HABITŪ table (ELEMENTS圓方) (Closed)

睇完戲諗住搵間餐廳坐低食吓嘢，見呢間餐廳唔使等位，唔算多人，岩曬同朋友坐底傾下計。於是我哋好就入到去食。煙肉忌廉蛋汁意粉係一個美味又滿足嘅選擇！個汁濃郁，有煙肉嘅鹹香味同忌廉嘅滑順口感，同意粉一齊食真係好開胃！每一口都帶來滿滿嘅滿足感！而且呢個意粉嘅價錢$148都係好平實！真係值得一試！🍝😋👍另外，佢地嘅鮮奶咖啡亦都值得推薦！$48嘅價錢都好合理！鮮奶咖啡味道濃郁，香濃的咖啡香氣同濃厚嘅鮮奶交織一齊，真係令人陶醉！係午後休閒嘅時候飲一杯，真係好舒服！☕a😍🌞🌟🍝☕🎉

8月12日晚 8 點到入座，叫了一份烤雞及All Day breadfast，待應細心解釋主菜需時20 分鐘以上，我們表示明白可以等。All Day很快上檯，無奈除了煙三文魚，茄汁豆，沙律正常。其餘稍微需要"廚藝"的炒蛋，香腸煙肉全部過熟過咸，炒蛋一塊一塊都算，條腸熟到甩皮甩骨，煙肉都熟得好堅挺。本考慮轉其他，烤雞扒奇蹟地好快上檯。一刀切入去，韌到無倫，唔洗咬一滴汁水都冇，微波爐翻叮質素。呢碟真係啃唔落，揾待應幫手換走碟烤雞，轉沙律保平安算。既然係咁All day就算啦，勉強食幾啖，好彩就唔算太餓。唯一就係待應態度幾好，唔係真係搞唔掂。

豬胺硬到要用全身既力先切到，完全咬唔落，叫左侍應幫我換個碟半隻雞，一樣都係咁硬，但都叫做擺得落口，個廚師似係好中意煮到啲肉熟一熟，硬過石頭。 latte幾好飲，可麗餅都幾好食，肉類可以盡量唔好嗌

就算通關之後，平日晚上，好多商場依然冷清！ 很多人氣餐廳也少見長龍！之前更甚！當晚平日星期一，我約了一位靚女朋友一起去西九文化區影北極光，由她帶路，我們 7:00pm 已到達，睇到 8:00pm 便離開！她建議走到圓方的 <HABITŪ table> 晚餐，意想不到！8:30 前走入 Habitu，恰巧 8:30 last order！連埋我哋兩個女人，都係得兩枱客咋！ 比我預期出奇地冷清！Menu她選擇咖啡及 Pancakes，而我則選擇抹茶豆奶及薄餅！Hot Matcha Soy Latte 熱抹茶豆奶 $54抹茶散發甘香，豆奶的豆味濃郁，兩者味道平衡！蕃茄香蒜蝦薄餅 $158由於，當時只得我們及另一枱共4個客，上得好快！熱辣辣之餘，又蒜香噴噴！薄餅薄身，口感煙韌討好，蝦肉則爽口！整個配搭清新！

同friend敘舊約咗去尖沙咀食飯，呢間餐廳位於美麗華最低層，平日夜晚唔多人，好適合傾偈份量比較細，兩個女仔要嗌三個主菜，不過最後食到捧住個肚走如果想搵一個比較幽靜嘅地方傾偈敘舊，呢度會係一個好選擇

去M+博物館之前諗住喺圓方搵間餐廳食，本身想前一晚book定位，但原來只限walk-in。星期六早上大約12點嚟到，果時唔係好多人所以可以直接入座，但到開始進食時驚訝已經全場坐滿，好在有早啲嚟😳叫左個蟹餅配番薯條，蟹餅啖啖蟹肉，而蕃薯條炸得幾好，香脆而且少油。另外sauce 份量都好夠。仲叫咗個煙肉忌廉蛋汁意粉，忌廉汁好香同creamy，煙肉都多，意粉份量好夠，兩個人share食啱啱好，如果唔係就會太滯⋯

