南駅

Open Now

Now Closed

今日難得嚟到香港仔見到呢間餐廳個外觀都幾骨子 所以就入去試吓 入到去餐牌好多選擇有意粉有飯有薄餅有海南雞 但係佢寫明海南雞係招牌菜所以就嗌一碟試吓另外在加咗$10要雞髀位一食果然名不虛傳真係招牌菜啲雞好滑配油飯亦都好香 但係原來加$10嘅雞髀位唔係成碟都係雞髀 佢仍然會搭少少雞胸俾你，不過可以接受！遲啲有機會會再返嚟食

千祈唔好食薄餅😒😒😒😒😒薄到喊😢好似一塊紙咁。。。唔知食緊啲咩。。。上面啲芝士餡料仲厚😑味道唔係難食嘅但係呢個份量完全唔值呢個價錢太無奈嘅關係。。。我無影到相啦😩唔相信可以去食下🥱另外有食鰻魚糯米飯用一個木盒上幾特別但好似用咗好耐好舊咁個飯幾好食👍🏻👍🏻👍🏻份量適中大食人士應該唔夠飽🙊🙊🙊我去到12點幾都有好多位不過啲枱比較細無籃放袋職員有俾圓櫈仔放袋只收現金有啲唔係太方便

南駅，香港仔新派海南西式港式fushion野，意粉、咖哩、海南雞等，餐牌以相片為主，非常吸引裝修以舒服為主，企理清潔舒服，係聚下坐下既好地方，服務唔錯海南雞飯，成set上枱非常吸晴，好多配菜，擺盤精美湯用茶壺裝，倒出黎感覺好似食緊hi tea飲花茶咁海南雞好夠油份，非常嫩既口感，滑得黎有咬口，新鮮雞，幾好味醬汁唔太辣，似新加坡或馬來西亞式海南雞味，好正食啖油飯，點知，油飯先係主角，油香好夠，油軟硬適中配嫩雞食好夾龍蝦湯海鮮泡飯，顏色賣相超吸引，試味，湯唔太龍蝦而可以濃味啲，正正常常馬來咖哩牛腩飯，又係另一個賣相令人流口水既set芝麻汁配菜好refreshing，食食下咖哩食下好啱馬來咖哩唔辣，又唔係泰式黃咖哩既綿，幾輕身，味道偏甜而相當好味，食飯同牛腩都勁正牛腩嫩，加埋咖哩好食蒲燒鰻魚籠仔飯，擺盤仍然好引誘，唔想太濟所以由糯米飯改左白飯，仍然係腍飯，配鰻魚同鰻魚汁好正份量都好足新派餐廳做自己擅長既野，就係正好多款式都好有心機，由擺盤到設計到配菜到主菜都睇得出放左心機好值得食同支持既餐廳#好多野想試#多啲特飲肯定更吸引年青人市場

最近天氣涼快了不少，所以又和同事去香港仔吃午飯今次就來到第一次吃的 南駅 Hainan South 話說，感覺現在好多餐廳都沒餐牌 ... 都是要嘟QR Code 看吃什!麼和順道下單 ...✦ 蒜香海鮮籠仔糯米飯 ($83) - 海鮮的話有很滑嫩的斑片、彈牙的蝦、比較淡味的帶子和口感爽脆的瑚珊蚌。糯米飯很軟糯，不過底下的荷葉在味道上沒什麼作用~幸好有說要多汁，不然只有少少的蒜香會很清淡。✦ 黑松露蟹肉炒飯 ($78) - 同事點的是這個，一上桌就聞到很香的味道！

南駅=食物唔標看，態度得人驚！早餐時段三個人千祈唔好去，你等一世都冇位！其餘時間你自己諗諗…….話說本人守秩序攞籌排隊，嗰班靚女只係放二人枱，試問你唔留枱又怎會有四人枱呢，再加上有人硬闖又唔識叫人排隊，結果等一世都唔會有位，奉勸大家二人以上千祈千祈唔好去。講真都係做街坊生意，你咁對啲街坊點做生意呀！食物方面：海南雞冇味，雞肉偏霉；牛尾有時好硬，根本未夠時間炆諗；吉列豬扒好鞋，咖喱似港式不是日式，因為偏鹹；沙律啲三文魚似乎擺咗喺雪櫃好耐；炒飯偏乾有姿勢冇實際；Pizza冇咪冇餡料，飲品完全唔得；近期只靠早餐翻身，只可惜班靚女姐姐唔識做人，幫老闆倒米！完

