夏銘記 (Closed)

魚蛋彈牙爽口, 炸魚皮惹味夠脆唔咸.紫菜粉麵都普通, 湯算清但太少.菜好好大碟, $11都值.冷氣唔夠.辣椒油夠辣未夠香.

最好係食個便麵。以往我會去轉彎位好麵膳食麻辣米線, 但因為佢食物質素同加價幅度成反比, 又聽男朋友講佢d魚片頂呱呱咁不得了, 故是夜棄麻辣取魚蛋。未入到門口, 見到有一樽樽辣油賣, 真係好想試下有幾巴閉喎。坐低叫左紫菜魚蛋米同魚蛋河多青。加魚皮$6, 有半碟, 一碟就$12, 我覺得十分user friendly呢! 所以加左佢地自稱的招牌魚皮。入面裝修簡單, 餐具等都幾乾淨。男女洗手間都係放心去果隻, 對於一間麵店而言, 係加分的。幫襯過以上地方後, 食物相繼到站。份量係大碗的。魚蛋有4大粒, 魚片有2大塊, 紫菜都係食極仲有。不過叫佢多青就唔夠多, 魚皮亦漏單, 湯都唔多夠。出聲問姐姐要碗湯多青同埋魚皮, 姐姐亦好好笑容咁俾左碗好多青的湯我。魚皮好脆好薄, 沾到湯以後唔好過太耐果隻。好食。魚蛋就反而一般, 幾大粒, 我稍嫌佢鬆散左少少, 當然比出面d行貨好好多, 但係都唔夠大埔一眾食肆出色, 有一舊我仲食到骨添。魚片方面, 我好好彩咁有一件片頭, 係比魚蛋好食的。紫菜冇沙, 加分。米粉比河粉好食。我最欣賞係佢d蔥, 切到好細好細, 令每一著麵都可以有蔥粒痴住食。

成日都去油麻地百老匯睇戲，除左麥記之外，呢間係唯一選擇，事關佢碗麵唔大，一陣就食完，行過百老匯3分鐘都唔駛。呢間舖話自己既魚旦好出名，所以就叫個乜都有既四寶河(偏偏冇魚片)。佢既魚旦唔算好彈牙，魚餃、豬肉丸、墨魚丸都係一般貨式，湯底都算唔太多味精，食完都唔係好覺口渴。佢講到自己d魚旦咁出名，但係本人就覺得同一般魚旦冇乜分別，成$23一碗真係唔係幾抵。

睇開openrice 知道這間麵店未搬前好出名，於是特登同女朋友去試下。由於我們的對食的喜好和口味越來越似的關係，為免爭食(雖然都係無得爭的)，我們破天荒地一齊叫了2個什麼紫菜三/四寶，我叫河粉底，女朋友叫了粗麵底。紫菜是無沙的，至於這裡據聞最出色o既魚蛋和魚片，女朋友覺得魚片ok，厚得來幾好質感，但魚旦就唔彈，墨丸就唔錯；我反而覺得個魚旦和其他肉丸都ok，而個勁辣辣椒油就真係- 怕辣都值得試! 女朋友個粗麵好掂，我建議佢食我個河粉，河粉雖然都係普通貨色，湯底清，不過覺得落了味精。服務唔得，得幾檯客都可以咁慢service，好似生意唔憂做咁，講真，今時今日，$2x 碗麵算幾貴的了，重點係質素麻麻而service 又唔好，暫時來說，無什麼吸引我地再去食多次lor !

自從呢間老鋪搬咗新竇後都未幫襯過，都係時候去試吓la..呢度最出色係魚蛋及魚片，坐落等嘢食嘅時候竟然聽到大部份人都唔係食呢兩樣嘢，而係叫乜嘢雲吞牛腩，睇嚟佢哋都係生客嚟la..紫菜魚三寶河內有魚蛋、墨魚丸及魚餃各兩粒，份量幾足。魚蛋仍然係一貫老水準，軟軟腍腍，類似新加坡式魚蛋；形狀"三尖八角"，一睇就知係手唧嘅，有淡淡嘅魚味，不俗；墨魚丸似係用嚟貨嘅，普通水準；魚餃皮大大塊，幾煙靱，餡亦足，good taste。魚皮魚味濃，夠脆口；芥蘭夠翠綠，食落嗦嗦聲，唔錯...好飽..^_^

住係個頭...但一直都唔為意無入去試過,來到openrice睇食評先知原來間麵店咁出名,所以今日特登去試下坐低就叫左碗魚蛋米,都幾快有得食,一碗再普通不過的魚蛋米,分量適中,魚片同米粉好一般,感覺上都落左幾多咪精,不過魚蛋幾彈牙,唔錯反而最滿意ge就係個湯底,清清地唔油膩,唔會好似其他麵店咁用"揀"水做湯底,食完都唔會覺得口渴因為搬左舖位,所以環境都唔算惡劣,普通茶餐廳間隔,但勝在夠乾淨,服務方面就認真唔掂,碗麵差唔多食完都無杯茶飲下,埋單又要我地望實成10幾秒先願行番去櫃位計數~li點大大扣分就一間位於油麻地ge麵店而言,食物ge價錢都唔算平,但重點係食物質素真係無想像中咁好,可能因為期望過高?小妹ge話就會prefer一間平d,服務態度比較好ge麵店(只因食物水準真係唔見得差好遠)點都好,我覺得仲有進步ge空間食物方面有進步的話,值得再去ge~

