博多拉麵龍亭 (Closed)

久仰這拉麵小店的秘製蟹黃拉麵，本想聖誕來一試，但又怕多人……最後都係放棄左，今日經過見有位就諗都唔諗入左去先，應該係過左午飯時間，所以唔需要等位！ 一坐底，店員就沖杯用備長炭過濾的暖水比你，幾細心喎 到左食拉麵唔少得嘅動作，填紙仔！正當我想落筆選我想試好耐嘅蟹黃拉麵之時，又被放在窗邊的相片吸引住，據店員說，這是他們新出的節日限定鹿兒島A4和牛拉麵，這小店竟然有和牛食，定價仲比蟹黃拉麵平小小，好就試和牛先！ 等食麵時，見到小食有款什錦魚併盤，問過店員後才知道併盤由小池魚、鱈魚、魔鬼魚3款魚，仲有3款汁醬配食，覺得幾得意，又點左黎試！ 拉麵食平左$10，宜家又點左款貴D嘅小食，有D心痛 不用10分鐘，有拉麵食喇！拉麵跟一小碟cream加蒜片，店員建議我和牛可以夾蒜片、洋蔥同點師傅秘製嘅cream一齊食，聽完後已等唔切要開動快子了！帶點酸味嘅cream加蒜片、洋蔥同和牛嘅味道好match，半熟的A4和牛肉質夠嫩滑，正！ 湯底係純豬骨湯底，親切嘅店員比左小tips我，話用黎點和牛嘅cream，也可隨個人喜好，加入湯底內，可令豬骨湯底變得更滑更香，但不喜歡cream嘅，只嘗嘗他們的純

天氣咁凍, 最岩就係食D熱辣辣既野! 最後決定又黎呢度食拉麵。因為落雨，又凍，岩岩冇乜人，唔駛排隊，正! 平時呢個時間最少要排幾個字!今次發現多左幾款小食，一於試下呢個新既小食併盤! 一次過滿足幾個願望~併盤有池魚, 魔鬼魚, 鱈魚。我個人最鐘意食魔鬼魚, 好特別, 未見過出面有呢隻小食! 下次真係要叫一碟先夠皮啦!至於主菜 --- 拉麵!! 我楝左新出既鹿兒島A4和牛拉麵! 嘩! 超正, D和牛燒得岩岩好, 油香味實在係難以形容。另外，最特別既地方係，佢有一舊叫分子泡沬既物體，用黎點和牛食，睇落好似沙律醬，以為係普通野，但食落有驚喜，原來夾埋和牛黎食係絕配! 勁! 咁都諗到!! 所以幾塊和牛真係唔夠! 如果有得加錢追加就好啦!一時醒唔起和牛拉麵已經有半隻蛋, 重追加左一隻!不過唔緊要, 呢度D蛋係我食過咁多間拉麵舖最好食既!因為佢可以造到個蛋黃半熟得黎係滑既! 又唔太咸,食2隻絕對冇問題, 只怕膽固醇高咋, 哈哈!另外,老公叫左碗竹炭胡麻黑蒜油拉麵. 嘩!成碗黑色,好特別,重好看蒜油味!湯底濃度適中,幾乎成個湯飲晒!我走既時候都已經坐滿, 要等啦, 好彩早黎者!

成日話不時不食，咁秋天日本有咩靚食材秋天過左就無得食先？半年無來龍亭，星期五晚同兩位好友再去，廚師重點推介秋刀魚sashimi. 日本秋天秋刀最肥美，但一定要超新鮮先可以做sashimi.  所以我要師傅比我睇下條魚先。嘩，一睇，魚身立立ling, 可以反光，魚嘴重係金黃色㗎！即要！！魚味好濃，好鮮！識食嘅就真係要食sashimi. 第二樣唔食秋天過後無得食就係鰤魚ブリ，，好多5星級酒店都無得食㗎，就算有，可以好貴。不過佢哋價錢真係好reasonable，叫左客鰤魚腩，魚味重，好tender，好味過千両嘅油金魚多多聲. 真係好難得向龍亭可以食到D5星級酒店都未必食到嘅嘢。最重要係秋刀的醬汁調較得好好，多一樣，少一樣都唔得。咁用心造食物的廚師真係買少見少。真係好回味。一向食tiramisu我會選Royal Garden, 最後試試佢哋個tiramisu, 話無cheese or milk, 好surprise因為無依兩樣都可以做到咁滑，唔太甜，好嘢！少D功力都唔得。

