Häagen-Dazs (Closed)

有次同幾個朋友o係度食甜品, 大家分別叫左唔同o既味道o黎試. 其實隻隻雪糕味道都幾好! 個人覺得唯一o既缺陷係Belgian Chocolate o個隻味似乎太甜, 唔知真正o既比利時朱古力味...最令人驚喜係Tiramisu o個隻味, 出乎意料地咁正! 如果大家鍾意食Tiramisu, 記住試下!!!

$450 3磅蛋糕, HK BANK 有折! 不過真係多食就甜得制! 拎走加乾冰冇問題!

推介：i)夏威夷果仁雪糕好得，因為我本身好鍾意食夏威夷果仁，有好香的果仁味。ii)士多啤梨芝士餅，有士多啤梨粒，有濃的奶味和芝士味，有餅粒在內增加口感，不太酸，我本不鍾意一般的士多啤梨雪糕，但雨很鍾意食這款雪糕。

見到Haagen-Dazs出左新野,我梗係即時去試啦!星期六晚上,去左Hyatt分店,同個女店員講話要Ice-cream truffles,佢竟然唔知點處理,要問另一個店員!!原本,有一張truffles紙,上面有唔同款雪糕,又有個裝truflles三角形盒既圖,任顧客將口味填上,佢就會跟住黎做,但係紙上唔係款款味都有,我問店員,佢話個d係佢地覺得最好既配搭喎,不過可以寫其他味,咁我就揀左士多啤梨,朱古力朱古力碎,比利時朱古力,香蕉,芒果,荔枝(呢款紙上無)。整既時候,店員用一個好細既羹「畢」一球雪糕,放入一個裝左朱古力粉既盒滾動,雪糕沾上朱古力粉,六球係咁做,最後以一個三角形盒裝晒。不過可能佢好少整,朱古力粉唔勻,有厚有薄。不過我一見剽就已經覺得好唔抵!因為無諗過size會咁細!真係好細呀!我諗一個truffles只係有平日單球四分一既雪糕份量咋!但係$49六球喎!而且朱古力粉幾多,蓋左一d雪糕味,雪糕又少喎,所以唔係真係咁正囉!睇個廣告,完全無諗過會係咁細囉!味道只係可以既級數,唔算好正個種,所以我覺得試一次夠。我寧願食個單球!$49已可買個frutti食得好滋味喇!

因為係VIP, 最近收到生日coupon, 堂食75折, 襯天氣仲未凍就同家姐快快用左佢. 叫左兩個花之物語, 轉左味道, 唔知係咪我地O既要求太複雜(其實只係轉味啫), 我地等左15分鐘都等唔到個雪糕(當時唔係好多人嫁咋!). 催左佢之後, 佢話廚房O岩O岩先開始整! 等到頸都長, 終於都等到兩個雪糕黎. 食食下, 先至發覺佢俾錯左隻味道我, 係唔鍾意食O既strawberry cheesecake. 都已經食到一半無理由叫佢換, 唯有啃埋佢!食完雪糕叫左兩杯cappuccino. 叫完又係呆等15分鐘. 終於等到啦, 點知其中一杯o既泡係失敗o既, 未擺定杯咖啡d泡已經消失晒! 唔想再等, 所以無叫佢換. 唔單止咁, 佢話係illy咖啡, 但係飲落完全無咖啡味!雖然服務員態度好好, 但係個個好似食左成擔豬油咁, 點得呀!

8,覺得幾好,但係見到有食家話雪糕球細得離譜,所以再黎食多次,睇下有無「呃秤」!今次要左士多啤梨味(X2),芒果味,比利時朱古力味,咖啡味,夏威夷果仁味,吉士布甸味,同埋士多啤梨芝士蛋糕味,咁多味道,始終士多啤梨味最正!雪糕球size方面,無疑係比較球細,佢用一個500mL既桶裝,岩岩裝左八球,都有「特」出左少少雪糕,不過當然桶內有空位,我諗一球都應該有普通單球份量一半多d,八球夾埋都應該有四至五球普遍size既。$68 都算ok,因為三球都要$55,單球都$29!而且可以揀八款唔同味道,我係貪呢樣好,我花心嘛,樣樣味道都想食!

