哈比斯燒肉串和咖哩 (利景閣)

Open Now

Now Closed

今日去咗北角度做運動，出完一身汗即刻肚餓，想食啲健康啲嘅嘢經過見到呢間印度野鋪面細細，但係幾有印度風味，仲有我最鍾意食嘅Kebab ，所以即刻入去買返件外賣返屋企食先<Kebab Gyros (Chicken Roast)$68>就算係Kenab已經有勁多嘅選項，仲可以自選麵包Fatbrown 見到頭三個都係雞，就揀咗第一個，通常擺第一個係好嘢嚟㗎嘛待應哥哥整好卷kebab叫我拎嘅時候，真係嚇咗一跳卷kebab 有我飯手臂咁長，用錫紙包住熱辣辣咁，真係聞到都流口水返屋企一切開見到裏面有好多雞柳同埋生菜，仲有少少酸味嘅醬汁，食完真係好滿足

突然好想食Kebab 就走咗入去買咗個烤雞肉Kebab拎走。一份成68蚊，初頭都覺得貴貴地，但眼見佢拎出嚟嗰下即刻明哂，食落去嗰陣更加覺得，啲料多到一個點，懷疑佢賣68蚊分分鐘係無錢賺Haha喺佢整緊嗰陣，都有偷偷地裝下佢點做，見佢攞咗塊好大嘅薄餅，將烤雞肉滿滿的舖上去，再好似唔使錢咁加生菜，蕃茄，洋蔥等各種配料，然後落醬，落齊之後用錫紙包起佢，再放落去烤箱加熱，就完成了Kebab到手嗰下熱辣辣，即刻開嚟食，超級好味。不過最可惜係，我食唔哂，諗住留返一半晏啲食，但因為生菜出水，令啲汁變稀，整到薄餅好濕，就變得無咁好食了...嘥咗添

上次同老公食完印度咖喱，臨走經過見到呢間中東Kabab串燒店已經好想食㗎啦，但係上次食咖喱食到好飽所以冇食到。今次約咗班姊妹再去多次天后搵食，今次一定要食佢嘅烤雞Kabab....店舖細細有幾張枱可以俾你堂食，亦都可以take away!$70超大條，切開咗兩節同個friend share，咬落去好多生菜非常爽口，配以蕃茄洋蔥味道好夾，烤雞都好juicy,濃郁惹味。仲有叫多個烤牛肉沙律，沙律份量亦都足夠，但牛肉燒得比較乾身，如果冇咁乾就好啦！最後我朋友買多個Kabab拎走,十分滿足

本來食完咖喱，行過見到有人食哈比斯，忍唔住買咗件牛肉哈比斯，返屋企慢慢食。間鋪細細間，勉強有三張枱俾人坐，好勉強坐8個人，餐牌英文為主，中文是翻譯，價錢幾十蚊有交易，我叫咗個牛肉哈比斯，才$70。即點即做要等幾分鐘，不過好處就係新鮮熱辣，為咗食好西，盡啲啦又何防，等待期間唔少人外賣。送到香噴噴，包裝紮實，裏面多了又多汁，牛肉粒幾有咬口，唔係熱到冇晒肉質嗰啲，因為有生菜所以夠爽，因為有蕃茄所以夠汁，薄餅皮又唔口幾香，又真係幾好食，唔怪得土耳其希臘咁受歡迎。作為香港人，有時轉下口味，作為小食又好飽肚當飯食又好。都唔錯㗎！

話說因為疫情嘅關係，真係少咗好多出街食嘅機會，所以好耐好耐都冇寫過食評啊今日去開天后唔想返屋企煮飯，見到有一間賣kebab嘅舖頭，順便買個外賣返屋企食個便飯<Hawaiian BBQ chicken kebab$68>叫咗個3號餐，夏威夷BBQ雞肉Kebab，店員整完用錫紙包起再擺落膠袋俾我嘅時候，我真係嚇咗一跳，個kebab 嘅份量仲誇張過我喺外國食嗰啲返到屋企打開個錫紙發現裏面真係超足料，雞肉好鮮嫩，生菜又夠多，真係一啖麵包一啖雞肉，重點係BBQ醬好好食又唔會膩，其實食到一半已經飽到食唔落，留返另外一半第二朝做早餐，抵食呢

