Häagen-Dazs (Closed)

昨午去中環報完名，搭船番過尖咀搵食，突然醒起匯豐卡同haagen daze好似做緊八八折promote，於是走去買了一個丹麥筒。選了朱古力曲奇和醉酒櫻桃，生果要奇異果，多朱古力漿和朱古力碎，服務浿完全冇托手，真係好多朱古漿，他仲提我小心。埋單時才知堂食才有此優惠，另外就是買做緊推介o既朱古力華夫筒，總知未買先問，失策了呢。 朱古力曲奇原來好甜，冇比利時朱古力咁苦咁好味，下次一定要試下朱古力華夫筒，因為個賣想好靚^^

講到最好食既雪糕..非haagen-dazs...或者係宿命..點戒都盛唔甩...一個禮拜真係最少去3-4日...我都覺得自己有問題....^^我有vip卡所以成日食..由佢o係hyatt regency..到依家既星光行...佢既happy forever...都係我指定動作...因為我鐘意任配9個cone...同埋d sauce...超正..尢其mango味.....我自己一個都食得晒....甘多隻味我都已經食過...最唔好食只有2隻..紅色既雪果..超難食..仲有提子lum酒...好似藥水...其他都唔錯~~^^大家鐘意食haagen-dazs... 既朋友...記住留肚食...呢排新出既coconuts...唔錯架~

同傻鬼每人叫左one scope既雪糕筒. 我叫左green tea, 佢就叫左mango. 佢唔係好欣賞我既green tea, 所以大致上我自己食曬. green tea都係一般啦, 我覺得係日本餐廳食個d好似正d.(唔知係咪心理作用)不過佢個mango又真係幾正, 好似士多啤梨雪糕咁有好大粒芒果肉. 正正..@@

好大個，有兩個雪糕球，另可再加一款生果、一款配料和一款醬。雪糕要了belgium chocolate和醉酒櫻桃，生果要了士多啤梨，另朱古力醬和滿天星碎糖。總括來說，雪糕依然冇得彈，但生果又少又酸，朱古力醬偏甜，唔夠苦，碎糖冇得command，因我估係來貨，至於個脆筒，我紿終較喜歡7仔o個種。價錢雖然要成$50，但感覺比單買雪糕抵好多。

依家IT CARD 訂朱古力火鍋, 有折之餘, 係十二月份, 買生果單球, 送單球甜品一客, 抵抵抵! 不過唔係收到BANK 通知都唔知,佢地成日都唔SHOW 出黎既,可能怕D 鬼佬見到冇DISCOUNT 唔抵呱! 不過我覺得你既然做得既...... 又唔怕講比人知囉!

食完飯唔多夠飽加上朋友既甜胃仍未開工十一點六個人都要再走去哈根達斯再食竟然要等七張檯二十分鐘後入座當然食招牌朱古力火鍋我絕對唔明何以係二人份兩個人食死都食唔晒啦一係唔食飯就去食六個人今次都係岩岩好十球小雪糕分別係朱古力石板街士多啤梨同哈密瓜加埋朱古力同士多啤梨醬生果酥餅同曲奇都幾好全部都相當吸引架不過士多啤梨不論生果同個醬都酸左d如果不幸成件生果浸左落去個醬度真係酸死服務方面呢某trainee小妹妹雖然有d失魂但都深得某「名人」大食朋友既歡心我唯有唔扣分啦…既然做左名人抵請啦突然間發覺開始唔係次次都AA制係咪就叫長大呢?

食完晚飯, 大家都意猶未盡, 諗食咩甜品好呢?? 最後決定Haagen Dazs打邊爐啦!!一行六人, 食咩都係其次, 志在可以有個位繼續傾計,諗都唔使諗大家就決定叫一個朱古力雪糕火share!! 餐牌上寫明製作雪糕火需時大約20分鐘, 我只好耐心等候, 當waitress將個火拎時, 大家都好鬼開心, 乾冰做出的效果令成個火噴晒煙, 好迫真呀!! 火過湯底有朱古力同士多啤梨2款, 各朋友就比較鍾意朱古力, 因為後者太酸, 而其他配料有:1. 10多粒細細粒雪糕(不同口味): 雪糕沾上朱古力醬後就立即凝固, 口感唔錯!2. 多款生果, 包括士多啤梨/奇異果/香蕉/哈蜜瓜等...香蕉沾上朱古力醬好好味, 而朋友吃了奇異果沾上士多啤梨醬後就話酸上加酸!3. 蛋糕/曲奇/酥餅, 朱古力蛋糕再加朱古力醬, 真係甜上加甜, 好"漏", 其他各樣都OK!總括講, 呢個火新奇有趣又得意, 但好味程度就見人見智啦!! 仲有2個人share就太多同太貴, 我諗4個share就OK!!

