天泰泰式海南雞外賣專門店 (Closed)

不斷回頭幫襯嘅外賣泰式店本身兩樣嘢平時叫開$86而家加價變$93唔怪之得打電話落單個女人冇講幾錢。平時落完單個男人都會講總共幾多錢然後再收線。而今次個女人不但冇講共幾多錢，而且又冇問我飲咩，急急腳收線。到我同佢講飲咩果陣，佢話六點後唔包嘢飲可以送個冬瓜湯俾我。之前$86嘅價錢包嘢飲有時仲會送埋湯，好抵食。依家$93仲要唔包嘢飲，口頭話會送湯俾我，實際上外賣送到嗰陣都冇比湯！講返食物質素方面香葉肉碎煎蛋飯勁多油、肉碎好咸、肉碎夾雜左頗多肥肉。炸魚餅一打開賣相覺得比以前吸引可惜識落唔彈牙而且冇乜味真係失望的一餐

價錢可接受，但雞好鞋，似係胖微波燈加返熱咁款，份量少飯食落只係黃薑飯，少少雞油都冇建議去其他地方。。。。。。。。　。。　　。。。。。。。。。　。。　　。。。。。。。。。　。。　　。

例牌海南雞飯、豬頸肉飯食厭咗，今次就點左泰式青木瓜沙律、香葉肉碎煎蛋飯、手撕雞飯配例湯（冬瓜雞腳）。泰式青木瓜沙律有點辣，味道好清新，木瓜新鮮香脆食落酸酸甜甜，又帶點青檸味。其他配料有蘿蔔絲、花生、蕃茄一樣好入味。不過花生有部分燒焦左係黑色。作為前菜呢個沙律好開胃。手撕雞飯，一打開有陣香香嘅麻油味。手撕雞食落煙韌有口感。咸度適中，點埋佢配嘅豉油同甜辣醬更加惹味又開胃。配埋青瓜簡直係好健康嘅一個套餐。又有肉又有菜配好香既薑黃飯。必食之選。食咗咁多次手撕雞飯每次都keep住水準。香葉肉碎煎蛋飯，粒蛋煎到好香，香葉份量有點小，肉碎夠曬濃味多汁，同出面泰國餐廳食嘅不同，如果炒乾身少少再有啲辣椒味會好啲，餐單寫住呢味餸有兩隻辣椒🌶🌶咁辣，但係一點辣味都食不到。青木瓜沙律的辣度🌶🌶就食得出。另外豆角都沒爆香，整體而言似炆肉碎飯。對比其他菜式，香葉肉碎煎蛋飯有點失色。由於本人覺得隨餐附送嘅青檸水偏酸不好飲，相對地會點返例湯，好飲又足料，每碗都有一隻雞腳同一舊厚冬瓜。飲落甜甜地幾好飲，舊冬瓜都好新鮮所以我都會食埋。

跟媽咪黎新北江覓食，太多選擇，就擇返第一間見嘅天泰。海南雞滑，冇特登轉雞髀都滑，啖啖肉，份量都多。本身調味夠，冇雪肉味，唔點醬油食食返清新啲。由於冇曬白飯，全部都轉油飯，包括我嘅青咖喱豬頸肉。可惜油飯雞又未唔突出。青咖喱小小辣，質感比較稀，由於油飯味道唔出，所以青咖喱餸飯都okay。豬頸肉一般，如果有燒過一定更加好。主食包飲品，青檸水解渴/熱一流。三人三個主菜再加小食同沙律。小食拼盤有扎肉、蝦餅、春卷同魚餅。個人最鐘意係蝦餅，爽口彈牙，而媽咪就鐘意春卷。我覺得春卷皮略厚，影響脆卜卜嘅口感。魚餅就一般般，有啲實。木瓜沙律酸度剛剛好，食落清新，不禁一口接一口。木瓜絲較生，食落有口感。原本未搵到呢間嘅openrice，冇諗住打食評，所以冇影相。現附送Menu相。

我好鍾意食海南雞飯，相信好多香港人都鍾意，唔係香港都唔會有咁多海南雞飯選擇啦貴又有，平又有，平都唔一定唔好食，今日為大家介紹嘅就係平的呢間店應該主力做外賣，啲堂食位好少，我印象中呢間野都開左好幾年，我都食過不下數次有試過堂食亦有試過外賣不過天水圍就遠啲，如果住九龍港島嘅師兄，入唔入黎食就自己衡量喇佢以前好似唔係叫天泰，唔知係咪轉左手呢，以前個老闆好似都係泰國人黎今日買外賣，雞飯轉髀，飲湯淨水$59天氣熱唔想飲湯可轉青檸水個湯飲落解渴，應該係雞腳冬瓜湯，冇味精架個飯好老實，一般，太黏，唔夠爽身，同埋香味唔出，唔係我鍾意嗰種飯我淨係點辣醬，我唔點甜醬油，啲雞都好滑，雞味略嫌淡啲皮下脂肪唔多，幾啱我口味$59呢個價轉埋髀絕對抵食，有埋湯飲，算係唔錯之選