最近去左屋企附近搵食,就揀左HabituCarbonara:灑面嘅芝士質素幾高,忌廉汁唔錯,用嘅火腿就普通咗少少牛面頰肉:分量嘅比出面多,雖然有三嚿,但係每一舊嘅調味唔太均勻,有一嚿嘅口感特別鞋,墊底嘅薯蓉分量亦都多燒春雞:有香草味,醃得好香,但大部分肉都比較鞋,分量少辣肉腸pizzaizza係相當辣,用嘅火腿同埋肉腸都唔錯,餅底薄身脆口

I wasn't planning to write a review for this restaurant especially dining with 10 people, I'd rather focus on the sharing moment instead of food picturing. Nevertheless, I would love to make a compliment for the friendly efficient staff. Staff arranged 10 people seats without a wait. Smiley greeting and served all cutleries and water efficiently. In spite of a long order, neither food nor drinks have been messed up. It was a nice experience! I ordered the green garden lemonade, french crepe and

一向都頗喜歡Habitu 的食物，大公司裡面算係質素比較保持到的品牌了！ 今次都無令我失望，唔知係咪因為肚餓，第一佢個凱撒沙律一點都不吝嗇，好多牛油果，菜又好新鮮。pancake的味道超好，還有加豆苗，幾有趣

個日岩岩搭高鐵返香港，由高鐵站入境大堂行去圓方就到，全程唔洗十分鐘👍🏻 下午5點入去食early dinner ， 雖然唔係繁忙時段，每枱都有客人，唔會靜場。而且有D位係近溜冰場，坐得好舒服同好開揚。 試左 「野菌椰菜花不是飯」、「香烤厚切豬鞍扒」、「水牛芝士薄餅」。野菌椰菜花不是飯❤️❤️❤️❤️❤️中意好Creamy 既人必試，食落好香既奶油味，risotto 係用椰菜花粒粒去整，無澱粉質。必試之選。 香烤厚切豬鞍扒 ❤️❤️❤️擺盤已經好靚。雖然豬唔算好滑，仲有少少鞋口。但因為厚切既關係，所以原諒佢。估唔到豬 配 蘋果都咁夾，真係喜出望外。而且個豬無豬肉的嫂味，所以整體都唔錯👍🏻當然 如果口感仲可以滑D 就perfect。 水牛芝士薄餅❤️❤️反而pizza 就正常發揮👏🏻薄而脆，芝士幼細感覺唔會「溜」。 而且呢到既服務好好👍🏻雖然都忙，waiter好細心推薦款式俾我地，一d唔會崔我地。而且旁邊仲可以 $6租充電器👍🏻圓方行街傾計必選👍🏻

行完M+就過了九龍站搵野食, 都累了隨便入坐了, 又不用等位。我們三個人點了:▶️牛油果醬墨西哥脆片- 份量好多, 配有芝士, 牛油果醬, 清新的蕃茄醬, 墨西哥脆片是有足夠醬料配合一併食用。▶️煙肉忌廉蛋汁意粉 – 熱熱的送上, 忌廉白汁夠香, 會帶有少量蘑菇及芝士, 但蛋汁味不算太濃。▶️蒜香蝦pizza – 薄批上面有綠色新鮮的香草, 醬汁是蕃茄汁, 紅紅綠綠形成對比吸引食慾。蝦不算突出, 整體味道正常, 不過不失。▶️野莓班戟 – 我們叫了後上, 他們真是即叫即做, 送到來班戟熱呼呼的, 但比較濕, 蛋味不算太香, 有麵粉香味。有好多淡忌廉在班戟上, 忌廉上竟就是紅莓藍莓紅石榴, 再之上有白草, 整體口感都豐富, 但沒有 “嘩” 一聲的好味。飲品方面：▶️熱綠茶泡沫豆奶 – 綠茶味夠濃郁, 整體是濃厚的, 好飲的。▶️哈蜜瓜蜜桃果茶 – 水果味配搭OK, 正常果茶味道。服務態度方面, 正常, 但不會主動, 我們飲完水不會主動來添, 食用完的餐具, 不會主動來收。整體來說, 正常, 沒有特別出色, 優點是沒有限時間, 行完M+ 附近的博物館, 想找個地方食野休息, 算是不太貴又食得飽的選擇。