同事想食呢間餐廳好耐，於是就相約一齊食個lunch，順便離開公司互吐苦水。午飯時間等左一兩張枱就有位。是次叫了咖哩牛腩配飯（不太記得正式餐名），飲品要另加錢。咖哩有點似日式咖哩，偏甜不過稠度適中，很好送飯！本來以為牛腩只有幾件，但係原來有成6件大大件，肉身並不鞋身，底部更有薯菜，只係食餸都夠飽了。整體味道不錯，係一個好飽肚而性價比算高的午餐。同事就叫了咖哩炸豬扒烏冬，炸豬扒炸得juicy多汁，亦是另一推介。中午時間更免了加一。

相信山頭主義，南駅難火，火也易滅－奧地利水晶球對我說。吃魚蛋粉、食叉燒飯的香港仔，一向現實，新派食店前仆後跣，愈hea愈頹。那條線上的兄弟，賣海南雞? 為探個究竟，今日約了好友在此小敍。縱觀其他；細翻餐牌，結果…我和好友皆選了招牌的海南雞飯、鵝肝多士、餐飲，都不離題。胃隨心，口隨意，選最喜愛；吃最放肆，鎮店海南雞，還看今朝。＜海南雞飯套餐＞（$78）各類食材擺盤美觀，3種醬汁供客人調味，雞件很多，配菜新鮮，油飯和湯份量亦十足，這一頓午飯，應該能夠吃飽喝足。＜3種醬汁＞分別是豉油、酸辣汁、沙薑汁，其中我最愛酸辣汁，小辣微酸，小孩也可接受。豉油應特製過，也不俗，最令人失望的竟是沙薑汁，大出意料，要知道沙薑與雞，原是最佳拍檔。＜油飯＞沒有很油，並不肥膩，吃了幾口，覺得飯粒沙沙的，有些普通。＜湯＞別緻地裝在小茶壺裡，而哪片湯渣－雪耳則放在小碗中，客人要喝湯了，便從小茶壺斟出，別出心裁，很能哄小女生，但湯其實很清，沒啥味道。＜伴碟菜蔬＞有豆角、紅蘿蔔，聊備一格，尚算新鮮。＜海南雞＞初見印象美好，覺得雞肉嫰白，賣相頗佳，細看卻差點嚇壞我 ! 哪層雞皮， 簡直是「厚皮無恥」，一口咬下，卻禁不住吐出來

聽講南駅既飯係好食既，所以登突坐1.5粒鐘車去香港仔食。海南雞唔錯既，好嫩滑，油飯好好食但覺得炸豬扒更出色，可能因為比較少食到好食既炸豬扒，而海南雞大部份舖頭都整得唔差。不過咖喱一般，所以我炸豬排扒都係點海南雞果三個醬食😂食完諗住行下，發現附近係住宅區，冇咩好行，食完就走就覺得ummmm...😂😂😂整體黎講，覺得可以一試，但突登搭長途車去食唔值（新界過去搭車搭到暈），但係如果開喺屋企附近嘅話，我應該會成日去幫襯

偶然嚟到香港仔食lunch 緊係要揀間未試過嘅餐廳啦 今次就揀左主打東南亞fusion菜嘅南駅😝​​▪️海南雞飯​​以透明嘅長方型碟上碟嘅海南雞飯 賣相相當吸引🤩 雞嘅肉質鮮嫩 份量頗多 一定夠飽呀🤣 仲可以按個人喜好揀白飯或者油飯👍🏻 ​​個人覺得醬汁最有驚喜 佢有傳統海南雞飯一定會有嘅甜豉油 仲有麵豉醬加少少辣醬 同埋白醋加少少薑蓉同青檸 實有一款啱你口味🤤​​另外值得一讚嘅係以小茶壺嚟裝住蔬菜湯 更加保溫 清甜嘅湯再加埋雪耳一齊食 令人食完個飯有種refresh嘅感覺🥰