朋友成日都話呢度的海南雞好好食 今日lunch就跟佢過嚟呢度試吓先.呢間叫海南雞外賣專門店 但係唔好比佢個名呃左 其實佢係有得堂食的🙈 我哋一去到 同職員講話喺度食 佢就即刻幫我哋開咗張枱仔了由於店舖很小 所以我地就係咁坐的了 一坐低職員就俾咗餐牌 餐具同熱水我哋 我哋睇得唔使點睇 直接叫咗兩個例牌海南雞飯😎買飯會送湯或者嘢飲 我哋都揀咗湯 湯入邊有一舊冬瓜同蔥花 我哋都冇即刻飲哂 用嚟一路食飯一路飲少少海南雞飯黎喇 d 雞份量都幾多 切得大大舊 抵食 啲雞真係做到好滑好滑 d肉一啲都唔鞋 識食嘅話 食雞一定係連皮食 而我呢碟每舊雞上面都會有雞皮 我好喜歡呀 🤩🤩 啲飯好明顯見到係黃色 不過食落就唔會好重雞油香味佢會俾埋右上角嗰兩個醬你點雞 一個係豉油一個係辣醬 建議可以將兩個醬Mix埋一齊再用黎點雞 咁就一啖可以食到雞味鹹味同辣醬味 好食好多呀

又去左新北江食野揀左食海南雞飯 係日本城附近食飽啲 因為去行山黎到 當然食最岀名既海南雞啦同以前一樣咁好食 但鋪頭名好似唔同左 唔知有無轉手雞肉嫩口 就算係雞胸部位 都唔會油飯 乾濕度適中 又香口 絕不會食到你成口油個醬汁先係成個飯既重點佢係有2個醬 一邊係甜豉油 一邊係辣醬我覺得將2個醬溝埋係最好食 所以叫左個姐姐俾多個碗我 介紹左呢個食法俾個 Fd 佢都話咁樣溝埋最好食海南雞飯 可以跟青檸水呢啲但因為我地買左貢茶飲 所以揀左湯知道佢地係用啲雞殻再加冬瓜燙 好足料但以前每碗湯 都有一隻雞腳加冬瓜今次雞腳消失了 😫😫😫

新北江便宜泰菜...小食拼盤 抵$59海南雞飯食左小小先記得影相不過雞較小，但好滑，同埋醬汁好食。仲有叫左豬頸肉生菜包，好食，推介。唯一欠缺係炒菜，餐牌上只有油菜。不過下次會再食。同埋只有通道位可坐，好在通道都乾淨同埋較少街坊行過。晚上7:30倒都有人等位。所以早點去呀， 座位有限。總括黎講我會比好評呀...

It is difficult to find some Thai restaurant in Tinshuiwai, and today I am delighted!This rice noodle with hand-shredded chicken in Tom Yum Goong broth is surprisingly good! The broth is aromatic and flavourful, with lots of lemongrass, cilantro and other herbs. A lot of tomato are there too. The broth is not diluted even there is a noodle inside. The chicken thigh rice vermicelli is tasty too. The chicken is crispy with a batter with optimal thickness.Pork lettuce wrap is a delighted too. With

一打開就係咁。即場呆左。。。大佬，成舊水買半隻雞，打開個合竟然得呢幾件雞？對天發誓無食過，一打開就係咁！呢隻雞睇得出本來係大隻雞，但份量好明顯被偷減左，背脊位完全唔覺有，半隻雞就係一隻翼，雞搥無左，得返幾件胸，同埋得7成份量嘅雞脾，有圖有真相，絕無誣捏成份，對天發誓雞脾位就係幅相咁，無啦啦中間有兩或三件唔見左。唔該打貓都幫我合返埋呀不如兜亂人地咪唔覺囉～好明顯諗住等你返屋企比個驚喜你，真金白銀買半隻雞，竟然呃得咁誇張，半隻變例牌！！！見到呢個畫面我真係好嬲呀～唔緊要，我比你揾埋呢次笨！店主如果有幸見到呢個post，不妨去樓上燒味舖買返半邊雞，睇下人客知唔知或者見過半隻雞未！新北江大把食店，以後就係唔幫襯呢間。嬲嬲。。。

