八歌仙 (家樂坊) (Closed)

本來星期五收工開開心心來試吓，諗住498都不會有乍，入到去還以為服務不錯放低了一盤很美觀的刺身及牛肉本來還以很不錯，可是美麗的光陰只是一時，入座開始等20分鐘不上湯鍋，上湯后都未開始打邊爐突然說加水倒進了奶白色的湯進去壽喜燒，之後變了一個清湯🙈，鐵板燒燒了一個鐘也不能熟，跟服務員說已經最大了他說這個爐是這樣的，點了餐30分鐘都不上菜，向服務員投訴還要黑面，奉勸大家注意，這個餐廳評價和他的牆一樣顏色的

第二次黎呢間食👍🏻食過返尋味入去嘅時候可以揀setSet A: 美國Prime 牛肉燒肉放題$298Set B: M9+澳洲和牛燒肉放題$498Set C: A5鹿兒島日本和牛放題$688三個set價錢相差少少🤏🏻，我最後揀左中間價錢嘅Set B🥳用QR CODE落單，上菜時間算快，店員服務態度唔錯，好有禮貌👍🏻如果燒肉板燒到黑左可以同店員講，佢會換塊新嘅，唔怕自己燒嘢食手勢唔好啦😆牛肉黎到賣相好唔錯，肉質唔錯，容易咬開，充滿油份，正！枱旁邊仲會有唔同醬料揀💗飲品方面大多數係茶類，例如菊花茶/荔枝紅茶個類，如果想飲水都可以問店員拎架🌼由於係燒肉嘅餐廳，餐廳地下難免會有少少痴笠笠🤏🏻整體體驗良好，如果可以多啲飲品嘅選擇更加好😋

之前經朋友介紹食過佢LUNCH SET 果陣78有和牛食,依家要加到100幾...(包埋$15蚊果個小食同埋野飲),又食過佢A5和牛放題同200幾果個SET,好多野食叫左但冇出現,餐廳係唔會同客人講,D蜆好多都係死左仲要有泥...同埋90分鐘放題,60分鐘就會截單唔比叫野食...之前去連野飲都冇,甜品都冇,咁短時間食野仲要乜7都冇...好似當D客係乞兒...後來去左一次有返野飲任飲,但都係冇甜品,我欣賞佢可以一邊燒一邊火鍋,但係D野食選擇好少同埋好多都冇...有D呃消費者GE FEEL....壽司好食但得幾款,如果有埋D甜品就更加好同埋性價比高返少少啦...呃錢都唔係咁呃法。同埋上肉GE速度係非常之慢...試諗下,90分鐘佢可能黎幾次...再叫佢就已唔送肉上黎...咁食條毛咩....

原價就一定唔抵食的了，食物種類雖然唔少，但落單後勁耐先出菜。另外，塊鐵板一路都唔太熱，就算開到最大火，都要等好耐先有得食，而且好早截單。雖然環境唔錯，但唔太推薦。

Iced black oolong tea 冰凍極黑烏龍茶 ☕️ (L) $48Coca-Cola 可口可樂🥤(R) $48 兩杯飲品都同火鍋、燒肉好夾，大大杯仲可以無限添飲，都幾正👍🏻Japanese wagyu 熊本日本和牛 🥩和牛嘅種類有A5熊本和王日本和牛三角、和牛背峰、和牛肩胛🍖、和牛上脾同埋和牛上腦，職員建議先食下排嘅肉，再食上排油脂分布較多嘅肉，個人特別鍾意和牛背峰，燒幾秒之後食入口即溶🤤Ingredients & cooked food 配料、熟食 除咗有唔同嘅牛肉、豚肉同埋串燒可以自己燒之外🍢，仲有刺身拼盤、多款新鮮嘅壽司🍣、一品料理、天婦羅炸物等，仲有雙拼火鍋湯底(五選二)可以同時打邊爐，一次過食到幾款唔同料理