星期六慣例同屋企人週圍去揾食，順便係當區行一陣。近來疫情關係，九龍無咩事都係唔好去。咁唯有留返係港島區hea下。見好耐無去過香港仔，就入嚟睇下，順便食個午飯。一早嚟open rice睇定有咩選擇，最後嚟到第一眼就見到bookmark咗嘅南駅，係出面望望下餐牌嘅時候有店員走出嚟話有位，咁就試下喇。四個人揀咗海南雞飯，吉列豬扒烏冬，石鍋安格斯牛肉飯，仲有海鮮籠仔飯。個海南雞飯擺得好精緻，賣相好得。我就食籠仔飯，店員送餐時好親切咁加一句「趁熱食～～」，咁我就梗係聽話趁熱食喇，海鮮好新鮮（有兩隻大蝦，幾粒元貝仔，仲有魚同一啲我唔得叫咩名嘅蚌），嗰飯蒸得啱啱好，加埋啲甜豉油十分好味。嘢食我就覺得十分好，但想讚嘅係店員，個個都好有禮貌，知你食烏冬、海南雞飯，會好有禮貌咁同你換過啲餐具，當然仲有嗰句好好聽嘅「趁熱食」喇！！！有機會一定會再嚟！例牌，唔中意影相，所以相片欠奉。

放lunch，同事推薦左呢間餐廳，一行8人入去試試。一望menu已經有幾樣野吸引到我，首先係鰻魚糯米飯，跟住係海南雞飯，仲有就係明大子雞翼烏冬。但由於同事極推海南雞飯，所以最後都係簡左海南雞飯。首先賣相已經唔錯，海南雞飯放喺藍色玻璃碟上，配有三款醬，仲有一碗湯。一食落口果然有驚喜，海南雞係去骨，雞皮脆而唔油膩，雞肉又骨又香，但最有驚喜都係個油飯！雞油香夾班蘭葉味好出，但成碗飯唔會好油，睇得出係心機之作！lunch價尼講係中上，但係物有所值！

南駅原來已經開到香港仔🤣之前喺佢哋觀塘分店食過海南雞，今次試吓新出嘅泡菜餃子雞翼冷烏冬套餐（$78）烏冬加芝麻醬係小息嘅配搭🤣泡菜雞翼即點即炸好脆熱辣辣而且冇骨好正，但係泡菜味欠奉而且雞肉冇乜味。香草紅酒燴牛尾（$78）份量好大，即點即到😂如果趕時間可以嚟食💨.🐥The newly launched cold udon kimchi chicken wings set ($78), udon and sesame sauce are always the perfect match, the boneless wings are crispy and hot, but I can barely taste the kimchi flavour and the chicken has no taste. Braised oxtail in red wine and Herbs Sauce ($78) is in big portion, suitable for people who need to rush back to office, as it served in a very

本來滿心歡喜去食晏，時間下午2點左右，人流好少，餐廳食客唔多，門口店員安排我們坐中間位置嘅枱櫈，我們問店員可唔可以坐梳化位置，因為有個手抱BB，點知店員話要坐門口嘅梳化位置，（我話門口自動門成日開好熱，再次要求坐入面梳化位置，店員就話要問女經理，但其實入面梳化位置係冇人坐）女經理到最終係冇出嚟交代過，到最終我嘅決定係走人唔食😡😡因為一間茶餐廳嘅服務應該仲好過佢，至少會有交代！！滿心歡喜期待，點知最後失望而回！

平日嘅Lunch Time嚟食 竟然都有咁多人等位 不過好彩好快有位左揀右揀，最後揀咗個幾特別嘅冬蔭公蠔仔泡飯$78 嚟到嘅時候有一個細碗仔放住d脆米，俾你自己落 都幾特別本身碗泡飯d飯都吸晒d冬蔭功湯味 唔錯 不過都幾大碗 一個人食唔晒。。。同埋聽講依個係新出 之前係龍蝦湯泡飯朋友叫咗個咖哩吉列豚肉飯 $78見佢塊豬扒都幾大塊 同朋友share咗個瑞士雞中翼(6隻) $68作為雞翼愛好者嘅我就覺得佢地嘅雞翼普普通通啦 p.s.下次再嚟諗住試下個海南雞飯，見到周圍都幾多人叫嚟食

之前食過好幾次，次次都好多人，今日可能晏咗去，加上限枱令，全場10個客人左右，見佢有好多外賣order。店員服務幾好，坐得舒適。👍我叫咗個紅酒燴牛尾飯，其實之前都食過，味道唔錯，不過今次出事。😥食到一半，就見到有兩條疑似頭髮嘅東西喺碟牛尾度 (見圖)。希望呢個時勢，餐廳會更加注意衞生情況……雖然冇乜人堂食，但可能多外賣單，個「海鮮籠仔糯米飯」都等咗幾耐😖，味道正常。原本冇打算寫食評，所以冇影相😅