咁大眾化價錢既牛排質素都唔差，仲要飯、湯同沙律任食，真係非常之抵食呀!!!

元朗雞地果頭多野食，於是我哋就去睇吓食咩好！朋友話好耐冇食牛，又想平平哋，於是就去咗食牛極！食牛前可以先喺自助區裝沙律、湯同白飯。蘿蔔洋蔥牛湯酸酸哋開開胃先，白飯任裝，唔怕唔夠飽！牛柳$110/200g用燒熱鐵板嘅熱力將牛柳扒慢慢煎熟，扒邊微微焦香，肉汁慢慢滲出嚟。食落口感軟腍，肉質幼嫩juicy有牛味。有三款醬汁可供選擇，分別係柚子沙律汁，辛味燒汁和自家製燒肉汁，不過個人都係鍾意原汁原味就咁食。牛肩排$80/180g價錢超抵食，店員話真係好多人嗌。但牛肩排肉質偏瘦，冇乜脂肪，所以食落有啲乾，但有嚼頭，送飯都唔錯。

間中想食牛就會黎呢度，貪佢沙律，湯同飯都可以任食，是日放lunch見好肚餓，不如又黎食塊扒啦。有鹽，胡椒同辣椒自行調味，不過個人覺得啲牛已經好好味，唔太需要再加調味料。叫左呢款牛肩排180g價錢係$80，雖然係美國牛，但牛味都唔錯，最緊要係價錢抵食嘛。揭開張紙巾入面係咁樣，180g都算幾大塊啦，塊牛望落係咪幾靚先，旁邊嘅粟米同蕃茄就有啲hea。上枱時大概三成熟，之後就睇下自己想燒幾熟，塊石板好熱熟得好快㗎，盡快切開佢燒一燒就夾離塊石板。呢塊大概五成熟，好嫩滑仲有牛油香，正。切晒佢較容易控制熟度，個人偏愛五成熟啦。如果覺得唔夠味，可以點下韓式辣醬，燒肉醬或者生蒜，生蒜係超正㗎，落左好多唔知一陣會唔會口臭呢，哈哈。白飯軟綿綿嘅珍珠米，都幾好食。湯十分濃郁，仲食到牛肉粒添。沙律菜新鮮爽口，可以落麻醬或者柚子醋，個人偏愛麻醬，仲落左好多，哈哈。八十蚊食飽飽，好滿足啊。

牛肩排180g $80價錢大眾化，脂肪含量相對較少，口感同軟腍嘅肉眼唔同，彈牙有嚼口。鐵板慢慢煎，將啲肉汁逼出嚟，但唔可以煎得太熟，如果唔係就會有啲鞋同韌。牛柳200g $110肉質軟腍，幼嫩多汁，油花較少但肉汁豐富，食落甘香回味。就咁落少少鹽已經好好味。仲有三種醬汁，小小辣嘅辛味燒汁、酸酸哋嘅柚子沙律汁同埋自家製燒肉汁。沙律、湯同飯係自助形式任裝嘅，仲可以加啲紫菜碎係飯度，配埋鐵板牛牛一齊食，想唔飽肚都難😜

牛極喺荃灣已經食過一次覺得好食，又抵食。依家成日都會喺元朗嗰頭見到呢條街勁多嘢食，經過門口聞到勁香！就衝左入去食。平日七點都幾爆 ，好在唔使等！我點左個牛肩排180g，因為驚太大個食唔晒。店員都細心解釋，牛肩既牛肉味香濃，會有少少筯位，所以切嘅時候你會見到有啲筋位，但食落去呢食落有嚼勁d。出邊有自助bar自己去拎飯拎醬汁仲有圍裙都任拎。如果想飲嘢就加錢有汽水之類。價錢好似都$100左右有咁大塊牛肉！高質

