HABITŪ table (ELEMENTS圓方) (Closed)

今日約左同同事午餐，ICC附近無咩選擇，近近赽就揀左去elements的habitu.午餐大概118-148嘅價錢，包括餐湯或沙律，主菜及黑/白咖啡/茶，可以接受的。賣相不錯，也很creamy!份量其實不多的，但因為很漏，所以都唔想食太多。後來再叫了白咖啡就很飽肚了要稱讚的是平日比較少機會嗌白咖啡，所以habitu有得點都算幾特別。（因為飲親都係即沖白咖啡，哈哈）味道無黑咖啡咁苦澀，但我認為不夠黑咖啡咁香。

又有一日去到九龍站，餐廳嘅價格相對比較高，所以搵呢一間餐廳，價錢相對比較優惠。每一次去西餐廳，都會叫all day breakfast。其實食呢啲都唔會難食，所以都正常。反正杯咖啡就堅正。

當日一去到門口，就有staff帶咗我去個位。每人最低消費係一杯飲品。我帶住電腦一個人做嘢，嗌咗我最愛既玫瑰奶茶，玫瑰奶茶加咗好香玫瑰味既糖漿，奶茶底茶同奶個味好平衡，所以係我既大愛！另外嗌咗個蟹餅配蕃薯條，以超過一百蚊既價錢嚟講，對個食物反而有少少失望。首先份量唔算多，蟹餅味道亦都無咩驚喜。番薯條感覺比較油，應該係炸既溫度唔啱。但整體嚟講都食得落口。自從高鐵通車後圓方人流旺咗好多，habitu就連下午茶時間都好多人，環境比較嘈。但員工反應都好快，態度亦唔錯。所以坐下都ok～

Love the rosemantic tea set. If you are a rose lover, you have to come and try out the tea set. Everything on the menu is all about rose! The environment here is nice and quiet in Elements! You can enjoy your Saturday afternoon here with a lovely tea set in here The coffee is good and I love that it has the taste of the rose. The mini burger is pretty yummy but it’s abit too small to share ...

好耐無黎圓方，百老匯旗下嘅premiere elements係度開，朋友們一知有買Avengers，就提議係呢間啦。睇戲前都要食飯，周圍係多餐廳，但一係爆哂一係walk in。呢間反而有位，我地都有啲驚。7點半黎到係咁，有啲意外。我地好快就點咗餐，希望可以快啲食完可以買爆谷。選擇唔算多，還可以接受。有叫到一個凱薩沙律，$98，太肚餓，食咗先，正常。松露雙色薯條，$88，大家都喜歡蕃薯條，好好食，食到停唔到。水牛芝士蘿勒簿餅，$148，濃濃嘅芝士唔算話太漏，估唔係簿餅，餅底係超簿。三文魚菠菜簿餅，$138，見唔係好夠食，再叫多個簿餅，上面芝士似乎有啲唔夾，但餅嘅部分都好味。菠菜雞肉墨西哥簿餅，$108，幾可口，不過唔大份，菠菜味濃。卡邦尼意粉，$138，還可以，如果可以收多啲汁會更好。呢個係其中一個side，還好，不過蒜味多咗小小。整體份量唔多，味道都可以，未至於好差。我地無飲咖啡，主要都係食嘢為主。

我覺得呢間嘢唔差，至少個空間唔太迫，又可以同friend子慢慢傾，又可以睇到人地溜冰冰呀！呢杯咖啡好有咖啡味，不過又唔知濃到苦，而且餐廳已經主動幫食客加糖啦，所以飲入口係可以接受既。而表面嘅焦糖夠薄，我最鍾意佢夠脆卜卜，又甜甜地，唔差呀！最可惜就係佢地有minimum charge呀，好似每人要80蚊左右。所以，我地就叫埋小食。 Chicken Wings就好好食，件數算多，又唔太辛辣嘅，但係如果辣啲好更好囉。

係element睇完戲，有Ｄ肚餓，就search到呢間HABITŪ table試下，貪佢有邪惡既炸薯條！入到去人唔多，所以揀左近窗邊位坐，可以向下望到溜冰場Ｄ小朋友係度玩冰上曲棍球，食住睇的確賞心樂事！頭先話想食薯條，所以即刻要個Chip and fried！佢用個小鐵桶裝住，份量十足，Ｄ薯條炸得好鬆脆，好好口感！食完熱氣野要食Ｄ清新Ｄ既野中和下，於是叫左個凱撒沙律，Ｄ菜好新鮮，麵包有Ｄ硬，不過好足料，食完都有Ｄ飽！不過點可以俾佢停，就叫埋個龍蝦意粉先！Ｄ意粉好入味，龍蝦又新鮮，盛意推介！

