HAHA CHICKEN 하하치킨 (西九龍中心)

Open Now

Now Closed

黎到深水埗西九龍中心8樓有好多餐廳同食肆响呢度，今次揀左買炸雞外賣反屋企食，呢度既食物好抵同平，我叫左一款雙拼炸雞都係$166，炸雞味道仲可以自由選擇，我揀左辣芝士炸雞同埋蒜香醬油炸雞，一共有兩大盒，每款都有大約八件左右，炸雞大大件又無骨，辣芝士炸雞有香辣既芝士粉灑响面成件炸雞都呈紅色辣粉，辣得黎又幾好味，另一款蒜香醬油炸雞，一打開個盒就籠罩住好香既蒜味，仲有汽水送，網上外賣平台都有得叫外賣，另外再叫左一盒粟米濃湯炸薯條，薯條真係好多。

超級好食的韓國炸雞又唔同類型仲有好多炸物小吃 真係好好食呀位於深水埗仲可以堂食我哋試咗炸魷魚 即叫即整好大份兩個人或者三個人食都完全冇問題但你食完記住飲多啲水啊費事熱氣啦呢一間餐廳有好多分店例如深水埗同長沙灣位置都係好適合九龍區嘅朋友們去進食價錢適中唔會太貴正常的 份量都十足都好夠味道 唔會有好多味精 得閒過癮又可以去試一試 佢哋嘅服務員質素10分好服務10分高好好人的 成日問佢哋嘢都唔會俾人鬧 最近年輕人最啱食咋嘛大家可以去

餐廳：哈哈韓式炸雞專門店地區：深水埗地址：深水埗欽州街37號西九龍中心8樓F71-72號舖日期：30/9/2022時間：20:00人數：2人 等位：0 min🌟🌟🌟甜辣炸雞🌟🌟🌟拎餐個陣見到已經食慾大開🤤味道正宗，唔會過辣，而且即叫即炸😁又香又脆👍🏻👍🏻跟餐配咗個安東雞飯同可樂再加配咗份狂熱脆薯條，安東雞飯好有驚喜😍啲汁夠香夠濃👍🏻第一次食就已經想再黎翻食🤣🌟🌟🌟蒜香醬油炸雞🌟🌟🌟蒜味勁重😌真係色香味俱全！而且啲炸雞肉質嫩滑多汁😝直頭同係韓國食無乜分別🥳亦跟餐配咗個卡邦尼飯同雪碧再加配咗份紫菜脆薯條😎 卡邦尼飯都幾特別😂好送飯好正👍🏻🌟🌟🌟芝士炸雞🌟🌟🌟芝士炸雞都好正！🤤芝士粉夠多又唔會令炸雞太乾，反而越食越香😌依間炸雞店真心性價比極高！一個餐先40幾蚊就已經有炸雞+特色飯+飲品🙈真係想佢開多間分店係我屋企/公司附近呀🤣

西九龍中心嘅food court入面真係超級多舖頭，其中有啲長期都好多人幫襯，今次就去咗HAHA chicken食炸雞。個人超推薦精選套餐，$45至$48就有三大件無骨炸雞加一碗飯同飲品，抵食又實夠飽，大滿足！蒜香醬油炸雞餐（$47）外面裹滿濃厚嘅蒜香醬油，雞件表皮唔算太薄但咬落仍脆口，雞肉香滑唔乾柴！套餐仲包括一碗細卡邦尼飯，偏硬有咬口嘅飯上面鋪左厚厚一層卡邦尼汁，好滑同好重忌廉嘅香味，有少少邪惡但有驚喜！甜辣炸雞餐（$47）仲有兩件煙韌年糕，增加風味！跟餐嘅安東雞飯配料有雞粒、薯仔同蘿蔔粒，全部煮到軟腍入味，好啱送飯。辣芝士炸雞3件（$38）香脆炸雞外面均勻舖滿辣芝士粉，辣度唔太高，芝士粉好香同炸雞好夾，非常惹味！狂熱脆薯條（$34）長長嘅波浪薯條上面糝咗類似熱浪薯片味嘅香辣粉，好啱送炸雞，如果更熱同脆就更好啦。如果唔想落街又想係屋企舒舒服服咁嘆炸雞，係網上外賣平台 都有得嗌外賣，超方便！

