Häagen-Dazs (Moved) New Location

睇完戲順便食下大師，買左3球甜筒，盛惠69蚊。叫左士多啤梨芝士餅，曲奇雪糕，最底係朱古力味，配上士多啤梨和朱古力粒。雪糕好好味，又滑，但好快溶，士多啤梨好甜，但朱古力粒好硬&苦澀，個人不喜歡，錯誤選擇。

姑仔送給我家的禮物---雪糕朱古力火鍋！預早一天於網上預訂時間、日期及到那間分店提取，在當天只要向店員遞上換領咭，店員便開始執拾雪糕火鍋材料，由何時開始雪糕由球狀轉為餅裝。回家後把朱古力放進微波爐加熱至溶，再倒進瓷碗內，下面放入點燃中的蠟燭，作用是令朱古力保持暖度，當冰冷的雪糕蘸上暖朱古力漿再等一等……脆皮耶！

張優惠券今日就過期了，嗱嗱淋去換左佢。原來加多10蚊可以要多一球 於是揀左香蕉朱古力同士多啤梨芝士餅。 我覺得兩款都好味 不嗜甜的人可能會覺得甜左少少 。惟一吾好就係溶得較快

原本是來買雪糕火鍋劵，友人卻被凍櫃裏的雪糕蛋糕吸引。當中最「美艷」的，是那草莓粉紅色的雪糕蛋糕，上面一片白色雪花，整個蛋糕都很草莓，雪糕+聖誕，卻因為那草莓紅，一切都變得很warm就是它了，可選任何雪糕口味，還是忠於原著－士多啤梨味吧！到了吃蛋糕日了蛋糕的手工很細緻，其實我們70%吃它的外表的草莓果醬表面酸酸的，挺配合CREAM和STRAWBERRY的味道，STRAWBERRY的雪糕也不錯，如果能軟一點更好，解凍時間不夠呢。HD的雪糕當中我最愛比利時、NUTS，可是要配合這個限定版的蛋糕，惟有選草莓味了。HD的產品愈來愈貴了，這蛋糕小小的索價348元，不過在節日裏有這樣的一個主題蛋糕，不應抱著一般的心情去對待吧。

有張coupon 只需$10就買到...當然要去試一試la...我知Häagen-Dazs好食但好貴所以並唔係成日食.....入到去舖頭..待應見到三心兩意...佢好醒目咁話你可以試下味先再決定...我試左兩款...就決定食tiramisu...真係好香好滑...入面仲有d餅碎又有咬口..正呀~~其實個球唔係好大個...$10我都覺得ok..但如果以正價$35就真係極度唔抵la~~~~~~~

登登登登~~~~~~~ 千挑萬選, 終於由Häagen-Dazs 的雪糕蛋糕獲選為少爺的birthday cake~~~Creamy Series 的Flower Kiss (甜蜜心印心, 好sweet的名字) ~ 是macadamia nut, 正合少爺喜歡nuts的口味~是日改早了取蛋糕的時間, 店員都說ok~ 到取蛋糕時店員超級nice~~ 問小妹回程會否30分鐘, 預算要蛋少乾冰, 而且很貼心提醒小妹在吃之前要先放在室溫放10-15分鐘~晚上終於到吃蛋糕的時候了~~~~~ 打開蛋糕雖然跟在網上看的圖片有點兒不同, 不過也很精緻~ 最重要是蛋糕師傅好手工懂得寫中文字XD !!! 1lb 原來實際體積比較細, 分成8份每人只得1小角了~~ 外層白色和巧克力玫瑰都是cream, 雪凍了連甜膩感覺都好像被冰封住~ 幼滑macadamia nut雪糕夾離著粒粒碎果仁, 超好味~~ 少爺以及他1屋家人都吃得津津有味~ 最緊要的是少爺覺得開心~ 這個ice-cream cake完美地為我們這頁回憶寫個美好的句號。(((大概少爺不會看到這段文字, 還是好想說: 抱歉竟在那天1次又1次鬧脾氣

我buy左三小球雪糕 ( $ 39 ) , 真係細個一個乒乓球, 仲有兩塊餅碎,兩小粒朱古力蛋糕........ 我要左 朱古力津子脆果, 夏威夷果仁, tirumisu, .......... 朱古力津子脆果,我覺得甜左D..., 但我男朋友中意..... 夏威夷果仁 , <係呍呢嗱味 + 果仁 > ,我中意食 tirumisu , < 充滿咖啡香 > , GOOD~~ 雖然好好味, 但真係細得滯..........