牛極好成功甘列入左我既飯堂因為牛既價錢唔算貴百令蚊就可以食到有質數既牛扒cp值高 而且佢係石燒可以燒自己鍾意既熟度👍👍👍首先地方大 空間係闊落既 探完熱寫完資料就可以係自助機到買牛牛咯佢有好幾款牛買既 店員都會推介牛肩排同牛柳啦不過店員都會介紹翻牛肩排係有牛根但都易入口 水，湯，飯，餐具係自己拎半自助形式佢地重有圍裙提供 我覺得好貼心 因為我係會用 有時食食下野d汁會沾到衣服 有左圍裙就唔洗驚👍👍👍我揀左牛柳黎到係有張紙巾包住牛柳因為牛扒放在石燒上而且唔係全熟仲係燒緊 所以一定會出油 有左張紙巾包住就唔會彈到自己200g既牛柳真係份量十足，大大舊雖然牛柳肉味唔係濃味 但佢既肉汁鮮甜多汁我鍾意既食法係黎到 上下面都燒一陣就切到一舊舊 然後拎多隻碗放係碗到 想食既時候再燒翻自己鍾意既熟度 甘就可以鎖住d肉汁係牛柳到🥰牛柳配碗飯都唔錯飯素隨便落 想食幾多落幾多 加d甜甜地既醬油又唔錯 一口飯一口肉不過我都係覺得佢地既湯好咸 雖然用d牛既碎位黎煲好足料唔浪費 但係都係好咸食完整翻碗莎律食都唔錯清下口腔之餘又可以減膩同食多d蔬菜都健康d😋

晏畫來到近元朗西鐵站附近牛極，近門口位有部自助點餐機，讓客人可以自助點餐。我選了牛肩排後，侍應便安排座位。外面有自助取餐湯、沙律同飯。餐湯好足料，入面有洋蔥、牛肉碎、紅蘿蔔，濃郁鮮味﹗沙律加上少許胡麻沙拉汁，瞬間開胃。米飯可以加入飯素。上枱時，石板牛上有塊廚房紙，防止送餐時彈到D油周圍，亦可以取一次性圍巾戴上。牛肉表面微熟，蒜片、粟米粒同蕃茄仔。枱面亦有玫瑰鹽、黑胡椒、ＢＢＱ辣粉，外面亦有醬料不少選擇。牛肩肉肉質比較結實，不過都算比較易切，牛肉味濃，忍唔住係咁食飯﹗總括而言，石板燒牛好玩又好食。

餐廳日系裝修🇯🇵，餐具碗碟都充滿日風，感覺別緻。入店招呼殷勤，提示椅子下有放手袋位置，同有沙律吧，湯、飯、沙律茶水任裝😆。店員特別介紹兩個牛肉🐂部位(招牌牛肩扒/牛柳)。我偏愛軟身，點了一份牛柳set品嚐。🥩牛柳鐵板餐 ($110 / 100g incl. salad bar)鐵板熟上，表面煎香，裏面約為3成熟。可按自己喜歡的成熟度切開再灼熟🔥。牛肉足磅！入口鬆軟，充滿肉汁，肉香在口內慢慢散發開來。可以配上鹽、黑椒同店家特調醬汁，食出唔同口味，配上白飯更match!😋羅宋湯用紅、白蘿蔔煮成，十份入味。煲底大大份牛肉、手筋勁足料，咬開稔身，特別牛筋有融化嘅口感，唔執輸飲左一大碗。😚推薦給喜歡吃牛肉的朋友。🥩🤪

今次同朋友去到元朗Yoho mall 附近的牛極，吃熱石燒牛，有不同牛肉部位，價錢實惠，重量夠足！📍大家都點選了牛柳🐮🥩$110/200g ; $160/300g ; $210/400g200g 好足，好夠厚，牛肉香濃，肉汁豐富，肉質軟嫩😋💕🌈上桌時會用一張紙蓋着，阻隔油煙彈出👍🏻生熟程度自己控制，想熟啲就切開每面燒耐啲😋🐮📍免費自助區🍽有牛肉湯🍲，白飯🍚，沙律🥗，多款醬汁🍴很推薦牛肉湯🍖🍲，意想不到裏面有大量牛肉🐮，而且牛肉質素不錯，很軟腍😋👍🏻

今日放工悶悶地，又唔想在街食，又唔想煮成餐飯，經過好順利大廈，見到「牛極」呢間餐廳，都覺得食牛唔錯，於是決定買外賣。睇完餐牌，我決定叫$110的牛柳，跟埋湯、飯、沙律，好豐富。我落單時，佢問我要幾成熟，我本身諗住5成，不過諗諗吓，好想自己返去先煎，雖然我唔多識烹飪，不過如果我咁都煎得好食，就真係d牛係靚。而結果......塊200g既牛柳真係靚！我只係係咁易煎下，牛味已經出曬來，肉質鮮甜，正！仲有燒汁、蒜蓉俾你點牛食，仲要有碗滿滿的珍珠米飯，上面鋪左紫菜粉，而個羅宋湯有牛肉絲，加上洋蔥、紅蘿蔔等，成件事好足料，湯既味道都好入味,唔係味精味。至於個沙律就外賣跟餐沙律而言，份量都好充足。總括而言，抵、正！