好耐沒有去過西九龍廣場其實8樓food court有好多好嘢食🤪之前見到呢一間啲炸雞好似幾正咁，今日就試吓外賣炸雞返屋企先！😜呢度精選套餐都係40幾蚊起，已經有三件炸雞🍗， 味道有超多款式🤩 還包飲品同飯，一定食得飽，或者可以再加$20要特色薯條~🥰如果唔要一人套餐都有雙人套餐～ 一樣咁抵！😁我要左一個雙人套餐+ 一個單人套餐 都係差唔多$200 ，等咗陣已經拎返去🫶雙人套餐 ： 韓式炸雞🍗八件 我叫咗蒜香醬油 、韓式辣炒年糕 同埋飲品兩罐🧃單人套餐就叫咗原味炸雞 + 卡邦尼飯 + 粟米濃湯薯條🍟炸雞就算外賣返屋企都係好脆， 蒜香醬油甜甜地 超級好食！仲要大大件無骨😋 年糕就比較辣咗少少，鍾意食辣嘅唔好錯過～👍卡邦尼飯 有薯仔 火腿等等 好creamy !!特別推介粟米濃湯薯條， 超級好食！ 薯條又🍟粗 又熱辣辣 配上粟米濃湯好好食～

好耐無行過西九龍中心， 行完啲小店諗住去foodcourt 搵食，原來個foodcourt 好旺，勁多食店，基本上咩菜都有，tea time都座無虛席，都要等一陣先搵位，想食香口炸野，就食炸雞揀左個炸雞雙拼👍🏻全部炸雞都係無骨，無骨好既地方係啖啖肉，同埋唔駛lun骨，可以保持儀態，同埋始終有時出街食，尤其在foodcout 張枱唔係大仲要lun 骨係會幾麻煩🧀芝士炸雞份量都幾多，有8件，仲要每件都唔細，每件炸雞都沾滿有香草既芝士粉，芝士粉味道係成日食個隻芝士波既芝士味，雞肉夠juicy 😋甜辣炸雞又係有8大件沾滿甜辣醬汁既炸雞，由於有汁濕濕地，更容易會追住食，味道方面係甜多過辣，好想食辣既唔好期望係好辣既雞🦑蒜香酥炸魷魚有半份大份揀，半份其實份量都唔少，有圈有鬚，薄薄一層炸漿，食到全部都係魷魚，送汽水/啤酒一流

估唔到有咁抵食既炸雞外賣店🤭有得叫半份或全份炸雞，或雙拼炸雞，炸雞口味有成6-7款🤩如果一個人仲可以叫單人餐，炸雞配飯同野飲都唔洗$50叫左半份蒜香醬油炸雞有大概7-8件，上面有炸蒜，個汁好香同入味😋，雞肉煮得熟透，唔會好似有啲餐廳咁出面香脆入邊唔熟另再叫一個單人餐，簡左甜辣炸雞同卡邦尼飯甜辣味道剛剛好，唔會太辣，有三件大大件，同埋每件都均勻上晒汁卡邦尼飯好香，份量岩岩好，仲配左啲薯仔粒粒😍

深水埗西九龍中心food court有好多餐廳選擇，今次發現咗一間韓式炸雞，哈哈！有總共6款口味嘅炸雞可以選擇，有辣有唔辣～～今次心思思想食兩款，揀咗雙拼餐，蒜香醬油炸雞同埋芝士炸雞～其實份量真係好多，一款口味都已經有8件，睇見都流晒口水～真正嘅啖啖肉，無骨雞件，每一啖都係香嫩厚彈嘅雞肉，滋味無窮～蒜香醬油炸雞比較重口味，醬汁香甜～芝士炸雞充滿芝士粉，香濃入味，另一番風味～有一罐可樂跟餐～另外，想試下個酥炸魷魚，揀咗蒜香口味，半份份量都okay, 酥脆彈牙～

耐唔耐就會想食炸雞，呢間來自西九龍中心Food Court嘅Haha Chicken，炸雞有多種不同口味可供選擇，各有特色‼️叫咗個狂熱炸雞，無骨啖啖肉，個皮脆得嚟唔算太厚，同jollibee嘅雞都幾似，唔同嘅係有調味粉咸咸甜甜咁好滋味🤤仲叫咗兩款口味嘅炸魷魚，炸粉鬆脆易入口，魷魚厚肉煙韌，而且每個圈圈大細/魷魚鬚長度都差唔多，工整有序；薯條係舊式粗身有波浪紋嗰種，粟米濃湯味幾特別，係日本RISKA 濃湯粟米球嗰隻味😆如果一個人又食得唔多，可以考慮佢哋啲一人餐，有齊炸雞及迷你飯，價錢唔算貴，眼見都幾多學生買嚟食🤓疫情下去旅行變得奢侈，好彩香港美食夠多～下次試埋其他味道

