哈比斯燒肉串和咖哩 (鴻圖中心)

Open Now

Now Closed

2021年9月13號咁岩出開觀塘做野。見到有openrice 有間食kebab 既餐廳。突然好懷念係外國旅行個陣食既kebab. 所以就黎試下佢。黎到都幾有去左外國既感覺。全部都係外國小姐姐。等左都唔算好耐。同係外國食有小小出入。但呢個味道更適合香港人食。喜歡kebab既朋友可以黎食下。雖然唔算平，都唔係貴。重點係佢係即刻整既。熱辣辣。絕對唔住整定等你。個個都推介個奶昔。但我唔敢飲。下次再食既時候，再試個奶昔

喺附近返工，原來鴻圖大廈隔離有個food court，環境都唔錯，入面有好多小店，枱燈亦都好多，好快就搵到位坐低，見到有一間專食中東食物嘅餐廳，諗住好耐未食過就試一試！我自己叫咗個烤雞肉配飯，除咗配飯仲可以配薯條。我個人幾鍾意呢種印度米，比較長同埋乾身啲，配埋雞肉上面嘅醬汁一齊食簡直一流！雞肉都燒得好嫩滑，非常juicy! 除咗有飯之外隔離仲有沙律，沙律菜睇得出好新鮮喎，食落係爽脆嘅！總括嚟講，呢間舖頭嘅食物質素唔錯，可以一試

今日經過觀塘有d野做，想食個快飯。見到觀塘鴻圖中心開左一條美食街，營造左小希臘風感覺。其中一間鋪叫哈比斯燒烤串和咖哩 Habib‘s 就成功吸引左我眼球。因為我見佢午市套餐有kebab，飲品，炸薯條，加埋都只係$6X蚊，勁抵！kebab選擇好多種，我自己揀左芝士通粉雞肉kebab，聽落好特別，食落都好夠飽肚，薯條即炸，夠熱同香，點埋酸甜汁，幾好食。飲品係自助揀嘅，我自己揀咗橙汁，係咁熱嘅天氣下呢杯橙汁簡直救咗我條命！總括而言呢間餐廳都幾好食，而且好方便！帶走又得，堂食又得。員工又特別親切有禮👍

今日同朋友行過觀塘，咁啱俾我哋見到巧明街鴻圖道中心裏面原來開咗好多餐廳，裏邊其中一間係印度嘅菜式，裏面有好多卡巴買，自從中學之後好耐都冇食過卡巴，好懷念依種味道，於是同朋友買一個嚟試吓！一過到嚟，餐廳環境衛生好乾淨，而且座位都好闊落，加上呢度嘅服務員態度都好好，所以食得好安心同埋好放心😋🙏🏻我叫做一個夏威夷烤雞卡巴一嚟到嘅時候熱辣辣，超級開胃，而且店員仲好細心咁樣幫我地將佢切開一半，裏面嘅餡料好豐富，有生菜同埋好多好多嘅炸雞，超級邪惡啊🤩🥗估唔到原來一個都已經咁飽，食咗一個，裏邊有菜又有肉，好健康👍🏻而且一啲都唔會乾爭爭，因為裏面加咗沙律汁等等嘅醬料，所以食落去口感好豐富👅😋

喺香港好難得先至搵到一間印度嘅餐廳，梗係要過嚟試吓啦，估唔到有意外嘅驚喜💕依間餐廳係位於觀塘同埋牛頭角交界，地理位置好方便，而且附近返工嘅朋友都可以過嚟試吓，加上依度仲有午市套餐，食一個卡巴仲可以配埋嘢飲，都係一個唔錯嘅選擇😊✌🏻今次我就試咗一個炸牛肉卡巴叫咗大約5分鐘，就有得拎，超級方便，而且味道都令我有意外嘅驚喜，第一次喺香港都食卡巴，原來味道係咁特別😋 分量超級大，有一個薄餅嘅外皮，裏面包着蔬菜，而且有超級多嘅牛肉，牛肉嘅肉質鮮嫩，味道好有層次😋✌🏻而且估唔到份量咁大，食落口好飽肚，加上用錫紙包住一件咁樣，所以返工揸住食，行到返公司都唔會變凍😛推介俾各位鍾意食印度菜同埋卡巴嘅朋友！

