牛極 (好順利大廈) (Closed)

牛肩胛，牛味尚可，牛質一定比西冷淋原味熱辣辣石板上枱，切果時肉汁會彈上嚟，有需要記得去拎條圍裙先食。枱上有粉紅岩鹽，即磨黑胡椒，BBQ粉調味，BBQ粉微微辣，幾惹味，值得一試。亂切牛幾得意，由於唔知咩畀部位，又切好晒，唔使切都食得，有舊食到牛味濃啲，有舊食到肉質淋啲，都幾有趣，唔鍾意切牛扒又想食牛就啱晒不過食完先記得影相最鍾意自助bar，有沙律，珍珠米，日式牛肉湯。對於唔好澱粉嘅我就食左2碗沙律菜。牛肉湯幾濃味，飲落其實係羅宋湯，但有牛肉碎。店員一入嚟就叫去自助機買飛，其實唔使啦，坐係枱度用手機點餐仲好，唔使排隊，又可以用電子支付，又可以慢慢揀食咩不過門長開，坐近門口有啲熱，下次要坐入啲先。

Lunch 非常扺食開頭以為全間店只供應牛原來仲有豬扒同豬肉肉質還好 淋身得黎唔會好似鬆肉粉拿爛曬咁肉類嘅調味非常之足夠 不過就咸佐少少枱面仲有其他調味料可以俾你自由發揮飯 沙律同湯係無限量供應算係合格😋😋😋😋😋如果一個人想食鐵板燒既話 呢間會係好好嘅選擇👍🏻👍🏻👍🏻

’‘中午放飯食咩好，食牛極啦！’‘ 呢句經常講😂，牛極真係好抵食，精選午餐平均60蚊。我最常叫雞扒，大大塊燒到雞皮表面香脆，非常香口！自助式 白飯、羅宋湯、沙律🥗任你食，包你食飽飽，真係抵你之選

我們共五人，去到剛有位不用等，這裡是自助式的石燒扒，有羅宋湯任飲，沙律也是任食。我們叫了兩份150g和牛，一份肉眼，一份羊架及一份豚肉，還叫了一點小食燒魷魚及雞泡魚乾。和牛是自己燒的，其他就燒左上枱，但都有石板燒給我們。兩份和牛都好味，肉眼一般，羊架也好味，豚肉一般，小食雞泡魚乾好味，但燒魷魚就偏鹹。有調味料在桌上可以自由調教燒肉的口味，任食的沙律醬料偏鹹和任飲的羅宋湯也偏鹹。因為想試很久都沒機會試，終於年初四可以一嘗，雖然種類比較少，但質素是高的。

🌟港鐵元朗站H出口 10分鐘路程🌟#抵食＃石燒牛❣️每一次行經過都要排隊 咁啱今次趁佢啱啱開門 未係好多人 就去試下☺️❣️#自助點餐❣️#自助沙律bar #無限添飯 #無限飮湯 #雜菜牛肉湯❣️熱辣辣雜菜牛肉湯 好好味 一粒粒煲稔左ge 牛肉粒 大量雜菜😌 珍珠飯任裝！配埋芝麻海苔粉好味😋🌼日式鰻魚燒 $65- 好吸睛！👀👀大大份鰻魚又好多汁🌼西班牙豚肉眼 $75－兩塊煎香左嘅豚肉眼好稔！🌼牛肩排 180g $85-牛肩排大小可以自己選擇-但係85g 一d都唔細塊- 仲要好厚肉 好稳 好有牛味❣️呢度好好ge係 燒牛 自己想燒幾熟，就有幾熟！燶d又得生d都得！😋😋

牛肩排 $85本人偏好牛肩和西冷，最有牛味。當然比起其他部分，更需要有牙力。質素非常好，很多肉汁。牛柳 $115叫了份量最小的也十分飽肚。此部分不會被切成平面，煎封時要細心多翻。而且上菜後要盡快切開煎煎，否則部分肉會因厚度而較生。當然，牛柳是最容易咀嚼的， 生熟度並不會影響它的嚼勁。湯 （跟餐免費）任飲。強調絕對不能錯過。足料不在話下。 真材實料，鮮味十足。沙律菜（跟餐免費）任食。 簡單兩三款西生菜。 客服細心留意，吃完便馬上添菜。飯（跟餐免費）任盛。大大粒珍珠米，晚餐少吃飯的我也不錯過。加上吸睛紫菜碎，又香又有營。