琴晚去左Haagen Dazs食雪糕,見到出左新口味,係custard pudding,即吉士布甸,鍾意食吉士既我就梗係要食,所以除左要次次必食既士多啤朵雪糕之外,仲要多球吉士布甸!吉士布甸唔算太出色,普普通通,甜甜地,但係好在唔會太甜,有少少似焦糖既味道,但係味道唔太似吉士,我覺得就咁食吉士好味d。呢款味道唔差,但係唔係特別好食, 屬於試過一次就夠個種。

在尖沙咀食完晚飯後, 心血來潮好想食Ice-cream , 結果去了呢間Haagen Dazs, 店內分上下兩層, 我選擇了坐下層, 座位幾闊落呀, 本來我同朋友諗住各人叫一款甜品, 後來看到有一個Ice-cream 拼盤, 有9個Ice-cream , 可以自選味道, 旁邊有生果, 仲有兩種果醬可以沾, 足夠三個人食有餘, 不過我不喜歡那些果醬, 反而喜歡載著果醬既脆餅多D, 而且Ice-cream下面鋪了一層薄既蛋糕, 有趣！價錢有點貴, 埋單要$200幾。Icea-cream 選了下列味道:芒果, 士多啤梨, 朱古力碎朱古力, 夏威夷果仁, 綠荼, 香蕉, 醉酒櫻桃, 荔枝, 芝士蛋糕

此牌子,在各大超市有擺放售賣的雪糕,我吃過,但光顧此專門店,倒是頭一趟~~那晚,晚上十時多,十多人大吃大喝後,有朋友似乎還未滿足,提議再下一城,去吃甜品是也,愛吃的我,當然和議啦,不過去之前,都打電話去確定未到last order先起行,因為距離最後落單時間,尚有十五分鐘,所以眾人暫時停止談話,務求趕快到達,到達後,全場滿座,不過待應說,可以做埋我地呢檯先,咁大家就趁空檔時間,睇下食咩,當眾人已決定食咩時,我還在猶疑,因為花多眼亂加太多野想食,最後,決定向我最愛,朱古力進發,終於,選了情濃(迷?)朱古力~~既然大家已有心水,當有位子坐下來時,餐牌也不用看,大家便各自叫了想吃的,約十分鐘,我的選擇到我面前了,賣相頗好,先試雪糕,因為好像有點想溶的樣子,朱古力雪糕有比利時和另外的雪糕,名字我可忘記了,朱古力味,非常濃厚,而雪糕本身也很滑溜,可能第一球雪糕味太濃,以致第二球另一款雪糕,好像淡了一點,所以大家緊記,最好吃畢一夠,喝一口開水,清清之前的味道,才吃之後那一球,千萬別要像我這個狼吞虎嚥才好~~因為太好吃,真的很想再來一客,但可惜已過last order時間.而據朋友所說,她們叫的雪糕

ｄ款真係幾ｓｐｅｃｉａｌ價錢真係幾貴ｂｕｔ好有雪糕味想食真正雪糕就去呢度

同細妹去食dessert, 我地分別order左Summertime Cone同Banana Split, 兩客都好好味~~ 講都無謂, 大家去睇相:http://community.webshots.com/photo/175602425/175605581MEnnAEhttp://community.webshots.com/photo/175602425/175605070hhQldy不過佢真係加左價...=_=

星期共晚,食完飯一定要食番個甜品,所以去左Haagen Dazs食九個新出既「荔枝夏日夢」,真係好cool好正!一個長杯,最底先放四粒士多啤梨,然後係一球荔枝味雪糕,再放奇異果,然後一球綠茶味雪糕,再上係芒果,份量唔少,最上一球雪糕係士多啤梨味,上面再有cream,一粒荔枝同埋杏仁片,由於全部雪糕球都係我最鍾意既味道,所以覺得呢個甜品特別好味!不過,轉左新menu之後,發現部分甜品加左價(雖然有d保持原價),例如「花之蜜語」,之前$65,而家$68。

凱悅酒店那間的SUPERVISOR以為自己好有記性,又不用紙筆把我們想食的雪糕味道記下來,雪糕來後,發現六個雪糕中,有四個是錯的;還有她的手部包了一堆中藥,有趺打酒的味道,嚴重影響食慾,及沒有衛生.

試左lemon sobert,覺得唔掂,好淡,無味,texture同雪糕太遠(雖然我知道此乃雪葩而非雪糕),似食冰多d,只此一次.下次唔會再試!

本來想吃tiramisu味,店員哥哥俾呢款荔枝味我試,嘩...好荔枝喎!! 即刻轉軚order呢款。味道真係好荔枝,ginger味唔係好濃,有時都嗒到少少薑味,不過荔枝味更重,好味!!其實一scoop真係唔係幾夠,但食兩球又肉赤,唯有忍口=p