好味 #小食 分享放假去咗深水埗西九龍中心行下 跟住去咗food court搵嘢食 又見到哈哈韓式炸雞專門店🥰 佢有好多個炸雞味道嘅套餐都係幾十蚊一個又有飯又有嘢飲，好抵😊店面仲放有啲樣板睇到😁 畀客人知道大概份量有幾多😁精選套餐~ 酥炸魷魚套餐 $56~ 芝士炸雞餐 $48~ 蒜香醬油炸雞餐 $47~ 香辣炸雞餐 $48包括: 卡邦尼飯(細) ×2安東雞飯(細) ×2及罐裝無糖可樂 ×4店員在每份盒面寫埋味道，真係細心😊酥炸魷魚份量都算多，好酥脆又唔多油，唔覺得好油膩😋每份炸雞有3大件，無骨啖啖肉及兩舊年糕😋😋不同味道各有特色😊 幾種味道其實我都一樣鍾意👍都有得嗌外賣，好方便哈哈韓式炸雞專門店Haha chicken 深水埗欽州街37號西九龍中心8樓F71-72號舖

韓式炸雞同豬先生去西九龍中心行街💕一邊行格仔舖、入飛龍機舖望下人打機，一邊講下各自中學去邊到蒲同玩咩🤣青春既回憶就返曬黎。野就買唔到，食野最實際🤭去左8樓food court 食炸雞，飲汽水🍗Haha Chicken 哈哈韓式炸雞✨雙拼韓式炸雞 （無骨雞件）$166無骨雞件啖啖肉，炸粉唔會太厚，啱啱好。每半份約有8-10件，一份成廿件多到食唔曬要打包，抵👍🏼蒜香醬油炸雞（半份）鹹中帶甜，醬油沾係炸皮上，雞件難得仍然保持鬆脆，豬先生食到唔停口。芝士炸雞（半份）保持乾身，淡芝士味，口感輕盈。✨大波浪型脆薯條（細）$24粟米濃湯味好特別，係粗身版既shake shake 薯條，幾特別。✨罐裝飲品每罐+$8地址：深水埗西九龍中心8樓F71-72號舖

好耐無去過深水埗西九，去左8樓food court行左一個圈，發現有好多鋪頭都唔同哂，多左好多唔同既選擇而環境闊落左又乾淨左 同行既朋友話有間叫HaHa Chicken既韓式炸雞好抵食店員推介食甜辣炸雞同招牌既芝士味咁我選擇左原味炸雞3件 同半份蒜香魷魚等出餐唔算太耐幾分鐘就拎得雞夠大件 無骨咬落去啖啖肉熱辣辣既雞配埋芥末醬真係好好食🤤🤤魷魚咬落去唔會好似橡筋咁咬唔開，蒜香味唔會太咸👍🏻👍🏻下次會試甜辣同芝士味

疫情之下冇得去韓國，唯有食韓國野，一解思鄉情緒。餐廳位於西九龍中心美食廣場一層，主打炸雞，店舖面積狹小，但人龍不絕。我地一行兩個人叫左兩個套餐，套餐包括一款炸雞，一款飯同一包飲品。在炸鷄方面，我地叫左芝士炸鷄同原味炸鷄，炸雞賣相相當吸引及精緻，炸雞面有一小塊以薯條造型一嘅年糕作為點缀，相當有趣，芝士味炸雞芝士味一十分濃郁，外皮相當金黃兼且爽脆。原味炸鷄同樣脆口。飯方面我地叫左安東雞飯同卡邦尼飯，安東雞飯表面滿佈薯仔粒，加上切到細的鷄肉，口味一絕。卡邦尼飯滿是濃烈忌廉口感，配上薯仔粒，味道甚佳。此外我地仲叫左兩款小食，分別係炸魷魚同薯條，兩款同樣是爽脆可口，欲罷不能。

落雨懶得煮飯咪走去買外賣返屋企食， 成日見到呢間炸雞店要排隊，見今日可能落雨無咩人咁去試下咯，唔駛50蚊就有個餐，有雞有飯有汽水， 都幾好咁丫. 攞到返屋企大約一個鐘左右，估唔到d 雞仲係脆，呢個係令我喜出望外嘅，食左佢地三種味，我鍾意係麻辣炸雞，阿仔就勁鍾意芝士炸雞，佢自已一個四歲人仔食晒三件雞！炸魷魚好香魷魚味， 似係鮮魷整嘅。 舖頭個姐姐介紹左粟米濃湯薯條，話小朋友最岩食，其實我都鍾意呀。我同阿仔食得好開心。食得好飽呢！ 估唔到咁嘅價錢會有高質素！會再黎幫襯！

本身都幾鐘意食炸雞，果日久違去西九food court見到有炸雞店，即刻同男朋友叫左魷魚餐同炸雞餐。一開始睇賣相都算ok，聞上去也挺香，但食落覺得個粉同個肉嘅味道係分開嘅，陣味完全唔夾，同想像落差非常大。肉質也不是特別好吃。對於好鐘意食魷魚嘅男朋友來說，好少會有佢唔鐘食嘅魷魚，但呢個佢真係十分之失望。而且一拎上手肉同皮就分離左，外皮也不是很爽脆。整體口感比較差。雖說呢個價錢來說質素差唔多，但我覺得連快餐店d炸雞都好食過佢。希望店家可以改善下d 食物質素。