今日約左朋友係圓方行街🤭知道呢間餐廳既咖啡都好好飲～行到攰攰，入左呢間餐廳飲杯咖啡食下野，休息下再行過😆咁岩我地坐玻璃窗邊，可以望到人地溜冰⛸️好好view～1️⃣☕️薄脆焦糖咖啡（$54）呢杯只係堂食限定😆留意番無得take away架！一見到個名就好吸引～因為我好鐘意焦糖😜係有驚喜既！上面層焦糖好脆，而且仲有幾粒咖啡豆係上面，甜中帶微苦🫶🏻加上咖啡豆好香濃～好鐘意飲呢杯😋2️⃣☕️凍巴西莓玫瑰咖啡（$56）朋友試既呢杯都有好重既玫瑰味～咖啡同玫瑰夾埋一齊原來都幾夾😆另外佢仲有奇亞籽！飲落有少少口感～都值得推介🫶🏻3️⃣🍝香蒜青口炒意粉（$148）我覺得呢個意粉稍為油膩左少少🫣但好欣賞佢真係用炸過既蒜片黎炒，好惹味👍🏻另外青口都食得出鮮味🫶🏻4️⃣🥔蟹餅配蕃薯條（$98）佢有兩塊炸蟹餅～都幾足料！食得出有蟹肉🦀配埋千島醬一齊食既口感都好豐富😋另外蕃薯條炸得好香脆～好鐘意🤭

今日三人午餐，叫左一份葫蘆茄子捲意粉，細細份，味道可以，一份系生油果烤雞凱撒沙律，味道唔錯，菜幾新鮮，一份香茅雞扒漢堡，冇乜香茅味，雞肉份量多，味道唔錯，另外叫左一杯伯爵茶咖啡，好味，一杯薄脆焦糖咖啡，好味又靚，一杯黑糖薑汁咖啡，都好好味，環境又舒服

特登係圓方睇戲之前搵下野食，見到Habitu 人少少，感覺幾好，又快入到座。由於太肚餓啦，所以點左杯熱紅菜頭泡沫豆奶，見到相片粉紅色好靚，岩晒啲想打卡呃like嘅朋友：）當你飲落去，紅菜頭嘅味道冇乜，只係顏色上嘅顯示，但係豆奶味好濃，我估佢其他如綠茶、薑黃會味道出好多。之後點左 蒜香蝦薄餅同照燒三文魚意大利飯，蒜香蝦薄餅有驚喜，3mm嘅薄餅真係好脆口，好吸引，咬落啲蝦都算好食，算係有啲咬口，如果啲蝦新鮮仲好，蒜香反而好出眾，會想再試其他。另外，照燒三文魚意大利飯，一開始見到啲汁好水，但撈埋個飯到就岩岩好啦！而且三文魚煮得味道甜甜地，好岩個飯，一口接一口，值得試👍👍👍👍👍👍

唔知講咩好🥲呢間餐廳定價都偏貴 但質素比我想像中差😭最失望係佢既Nacho 好多都焗到燶左。。。非常之乾 但啲芝士又硬左 無個種Nacho dip dip既食法 好難先解開到啲Nacho意粉都非常普通 無咩comment不過環境都正正常常 只是個Nacho令我不會再來了😭