2022.10.22天氣開始涼🌬最啱打邊壚🍲同燒肉🥩呢間餐廳以日本風裝修🇯🇵而且環境闊落🤗一個價錢就可以滿足曬以上兩個願望😍仲有埋刺身拼盤➕天婦羅炸物🍤➕串燒➕壽司卷物🍣真係啱曬心大心細既食客需要👍🏻無論一家大細定係同朋友同事聚餐都係唔錯既選擇🤣今次同閨蜜👩🏻‍🤝‍👩🏼揀左A5熊本日本和牛精選燒肉套餐🇯🇵$688/位（另加一收費）兩小時任食真係好爽😄一坐底店員已經送上精緻既刺身拼盤😉有三文魚、三文魚腩、油甘魚、甜蝦、八爪魚、帆立貝，全部都好新鮮肥美😋火鍋湯底五選二🍲今次揀左龍蝦蕃茄湯🦞同黑蒜豬骨湯🐷兩種湯底都好濃味😉等緊火鍋配料時可以享用燒烤功能😉A5熊本和王日本和牛🐮包括牛三角、牛背峰、牛肩胛、牛上腦，全部色水都好靚仔！油脂分布好平均！燒烤後入口即溶，加上沾上不同醬汁又另一番風味！最欣賞係佢地特製既鹹蛋黃麵豉醬💯而其他燒烤類除左肉類仲有唔同新鮮海鮮🦐蔬菜🥬任燒嫁☺️而火鍋既澳洲🦘和牛類係我心水推介😍牛味香濃而且肉質嫩滑❕芝麻麻吉燒同流心粟米球🌽係比較有趣既配料值得一試✅另外辣酒花螺、海蝦天婦羅🍤蒲燒鰻魚手卷都係我今次心水推介🫶🏻食到咁開心當然要飲下野啦🥤無酒精放題只需加$48/位就有成

平日食火鍋燒烤好少可選擇任食因為我食野重質不重量前幾日去咗八歌仙食A5日本和牛首先環境好舒服 座位間格得好好裝修以和風設計 有打卡位一邊打邊爐一邊燒烤先送原條蓮子鯛刺身肉質新鮮肥美 第一次食都幾特別湯底我揀咗龍蝦蕃茄湯壽喜燒唔會太鹹 龍蝦味濃加埋蕃茄酸甜鍾意食牛嘅朋友一定好開心燒烤和牛拼盤❤️A4 日本和牛上脾❤️A4 日本和牛上腦❤️A5 仙台牛日本和牛背峰❤️A5 仙台牛日本和牛三角每款都好適合燒烤 滿口油脂另外有M5+澳洲和牛選擇除咗火鍋配料同燒烤配料仲有熱食 壽司串燒炸物壽司亦都非常之新鮮 黑松露油甘魚係我最愛飲品亦都大大杯 佢哋個黑烏龍茶好解膩八歌仙成為咗一間我會再回訪既餐廳無論一大班朋友聚會 定係2人撐枱腳我都覺得絕對唔會失望八歌仙 (家樂坊) (旺角)📍旺角登打士街56號家樂坊8樓802號舖#hkfoodie #diningcityhk #foodblogger #whynotboth #火鍋 #燒烤

坐落於旺角家樂坊的高質放題，入座前先點5選2湯底，有壽喜燒/鰹魚昆布/麻辣豬骨/黑蒜豬骨/龍蝦蕃茄今次我揀左麻辣豬骨及龍蝦蕃茄，都很夠辣，龍蝦蕃茄也很濃味的~先來一碟日本蓮子鯛刺身，可以熟食/生食/板燒~個人仍覺得是生食最香甜美味！再來是A4日本和牛上髀、A4日本和牛上腦、A5仙台牛日本和牛三角、A5日本和牛背峰，這個是店員推介的食法，這樣食會感到油脂感越來越重，牛味更突出！這家的款式還算多，同一款的食物可以拿去串串燒烤，也可以放入鍋中，有燒肉類的、有火鍋類、有海鮮、蔬菜，另外有天婦羅、油揚炸物、壽司卷物、一品料理，包你吃夠飽，食材也新鮮多款！你亦可以來一個無酒精飲品放題，有果汁、汽水、茶類、乳酸梳打類，大大杯幾解渴，邊爐燒肉絕配~

天氣涼涼地，係時候烚下烚下！旺角家樂坊既八歌仙已經係我同屋企人既飯堂，今日我哋又黎去大食一餐！🥰我地唔諗錦多先落左個湯底，分別有蕃茄🍅🦞龍蝦湯底同壽喜燒！蕃茄龍蝦湯底真材實料，飲到龍蝦鮮味，而壽喜燒🍲味道香甜！兩個湯底用黎打邊爐一流！😗🔥天婦羅，壽司同清酒煮蜆都好好食！無論係冬菇，海蝦同茄子天婦羅🍤🍆🍄等等，都炸得外脆內軟，入口唔會油膩同好多粉漿！熱辣辣時食好好味！而壽司🍣好似油甘魚，三文魚壽司呀，件件新鮮，食落鮮甜，好正！清酒煮蜆🐚每粒蜆脹卜卜，咬落去彈牙仲充滿濃濃酒香！🔥和牛餐亦非常之棒，全部黎自日本和牛🐄🥩無論係牛三角，牛脊峰，牛肩胛但其他牛既部位都好，全部都充滿濃濃牛香，入口散發出陣陣牛脂！好香！🤩扇貝海蝦活魚刺身簡直係我地全家人之愛！扇貝🦪大隻鮮甜彈牙，海蝦🦐生猛爽甜，活魚刺身🐟鮮味濃郁，無得頂！🙌

