夏銘記 (Closed)

時間剛好，應該去去BC。見到那間雜貨店，已經變成勝利道「夏銘記」，看看能否維持水準。沒有那種老舖感覺，貴租很難敖下去。叫了魚蛋麵加魚皮及coke lemon。當然試下個湯，仍然清香，不是太潮洲那種蒜粒咸，有些人嫌淡，但並不覺得淡，而是用大地魚熬湯，不會太咸。魚蛋、魚片：仍然有昔日的真實，沒有落粉、沒有加膨脹劑，真的爽、有魚味，很易吞入口。別人說魚餃、墨丸出色，實在喜歡它的魚蛋。麵，算是綠葉。而魚皮，做得出色，薄薄的，不是大批去批發舖取貨那種，浸湯時那塊魚皮會有少少聲，似食脆脆蝦餅那種。最後的辣椒油，不嗜辣的，應該適量便可，但嗜辣的我，怎能錯過。附記：重借《big fish》，第一次看便很喜歡，很有幻想空間，展現人性，小說更佳。而戲內戲外情節記憶猶新，歷歷在目。相信除了rob's serenade-"Eternity"的形容，沒作他選。

夏銘記,由我讀中學已經開始光顧(我今年已經35歲),我本身是潮州人,所以對潮州魚蛋粉麵特別喜愛,可以講全香港很多魚蛋粉麵店我都試過,真正好食不超過3間.香港島有2間(相信很多人都知道),九龍就只有夏銘記我是覺得最好.我不能講夏銘記是全香港最好,但可以肯定是全九龍最好.值得大家去試.

搬新舖之後, 第一次食...間舖新, 椅都換晒,無以前隻舊舊地feel lu好彩d粉麵同魚旦仲保持水準$16 單/雙拼麵本人最捧場就係佢辣椒油...依然好香好辣, 唔食得太辣朋友, 就真係唔好落咁多啦!呢度湯底可能係淡少少...所以要加少少辣椒油, 就可以將成碗麵鮮味帶出啦...

夏銘記搬左去駿發花園後, 特登同老婆黎食, 水準依然保持得到! 魚旦有魚味, 老實講, 魚片真係比唔上謝記, 不過我最鐘意都係炸魚片! 正!

試左魚旦魚片魚皮同埋魚皮餃, 無特別. 魚旦, 德昌好食過佢, 魚片, 安利好食過佢, 魚片同魚餃, 味皇好食過佢. 佢D服務仲要勁差, 個侍應勁無禮貎, 態度惡劣, 十問九唔應,當答你時仲要惡死咁話你.... 最恐怖係好多蒼蠅周圍飛, 我就無下次囉!

講開勝利道真係好多出名d食店,有食熱狗,食海南雞,同食魚旦粉,岩岩幫親完食熱狗,個肚仲有少少飽,但吾知會幾時再經過里頭,所以都行入去食碗魚旦河,係門口以見到有好多報紙介紹佢間鋪頭,入去食魚旦河一定冇死.去到叫左碗魚旦河,買相都ok,魚旦吾似一般買粉麵鋪個d魚旦有一陣雪床味.最重要係佢地有細樽裝可樂買

在勝利道試完勝利小廚和德國香腸，想起此店也頗有名氣，就買些外賣回家吧。外賣每款最少買四，買了魚蛋、魚片和魚餃。魚餃是吃過中最好味的，外皮煙之餘個餡都好好味，不像上次去稻香咬下去一口盡是肥油。魚片和魚蛋有魚味，魚蛋不是彈牙那種，但好食就夠。附送的辣油好香好辣，頂好。這店在下個月會搬到油麻地，大家請注意。

家母的鮫魚魚蛋是鎮家之寶，故想找一家食肆能與她匹敵一直是我的宿願。聽說此店的魚蛋經多名食家品評後認為相當了得，固專訪一試。魚蛋魚片河加紫菜，魚蛋魚片河送上看魚蛋顏色已知不妥，顏色過白應是冰水比魚肉的份量過多而成，另外亦因門鱔比例過多而導致。而魚蛋魚片本身是彈牙，但原因只是攪制時使大量的空氣走進魚蛋內裡而做成，而真正的彈牙應為魚肉內的空氣是由烹調中形成的才較好！固正宗的魚蛋需要有一個撻的程序，當然，過份稀鬆的魚蛋都可撻得到，但效果差遠矣。河粉普通，湯底普通，連紫菜都普通，唯一可以是個辣油是OK同支細樽可樂！

