八户屋和食料理

Open Now

Now Closed

入屯門探人時，朋友知我中意食日本野，帶左我去食間日本菜，話係屯門都算平價又高質素的日本菜哦。刺生沙律，酸酸地夠開胃呢個簡直是我的最愛，超大的炸蝦加芝士的料加蟹子再配埋沙律醬，放入口，蝦炸非常鬆乳，蟹子再口中卜卜地，我終於忍唔住地食左成條咁制，可以再柯打多一條。咖喱豬扒飯真係野味石鍋係超熱，我以為係裝飾上，不小心手被燙到了。朋友叫我撈晒飯汁同飯後，唔好咁快咁快食人等下鍋的熱力整左飯蕉會好好食，果然冇介紹錯，值的食。完全估唔到係價錢係抵到。有機會入屯門都要去再食。

入到屯門食飯👩🏻‍💻小妹吾喜歡去屯市覓食我想原因 大家都會明白所以習慣去安定搵食🤞🏽今日食到黎八戶屋6點幾黎到 吾洗等位加上落大雨既關係☔️落單要自己抄menu number 落單👩🏻‍💻小妹叫左叉燒拉麵 吾記得影相7/10 味道中規中矩 二人壽司set 樣樣都有啲 應該係即叫即整 軍艦塊紫菜吾林不過上面舊魚生凍多小小會比較好所以我比7/10因為魚生又未去到勁新鮮既感覺三文魚腩刺身6/10 與期望有落差最後加翻句價錢同質素成正比

屯門區唔係有好多地方食日本菜，市廣場個邊都係個幾間連鎖店，今次試下領匯這個商場既日本餐廳先。外面有部自助取票機，外觀成個 app 設計，一改附近屋邨感覺，等位大概半小時左右，都尚可以接受。食物方面，有壽司刺身，鍋物，小食等，我地點了各款壽司及小食，又有鰻魚炒飯，價錢合理，性價比高，最值得推介係魷魚筒，係整條燒的其他小食都唔錯，下次會再黎唯一唔多好係唔夠人服務

平時呢間八戶屋等位等到傻，就算有個apps 拿飛，等位都係唔樂觀，老公一家為咗唔等，決定佢地晚市一開門就嚟6:00鐘嚟到，即刻有位入，仲可以坐房...之後再望一望，假日差唔多6:10pm已經坐滿晒，大家唔想等唯有早食食物上先有分唔同季節嘅餐牌，至於小食方面都算係多選擇，芝士燒茄子、燒鯖魚、一口芝士餃子、枝豆等都有得叫，同平時和食居酒屋款式差唔多，而且味道同價錢都可以，算係合理，最欣賞佢上碟時仍係熱哄哄，入口感覺更好壽司方面普通正常款都有得叫，以居食屋嚟講都嗰錯，仲有啲季節特別款同一碟6件到嘅壽司叫，啱一家人食...叫咗嘅軟殻蟹手卷方面，個軟殻蟹炸得幾脆而唔油，不過紫菜好快就軟身咗，但整體都可以另外仲有叫咗個芝士海鮮烏冬，呢個最欣賞嘅，一來個人愛芝士同白汁，二來啲海鮮料以50幾蚊嘅一碗麵嚟講，都算足料，同埋佢滾住送上嚟，keep到熱食一段時間，令湯底又出味，gd 以日本嘢嚟講，呢間價錢方面都算係屋邨價，嘢食份量都算喺咁，一家人想方便吃日本嘢都唔錯，不過就要早嚟

今日午餐去呢度，之前未試過黎食午餐，原來都有好多款，除左一般的飯，麵，刺身外，星期一至五仲有特選款式，價錢都很大眾化叫左46蚊的四色壽司卷物拼烏冬套餐烏冬份量有點少，湯偏咸，上枱時不算熱壽司類還可以，卷物都是正常貨色，大食一點可能會吃不飽跟餐送飲品，揀的柑桔檸蜜不錯，不會太淡味，試過其他地方飲柑桔檸檬都似係溝好多水值得一讚的是不設加一，而且座位寬敞，坐得比茶餐廳舒服，地方乾淨收費和茶餐廳差不多，一定會選黎呢度