執著究竟係一種正面定係負面既詞語，我到而家都未睇得通。我淨係知對的人做對的事，抱住呢種心態，我覺得係正確既；但如果純粹係被習慣操控自己既mindset，咁就唔值得啦。作為一個吃貨，我要對美食有執著，我覺得呢樣野應該無錯吧？所以我堅持尋覓唔同既美食文化，今次我就一秒愛上左呢間印度小食店「哈比斯燒肉串和咖哩」！👇📌K e b a b - ▪ Kebab Beef Roast - $70▫ Kebab都係第一次試，今次呢個揀左呢個「烤牛肉沙威瑪」口味，Kebab裡面包住好豐富既生菜、番茄、洋蔥，加左好多沙律醬汁，所以食起上黎份外惹味。而外皮厚薄適中，咬落口感十足；另一亮點係佢既烤牛肉濃而不膩，加上自家製醬汁，食落特別好食，而且份量夠哂大個，相當飽肚呀！

今日放工路過哈比斯烤肉店 ，終於忍唔住佢嘅燒烤肉香誘惑，入去幫襯佢。小店專營外賣，食物主要為 中東烤肉、pizza和咖哩，有清真認證，喺香港較為少有！每次行過都畀佢燒烤焦香吸引住！點咗個中東烤雞肉，焦香撲鼻，雞肉嫩滑，香口惹味帶點微辣，伴上類似乳酪的酸甜汁，十分醒胃。配菜還包括新鮮蔬菜 做沙律，營養均衡，食得健康！套餐可選米飯或薯條，米飯係印度米粒，我個人十分鐘情佢嘅幼長外形，煙韌軟熟有嚼口嘅獨特感覺！佢仲有唔同種類嘅烤麵包，造型非常吸引，下次一定要試下！

今日中午飯時間不知吃甚麼好,所以我與同事在公司附近沿路行,行至天后地鐵站附近,被一陣陣烤肉味吸引著.那間小店門面沒有甚麼特色的小店,但門外的menu圖片吸引著我的視線,加上陣陣香味,不得不進入去試一試,我們點了兩個烤肉卷,一個是雞肉,一個是羊肉,店員是一位印度人,所以落單需要用英語溝通.我們在等候的時候也有不少客人到來買外賣也有兩位印度人來光顧,因地方不太大,所以主要是外賣為主.我選擇了雞肉卷,雞肉卷內用料豐富,有很多蔬菜,雞用亦不少,外皮很有口感,烤得剛好不太燶及不太乾,名乎其實皮薄餡多，配上醬汁真是一絕,醬汁味道有濃濃的香料味,配合肉類一起吃口感十足.因有很多蔬菜在內,所以吃一個也不會太膩.羊肉卷與雞肉卷的用料差不多,只是肉料不同,所以感覺也不錯.肉卷的份量也不細,我建議如女仕吃,可與其他人一起分享.今次的新嘗試,真有意外的驚喜，我一定會再次光顧這間特色小店👍🏻

I walk by this place pretty often and only just noticed that in addition to kebabs and curries, also serves a delightful array of pizzas at very reasonable prices. Having discovered this pleasant surprise I decided to try it and went for the classic - Pepperoni.Served piping hot, you could see the cheese oozing out under the generous topping of pepperoni. On the first bite, the first thing you notice is the amazing crust. Crispy, crunchy, flaky with just the right amount of chew, this was obviou

行過天后，見有間印度餐廳叫哈比斯燒肉串和咖喱。店有好多食物一時口㾗，就買個烤牛肉kebab唔好睇少個肉串份量，有手掌到手肘既長度，又有手腕甘粗，勁抵食肉串由剛烤好既印度薄餅包住烤牛肉。薄餅鬆軟帶小麥香，不黐牙。配上香嫩的烤牛肉，正中突然肉香。烤牛肉嫩滑同薄餅易入口，大啖大啖肉正好滿足食慾。印度特色就是多香辛料，但配上薄餅正好揉和各種特色。新鮮蔬菜做餡搭上千島醬。係濃郁既口感中配點小清新，正好中和濃烈的味道，相互相宜。如果晚餐食一條烤肉串，肯定好夠飽

