哈比斯燒肉串和咖哩 (利景閣)

Open Now

Now Closed

喺新加坡嘅little india食過vege biryani 之後，一路都超回味。今次黎到Habib's，終於食到地度印度風味嘅biryani啦, 超感動囉！呢份biryani 入面有沙律同咖哩炒飯，望見呢隻長長嘅印度米，所有旅行嘅回憶返曬黎呀！濃濃嘅香料味刺激每一個味蕾，同當時食嘅一模一樣。間中食返兩啖Salad，中和下啲味道，轉頭就食曬成個飯，真係勁正呀！下次一於試埋佢個Kebab, 見到人地食都聞到勁香，十分吸引呀！

本身計畫好嘅土耳其之旅因為疫情取消咗，好想好好感受下異國風情呀😭今日經過天后見到一間賣Kebabs 嘅餐廳，就被佢嘅香味吸引咗入去，店員都係印巴人，超有feel!因為戴咗咁耐口罩覺得好焗，本身想食Kebabs嘅個突然轉軚，想食返個沙律Refresh一下，就叫咗個烤雞沙律啦！店員好nice，整完果時仲會問你要幾辣，非常貼心！沙律菜份量好足夠，仲非常爽脆。炸雞亦都好濕潤，一啲都唔dry，香料味夠濃超惹味! 配埋呢個酸酸地嘅醬汁，真係超清新呀！

天后電器道一帶真是一條小食街，食肆林林總總，應有盡有，真方便。講起方便，小弟就喜歡幫襯哈比斯燒肉串。哈比斯燒肉串屬小店，但麻雀雖小，五臟俱存。食物方面有各式Pizza、Kebab、沙律、薯條、咖哩和米飯等選擇，而且價錢實惠。小弟鍾情哈比斯的Kebab，即叫即做，快捷方便。因為店面不大，小弟就比較喜歡外賣，可以邊走邊吃，也可以回家慢慢享用。今天當然也不例外，單點了一客烤牛肉卡巴Kebab Beef Roast速食。卡巴卷外層用錫紙包裹，拿上手時仍熱辣辣，可以原條食，也可以請店員代為切半。撕開錫紙，餅皮厚薄適中，咬下煙煙韌韌，入面餡料相當豐富，卷皮內藏著烤牛肉、生菜、洋蔥、蕃茄等。牛肉烤得啱啱好，既柔軟又充滿肉汁，混合埋中辣的醬汁吃，入口香氣四溢，令人食指大動。卡巴卷作外賣，邊走邊吃，真的豪邁！

天后原來咁多印度野食，見到有呢間主打外賣但又有得堂食嘅哈比斯串燒和咖哩，我今日就決定黎揀番個Kebab，即係印度卷。可以揀唔同嘅肉類，雞肉、牛肉、或者素食又得，要大雜燴亦得。雞肉都有分幾款，有大家熟悉嘅Chicken Tikka，仲有Kebab常見嘅Gyros，即係一支大叉打直叉住一大塊雞肉，自轉咁燒，呢部機就係叫Gyros，陀螺移。以前係外國食過嘅就係批到一片片咁夾入包皮入面，但呢度就係碎粒，不過依然好重香料味。醬汁亦係比較重，令口感無咁乾。呢度外賣都係用錫紙包住保暖，番到屋企都好夠熱。

今日黎到北角上堂，放學想Tea下，知道電氣道食條街都好多正野食，就諗住係果度揾食喇，邊行邊覺得呢度真係好多野食，講得出既野食都揾得到， 既然係咁，緊係食D平時唔係成日食到既餐廳，今次我地去左間印度餐廳，其實我從心入邊真係好鐘意食咖喱架😂我地今次呢間餐廳係電氣度同清風街交間，叫做《哈比斯燒肉串和咖喱》。 揀佢 仲有一個主要人原因，因為見佢入邊既工作人員都係外國藉人仕，直覺覺得佢地食物比較正中，所以就入左去。其實入邊真係好多野食沙律、咖喱同埋烤肉串都好想試下，但因為今日只係預肚食Tea, 唔可以食太飽，所以只係點左印度烤餅同薯條食。原來係即叫即整架，正中新鮮滾熱辣，勁好味，下次黎食要預食正餐就可以試多D唔同既野食喇😚

中上環較多售賣中東烤肉的店舖，天后這條食街也有一家中東烤肉速食店，很久之前吃過，這次過去天后，順道外賣一個卷餅回家吃。這個燒雞肉卡巴卷，卷餅皮用了墨西哥薄餅皮包著，餡料加入烤雞肉、沙拉蔬菜、蕃茄、洋蔥及醬汁。肉類是香口惹味的印度辣雞肉，印度香料味濃。醬汁也是自選的配搭，我喜歡蒜香，還帶點薄荷味，蠻清新的。 不過記憶中以前吃的那個卷，餡料豐富足料，不過味道依然保持水準。除了卡巴卷以外，還有小食、咖喱、飯類等等。

其實我不嬲都好鍾意食卡巴。以前讀大學嘅時候，大學裡面有間專賣印度野嘅餐廳，就有賣卡巴，我每個禮拜都至少幫襯一次，因為貪佢一舊岩岩好飽，而且又好食。而今次我行經過天后，見到有間賣卡巴就心郁走入去買。入到去發覺佢啲野食都幾抵，例如佢每日都有唔同味道嘅卡巴或者沙律，只係賣36蚊，個價都幾吸引，當然要睇埋份量啦。而我買個個係卡巴黎，個卡巴確實超出預期咁大條，覺得呢個價係我大學個度買可能只有佢二分之一，但只係賣呢個價真係性價比高。裡面落肉嘅份量都係好足夠，醬汁也是恰到好處，誇張啲講如果唔係好肚餓嘅，應該夠兩個人分黎食，因為真係好大條。除左卡巴之外，呢間鋪仲有薄餅同沙律。呢間鋪其實都幾良心價錢，同埋係印度人開嘅，所以整出黎嘅食物都會比較正宗。