我同朋友都係食得之人，無肉不歡，咩都食！🙌結果俾我哋搵到一間餐廳能夠滿足到我地所有願望，就係旺角八歌仙！😽呢度唔單止坐得舒服，乾淨俐落，而且所有野都係任飲任食，無論海鮮，火鍋配料，和牛，壽司同刺身，仲可以俾你同時燒嘢食同打邊爐，簡直岩晒我地！😆😆我地食左串炸雞皮🍗，雞皮薄脆，咬落去散發啖啖雞油，正！而我地自己都燒左串雞腎🍗！雞腎爽口彈牙，食到爽爽聲！🤩🤩而呢度澳洲和牛🥓非常正！當中最讚係牛小排！質素高質，油花均勻，無論放落去燒，定放落去淥，都非常煙韌軟冧，入口即溶，我地食左好多呀！順帶一提，蕃茄龍蝦湯底同壽喜燒湯底🥣都好好味，兩者鮮味濃郁，淥完一大輪野食鮮味仲keep度！🥰不得不提係呢度既活魚刺身🐟！師父刀工十分好，每塊切得晶瑩通透，食落當然鮮甜嫩滑！😍仲有啲小食都好好食 就好似呢個麵豉湯🥣好鮮味，飲得出精心熬煮，而脆炸南瓜條🎃亦炸得香脆，同好有南瓜鮮甜味！😋

今次去左旺角食燒肉放題，呢間餐廳有別於一般燒肉店，佢係可以一邊燒肉同時另一邊可以打邊爐，可以一次滿足兩個願望。餐廳佈置以竹林主題為主，給人一種清幽既感覺。120分鐘放題價錢分別有$498澳洲和牛同$688 A5熊本和王日本和牛，涮涮鍋湯底更由餐廳特別調製，可以五選二，分別有壽喜燒、鰹魚昆布、麻辣豬骨、龍蝦蕃茄同黑蒜豬骨，我地就揀左A5熊本和王日本和牛同埋壽喜燒、龍蝦蕃茄湯底。店員首先會端上刺身拼盤同和牛拼盤，刺身拼盤有六款，包括有三文魚、北寄貝、帶子、八爪魚、甜蝦同油甘魚，刺身新鮮鮮甜，而和牛拼盤有A5仙台日本和牛上脾、A5仙台日本和牛三角、A5日本和牛背峰同A4日本和牛上腦，和牛油花分布均匀，入口肉質軟嫩多汁。食完之後就開始點其他野食，種類都好多，包括有燒肉、火鍋、海鮮、自家串串燒、天婦羅、油揚炸物、壽司卷物、一品料理、蔬菜、火鍋配料、主食等，上菜速度都好快。我地點左M8澳洲和牛板腱同M8澳洲和牛小排打邊爐，和牛夠曬大片，相當吸引，另外仲點左啲火鍋配料，有娃娃菜、蟹棒、頂級蝦滑、杏鮑菇、蘆筍等等。食完個和牛拼盤仲未夠喉，再加左M9+澳洲和牛西冷同M9+澳洲和牛肩胛，仲有扇貝、海中蝦、

今日同朋友一行5人去左旺角家樂坊既八歌仙度食晚餐，好抵食！五百蚊都唔駛可以任飲任食高質素既澳洲和牛🥩燒肉同火鍋放題，仲有火鍋🥘，天婦羅🍤，刺身同壽司🍣都係任食，非常抵食！👍👍呢個澳洲和牛餐好多唔同既牛牛部位🐮🐮有M7/8，M9+和牛，每日輪流供應四款！我地今日食左牛肩胛，牛三角，牛板腱同牛外腿！全部部位都非常新鮮，富有濃濃既牛味，咬落好亦非常多汁，好好味👍👍另外不得不提就係活魚刺身🐡！活魚刺身原條上！師父👨‍🍳仲有細心將佢起晒骨同薄切，每塊都非常有光澤，入口爽甜！仲有大大隻扇貝🐚，非常彈牙煙韌！😗湯底我哋係鴛鴦鍋🥘無論係蕃茄龍蝦🦞湯底定壽喜燒，兩個湯底都非常鮮甜，味道亦十分之濃郁清甜😋，同啲和牛一齊淥簡直係絕配哦！😍大家一定要記得黎食！🙌