為體態著想，甜魔鮮有很放肆、重複又重複的吃著一款甜品，唯獨HD的雪糕真是無法抗拒的例外。慶祝25週年，HD又推出多項優惠，引得減肥中的我，天寒地凍也要吃雪糕：　Belgian chocolate-香濃朱古力雪糕加上柔軟、半融和的朱古力片，予人超濃郁的朱古力感受，食極不厭，是我每次幫襯都必點的一款口味，也是我吞下兩數球也不會滯的口味! Cappuccino truffle-香濃幼滑的意大利泡沫咖啡雪糕，配上口感獨特的軟心朱古力，也是高度推介的口味。供應期有限，甜魔已經入了可以儲存較耐的迷你杯，大家有吃也要趁早! Chocolate hazelnut-早前推出的口味，帶脆的榛子粒豐富了口感，不過輸在朱古力味未夠濃郁，排名只能在belgian choco, choco & cookie, dark choco w/ orange之後。Bailey's-香甜醉人的滋味俘虜了龍的心，是他每次必點的一味!　最近還吃過一款特別口味，見有網友感興趣，也解構一下Vanilla caramel brownie：味如其名，這款雪糕以雲尼拿做膽，加上焦糖醬與brownie而成。本來三款都是甜魔喜愛的食材，不過

** 此 食 肆 的 第 二 個 OK **尋日(28-8-2008 Thur)女經理有心地請我o地部門食七星伴月雪糕月餅,我o地自己抽一粒’星’o黎食,個樣唔差,我唔知係咩味,只覺得唔係普通味o既雪糕,當中少少o既芒果味雪糕味道就好好,搶晒.而面o個塊印有logo o既朱古力都唔太甜,OK o既.又多謝呢位經理o既心意,我o地食得好開心呢.佢話一盒要4百幾蛟,真係好貴.

信用卡優惠:雙球鮮果華芺筒$39雪糕: 芒果熱情果 + cranberry生果: 士多啤梨果醬: 士多啤梨糖果: 朱古力碎始終覺得cranberry最好味如果要其他味 不如去超市買la同老婆share 一個筒有老婆"喂" 咩都甜 咩都好食

同朋友到此吃雪糕做下午茶，要了個waffle筒，而雪糕球要了夏威夷果仁加野莓，配料就要了strawberry加芒果醬和果仁碎。waffle夠脆，很香的蛋味。野莓雪糕酸酸地，但當混有其他配料與雪糕一起吃,好balance,我覺得好好食，咬落去狠有好多果仁粒，硬硬地，口感豐富。店員好體貼，知道我地兩個人食一杯雪糕，佢主動兩個匙根俾我地，不錯!

平安夜同聖誕節正日都俾左朋友，留番boxing day同媽媽一齊過聖誕。媽媽一向都鍾意食呢度既雪糕，所以就專登搭車黎食。呢度本來只有一檯兩椅，但今次黎發覺唔見左。可能間野太細掛，原本放檯椅的地方改了擺貨。我地點了$50的plan，即係兩球雪糕加配料。兩球雪糕要了士多啤梨芝士餅同夏威夷果仁，併上鮮果士多啤梨再加芒果醬，topping揀了杏仁碎。果筒就一定係窩夫筒，好香蛋味，食極唔厭。杏仁碎配埋夏威夷果仁雪糕好正，不過真係幾甜，久唔久放縱自己都好。哈哈！最緊要媽媽食得開心，I love you, Mummy^^

單球冰淇淋巳經由$29 加到$29.9，因為好味，依然心甘情願幫趁。連續兩天到樓上跟客戶見面（當然包括被那位卸膊「IT Senior Manager」插）。黑臉到這兒買雪糕食，降溫消暑。試了草莓芝士餅（超足料，好好好味！）和蘋果焦糖雪糕（好rich，好香濃）。但其實兩款都係超甜！各女士們，請三思！

我最疼愛的小表弟生日，咁啱佢爸媽都在死公榦，唱生日歌的重任就落在我們一家的身上。我見此蛋糕色彩繽粉，外形有點像迴旋木馬，味道又是表弟喜歡的cookies and cream ，於是便欽點了御用跑腿替我在葵芳的Haagen daz 將它買回來。此蛋糕偏多cream，不合個人口味，論外形、論味道都偏向適合小朋友。

絕少吃冰淇淋的我，因為收到一張冰淇淋招待卷，於是便有機會吃此店的特色冰淇淋！自此，每次到這個商場，都會特地跑來吃一球（$29 / 球），吃過就知道這是足料好味。最喜歡的當然就是「Coconut Macaroon」，有椰絲碎屑，好有質感。而「Raspberry PannaCotta」賣相甚是漂亮。至於「Green Tea」都是我常吃的口味。曾經試過那兒的綠茶雪糕特飲（$60），係貴，但係好足料好味道！奈唔奈一次半次，係享受！