晏晝肚仔餓, 係天后睇吓有冇啲輕便啲嘅嘢食見到呢間中東餐廳-哈比斯, 就行入去睇吓有啲乜嘢好食大食妹睇黎睇去最後揀咗份Chicken Tikka Kebab<Chicken Tikka Kebab>Chicken Tikka Kebab原來好大份, 雞肉偏瘦, 但係唔會好柴而且燒烤味濃郁, 配上新鮮嘅洋蔥、番茄、生菜同沙律醬汁, 食落好清新Kebab份量好大, 一個女仔會食唔晒大食妹食咗一半, 就將另外一半打包返屋企俾媽媽食餐廳店面唔係好大, 但勝在乾淨企理, 係一個食quick lunch嘅好地方朝早11點至晏晝5點仲有好抵食嘅Daily Special, 推薦大家過嚟食lunch

媽咪要我買外賣俾佢 見到 「哈比斯燒肉串和咖喱」 咁多人排隊 我又跟住排 鋪頭唔大 主要做街坊外賣生意 主打 印度咖喱Kebab 同埋Pizza 大家都可以揀鍾意嘅肉類做配搭 例如 豬牛雞 同埋素食都可以 kebab chicken tikka 烤雞味 即叫即整 落上手用錫紙包住 好熱辣辣 同埋比想像中大 長度都有29Cm Kebab外皮柔軟 入面有 烤雞 大量蔬菜 蕃茄 同埋沙律醬 好健康 烤雞肉質唔會柴 濃郁嘅燒烤味 菜方面好新鮮 食落口好爽脆同甜 配埋 沙律醬 配搭得好好 食落口夠濕潤 唔會覺得「漏 」媽咪食完都好滿意 讚我買得好

今日收工後趕去上瑜伽堂，諗住食少少野先，見呢間印度餐廳門口唔太起眼，有幾張堂食枱，我估可能都係做外賣多。入到去見餐牌都有唔同系列選擇，Pizza、卡巴、咖喱、小食類...我嗌左件烤牛肉卡巴 Roast Beef Kebab $70餐廳入面伙記都係印度人，要英文溝通，但menu上有曬中英對照，圖文並茂，都唔驚溝通唔到。食物係即點即整，未食已經加左分，卡巴可揀辣或者唔辣，可堂食或外賣, 仲問我要唔要切開一半方便食，好細心。嘩原來份量超大，我估有20cm 左右。外層餅皮有烤過嘅麵粉香，咬落軟熟，包住裡面嘅牛肉鮮嫩，配埋蕃茄、生菜、椰菜、洋蔥同特製醬汁，味道豐富又唔會太膩，比例洽到好處。

常常經過天后都會想光顧這間小店，感覺很溫馨而且味道也很正宗。今天就趁著有機會買外賣來試一下它的味道。小店面積不大，只有幾張小桌，而且夏天來也不會開冷氣所以要留意一下。Menu當然選擇也很多，有kebab、meat & chips、salad、curry，而且還有很特別的pizza。其實跟kebab donor相比，我更愛肉加薯條這個邪惡的組合，所以今天就決定叫它來試一下。🍽Grilled Chicken with Chips這個grilled chicken用了雞腿肉，肉質鮮嫩，而且有很香的烤味，非常夠中東味。底下配上一大盒粗炸薯條，是我最愛的款式！薯仔肉比重多，而且不會炸得太厲害或太油膩，仍然保持少少綿綿的口感。店員會問你要辣還是不辣，那我當然選擇辣味的。幫肉和薯條煮好後，就會淋上大量辣醬和mayo，令每一塊肉和薯條都有很濃的醬汁味。這個醬汁真的是重點，配雞肉和薯條一流！辣味一點都不重，有點酸酸辣辣的，很開胃。雖然看上去好像很單調，但是吃完也是會很飽的。下次一定要試一下kebab donor，因為可以從4種麵包裡選擇自己喜歡的，還可以選擇自己喜歡的醬汁，而且感覺蔬菜和肉都做得不錯，值

放工超肚餓，決定買外賣返屋企食。途徑電氣道，見到餐廳哈比斯串燒及咖哩 了，聞到好香嘅氣味，見到餐牌選擇豐富，價錢唔貴，就決定是買返屋企試下。呢度嘅選擇好豐富，有pizza，串燒，飯，沙律，印度薄餅同埋kebab，最後揀咗kebab beef roast。烤牛肉捲等咗大約十分鐘就攞到，熱辣辣，已經聞到好香。返到屋企打開，見到薄餅入面包咗好多烤肉 ，仲有好多生菜同埋沙律醬，非常惹味，而且有咁多生菜，會平衡到肉類嘅膩，同埋更加健康。 一條kebab都有前臂咁長，食完都係好飽肚，好滿足，等我介紹啲同事嚟幫襯先👍。