因為趕時間入戲院，所以決定在此速食，朋友與我同樣叫了紫菜三寶米。這鋪聲稱魚蛋是自家製，但試過後十分失望，因為與在超級市場出售之四海魚蛋沒有很大分別，一點也不彈牙爽口!魚餃雖然不是來貨貨色，但可能煮的時間太長，在我碗內的魚餃己經"爆裂"身亡，味道亦不是十分特出。三寶中最出色的是墨魚丸，彈牙爽口，與街外"粉蕾蕾"的墨魚丸不一樣!最後是湯底，太淡了，如非加了腩汁，我也不能完成整碗。可憐我朋友不吃牛，吃了三寶後，就放棄了餘下米粉。

(9/6)滂沱大雨，躲避片刻。點了墨丸魚餃米及細魚皮，一會兒後上桌，墨丸新鮮、爽口、美味，突然想起停業的美仔記；魚餃不是一般貨色，魚餃的皮很軟滑，有魚味，肉也新鮮，喜歡它湯底的清，伴以美味辣椒油；魚皮，還是沒有油益味，香脆。前夕（殖）總是令人期待及緬懷；「有一天，我們的文明整個的毀掉了，什麼都完了─燒完了，炸完了，坍完了，也許\還剩下這堵牆……關於我的家鄉，我做了好些夢。你可以想像到我是多麼的失望。我受不了這個打擊，不由自主的就往下溜。」

I think It's just ma ma because 魚皮餃係軟d but u can buy it in the supermarket also.However, fishball is delicious!!

雲吞麵- 雲吞都唔錯，皮薄，餡新鮮，蝦比較細但都幾多。今次既麵唔太硬，而湯都又唔太，整體唔錯。但係d 麵吸乾晒d 湯，所以叫佢俾多d，而佢既服務都唔錯。但我都係比較鍾意呢度既魚餃。

黎買Isabelle Huppert "分居"的戲票，近近地就再幫襯夏銘記。今次叫左魚皮餃魚片米，魚皮餃仍然係咁好味。魚片比較淋身，口感唔及魚蛋。由於幾次食都覺得個湯好淡，今次終於記得叫佢加腩汁，加左個米粉好味好多。米粉比河粉好食。

上次食左魚蛋魚餃粗麵，今次就叫左墨丸牛肚河($20)，牛肚都幾入味、爽口。墨丸就一般。而河粉份量好大，但好淡(建議下次見佢加腩汁)，都係粗麵好食d。另外叫左枝可樂($5)，係樽裝果種，好多汽。一餐簡單、抵食既午餐。

在“開飯”睇到，所以專登同太太試！一個魚蛋粗麵，一個魚餃伊麵，再加炸魚皮。魚蛋爽口彈牙，口感一流；魚片相對冇咁好味，唔及旺角通記。但魚蛋比通記好食。粗麵正！魚餃皮算薄，唔黏口，唔錯。伊麵唔係好得。炸魚皮勁正！入口唔係脆，而係鬆化。試過味皇魚皮，都係呢度正！傍晚6點幾，客人唔多，但有工人整緊冷氣，而且有人食煙，所以環境要扣分。

食左個飽飽既早餐，襯LUNCH 有時間落左去BC 買戲"飛" ，估唔到咁爆場，淨返頭兩行，唉！但都無計... 唔睇就無得睇。咁之後就去左呢度叫左個魚餃魚蛋粗麵拎走。魚餃層皮唔同出面既硬"掘掘"，係軟身有小小"煙un"，內裡好鮮甜，好重肉味。而魚蛋，係淋淋地既，唔算彈牙，但爽口，好重魚味！粗麵呢就硬左少少，但我唔覺有澗水味，d 辣椒油有d 似李錦記既潮州辣椒油(我好鍾意食佢的，尢其是平時食公仔麵，加d d 好好味，不過好多人都話太辣)，整碗麵都幾好味！

在這裏吃過幾次, 地方乾淨闊落.本身鐘意食粗麵, 這裏的做得很好, 據知是自家制手打的, 是我吃過之中的粗麵最最爽口彈牙. 喜歡吃的朋友一定要試!另外自家制魚蛋魚片不錯很爽口新鮮.炸魚皮是用黃鱔的,所以很薄很鬆化入口即溶.墨丸麻麻地唔爽口林patpat的.牛腩入味幾林,魚皮餃OK的.淨食或跟麵一碗$16, 雙拚$20.炸魚皮$12,汽水$5