泥呢度，當然必試海南雞飯啦平時都5算太大食既，但覺得呢個的確吾夠食啊！事關真係好食其實都係無咩特別但最重要係吾難食！而且平民價。因為天水圍甚少有海南雞飯食，就算有都頗貴小妹自問就無咩錢，如果要在天水圍食又吾想比加一，咁就可以過來一試。不過如果晚上過泥，一定要有耐性。因為太多人幫襯啦。無論落單定等位都要有耐性。因為我由等位到落單都用左約30分鐘起既時間。佢呢度，我只會試一試個串燒同雞飯，其他我覺得有dddd貴所以無必要試。試左$29/3串 串燒。抵食。出面一串串燒都要$10或以上。我食野就是 最緊要抵食又好食。而呢個 成功取得我既芳心了不過，附有既汁 份量又真係小左d啦！！

家住附近 通常都係係屋企煮飯食四、五年前第一次食都覺得唔錯（可能因為附近沒什麼泰國菜）但星期六日就比較懶 會選擇出街食😌幾乎每個月都會有兩次去呢間食以前呢間舖隔離都係屬於佢 可以坐入去食後尾冇左再變埋診所 需要坐係商場條路嘅兩邊可能好多人會介意 但我又覺得冇乜所謂不過係有d熱同埋驚阻到人次次去都淨係會嗌呢個雞中翼河粉/金邊粉💰（$38）送一杯青檸水👍🏻再叫多個炸蝦餅💰（$47）👍🏻雞中翼會另外上 可能驚d雞中翼浸住唔好食但我驚太熱氣 會浸係湯入邊btw雞中翼真係好香口d芽菜好好食 係正宗泰國菜個種芽菜個湯個香料味唔會好重 正正常常食個陣我會落好多調味料 因為我鍾意食酸同辣🌶️青檸水都唔錯 唔會好甜 都唔會搞掂 幾清新👍🏻👍🏻炸蝦餅都好好食👍🏻唔係幾鍾意咬到蝦個種口感好彩呢個炸蝦餅唔會有太多完整嘅蝦肉服務都唔會話差 幾熱情冇咩特別想食嘅話都係首選食呢間

新北江精選新北江商場有好多細細間食肆，但講真好食既真係寥寥可數，呢間泰國野係僅有幾間真心好食既餐廳。兩大值得試推介：海南雞飯同豬肶飯。今次叫左海南雞飯，雞肉都幾嫩滑，油飯既味道算係中上，雞湯好濃味。加埋只係$46，物超所值！不過一碟份量唔算多，胃口大既人就唔算好夠食。不過呢度係「外賣專門店」，所謂既堂食只係喺走廊放幾張摺檯，所以想慢慢品嘗美食既，呢度就唔係好適合了～

仍然係農曆新年嘅日子， 今次陪長輩入去天水圍探親戚， 數下手指我都有十年冇入過嚟， 跟住家姐坐西鐵再轉輕鐵,一個鐘頭到就由紅磡入到天水圍嘅新北江商場,都叫做車接車好方便。啱啱到咗下午茶時間， 趕住入嚟都未食飯， 行下行下見到呢間泰國嘢， 諗住泰國嘢多數ok嘅心態就坐低。理論上我哋都係喺舖頭對面嘅走廊坐， 所以就係坐摺枱同埋膠櫈， 對小店嘅要求一啲都唔高。我哋叫咗個迷你海南雞飯, 我覺得個份量啱啱好, 一碗飯到上面放幾嚿雞, 適合鍾意掃街嘅我, 唔好以為佢細細碟就冇料到, 佢啲雞都好滑 啲飯都好香, 所以我都高度評價 。 其實佢嘅冬瓜湯, 味道都唔錯, 仲畀埋隻雞腳你添, 唯一嘅敗筆係隻雞腳有好多雞爪, 我嘅意思係未剪手甲, 就唔敢食啦 。

今日又走去新北江搵野食，朋友話有一間泰國野未試過。泰式豬頸肉飯- 豬頸肉好爽口而且好入味👍🏻一定配埋佢地既醬汁。海南雞飯-食雞要有雞味，真係好重要。雞肉好滑👍🏻👍🏻青咖哩蝦餅飯-青咖哩好惹味👍🏻👍🏻蝦餅都好彈牙。