八户屋和食料理

Open Now

Now Closed

屯門八戶屋平時都有幫襯開，因為卡位幾好坐，唔會好多人等位，即使等位也好快便可以入去，純粹貪方便，平日星期一至五叫火炙芝士加州卷可以比我走沙律醬，所以先打算去吃，今晚叫左兩份火炙芝士加州卷裏面嘅紫菜淋曬變色似是早上擺到夜晚或可能擺咗幾日的紫菜，找個年長經理問點解會這樣，年長經理同壽司師傅竟然話淋曬變色食落去冇問題便可以，到底這是什麼答案，紫菜淋曬變色見到或食落去都想反胃🤮🤮🤮竟然話冇問題完全不負責任，大家要考慮清楚先好去幫襯。

三文魚刺身：4切：厚度適中～口感幾好：三文魚嘅味比較略淡迷你蟹籽沙律：兩個人食剛剛好～沙律醬都配合得適中唔會太多食落口都唔會太漏 金龍芝士卷：食落去個蝦啱啱炸出嚟：食流口爽脆加上青瓜嘅解利芝士嘅濃郁～再點上芥末豉油：你食落個嘴度好飽滿口感好豐富天婦羅蝦炸丼，配上免治雞串：有四隻天婦羅蝦：炸茄子同埋小粟米：天婦羅蝦中規中矩：炸茄子多汁^免治雞串就普普通通可以接受：作為晚餐嚟講都豐富，亦都好飽肚份量都好大鹽燒牛舌：上碟嘅時候呢唔係熱辣辣暖暖哋呢一個位扣分：調味都適中：牛舌嘅筋呢都比較略多：有點美中不足這個整體上都合格唔錯唔錯

呢間港式日本餐廳主打街坊生意普普通通食一餐咁唔使煩食咩今次嗌咗辣海鮮烏冬烏冬就用煙韌嘅烏冬都算係有番少少誠意湯頭就辣辣哋幾開胃 裡面有啲蝦 青口 帶子 同啲菇呀白菜食完就會比較頸渴啦另外就嗌咗個壽司set壽司就正常無特別烏冬就跟餐用咗普通烏冬咁每個主食都會包一杯餐飲

假日午餐有兩個選擇，試試滑蛋鰻魚飯。份量足，個炒蛋好味，鰻魚原條切件上，醬汁剛好，邊邊位仲有少少脆。呢個價錢黎講真係唔錯。^_^仲要有七味粉可以餸飯。午餐配免費餐飲，試試凍香芒橙汁，橙味為主，有橙肉。 A very solid bowl of grilled unagi on rice, with delicious scrambled egg. $50 included the rice and a drink of your choice. I tried the mango orange juice.

早餐嘅豬軟骨拉麵未煮熟就出餐我食嗰陣 啲麵仲係一舊舊嘅……豬軟骨入味 但口感比較硬湯頭較油膩同鹹早餐寫明要換烚蛋但係都係出錯餐麵包寫明要走牛油都係有牛油喺上面叫嚟員工處理 佢居然慢悠悠繼續送咗一陣餐先至幫我將送錯嘅餐換返嚟跟著飲料更係遲遲未到麵都已經快食完 野飲才到懷疑係因為人手不足導致野飲遲遲未上見到喺水吧工作嘅員工需要同時兼任下場收拾工作和水吧工作咁樣同時兼任兩邊嘅工作 令人對水吧製作飲料嘅衛生感到擔憂

好少早餐會食日式，門面裝修唔錯，就入去坐，貪佢早上唔算多人，可以傾到計叫左個餃子拉麵味道中規中矩，份量細但個餃子浸係個拉麵湯上面 所以個餃子浸到唔好食埋單時係唔比收信用卡，要過$200🤔🤔🤔乜有呢樣野（作為食市，同客講唔收，要食滿幾多幾多錢…）恕在下孤陋寡聞

餐廳都幾大 晚市全部都單點為主有串燒、炸物、卷物、鍋物、主食等手機自助落單 要加一最好食講先🤣高野鰻魚豆腐 ($58)一份有四件 每件有兩塊豆腐夾住塊鰻魚外面好似天婦羅咁炸過 好香口個汁似燒汁 又脆又甜甜地入面鰻魚少許入口即溶咁 同豆腐好夾👍🏼芋頭地瓜丸 (~$50唔記得價錢😂)一份6粒 入面包住芋頭蓉新鮮炸起熱辣辣 都幾煙韌 又唔太甜😋牛油果軟殼蟹卷 ($72)都係一共6件 外面鋪滿蟹籽軟殼蟹幾脆 有埋d沙律醬青瓜幾清新不過好似完全冇食到有牛油果咁😂海鮮拉麵 ($72)普通嘅港式拉麵啦😂 份量一般有蝦、魚同魷魚 湯就普通豬骨湯冇咩特別 可以唔試😌