排下隊，終於食到碗竹炭胡麻黑蒜油拉麵賣相一般般，飲第一啖，已經失望，無味，淡，好似味精湯底，黑蒜胡麻味不覺得好味，真係好唔掂！！麵的口感好淋，唔太咬口。齊体來講完全要改進。失望！！

連續工作了整整六天，實在身心俱疲，就連與太太及小友相聚的時間也驟然減少了....沒有了心靈上的安慰之下，此時唯有以食物來令肚皮得到另類的滿足，希望以此來填補一下空虛吧....收工後走入大圍，行到大圍村一帶，找到了這一間叫"龍亭"的小店，吃一碗熱呼呼的拉麵，食完後身體暖笠笠的，在這開始翻涼的天氣底下，很是受用....遲了一點抵達要在門外等一等，拿枝筆在點菜紙上剔啊剔，就座時交給侍者，之後很快便有得吃了，是十分的有效率而快捷便利....加入了蝦肉的日式餃子是較為少有，在這間小店就有機會吃到了。這裡的餃子並非是煎而是選擇用油炸的方法去處理，炸出來的餃子外表金黃咬落脆口 (特別是那接邊位)，不過亦可預料的就是入口是十二分的油膩，無論是碟底以至口腔都是被弄得油淋淋的。餡料除了有平常的混入椰菜碎的豬肉以外還如前述的下了少許的蝦肉，兩種肉類皆甚算新鮮沒大餿味，帶微甜的味道應屬全只餃子內另一讓人討好的部份。特別一提是餃子的醮醬也是頗創新的用上了日式芝麻醬，那種帶濃厚酸味而杰身的口味及質地，感覺上是有點和炸餃子格格不入，對於能消去油膩的用處更是等於零....拉麵的選擇主要有六種，要選的，當然就要吃所謂的

對沾麵超喜愛既我，今次就專程來了大圍試一試呢間小店。沾麵未如想像中出色，麵質比較淋，對比起出面多間做得出色既店來說，真的比下去。而湯既味道亦只有咸味。可能看到之前既食評抱有太大期望吧，如果有得揀，亦未必會再來了...

每次經過都好想試下的拉麵，今晚終於試到啦等左5分鐘已經有位啦店鋪外觀，裡面嘅格局，桌上嘅設備甚至店員的制服都非常有日本拉麵小店的風味可以選擇麵的硬度，湯的濃度同要唔要蔥，都幾貼心啦愛人叫左碗竹炭胡麻黑蒜油拉麵好快已經有得食賣相好黑好靚喎，飲第一啖，已經失望到極湯底只係重竹炭味，搶晒其他黑蒜呀，胡麻味淡得很，又唔夠熱，真係好唔掂我就要左醬油豚骨沾麵麵的口感非常好，唔太硬又有D咬口個湯有晒切細左的材料，但其實切細左好難食到晒D料同樣地又係唔夠熱的湯底，食食下見到D油凝結左一粒粒白色浮面，真係扣曬分份量都頗大，湯底又未至於濃到要店員加湯先可以再飲但由於真係麻麻地嘅關係，都冇要求加湯再飲D湯啦價錢唔係貴，但呢個水準嘅拉麵就唔多值啦

久聞大圍有很多民間風味食店, 小儀及金剛節目都介紹過, 只是自己無緣品嚐. 今天下午偷得浮生半日閒, 來到一間傳聞中的日本拉面店.位於一間2層平房的地下, 樓上是腳底按摩店, 入口不顯眼, 有點奇怪. 如不是有人推介, 一定不會推門進內.午巿時間有套餐供應, 一碗迷你拉面+一款日式飯/小食, 四十多元. 我點了豬骨魚介湯底拉面及日式加厘雞飯, 加罐可樂.拉面像一蘭容許你決定面的硬度, 湯的濃度及要不要蔥.豬骨魚介湯底拉面: 雖然是迷你版, 但賣相絕不遜色, 喝一口湯, 我點的是”普通”濃度. 油度適中爽口, 有海鮮的鮮味, 只是比較咸, 可能是魚介的影響吧, 想多喝幾口都不行. 面條: 我點的是”硬”, 但出來的卻不硬, 在我的標準中只是”普通”而已, 很難想像菜單上的”普通”及”軟”是甚麼口感? 這種面在日本的確是九州拉面的面條款式, 只是很像中國的面條, 不是我喜歡的類型.這面要讚的是那片义燒, 只有一片, 切得很薄, 肥美好吃, 沒有坊間日式义燒的 乾與”艮”.日式加厘雞飯: 雖然是一小碗, 但飽肚. 咖喱很香, 不是甜咖喱, 有點辣, 我OK, 雞肉嫰, 薯仔紅蘿蔔拌著咖喱汁來