已經第二次吃, 本身都以為每人大約要80元,最後卻只需$60左右。假日亦有午市套餐,我點了麻漿雞球拉面餐及另外單點一個海膽三文魚飯。先說套餐,雞球明顯不是即炸,已經凍了已經有點硬,可能是快餐很多人叫的關係吧,拉面熱度適中,但只是普通的香港日式拉面,但以價錢來說都是合格的。另外單點的海膽三文魚飯,海膽很新鮮,但只有1/5板左右略少了一點,三文魚反而有4-5片,味道方面很不錯! 總括來說算是價廉物美,只是雞球方面有點美中不足,下次會再試其他食物。(曾經在此吃過晚餐的炒烏冬也很好吃的! 但因為今次是午餐所以沒有供應)

同朋友一齊叫左2個lunch set.明明menu係吞拿魚，但壽司set第一次送黎係黃色的瓜😑😑我問店員點解會咁？佢話每日卷物都唔同..我心諗都差好遠wo😥之後我再問經理，Menu明明唔係咁又無寫日日唔同，佢答我佢放錯左即刻幫我換👍👍👍送到黎我已經好肚餓即刻試食，結果...我去爭鮮買算，超級唔新鮮，除咗難食我都唔知講咩好😔😔😔另一碟係咖哩龍脷柳定食..雖然賣相很差，但味道不錯..可以一試...不過都唔建議大家係到食午餐🤕

我覺得呢間日本餐廳抵食同足料，所以今日拉埋女朋友一齊食set lunch. 我叫了豬軟骨牛𦟌飯，飯量足，豬軟骨又淋又入味，而牛𦟌有牛味之餘，煮的時間都恰當，我好快就食晒，味道濃且份量足，配餐飲熱檸水。女朋友叫了胡麻雞球拉麵，炸雞球熱上，粉槳唔厚，啖啖肉，配麻醬食簡直絕配，唯一不足就是拉麵，口感麻麻但湯底夠濃，加埋金桔檸檬特飲，正。呢個價錢就食到飽飽，lunch 唔收加一，抵食。呢間餐廳環境都寬敞，很多位，所以好快有位食lunch。

探索屯門區既第一站，就係解決飽暖先，呢間望落乾淨企理，空間位置都較大，而且有好吸引既食物公仔放係櫥窗（雖然唔係for lunch）（無影相請見諒）@金菇肥牛卷便當好大份！成8卷牛肉卷，而且入面既金菇超飽滿，包到實一實，本身唔會好油，但再配埋柚子醋會減低油膩感。小碟有帶子邊，兩件三文魚兩件油甘魚刺身，醋沙律，都好新鮮！麵豉湯都好味，有好多豆卜同海帶～不得不說係個碗飯，日本米圓碌碌好飽滿，淨係食白飯都覺得好味！@壽司拼盤/配烏冬壽司有8件（好似），配埋烏冬，由於我男友叫的我無乜點食，但應該都正正常常，不過不失。男仔食可能會少左d，不過我已經將食唔晒既金菇牛肉卷俾佢食，兩個人share呢兩個餐就岩岩好啦

这家日本料理是坐车经常经过的，㚈面看很吸引，所以今天立决心来试试。我们两人点了三味前菜，䲞魚薄切，带子剌身，什菜天婦罗，烧青魚，三文鱼腩寿司和鳗鱼寿司，另加一罐啤酒，共338元。价格算便宜，䲞魚刺身OK，带子太林身，不太好吃，三文魚腩和鳗魚都不錯👍，天婦罗值得一赞，粉脆内软！烧青魚也非常可囗！

八戶屋晚餐：(三文魚腩刺身) 夠肥美。(芝士年糕) 好香芝味。(牛油果軟殼蟹卷) 上面布上牛油果片，內裡有香脆軟殼蟹。(炸蝦卷) ok。(芝士加洲卷) 上面有炙過的芝士，芝士凍了也沒有變硬。(豬軟骨拉麵) 湯底香，麵身幼ok。(壽司) 新鮮。