店子外觀不錯，但食物的材質差，我點了和風牛肉温泉蛋飯，米飯硬而且感覺油膩，温泉蛋很生，洋葱很薄痴牙，沒有肉，侍應全無服務可言，只是把食物放在餐枱邊緣，由食客把自己叫的食物放在自己前面，不過這店价格相对其他日式店子而言，是比較平宜。

6月8日，頭戴紅色蝴蝶結嗰位女服務生態度勁差，個樣又串串共，卡位又話三個人先坐得，明明其他枱兩個人都係咁坐，食物又一般⋯so sad too bad，只此一次，請都唔食

呢間只係一間屋邨餐廳我都好清楚 唔好俾咁大期望呀嘛但員工態度真係差我係一個人食嘅佢哋午市會將四人枱拆開變二人枱咁我都明嘅但啲餐具同餐牌都係我個邊我隔離有人坐低 個客要餐牌之後員工就喺我手邊即時拎走個餐牌講都唔講聲之後個客話要餐具 啲餐具係我食飯隻手隔離個員工又係唔出聲 一嘢抽走我手邊嘅餐具係我啲嘢食上面掠過 其實附近都有吉枱 唔可以係冇客啲枱度拎咩？同埋你要拎 係咪都要同食緊嘢嘅客個聲俾啲時間我縮一縮開呀？食物方面$88 一個燒牛肉定食 唔駛加一牛肉有味 有啲難咬刺身唔差

我食魚生飯，居然魚生無味，石頭碢飯，果d泡菜相當新鮮（冇醃過）同無味，到拉麵，果碗拉面得兩啖好小，半隻糖心蛋係凍嘅，最好係杯茶😩😩，服務係無嘅，攞呢三碗嘢個時，唔出聲，係頭側面插個嚟，就咁放係枱面，一句聲都唔出，仲要加一服務費今日三個大人食完呢歺之後，異口同聲以後都唔𥅽再食呢間

八户屋和食料理位於屯門屯門鄉事會路2A號 H.A.N.D.S A區1樓A-103號舖,可以從安定輕鐵站上一層再經商場過馬路後落一層到達. 早餐有固定餐牌, 午餐及假日午餐則會定期更改餐牌. 我最常光顧的是一家的外賣早餐. 點的通常是(2) 沖繩豚肉拉麵 及 (3)蕃茄湯牛肋肉烏冬, 其餘的號數早餐也試過, 但似(2)及(3)最啱我們口味, (2)號豚肉有兩大塊, 其實已是午餐份量, 所以好抵食. (3)號的牛肋肉是偏少的, 但因蕃茄湯十分鮮味, 所以依然值得一試, 各款早餐配有牛乳滑蛋及多士, 好味!

火炙壽司盛合$68兩款前菜蒜味螺肉、蟹籽沙律都好好味好開胃九件壽司炙燒三文魚壽司最好味😋烏冬有嗚門卷同海帶，正常發揮套餐仲包杯餐飲Lunch 獎勵下自己，係個唔錯嘅選擇！

明明叫豬肉飯， 黎左個肥牛飯，叫埋經理都話係豬肉，之後再搵其他員工跟湯同沙律先認係平價飯。。。。。叫佢換佢唔肯，話我食左兩口，但明明係佢經理話無黎錯仲叫我試下，咁食兩口就再叫佢confirm……

商場入邊一間中價嘅日式食店，想試嘅食物淨係外賣先會提供，所以嗌咗外賣返屋企食。睇佢餐牌嘅時候其實覺得啲食物嘅吸引，可惜最尾出嚟嘅效果同想像中唔同。叫咗各類壽司配叉燒拉麵，80蚊左右一個套餐，中等價錢算平都唔算貴。壽司黎講其實算正常質素，比大型連鎖集團嘅壽司好少少，但亦都冇話特別高級，普普通通。叉燒拉麵就一塊大叉燒，麵嘅份量比較少，配菜亦都少，湯底似壽喜燒湯底，帶有甜味，同想像中一般食開嘅鹹味拉麵唔同。