🌴餐廳既環境似置身係竹林之中 好舒服而且位置都寬闊 坐得舒服💚而食物既種類好多😋1️⃣燒肉 2️⃣火鍋 3️⃣海鮮 4️⃣天婦羅炸物 5️⃣串燒 6️⃣壽司卷物 價錢三級制 分美國 澳洲 同埋日本和牛我揀選左中間消費嘅澳洲和牛🥩 另外 可以簡兩種湯底✔️我揀咗壽喜燒同埋昆布濃湯壽喜燒味道濃郁帶甜 好好食🤩昆布濃湯會清小小 岩曬碌菜類食物 落左單之後 一盤刺身已經即刻送上💖刺身既質素都好高 仲有我最鍾意食既三文魚 而牛肉就係主打 上完刺身就有一四款高質和牛比我地燒燒完之後 我地仲order左吾同類別既牛去試牛肉冇雪味 而且有牛味👍🏻我地全部都係以燒為主 因為比較香口 仲有叫左好多壽司🍣 天婦羅同埋海鮮食材都係新鮮 而且好多選擇 我覺得個芝士年糕特別好食 外脆內留心 😎

旺角行街經過朗豪坊見到主打和牛套餐放題，🙀特別之處係可以一次過享受打邊爐同燒肉任你選擇，而且餐廳套餐只有兩款套餐選擇，一啲都唔複雜。🤝👏🏻推介💕💕澳洲和牛有四款牛肉部位選擇，餐廳提供嘅部位比較少見，💖牛肉新鮮鮮嫩，顏色鮮紅至粉嫩，牛肉香味齒頰留香。😆🍙壽司都同樣高質，可以用出面幾十蚊一碟的質素比較，🥢壽司即叫即整超級新鮮唔會擺到紫菜林哂，飯軟熟度適中唔會硬到一粒粒。🦐🦐蝦偏大隻，煎到两邊橙紅色，蝦頭竟然有蝦膏，蝦味濃郁，🔥而蝦肉爽彈，唔點豉油可以食到屬於蝦的鮮甜味。🌟一間放題最難得嘅係除左可以保持食物質素之外，🙀就連服務質素一樣令人滿意，服務人員態度有禮，熱情貼心，值得一讚👍🏻

涼涼地，都想食返啲熱辣辣嘅野！ 離不開燒肉同火鍋，兩樣都想食，就揀咗去八歌仙。和式嘅裝潢，坐位寛敞，空間感十足！120分鐘都好夠時間，先叫兩杯冰凍乳酸梳打飲品，大大杯，傾住計慢慢食。必食當然係A5熊本和王日本和牛啦，和牛三角、和牛背峰、和牛肩胛、和牛上脾、和牛上腦，咁多個部份有都用木牌標註。 紅白雪花紋、油脂豐富，款款滋味。 澳洲和牛都好唔錯，少啲油脂，肉味更加出。食得太多牛肉，一定要食返啲菠蘿，香甜美味，解膩高纖維。火鍋湯底揀咗鰹魚昆布拼龍蝦湯底，前者清清地，可以更加帶出海鮮鮮味。 後者微酸，又有香濃龍蝦味，同紅肉又幾夾喎。牛肉有分火鍋同燒肉類，火鍋牛肉切到好薄片，捲得美美的，煮幾秒就食得，軟嫩香滑。除咗靚牛，海鮮都超正。 海中蝦、花甲王、扇貝、香草牛油廣島蠔都係好高質，是日時令海鮮竟然係蟹，半隻一份，新鮮鮮甜，仲有蟹膏，蟹鉗位已經扑開咗，好細心。火鍋配料必點頂級蝦滑，真係全部蝦肉，用料十足，爽口彈牙。海蝦天婦羅、秋葵天婦羅、南瓜天婦羅，新鮮炸起，薄薄嘅脆皮，乾身唔油膩。可惜爭咗啲甜品，有埋就真係perfect喇！