2021.4.19(一) $110 /200G厘間牛極，幾間分店我都就腳，最鐘意係日本feel，自己買飛，自己取沙律及湯，無限任添上檯時，係一件牛柳放在預熱石頭上，自己食幾生幾熟，自己話事今日帶左Bionija 去自煮紐西蘭牛柳，重點係唔好一直放件牛柳一路切一路食到尾，好老架，食到一半全熟好硬。我喜歡將牛柳切一半（放一半在旁，別放石頭上），在石頭上的一半，睇住呀，一路切一路熟架啦，要快切然後搬走食左一半，石頭都降溫啦，可以放另一半上去，再切可即食或取落碟以免過熟沙律，羅宋湯，添添添

又再收緊限聚令, 食肆6pm 後要禁堂食, 夜啲又有嘢做, 又唔想買個飯盒坐喺街邊、公園食, 咁我唯有5pm 就去食晚餐啦! 本想到元朗美食集中地 “雞地” 食燉蛋 (苦中一點甜), 但被牛極招牌吸引, 都係先食晚餐再食飯後甜點吧! 好喜愛胡麻沙拉汁, 好香好滑又濃, 與菜絲沙律是絶配, 雖然有點肥….湯好多料, 好多豆腐同冬菇, 湯味唔咸, 幾暖胃! 飯亦非常軟熟, 珍珠米呢….牛肩排 $80 / 180g ~ 我比較喜愛吃有咬口的牛扒, 雖然牛肩排肉質較結實仲有筋, 但唔會硬到咬唔到, 而油花都幾豐富, 肉味仲非常濃郁! 石板燒時聽到油脂及肉汁流落的聲音, 好療癒! 

#元朗 今日係又再收緊限聚令取消堂食的第一晚😔, 我今日只食了早餐, 所以可以早少少5pm 就食晚餐😌, 應該趕得及在6pm 前食飽離開餐廳! .去元朗買蛋糕🍰, 發現有牛極分店 (😎又紅又光到一個點的招牌, 好難見唔到😂🤣), 之前去過牛極荃灣分店都幾好, 是晚再食個石燒扒吧🥩, 一個鐘點都夠時間食! 📢先買票再坐低等食! 🍚飯、🥣湯、🥗沙律、🧂醬汁及🍴餐具等均為自助的, 全部均以保鮮紙包裹! 當然啦, 大家離開坐位拎食物時一定要配戴口罩呢! 😷🥩牛柳 $110 / 200g ~ 牛柳即牛腰肉, 最嫩最瘦的部位, 我喜愛牛柳的軟腍嫩滑, 油花脂肪軟少, 但肉質超嫩, 肉汁又豐富, 切一片牛柳放到飯中同食🍚, 口感豐富而滿足! 🤤

又到左在家工作嘅日子，疫情下都要對自己好啲，所以今日決定出嚟食餐好嘅$110就可以食到200g既牛柳，仲要可以任飲湯、任食沙律菜同白飯任裝添首先就嚟到呢部機買咗飛先，跟住職員就會帶你埋位坐之後就可以出嚟裝飯、裝湯、裝水飲，記得攞埋餐具呀呢邊就擺咗沙律菜同唔同嘅醬汁，沙律菜嘅醬汁有胡麻醬或者柚子汁最後我裝完碗飯之後落咗勁多紫菜呢個就係胡麻將加沙律菜仲有呢個昆布味增湯200g嘅牛樓終於送到啦，由於黑色塊熱石板處於高溫狀態，所以佢真係好熱好熱㗎，大家小心燙手其實成個牛柳應該得三成熟，所以大家可以烹調出自己合適嘅生熟程度呢塊係啱啱切出嚟所以完全係紅肉睇住佢由生變熟，成個過程真係好有成功感

昨日去到元朗搵食，見到呢間熱石焼肉店，心想應該同日本的有好大距離，不過見好耐冇試過，就試一下香港版如何。入到去當然見到的不是日本女侍應，而係香港地道阿姐（港姐）。雖然係港姐，但服務態度認真熱誠。仲介紹左好幾款牛肉過我，抵讃！最後我叫了牛肩肉。主角上枱，熱度十足。我怕d牛過熟，所以立即切開牛排成小塊。牛排賣相不錯。心想平價牛，不要太高要求...誰知食落...wa...好鬆軟，有牛味有口感，高質享受。如果唔知，以為食緊酒店牛排。十分正。主角雖好亦要綠葉陪藽。呢度除左牛肉靚，前菜沙律bar 及任飲牛肉湯亦令我十分欣賞。牛肉湯香濃。唯一不足是任食食品款式選擇較少，但亦推介一試！