係天后返左工咁耐，出去食食黎食去都係果啲餐，今日同事突然話好掛住歐洲旅行成日食到既kebab，我就即管搵下 Openrice又俾我搵到，平時成日經過唔覺眼，加上有少少忙咁就買外賣返去食。 kebab 薄荷醬好香, 少少辣, 雞肉本身肉質都好鮮；錫紙包住放左兩個鐘食都仲熱! 當然即刻食最正啦! 果度都有堂食位不過唔多, 我寧願拎返office慢慢嘆住冷氣食佢有個kebab+沙律+野飲既餐都好抵，下次冇時間食 lunch又可以行開過黎買喇！

銅鑼灣行街 🛍近近地天后食 🛣想試吓啲新鮮嘢 🤔就睇中呢間Kebab 🌯果然不負所望勁好食 🤭兩個女仔分咗個夏威夷 🏖諗住有啲菠蘿唔擔心食膩 🍍原來已配軟腍雞肉大量蔬菜 🥬貪得意叫多咗個油炸鷹嘴豆餅 🧆炸得夠乾身唔會食完覺得好油膩 😋而且蒜味同薄荷味兩種醬汁都好食 ☺️其實最想食係芝士薯條不過朋友細食 🍟Kebab Hawaiian BBQ Chicken & Falafel Habib’s 哈比斯燒肉串和咖哩：天后電氣道83號利景閣地下7號舖

今天到救世軍捐贈玩具後, 剛好肚餓了! 因為午餐份量實在太少了! 就和小米在此來一個下午茶吧! 其實是被這個35元套餐餐牌吸引過來.  付款後, 就在裡面的枱椅就座.    SAMOSA 28元二件印度咖哩角SAMOSA跟香港STYLE扁身又薄皮的咖哩角是二碼事.  SAMOSA外皮需厚, 但夠鬆脆; 而中間有軟棉棉的咖哩薯蓉, 混著粒粒香料: 蕃荽料, 孜然, 丁香等. 一個SAMOSA有著外脆內軟的多重口感, 己經無得輸!  個人覺得 : 那又扁又薄的春卷皮咖哩角, 在SAMOSA面前, 已無立足之地!    再來一杯印度的MASALA TEA, 才是ERFECT MATCH. 小米則飲印度特飲MANGO LASSI.小米發現餐牌中,  有2款醬料都被翻譯做<薄荷>! 

這間小店由印度人主理, 感覺是很正宗的印度地道菜式🇮🇳。餐牌上主要有咖喱系列、沙拉系列、印度小食、烤肉卡巴供選擇。我點了烤牛肉卡巴 (Kebab beef roast), 烘烤過的卷餅皮包住滿滿的餡料。大大份, 長條形狀, 如果當午餐吃, 可以二人分享~ 烤牛肉卡巴裏面有烤牛肉、蕃茄、沙律菜。即叫即製, 來到的時候是熱烘烘的。外皮帶有麵粉香, 質感軟熟, 又帶有微煙韌的口感。烤牛肉肉質夠軟嫩, 裡面的生菜有助減低牛肉帶來的膩感。內餡混入了醬汁, 令烤牛肉卡巴吃起來更juicy, 不乾身, 惹味又令人開胃的!

今次經過天后，真係行過路過唔好錯過呀😋😋😋睇住佢地即場整，真係口水流呀，pizza餅底厚薄剛剛好，脆脆帶點麥香，巴馬臣火腿好香，加上勁多芝士，正呀，茄汁和鮮車厘茄，酸酸甜甜好開胃呀

嚟到天后揾食，行過聞到依間中東印度店好香喔🇮🇳咖喱雞配印度烤餅，好好味呀，咖喱🍛用好多香料去煮，味道少少辣帶點酸酸的味道，好開胃呀，NAAN好有咬口，脆口帶點qq的，加上咖喱汁真係回味無窮😋😋😋

喺天后附近做完gym 🤪想揀啲飽肚又健康嘅嘢食朋友就帶咗我嚟呢間哈比斯烤卷🌮要補充滿滿嘅蛋白質🐥🐥🐤🐣所以我今次就揀咗烤雞肉烤餅成條都有手臂咁長🤳🏼餡料非常之多雞肉爆曬 另外朋友就叫咗個巴馬火腿pizza🍕火腿鹹鹹地，Pizza即叫即做餅底都幾脆下 配料都幾多 食落幾豐富 仲要都係$78超扺想減脂減重既仲可以試下佢地既沙律價錢都ok 大概50$ 係cwb都算平價之選 估唔到印度野食都唔錯 staff都好nice 下次試其他款

近排都成日都takeaway 食燒味飯啊碟頭飯嗰啲已經食到好悶，今次發現咗一間平時完全冇留意嘅餐廳，應該就係印度人開嘅 職員都係印度人見佢啲嘢即叫即整幾新鮮，今次就叫咗個beef roast 估唔到$70超大條，一個女仔都食唔晒，兩個人分就啱啱好本身都怕成個餅皮同埋牛肉好乾，不過好彩佢哋用咗好多菜包住，食落去好爽口，非常fresh, 唔會乾。另外牛肉嘅sauce 都唔錯，幾新鮮嘅嘢食，之前未試過下次有機會都會再試吓其他，見佢仲有啲咖喱同埋薄餅撈埋一齊，都係$70