今日觀塘做完嘢有啲時間就食個下午茶啦 經過呢個food court入面有間叫哈比斯燒肉串和咖哩餐廳入面嘅員工全部都係外國人感覺好正宗叫咗個combo set 已經包咗汽水 kebab 同薯條 好抵食黎巴嫩雞肉哈比斯 用錫紙包住進食好方便 外皮煙煙靭靭 內餡仲有新鮮生菜 加埋幾款唔同味道嘅醬汁 令生菜更加爽脆味道豐富 黎巴嫩雞肉好嫩滑醃料好香夠入味又夠曬惹味薯條用紙袋裝好 十分衞生 外面炸得脆卜卜 點上中東秘製醬汁更加有特色有幾款唔同汽水可以選擇 我就揀咗外面少有嘅百事zero夠健康

話說嗰日係附近有嘢做，誤打誤撞入左去呢個中心搵嘢食，兜左個圈，見到呢間舖好似都ok，於是係度叫左嘢食。.舖頭出面有位可以坐，個裝飾都幾特別下。.🌸烤雞肉沙律 $68唔想食飯又唔想食薄餅，叫左個沙律試下。首先，見到呢個沙律醬嘅顏色係綠色，覺得有d奇怪。不過烤雞都係吸引嘅～ 一開始以為係臘肉咁嘅嘢。但其實係烤出來嘅顏色就係咁。.試左一啖烤雞，意外地好食😋綠色沙律醬係有少少辣味，搭配埋烤雞，好match。沙律有青瓜同生菜，其實烤雞嘅份量都幾多下，對得起呢個價錢！

去開鴻圖中心，見到有個美食中心好多野揀，膽粗粗入去試。飯麵就食得多，今日想食下肥野kebab比依間哈比斯既餐牌吸引左，就決定一試！佢個午餐Combo set真係好抵食，我叫左一個Kebab餐，55蚊連野飲仲有薯條，星期一就比自己cheat day一下啦，我仲叫多左舊Samosa試下。如圖見到，佢個餐真係好大份，真係幾抵！首先講講Kebab，因為太大舊😂，我都要用刀叉食，佢入面既沙律菜滿新鮮，肉丸味道都唔錯，外皮因為我即刻食，所以都仲保持到乾爽，食晒之後真係好飽肚！👍🏻薯條都唔錯，但Samosa質素比想像中好！👍🏻皮夠薄，香脆，入面係咖哩薯蓉同雜菜雜豆，味道好而且唔會太油膩，唔錯！

🌕Hello我係Moon🌕一提起中東菜就即刻彈咗個畫面就係除咗有烤肉之外就係有一大堆嘅調味料同埋醬汁。 😎真係極之變幻莫測，所以就算係一種肉類都有多重食法同埋配搭。🥳觀塘呢一度經常人流遍布，🤩Lunch time時段基本上大部份地方都布滿晒上班一族，如果撞正唔太肚餓但又口痕，😝又或者忙到甩轆冇乜時間食嘢嘅話，咁就要推介哈比斯燒肉串和咖喱呢一間餐廳，🤗主要原因當然係因為可以選擇嘅食物實在非常多，😍有烤肉卷，有咖喱飯，亦都有pizza，🥰當然亦都有健康之選嘅沙律。 🥳如果講快靚正，😛烤肉卷絕對係不二之選。而今次正正就一嚐牛肉烤肉卷，😏作為食肉獸當然要選擇有肉類嘅kebab 先至係最佳配搭。 🥰再配合自選嘅醬汁，😝又簡單又滋味。😛呢一款牛肉kebab 最吸引嘅地方相信就係爆滿嘅牛肉，😤但又唔係普通牛肉，🤩基本上同一大塊牛扒再切開一條條嘅牛柳絲差唔多，🥳但味道亦都以西冷牛扒嘅味道作為基準，😊當然唔少得新鮮生菜同蕃茄呢一啲清新嘅配搭，🥸咁清新當然就要凱薩醬提升層次感，😗又開始到最後一啖都係啖啖肉而且有一層煙煙韌韌嘅外皮，😛短短嘅時間足以恢復體力差足電再繼續工作，😌所以grab 個kebab 幾方

今日下班後，一個人吃個簡單的晚飯吧。這美食中心的選擇多，價錢相宜，我選了印度菜快餐店，看來有不少的選擇，記得在印度餐廳吃過這些烤肉卷卷也不錯，今天再來試試。烤牛肉卷牛肉卷新鮮滾熱辣，用錫紙包好，有保暖的功效，取回家時還是暖暖的😁店員預先切好，吃起來時更方便。這牛肉卷的牛肉量比想像中多，牛肉醃製後入味，有滿滿的印度風味，當中有生菜絲和其他雜菜絲，配上特製醬汁後，這些配搭必定好吃。滿滿的一大卷，飽飽🤤🤤👅！店員是印度人，有禮貌，簡單英語便可溝通，下次會再來。😄