3點3見有d餓餓地，就走左去HABITU食個Tea，嘆杯咖啡😀。嗌左蟹餅配蕃薯薯條，rose latte，少少辣雞翼。蕃薯薯條🍟其實幾吸引，不過再脆d就perfect池喇👻。(平時食老麥，我最鐘意就係個d食到尾先見到細細條脆卜卜起哂角既薯條🤤)。 🦀🦀蟹餅好好好好好好食，外脆內軟，又好足料，入面真係蟹肉黎嫁，唔係蟹柳假扮嫁🙋🏻‍♀️🙆🏻‍♀️！ 雞翼就不過不失，喜歡可以轉雞鎚🍗。 —#allisonfootforfood #hkfoodstagram #hkfoodblogger #foodie #hkfoodie #hkfood #hkgoodfood #食好西#相機食先 #foodie_son_allison #cafe #HABITU

成家一齊去街，阿仔又响bb車訓咗，梗係又同老公拍拖tea la~ Apple Vinegar, 有蘋果，檸檬同rosemary, 勁酸勁醒神！rosemary味慢慢沁出嚟～ 啜到停唔到～老公的 brulee latte, 上面嗰層焦糖真係可以好似cream brulee 咁敲碎㗎～ 好甜～ 加埋咖啡小小苦澀味，好矛盾又好好味～ 又滑又脆咁～另外叫咗個crepe share食，啲皮好薄，配呍呢嗱雪糕同忌廉，仲有蕃石榴籽～ 口感好豐富～ 係個醬酸咗小小啫～

有時都需要一個人去放下空，個腦先會鬆返小小。☁️今日Blue Monday，真係好需要一杯咖啡去refresh一下自己，所以黎到比較relax嘅HABITÜ。特別係Elements氣氛特別適合關掉自己總掣，咩都唔駛諗◉‿◉買完嘢飲就可自成一角，好好享受一下咖啡香，品嚐一下苦中帶甘嘅味道。今日飲嘅係Cappuccino Brulee，面係燒到有啲薄薄一片，脆脆地好特別，相對其他咖啡冇咁苦，帶一點點的焦糖甜味🍮然後再重新出發☺️GOGOGOGO~~

曾經，好中意食Habitu。最近食完，發現味道不再，而服務亦比以前差左好多。三個人的晚餐，安排我們坐在角落。朋友先到先點了Chips and Fries。Chips and Fries薯條炸得唔夠香脆，比較”林”身。而沙律醬嘅調味亦較差，偏酸。Salmon Pizza望落去感覺好Hae，味道正常，不算突出，餅底都算脆。Pork Rock豬肉味道調味不俗，醬汁以青蘋果調味，帶微酸，幾易入口。豬肉亦煮得很鮮嫩，不會太乾或太硬。食物水準係冇以前咁好，但最令人失望就係服務。本來仲想叫飲品，但叫天𣎴應，叫地不聞，所以最後只好作罷。坐左兩個幾鐘，只係成功叫佢地加左一次水。

唔知係咪做咗優惠，依間野好好生意，而且近高鐵，多咗大陸客，可能唔優做啦，所以對顧客到服務都幾白鴿眼，但唔代表啲嘢好食，食物價錢偏貴，服務似茶餐廳，叫咗個全日早餐，凍嘅，唔好食，嘢飲偏貴，有折冇折都唔駛去

朋友聚餐想靜靜地可以揀下呢間 habitu，可以悠閒地坐成兩三個鐘，食下野又飲下咖啡。依個豬扒整得幾好食，佢厚肉得黎啲肉煮到好稔唔難咬，配菜亦都好清新。Avocado toast 我覺得佢啲 avocado 慳皮左少少，佢同 LPQ 差不多價錢但係人地個 avocado spread 好似厚佢一倍有多，其實牛油果都唔係好貴姐唔使咁慳既。上面的菜略嫌淡味左少少，但都還可以。我食既係 salmon，盛惠 188 蚊，我還得味道還好啦，佢啲蕃茄好甜好多汁好好味可惜得兩粒，薯蓉都好香佢加左少少類似蜂蜜既汁係好好食既，我懷疑都好肥。三文魚唔會煎得太乾身，因為我之前都真係食過有好幾間餐廳嘅煎三文魚係好意思整到硬骨骨乾晒咁，所以依間算係幾好架喇。總括黎講，不錯，都值既，可以舒舒服服咁坐低傾下計，又食返啲有返咁上下質素嘅食物。

HABITŪ平時都比較少選擇佢，今次咁岩銀行送左張咖啡劵，所以就去換杯飲下～喺可以選擇既飲品下叫左一杯「奶泡咖啡」（價值$44）。味道都唔錯，飲落都算幾滑，中規中矩啦。不過原價$44就略嫌貴左少少…另外門外有打卡位，岩晒一眾文青啦～😜

聖誕時節, 宅人無約會, 幸而忽然老友急CALL去HIGH TEA, 假日人頭湧湧, 無甚頭緒之際, 就決定一試老地方圓方的 Habitu意外地沒有太多人, 甚至即時有枱, 假日小確幸朱古力 mocha, 味濃香滑, 一解鬱悶的心情朋友的熱 coffee老友最愛的薯條小食, 這裡可以吃到蕃薯製的薯條, 很開心兩個人都不太餓, 就叫多個脆薄餅, 輕食滋味當然不能缺少甜品,  rose cheese cake , "唔食得都睇得"我的特濃心太軟, 上面的雪糕好好味; 唯一是size對我來說有點over, 吃完後實在有點膩