同班frd幾個月無見，山長水遠入屯門同佢哋dinner，雖然我哋本來5個人得返4個人，但無諗過間嘢竟然安排我哋坐房(唔講都唔知有房哩樣嘢)!😂 所以4個人有個小空間暢所欲言真係perfect!大家都成隻餓鬼咁，怒點嘢食!身為紫薯嘅我係紫薯都會讚好食!外皮炸粉薄而鬆脆，紫薯栗子蓉甜道適中!茘枝豚肉串係因為見佢咁特別先點，食落ok，但又唔係話好好味。4個人有兩個唔食牛肉，點知食牛果個朋友食得一粒牛柳……最後全部牛柳我一個啃晒……牛柳味道一般，反而車厘茄加上啲燒烤味幾好味。雞軟骨炸得好脆，但又唔會太乾身，而且熱辣辣，好香口。海鮮辣烏冬，有蝦有青口，湯底味道似公仔麵，味道一般啦。刺身沙律，味道酸酸甜甜好醒胃。墨魚幾好味，醬汁唔會太多，而且唔韌，好易咬。哩款茄士好味!雖然面頭有芝士，但味道有淡淡嘅甜味，所以一啲都唔會膩!玉子燒好難整得唔好食，加上我係玉子控，大愛!其實之後仲加單食咗其他嘢，但實在太多，放棄無影啦!😂 我哋食到最後一枱先走!哩度食物質素唔錯，價錢合理，不過我最愛都係因為有間房俾我哋傾計!

服務態度真係極品 食物冇咩的特別 不值得試 我住附近 見環境都算唔錯 又見正平多 話咩好好食 點知D服務員....D野食 餸少過飯一倍 要另外加調味料 醬油先得 真係麻麻地

自從領匯入侵各大屋村後，屋村商場以全新形象示人。昔日友愛、安定屋村商場蛻變成H.A.N.D.S，引進不少店鋪食肆。留意這家八戶屋已有一段日子，在屯門區內有不俗的口碑，特地前來一試。從外觀至裝潢，八戶屋是令人驚喜的。帶有居酒屋氣氛的日式餐廳，樓底極高且採光度足，用餐環境十分舒適，屋村餐廳能有如此規模確是少有。本屬意窗傍位置，但店員表示三人以上才可使用，聽說這家繁忙時間十分爆場，甚至會出現搭桌的情況，受歡迎程度可見一斑。選擇多樣化和親民的價格，該是八戶屋受歡迎的原因。刺身、壽司、卷物、炸物、串燒、鐵板、鍋物、一品料理、拉麵、甜品......一應俱全，基本上就是集壽司店、拉麵店、居酒屋於一身，對於村內居民來說，不用舟車勞動就能嚐到和式料理，確是十分吸引。鰻魚炒飯($68)炒飯竟是最早送上的一道，除反映店方没有按序上菜外，也説明炒飯是現成做好的。用珍珠米炒飯，米身彈性可以更好。加上野菜碎、蛋絲，鰻魚切成大大片的份量不少，雖然是現成貨色，但欣賞店方在份量上的落落大方。有些店方將鰻魚切成丁方來炒飯，份量吝嗇，完全感覺不到鰻魚的存在感，這兒的除熱度稍欠外，食味上己可收貨。三文魚腩刺身($52)．牡丹

經常見到八戶屋有人等位, 頗受歡迎, 朋友吃過說不錯, 今晚就帶我去食這間日本野。星期六夜晚黃金時間, 等位等左半個鐘內, 都算合理。睇睇原來裡面坐位唔少, 同埋出菜快, 所以流轉頗快。黃金蝦芝士卷$52: 炸蝦是脆的, 有蝦味蝦香, 卷內有軟心芝士, 同炸蝦又幾夾, 飯層薄薄的, 好喜歡, 從來我是愛吃餸多過飯的人, 飯少一點就好, 這完美比例, 一口食落去, 好滿足!清酒煮大蜆$48: 蜆唔算大隻, 鮮度可以接受, 偶然有少少沙, 湯底有清酒味, 鮮甜, 少少辣, 好好味, 飲晒。牛油香蒜炒野菜$38: 好抵食的價錢, 牛油味好香, 蒜煮到金黃, 迫晒蒜味出來, 野菜主要是椰菜, 夾雜一些菇片, 選料做法份量都有誠意。土佐豆腐$32: 較為失望的一個菜式, 頂頂有薑蓉同辣蘿蔔, 但我地唔好辣所以拎走, 結果就變成無咩味, 本身無咩調味, 豆腐也太大粒, 就算有調味都滲唔到落去, 必然會淡, 豆腐亦無想像中的滑, 食左一件就放棄。鹽燒油甘魚頭$68: 燒到外皮香脆, 肉滑溜, 比起燒三文魚頭, 魚味較重, 魚肉油份較多, 較滑, 魚肉多, 有酸汁蘿蔔蓉點來食, 都幾有風味。埋單二百六