鴻圖中心入面依度有好多嘢食，多到花多眼亂🥳見到依間「哈比斯燒肉串和咖哩」有Combo Set，好抵食喎～旁邊仲有幾特別嘅用餐座位，四周好多歐洲feel嘅壁畫。個Combo Set 星期一至星期六11:00-17:00供應，每日有一款唔同口味嘅Kebab，另外仲有罐裝汽水，價錢$55，都好經濟實惠。嗰日星期四Kebab 係黑椒牛扒哈比斯，一啖咬落口，牛肉好有牛味，好食喎👍🏼除咗有都幾多嘅牛肉🥳裏面仲有好多蔬菜做餡料～我最鍾意佢冇好濃郁嘅印度香料味，反而感覺清清地有黑椒香氣，帶出肉汁本身嘅味道。Kebab 用錫紙包住，Keep住件Kebab食嗰時都暖暖熱熱，亦好衛生，唔會食到成手都係汁。

今日收工 見好肚餓 原來鴻圖中心地下有個food Court 入邊都幾多餐廳 見到其中一間係食印度野 有kebab食 之前窮遊歐洲嘅時候嘅恩物🤣 除咗烤肉卷 仲有其他煮食 例如咖喱飯 pizza 仲有出名嘅羊奶酪等等 不過我都係想食返個懷念嘅烤肉卷 kebab 揀咗牛肉味 $70 一個 ～ 價錢唔平 但原來都大個 我食咗半個都飽飽地🤣 可以揀堂食或者外賣 同食就隨便揀個位坐 烤牛肉卷 $70 Beef Kebab外層薄餅好薄 兩面包住好多椰菜蕃茄洋蔥同埋牛肉 我好鍾意個醬汁 開胃 酸酸甜甜 好清新嘅感覺👍🏻 唔會覺得好肥膩 因為有好多菜包住 👍🏻

來到觀塘，想找個寬敞又坐得舒服的地方，必定會選這美食中心，裝修很新淨，冷氣夠（好緊要🤣）之前在這裏吃過烤雞卷，覺得蔬菜不少，最重要是醬汁配上烤肉很滋味，想再來試一試😏😁其他菜式！今次我選了最喜歡的印度菜，naan naan naan !!!重要的事要說三次❤️烤馬沙拉雞配薄餅馬沙拉雞的咖喱味濃郁，吃得出來是自家調製的咖喱🍛汁，配料有洋蔥、甘筍、香葉、青椒、好豐富。馬拉雞的份量充足，雞皮滑滑溜溜😄主角naan ,煙煙韌韌，咬起來口感十足！配上咖喱雞和咖喱雞汁，味道很配❤️這裏的菜式很地道👅👅👅下次再來！

經過牛頭角見到有個商場入邊全部都係食店，揀咗好耐我終於揀咗呢一間！因為我想食啲特別啲嘅嘢，平時都唔係成日食印度菜。😝😝我好好彩呀，可以喺五點前買到呢一個套餐優惠。$55就可以有哈比斯、薯條🍟仲有嘢飲。星期五套餐係咖喱炭燒雞肉哈比斯，真係幾厚切wo! 料好足，味道都幾濃郁，有好少好少辣，味道都唔錯。🤪🤪之後我再加埋印度式烤麵包naan，我鍾意食呢個啊，烤得幾香口，可以叫店員比d 肉醬調味，口感更佳。😆😆薯條新鮮炸起熱辣辣！☺️☺️嘢飲本身我想飲百事既，我見到更加吸引嘅乳酪飲品，所以加咗錢，係印度特色嘅飲品。😉😉

想食Kebab唔係度度有，所以今日經開觀塘，順便品嘗一下正崇Kebab。我之所以甘鍾意食kebab,因為佢真係好適合追求健康，減肥中的我，因為kebab不但選擇多，當中還有不少是素食。我今次就選了烤雞Kebab,有肉又多菜，這款烤雞味我也是頭一次品嚐，意外地有驚喜，因為烤過的雞肉非常惹味，而且香氣撲鼻，有濃濃BBQ烤肉香味。而這家的Kebab材料非常飽滿，大大碌，全部都是材料，毫不吝嗇，有沙律生菜、洋蔥和不少烤雞肉，快要滿瀉，所以吃完一大件Kebab你都咪話唔飽。呢個Kebab Combo set好抵食，有埋飲料同薯條都係$55😍，睇黍下次要再來吃了！