一直聽聞呢間拉麵店薄有名氣，今次因為要去大圍做D野既關係終於可以一試。由大圍站行過去唔算太遠，約五至十分鐘度。不過，由於位處橫街村屋既地下，所以唔熟路既話要搵路都唔係咁易！Anyway，拉麵店位於足浴店既地下，非常搞笑，如圖所見大大個招牌放左喺舖頭門口，非常騎呢！是日由於早到左既關係，重差幾分鐘先至夠十二點開門，不過店員都好好提早幾分鐘開門俾我地入去，夠晒細心！同一般拉麵店一樣，都係用order紙形式，所以野食一目了然，而麵質、味道甚至要唔要葱等都可以自由選擇，非常體貼。豚雞骨魚介拉麵($72)︰味道都算清爽，豬骨湯同埋雞骨湯cross-over既感覺好特別，從來未食過，濃得黎之餘又會食到雞湯既鮮味，非常特別。至於麵質方面，相對黎講叫做一般般啦，唔係話佢唔好食，只係都係D大路野無乜特別。反而要讚一讚既係麵上面既豚肉，刀功非常利害可以切到咁薄，好似食緊張紙咁，不過味道都叫做OK，配菜亦都口感唔錯，整體合格。辛口肉味增拉麵($72)︰同一般拉麵唔同，佢既「辛口肉」係成舊好似一個波咁放喺麵裏面，等食客可以自己整晒佢放埋落D湯到一齊食，非常特別！而配菜亦都非常特別，用D好似蘿白之類既野切到超幼

外子金句:「食拉麵係男人既浪漫」是日晚餐，佢又忽然浪漫感性起來，所以要拉隊食拉麵此店是外子喜歡的拉麵店之一，座落於大圍的橫街、迫峽矮小的樓房地舖店子超小，但整潔；大約可容下15人，裝潢很有日本拉麵小店風味被外子盛意拳拳的迫著，點了個「醬油豚骨沾麵」店家稱此麵每日限量供應，也是外子的心頭好喝一口湯底，質地濃稠，豚骨味特出，湯頭清甜拉麵頗爽口，夾起一注注蘸湯同食不過以女性而言，此麵份量頗多，且湯底稠厚，吃半碗已經足夠，不愧是男人的浪漫外子眼見心愛之物有剩，當仁不讓，二話不說就「幫手」清掃了餘下的，盡顯豪氣當外子飲飽食醉，並陶醉於自身霸氣時；見有數人在店外等候入座，立即豪邁的喝叫「埋單」，之後春風得意的拖著我離去作為他背後的女人，深感慶幸....站在他的背後沒人看到我面容!!

喺大圍返工咁耐，其實對呢間經常都座滿人嘅拉麵店非常熟識，但由於佢太多人同好多時要排下隊，所以無機會一試....=(咁啱今日經過，平時呢個時間只會見到門口掛住 "準備中" 的木牌，竟然變成 "營業中"... 仲有人添，就試試問下有無拉麵食啦！店員就話宜家係拉麵嘅落場時間....麵爐要清洗，6點先有得食.....有點失望....店員話... 不如試下我地新登場嘅什麼什麼洋食屋啦?? 係我地大廚精心設計嘅日式下午茶!! 見你平時咁多人食, 好啦, 就當一試無壞啦!下午茶Menu上, 有意粉、日式薄餅、多士等，見相中的 "藍苺忌廉多士" 賣相幾好，就點呢款啦!轉個頭店員比張卡仔我，話係我地嘅 "無料WiFi" password，即免費，又幾好wow!!等左一陣，咖啡到！店員話，所有下午茶都係即場做的，會等得比拉麵耐少少，好... 飲住咖啡上下網等啦!等左約8-10分鐘，多士到了!賣相同相差不多，Good! 多士上有忌廉、藍苺、藍苺醬、少少糖醬等，正如店員所講，唔係一般港式茶餐或西餐廳食到的西多士，食落...藍苺醬同糖醬很配合，不會太甜，多士內不是花生醬而是忌廉加少許芝士，感覺很新鮮，好吃！有驚