約左個舊友食飯, o係何文田冇乜得揀, 食西餐當lunch 我地嫌滯, 於是o黎左哩度. 我嗌紫菜魚蛋魚餃墨魚丸麵, 紫菜舖到成個碗面o係, 魚蛋唔彈牙, 墨魚丸都冇咩鮮味, 好多地方做呢兩樣都做得好過呢度, 但o係魚餃就好得, 個皮真o係晶塋剔透, 味道就梗o係好. 以上每樣兩件, 廿蚊碗都算okay, 不過d麵唔夠爽. 舊友食魚蛋魚片河, 佢就猛咁投訴d魚片太咸. 另嗌油菜, 菜心當造, 正! 環境服務都o係街坊風味, don't expect too much.

Ｄ湯無味無道、同滾水無分別最好食係炒魚皮、好薄好脆

蛋十分夠味, 真材實料, 口感較實, 唔係彈牙隻肉丸, 牛丸同墨魚丸普通, 唔一定要依處食

同事介紹專登尼食魚蛋粉,第一眼望到碗粉外觀甚差,細碗,湯甚清,冇咩特別配料. 但魚蛋食落不得了,感覺跟母親的手打魚蛋一樣,魚蛋並不是彈口那種,而是腍中帶有爽口的感覺,以前從未系街食過,這是真正的手打魚蛋!!!強烈推介!

這是我兩星期兩次幫襯後所寫的食評.由於魚旦是鎮店之寶, 第一次叫了魚旦麵, 另外叫了一客淨三寶.如其他食評所言, 魚旦並是彈口, 是一入口很腍的感覺.報導指由於是人手製作, 所以內裡空氣, 亦沒有加上人工物質令魚旦彈口, 所以會有這樣效果.個人覺得這是口感問題, 喜歡彈口與否是個人喜好.魚片沒有令我留下深刻印象.麵是有少量鹼水味, 是較為失望的地方.反而三寶卻另有驚喜. 墨丸很有味道, 魚皮鮫皮是厚了點, 但亦不錯. 吃了點紫菜, 亦相當不錯.辣椒油是好貨色, 但醮一點試試就好, 因為都頗辣.第二次叫了一客牛腩伊.因為第一次原故, 所以寧願加四元叫了伊麵, 相當不錯, 伊麵相當香口.牛腩並不是炆得很腍那種, 但卻是非常入味, 亦是不錯.店內有很多報導, 大部份都是夏生夏太一同出鏡. 閱讀後一股敬意油然是生. 兩口子為一間舖頭, 對魚旦味道的堅持與執著, 由創業至守業, 一切可不容易.當日夏太亦在店內幫忙, 一時安排位置, 一時與客人寒暄, 一時收錢. 看她是舊一輩的人, 一生都為家庭與舖頭而努力. 離開時我亦有和他寒暄幾句, 她很客氣的說多謝.夏銘記的魚旦未必令我留下深刻印象, 但兩個

20050329 7.30pm心情唔好, 放工去我最愛唔洗錢活動之一－勝利道寵物店睇貓仔.咁睇完貓仔都要食飯, 勝利小廚條人龍長到飛起, 對面夏銘記魚蛋出名我又未食過, 門口亦貼滿各式剪報簡介, 一試.同男朋友2個人-* 我食- 魚皮餃魚蛋魚片河($20), 招牌魚片魚蛋都唔覺得點樣得別彈或者特別好食, 魚皮餃反而幾得手.* 男友食- 魚皮餃墨魚丸河($16), 男友話呢個配搭係佢食o左好多次之後發現咁樣係最好食. 又的確係, 墨魚丸夠彈牙.* 炸魚皮($12) x 1 - 魚皮係比較薄, so far 都ok 但唔算特別好食.* 支裝可樂x 2 ($5@)

我覺得呢度d 魚蛋粉好普通,魚蛋雖有魚味但不太爽口,魚片實在太薄啦!但辣椒油就真係好鬼辣,我落幾滴搞到成碗都好辣.