食過幾次，係牛迷嘅簡單常餐， 午餐外賣超級抵食。 餐廳有豬、雞、牛、 羊、鰻魚，肉食大包圍。 款款新鮮，款款吸引。牛肩排 $85咪睇佢係最平，食起上嚟 都好有牛味，好有咬感。 店員好細心， 上菜好快。又盡力避免牛汁反彈。 聽到石板燒嘅「吱吱」聲， 真係好興奮，好開心。牛柳 $115鋪頭推介，梗係要試。要不時反轉下，食幾多切幾多係最好嘅。 石板嘅熱度有限，唔會將肉煎到好燶。 由得佢自己煎耐d, 我覺得賣相仲吸引！湯 （自助free）超開心，大大嚿牛肉連筋。 D筋超腍，咬落去係黏口嘅。今餐吸收咗好多骨膠原😋 個紅湯又好味，又唔會好油膩。 加埋洋蔥青紅蘿蔔，真係好健康。 飲咗兩碗。沙律菜（自助free）雖然款式唔多，不過相比起一般餐廳嘅鋸扒餐，蔬菜量自行選擇，份量可以十足。飯（自助free）牛肉同飯真係好襯。雖然無薯蓉，但係白白飯任裝，肯定可以滿足大胃王。

而家好興呢隻石燒牛扒店🐂今次就呢左呢間好多分店嘅舖頭📍牛極 Gyuugoku Stone Grill Steak我食左270g嘅牛柳💰$170因為我鍾意食大大舊軟冧冧嘅肉🥩男朋友就鍾意食靚肉🥩佢嗌左150g嘅日本和牛(富油脂)💰$235又出賣男朋友個body🤭🤭另外沙律、白飯、湯都係可以自助無限refill啱哂大食積男朋友🍚🍚🍚🍚肉肉食佢唔飽就可以搵白飯塞飽佢個肚仔一人石燒嘅好處就係可以自己控制個熟成度我鍾意食生啲3成粉紅色嫩肉男朋友鍾意食熟啲嘅5成實肉咁各自燒自己舊肉唔洗爭喇haha😆

近期好流行呢種石燒牛扒店，主打日式自助石燒牛扒，人氣非常高企，喺唔同區嘅大小商場地舖開到成行成市😃今次食呢間牛極都唔例外，喺香港好多地方都曾經見過佢分店嘅縱影，呢一日就嚟到元朗雞地嘅分店！門口位置有一部自助販賣機，食客可以自選唔同部位、重量、種類嘅牛扒！餐廳劃好咗一個位置做自助吧，沙律、湯、白飯係任食~肉類方面，今次揀咗一份牛肩排👍一個人唔使食太大塊肉，呢個size好夠🤣呢一點絕對係石燒牛扒嘅好處，唔使驚食唔晒會浪費！牛肩排嘅肉質嫩滑，肉味濃郁😋建議大家燒一陣就好，唔使太耐，可以保持到肉汁🤪每張枱都擺咗3種調味粉，食客可以自行調味！加少少落去，睇得又食得！😜日式牛肉湯，都幾足料架！沙律菜，落少少千島醬夠晒吸引！

有d餐廳，適合特登去食，有啲餐廳，適合做飯堂，即係個個月都去食，牛極，就係我嘅飯堂之一🫣🥹尤其是一個人嘅時候，平平地自己鋸個扒真係好正，塊牛食平食貴自己控制、生熟度自己控制、切粒切塊、落醬落蒜、鍾意點食就點食；飲湯食飯或沙律，食多食少都係自己話事！牛極提供6款不同牛肉品種/部位，不同價位，但我始終認為最平嘅牛肩扒（$85/180g)性價比最高！只要逐塊切出黎用熱石燒兩邊，熱辣辣放入口，又有肉汁，肉味又濃！無論放在珍珠白飯或者沙律上面，都好味！🍲自助沙律湯飯吧沙律- 簡單沙律生菜+粟米，有兩款醬汁可選湯- 其實呢晚黎呢度，我主要係想飲碗熱辣辣嘅湯🫶🏻呢個雜菜牛肉湯，任裝，又有好多湯渣可以食。飯-珍珠米飯醬料：三款醬汁，數款調味料，我最鍾意係用蒜蓉放在牛肉及熱石上一齊燒！PS: 一定要著圍裙，可防熱石燒牛濺出的油花。