ai>>>本想吃朱古力火鍋的，但抱著探究&冒險的精神，叫了一客「xx 鐵板燒雪糕set」d雪糕同個鐵板一d都唔夾...溶得快之餘又沒有特別的口感...而其他的小點如水果串燒同埋日式糕點則普通得可憐...三個字可以形容︰「唔好食」...ps試吃了新出的紅豆味...超甜...

作為紅豆迷的我, 凡有任何紅豆味o既o野, 我都一定即try!! o係park n' shop 買o左一盒, 一入home 門口即試!! 可惜, 100% 失望!!雪糕內有不少紅豆, 可惜, 好甜!!! 係甜到過哂火o個隻!! 有睇我平日d comment 都知我係甜精, 但係今次really 頂唔到o甘甜!!本來甜都算啦, 可惜係甜到even 連一d d 紅豆味都食唔出!!!! 真係好差呀!! 我亦都好擔心我要一個人隊哂成盒........

見有紅豆味雪糕，當然要試試啦~紅豆Tampura - 紅豆雪糕被炸，厚厚一層漿，襯水果片。紅豆夢- 紅豆雪糕在奶昔類飲品。炸完的雪糕好大舊，吃了一球便有點飽。另一球分了給其他人。紅豆夢反而light點，有得食有得飲。紅豆雪糕甜度適中，絕對會再食~~

第一次覺得o既雪糕唔係咁好食，因為呢隻口味偏甜，而且朱古力味唔多夠香濃。其實而家匯豐信用卡做緊買一(單球)送一優惠，有匯豐信用卡o既食家要快喇，個優惠做到15號o架咋！

要左cookies & cream 同拖肥2隻味,配香蕉,朱古力sauce 同曲奇碎!食完已經好漏好飽,拖肥甜到死丫..$49我就覺得值low,可能我好鍾意食雪糕啦,不過個cone有少少淋,唔夠脆,可能我買0個時已經10點幾,唔夠新鮮啦~但係個cone真係好大,間唔中食一次就已經好滿足!

日本Haagen Dazs 研製o既紅豆味終於越洋過海, 登陸香港啦! 要左個紅豆丹麥筒, 店員哥哥好慷慨, 雪糕畢得大大球, 加埋滿滿紅豆topping, 淨係賣相都已經拎滿分! 雖然日本版o既HD雪糕無其他咁滑, 但係味道濃淡得宜, 而且有粒粒大粒紅豆, 正正正!

6月19日來到最後回合,終於要吃超級甜點了,這間店不需要多作介紹吧,至推出這個甜品後,我一直也想嘗試的,但如果一個人前來吃,總不可能吃完吧,難得找到友人一起來共享,當然不放過機會吧.個人認為甜品店這地方,在九時後應該是黃金時間,為免要等太久,所以我們提早了晚餐時間,因此甜品在七至八時來吃,是完全不需要等位的,雖然未來前已決定了吃什麼,但也望一下有什麼供應的,就算不望其他的,也要決定所點的甜品是什麼口味,可選擇的味道好像有廿餘款,要從中選擇九款味道出來,說難不難,說易也不是的,是晚就吃了這九款味道: (甜品本身的名字已忘了)荔枝:一吃那荔枝味已經供出來,味道偏甜;哈蜜瓜:常常在雜誌看見這款味道的雪糕,今天終於有機會一試,沒有什麼哈蜜瓜味,不是我那杯茶; 芒果:這個比較普通,味道與xx公司的出品是不相佰仲;香蕉:這個是最出乎意料之外的美味,香蕉味十分出眾,就像吃著真的香蕉;醉酒櫻桃;令我較失望的味道,可能是與記憶中的味道不同,酒味是有的,櫻桃肉也可口,但整個雪糕球的味道不夠濃,而且奶味甚重呢;Rum酒提子:整晚最失色的一款,酒味完全不見蹤影;朱古力碎朱古力,比利時朱古力,濃情朱古力曲奇:因

試了兩種新口味：蜜瓜和桑果奶凍，味道不俗，太太較喜歡前者，我則較喜歡後者．前者有蜜瓜肉，後者則帶奶味．我們發覺堂食雪糕的價錢貴了！