開咗咁耐都未食過，咁啱得閒，入面又冇乜人就決定入去試下。叫咗個最基本嘅豚骨拉麵，以下係我嘅選擇：味道：普通麵質：硬蔥：要另外叫咗個半熟蛋同炸海老餃子。碗麵好快就嚟到，一試啖湯，嗯……點解咁淡嘅？明明記得自己要普通濃度，可能呢間做得淡一啲，下次會試下最濃嘅可能比較啱我心水。但整體嚟講香味都算夠嘅。至於啲麵，一咬落去嗰下真係幾失望……我要硬麵但係唔似硬麵，冇咗嗰種質感，可能係麵身較幼嘅關係……加上一落湯，麵就會一直索水變軟，呢方面希望可以再改進。配料方面，黑木耳，幾爽，可以考慮另加。蔥花，多得濟……雖然香口，但食完飲咗好多杯水個口都仲係幾大陣味。叉燒，不過不失，但好薄，我唔介意碗麵收得貴啲，我都想跟麵上嘅係厚度似樣少少嘅叉燒。反而小食又做得幾好，半熟蛋做得好香又真係流心，值得一試，炸海老餃子外脆內軟，配上芝麻醬非常香口。雖然個麵同（尤其係）叉燒，令我對呢間舖頭嘅評價只係一般，但我會再去試其他口味睇下有冇驚喜。

見大圍頭一兩頁有佢就去左試下..間野好細..所以空間感係迫..服務唔錯..會加水..但環境衛生意識爭d..係客人見到廚房門口情況下..仲公然放d食完既碗係地面..可能入面無位又或者無請到清潔..佢地要一腳踢哂呱..試左個 黑蒜湯底個隻..麵揀普通..唔會跟蛋都賣7-80蚊碗..'5-10mins黎度..唔多熱..即刻食都得..點左濃味..佢事先講明會咸..但我食落唔覺..反而有種腥麵味..唔係咁中意..呀!應該係類似食雲吞個d蛋麵咁..所以唔岩我口味..而口感就都係咁上下同出面個d..暫時發覺都係一xx個間最ok..講埋d肉得兩塊..都唔錯d肉..唔太肥的..但靈魂湯底就無乜特別..要加d野落去調下味..但台面個野轉極都無乜野出...服務生開聲話係有d塞塞地..(心諗 咁你地就唔好羅出黎啦..)但真係源源不絕總有幾個客係度等位..經過埋我今次試拉麵經歷後我同自己講都係好一段時間唔會試d 50$以上既拉麵啦..唔值咁貴間間都係大同小異..唔會有surprise..懷念以前屋企樓下間 五十x 下午茶拉麵 初初五年前開業 2x$ 一送拉麵+有壽司兩件+野飲..雖然其後變左無壽司送..但都係抵

對一間拉麵店來說，擁有具特式的湯底是吸引顧客的先決條件。坊間拉麵店普遍供應的主要是豬骨湯、麵豉湯和地獄辣湯，吃多了確實可能會覺得不能新意。這間拉麵店則深明同一道理，故此在供應傳統湯底之餘亦同時供應不同的特式湯底!當中最值得推介的湯底有兩款，第一款是最為特別的竹炭胡麻黑蒜油湯底，由於用上份量不少的竹炭粉和黑蒜油，所以湯底的顏色是黑色的，單從外觀看來就已經頗為特別，再加上黑蒜油的獨特香味，可謂「色」「香」俱全。至於味道方面，人口後會感受到濃烈的芝麻味，但整體來說，它的味道很特別，不會太鹹、不會太淡，有一種清清的、平衡的感覺。另外一款則是豚雞骨魚介湯底，這款湯底的特式在於融合了雞湯和豬骨湯的鮮味，人口後的第一感覺確實有點像老火湯的味道，完全沒有在喝味精湯的感覺，而且湯的表面亦加入了一層薄薄的醬汁，估計應該是檸檬汁， (只是估計，沒有時間問清楚店家)，略帶微酸的醬汁，令到整個湯底再加添一種清新的感覺有時候，要得到客人歡心，就要從最微小的一環做起，這裡提供給顧客的飲用水都是經過備長炭過濾的，所以能夠去掉水喉水的味道，也可算是貼心的一環吧。然而，相對之下，這裡的小食顯得較為熟色，大多時直接購入原料

1點半去到唔洗等位叫左個咩咩炭拉麵加溏心蛋蛋幾好食但拉麵就一般好似麵還麵湯還湯冇二合為一既感覺湯唔算好濃味叉燒都幾好食唔會再有想試多次既衝動：（不過服務都唔錯的