最近好想食牛，一連幾日都食牛，今日又去左牛極食石板牛😂 貪佢夠平民價錢。我都仲係好like佢哋自助形式，原來個沙律會變，無左耶菜，今次變左沙律菜。拎定白飯、沙律、湯同芝麻醬撈飯，最緊要著定佢件即棄式圍巾，唔使比石板牛既油彈到周圍係🙈今次食返餐廳推介既牛肩排，上次係牛扒關注組有師兄教路打直切一刀先，切開條筋，感覺係容易啲處理，啲筋無咁易痴牙！避開左條筋，又係啖啖肉，而且沙律菜夠大塊，仲可以夾住啲牛肉一齊食。不過最近我真係食得太多牛，開始有啲罪惡感🙈 所以碗湯我特登拎多啲洋蔥同蘿蔔去balance一下咁多肉🙈🙈啲牛真係好大份，同埋每次既質素都好好，次次切開都係好靚既紅色，生熟程度可以自己控制，都係我點解咁鐘意哩間石板牛既原因！👍🏻

#牛柳 ⭐️⭐️⭐️⭐️#牛肩 ⭐️⭐️⭐️⭐️⭐️身為牛魔王嘅我係非常之喜歡食牛扒架，當我見到呢間餐廳就梗係二話不說入去食啦！今次我揀咗牛柳同牛肩，平靚正啊嘛！⭕️牛肩相對價錢係最平，但口感同牛味都好正⭕️半自助形式，有紫菜飯，湯同沙律菜任添⭕️石板燒可以自由控制牛嘅生熟度⭕️自己燒嘅每食一啖都好有滿足感⭕️牛仲有分gram數，大食人仕可以叫大份d更加滿足⭕️性價比高，$100內食到靚牛超抵⭕️好喜歡佢燒肉汁，用黎餸飯好開胃/

出面門口寫咗唔使一百蚊就有牛食，俾佢吸引咗入去。平日早啲六點鐘去到都尚算少人唔使等位，叫咗一份牛，最少180g都好足夠，想熟啲就等耐啲想食生啲就覺得適合就可以切黎食。牛肉汁而且嫩滑，配合出面嘅白飯加紫菜，再撈埋佢哋自家製嘅牛肉汁，簡直就係一流嘅絕配！ 出面嘅羅宋湯任飲，而且落足料，扺食。 平時出面如果要食呢啲沙律吧或者任飲任食嘅套餐都要額外加錢，但呢度你只需要食最平嗰個85蚊就已經有咁嘅享受。非常之抵食！ 不過我覺得有一樣嘢可以增加嘅就係嘢飲吧，因為佢哋冇送嘢飲所以如果能夠加錢任飲更加抵食！

今日lunch又去咗牛極食石板牛，上次食完牛柳，今次食返餐廳推薦嘅牛肩排（180g)餐廳採用自助形式，白飯、沙律菜、湯、醬汁全部任拎。湯又好足料，入邊有紅蘿蔔同白蘿蔔，唔驚唔夠菜😂白飯仲可以加啲紫菜碎喺上面，都係任加唔嬲🥰我個人就鍾意將沙律菜同埋芝麻醬加到落白飯裏面一齊食，同埋可以拎少個碗，唔使擺到成枱都係嘢🫣牛極既石板牛真係好抵食，好香牛味又夠份量又可以自己控制生熟度，想熟啲就煎耐啲，想生啲就一切開就食🥰一切開見到咁粉嫩嘅牛肉都已經好開心好滿足🫡 覺得唔夠調味仲有多款調味料同燒汁、蒜蓉俾你加落去。不過每次我都無用到啲調味料，佢原本舊牛已經好夠味。同埋去到最緊要拎佢一次性嘅圍裙，咁就唔使俾啲油彈到全身都係，食完飯仲要返工架喇🤣🤣

成日去日本既朋友,相信對餐廳既自動販賣機一D都唔陌生好似拉麵鋪咁, 係門口用販賣機落完單附費之後先入座以家香港都好似愈黎愈多呢類型既餐廳今日去到元朗既牛極~ 有不用部位同份量既牛牛自己揀最後揀咗牛柳,一切開牛柳，肉汁已經流出來,超JUICY!仲自製左五成熟牛柳飯牛柳嫩滑同好多肉汁,呢個價錢絕對對得起有餘呀!真係唔講得笑, 唔覺意食多左勁多飯配菜有椰菜絲, 羅宋湯, 白飯都係任裝仲有好多款醬汁配搭而且台面都有鹽,黑椒同BBQ口味既seasoning