Häagen-Dazs (Closed)

有一晚實在係唔住,同媽咪黎呢度食左一餐ice-cream dinner,試左Haagen-Dazs逢星期二晚先有既”All You Can Eat”,每人$138(因為我有VIP咭,所以唔使加一),可以要一客menu內的甜品同埋任叫雪糕球,每次限叫兩球,但係任叫幾多次都得!我先揀左我既favourite”花之蜜語”,之後就叫好多唔同味道既雪糕球,平日好少食呀,未食過呀,都叫黎試下,食得都不知幾痛快!我地本來以為佢地會俾細球d,點知又唔係喎,同平日size一樣架!如果你同我一樣,係甜品迷,雪糕痴,就一定要試下喇!不過預左會食到好飽好飽喎!

之前得尖沙咀同銅鑼灣分店有buffet, 而家兩間都摺左喇!

而家仲有冇雪糕自助餐食呀?!?

今日食O個個CONE勁難食AR淋O麗又唔脆又唔香而且D配料又超少得O個5-6塊粟米片........$49好唔值LOR......仲有AR,D STAFF唔清潔ga個檯面仲有好多紙碎同spoon o甘好dirty ar!!

I prefer Lychee over Melon; the latter tastes a bit artificial whilst the former tastes more natural.

上兩個星期見報紙7-11廣告promote haagen dazs散買maple walnut ice-cream cup. 我o係東京haagen dazs曾經食過呢隻味, 有陣陣楓糖清幽o既香味. 見佢係日本出品,買二送一, 就去買左三盒返屋企, around $15一盒.即日開左一盒黎食. 裡面有粒粒walnut chunk, 依然食出楓糖香味, 不過唔係好濃亦唔係好甜, 無前排o係加拿大街邊食個ice-cream cone陣maple味咁勁. 但係亦因為咁, 呢個cup無咁漏, o岩大熱天時食! 我覺得呢個cup (from japan) 較o係其他國家出品o既haagen dazs較軟滑不過亦較易溶(hehe...唔知係咪自己個雪櫃唔夠凍呢? 不過記憶中o係東京o既haagen dazs食時都覺得d雪糕軟d)呢個cup可能唔係好o岩好濃味o既朋友, 不過如果想要比較清新o既夏日甜品, 呢個唔錯!

今日天氣超勁熱, 所以下晏同家姐捐左黎呢度食個雪糕解暑.呢間堂坐o係地庫, 而雪糕櫃則o係地面外賣部. 我地想試下隻新flavor, 所以問個店員, 要試味係咪要上返樓上. 佢叫我地話佢知想試咩味, 佢會拎黎俾我地. 結果佢用左兩個杯仔畢左兩小球雪糕俾我地! 我地結果分別要左個狂熱筒, 我要左tiramisu, 哈蜜瓜, 荔枝味; 家姐就要左strawberry cheesecake, 哈蜜瓜同荔枝味. 可能因為服務員態度好令我地開心d, 我地覺得今日連個waffle筒都特別脆! 我地決定下次都會黎尖咀branch食!埋單$138 (因為有vip card, 九折)

上海Haagen Dazs走極度高端路線，食一個普通tea set居然要RMB59（香港只係$45）！而家推出High tea set，要賣RMB218，我舊年o係香港食都只係$138...但奇怪o既係，上海人工資低好多（香港o既1/3 or 1/4），佢o地照樣迷戀Haagen Dazs，曾經一度，我見到好多人排隊食朱古力火鍋（RMB218）...無他，上海Haagen Dazs o既marketing做得太好啦...亦都迷戀Haagen Dazs但又嫌上海店呃錢o既我，唯有去食零售裝...RMB30一條o既雪糕批，雖然價錢可以去小店食4-5餐（上海平o既野食好多，RMB5已經可以食到碟頭飯），但味道真係令人感動...返香港我一定要狂食Haagen Dazs補數！

5月8日下午5點鐘, 做完gym想飲杯咖啡, 點知First Cup同Maya都full晒~ 最好選擇o左依度~ 好耐之前食過佢好難食o既Baked Alaska之後, 都無再坐低食過~ 今次再去, 依然咁多人~ 落樓下, 點知熱到死~~ 叫o左兩杯凍咖啡, iced cappuccino $25, iced coffee $20, 味道一般就當然o架喇~ 依度食雪糕o架嘛~ 不過有位少少肥, 矮矮o地o既waitress態度好差, 埋單找錢, "劈"低個皮夾就咁走o左去, 多謝都無句~ 有無搞錯呀~

家姐有coupon,又係買一送一,今日到期,於是就同我黎呢間食0左2個丹麥筒喇~家姐要begian chocolate+midnight cookies+棉花糖+朱古力醬+曲奇餅碎,我就要牛奶拖肥+石板街+strawberry+朱古力醬+曲奇餅碎,個石板街ok啦,不過d nut 好大粒,我唔太鐘意食nut,所以唔太鐘意...牛奶拖肥好甜....不過都几好食0既,好有拖肥味,有d似new zealand natural0既牛油拖肥.不過個服務員0既服務就真係好麻麻,唔知係咪人多,佢態度極惡劣,開始叫時,我俾張coupon佢,話想叫呢d,佢唔出聲0左几秒,同時望住我,跟住我話要丹麥筒,佢先開聲講一句"要咩味呀"....我先講要牛奶拖肥,之後0個個仲諗咁,佢就係咁吹我,大佬呀,叫雪糕都可以諗下掛...但佢d都仲係好差,仲好似審犯咁,係咁迫我地快d叫,我話等等好快,佢即刻板起塊面,long自己個身0係個雪糕櫃邊,個樣好唔耐煩但又吹我唔漲咁樣... 之後叫完配料,唔知佢係咪大整蠱,淋到d朱古力漏哂出黎...成個筒同外面張tissue都係朱古力醬,我家姐即刻話"搞錯呀..",佢先拎多張紙巾俾我地.

4月19日食左個New York Brownie Special，好味呀...朱古力真係會令人有幸福0既感覺.佢本身係Brownie加Source加雲呢拿同曲奇雪糕，我要左比利時朱古力＆曲奇雪糕。雪糕好好味，但講真個Brownie加埋Source都幾甜幾漏，所以share黎食會好Ｄ，但我諗我之後都會心思思又去食過（我通常都會受唔住誘惑，唔理肥唔理漏，鍾意就會食左先算）。$58+10%，六點度靜靜地坐梳化位都幾舒服。

thank you McWing~~^^

果個叫雪糕鐵板燒呀～

同朋友兩個食過佢個雪糕(唔記得叫咩名,用個鐵盤燒住上,有塊cake係d雪糕下面,塊cake係熱架,旁邊有D水果(mango and strawberry),個waiter係我地面前淋上d 朱古力漿,會有"gi gi"聲,好過癮架~~可以揀兩個球,我要了必食的tiramisu,朋友揀了mango味,加埋d cake一齊食,好好味啊,不過食到後期開始覺得d cake有d漏,d水果好好味,酸酸地勁正~~~呢個好似加埋一要七十幾,我覺得share黎食做tea岩岩好~~~

今日經過，忍唔住試o左兩款新口味：石板街同cranberry yogurt。其實小妹一向都唔鍾意食石板街，不過Haagen Dazs呢隻都可以接受，貪佢裡面有幾多almond，有D咬口，幾得意。Cranberry yogurt味道有D似小妹最喜歡o既strawberry，好rich，但又冇咁肥o播，正！