韓Cook BBQ

Open Now

Now Closed

不能不說這間位於黃埔小巷內的韓國餐廳，店方的配菜毫不吝嗇，大大碟，非常美味，地方不大，但整潔衛生，全部4人枱，1、2人的均可以佔用一枱，1人的如滿客，見店家會加1人搭枱，座位亦算寬鬆，點了2個午餐：牛肋骨餐$110元，鐵板上，洋蔥牛肋骨份量多，味道很好，配白飯、蘿蔔牛骨湯，另一個：豆腐海鮮湯套餐$80元，份量足，用料十足，少辣，豆腐非常嫩滑，魷魚、蜆、貝子都很鮮味，肉滑不鞋，配白飯一碗，全單$190元，沒有加一，很不錯👍

差評！千企冇去食！因為公司係附近，有時都會同同事一起去周圍食。有日我自己中午去呢間食嘢，見到都坐咗幾檯客，明明仲有位，嘅男店員話唔招待一位嘅客。我火都來埋，第一次見到唔想做生意嘅餐廳，寸到爆

今日又到黃埔食晏了天涼涼 最好食湯飯呢間小店 7、8張枱 座位闊落 坐得都舒服嘅每次黎都係食呢個辣海鮮豆腐湯滾熱辣好正 最中意佢拎黎個陣 滾到bilibu😂聽到啲聲都已經有食慾佢啲泡菜好新鮮 唔會死酸 keep得好爽脆個薯仔 甜甜糯糯都好味午餐$70 算抵食架喇👍🏻我見其他人食烤肉我都想食 但怕返到office 有陣油煙味等我搵日試下食晚餐先

除咗尖沙咀，其實紅磡都有唔少韓國餐廳，今次食依間仲有保養十分得宜嘅Unni～～好羨慕佢嘅水光肌啊講番間舖先，一入舖頭就好似去左韓國咁，圓桶形可以放衫嘅凳，再加埋抽油煙嘅煙囪，韓味濃濃。叫咗個水冷麵，雖然少咗個必配燒肉，但個冷麵真係好地道，連啲冰係用湯整嘅，溶晒都唔會令到湯頭變淡，冷麵口感彈牙，再加埋隻蛋，蛋白質滿滿嘅輕盈午餐，熱到冇胃口嘅時候就最岩食啦。更值得一讚嘅係佢啲配菜，經典大白菜泡菜唔會過酸，醬薯仔更係出色，幾個人一齊Share，根本唔夠食！

黃埔嘅小店成日都俾到人不經意嘅驚喜🤭🤭，就好似呢間韓燒咁，門面普通，但裝修好有🇰🇷韓國地道小店嘅味道是日想食得冇咁油膩🤣，散叫左兩款肉，韓式牛肉同豚肩肉，生菜要另外加$50單點，不過小菜就係免費送嘅最鍾意食佢地嘅泡菜同薯仔，同去韓國旅行果時食到嘅味一模一樣，泡菜爽脆得黎唔酸，薯仔煮到入晒味、甜甜地，未燒肉之前已經俾左幾個讚👍🏻👍🏻果然燒肉都冇令我失望🤭食得出肉類好新鮮，有咬口又冇筋，夾住生菜同加少少韓式豆瓣醬，直頭有係韓國旅行嘅感覺❤️👍🏻舖頭staff時不時仲會過黎幫下眼睇下個鐵板有冇燒焦、幫手剪下肉，勁貼心最後加左個石頭鍋飯，都係高質！石鍋夠熱，上枱時已經有少少飯焦，足料得黎好香麻油味，食過翻尋味🤭🤭👍🏻有機會一定黎翻啅

今日約咗個好鍾意食韓國菜嘅朋友 嚟咗呢間位於紅磡嘅韓國餐廳 餐廳位於小巷入面 唔經過都幾難留意到😎每張枱都有韓燒爐 不過今日就冇食到韓燒 都係喺午市特價精選入面選擇 選擇都幾多㗎😊香辣年糕辛辣麵呢個辛辣麵以碟上 所以唔係好多湯 年糕都唔係得好多舊 所以望落去有少少單調 辛辣麵麵質比較腍 因為個人比較喜歡食硬身少少嘅麵 所以覺得唔係幾好食🥲 年糕一樣係煮得太腍 冇咗應有嘅煙韌質感 但係都要一讚佢嘅香辣湯👍🏻 甜甜地又唔算太辣 加上幾掛麵 所以味道都唔錯 係口感唔啱口味🤨如果下次再嚟應該唔會再叫呢碟麵 見到其他石頭鍋嘅料理 好似吸引好多🥹

午飯時間好快就坐滿人，多數都係上班一族嘅開餐地方🍽🔎Lunch set選擇好多，每款都算大份，同價錢都算親民📌每個set都包一碗飯同湯，免收加一未落單已經有4款前菜送上，份量好多🥢泡菜唔會太酸或者太辣🥬甜薯仔好大粒，唔會過甜🥔各款前菜都好值得推介🥢♨️人蔘雞湯(半隻) $85湯底人蔘味偏淡，冇藥材味，唔會過咸👍雞肉十分嫩滑，煮得好腍🐥糯米都算多，不過煮得好碎🌟 Lamlam脷指數 😋😋😋😋 (4/5)🥩烤LA牛肋骨 $98牛肋骨算大塊🐮煮得好腍，好易咬👍醬汁有少少甜，唔會太油，送飯一流🤩🌟 Lamlam脷指數 😋😋😋😋 (4/5)🌟整體評價: 食物款式選擇都多，加上價錢親民，質素都唔錯，下次會再嚟試埋其他食物🥰🌟 Encore指數 ⭐️⭐️⭐️⭐️ (4/5)

又係一個人出動嘅時候！😂 想喺紅磡搵地方食lunch，喺啲巷仔左穿右插，最後決定試呢間！我叫了石頭鍋飯，個鍋真係好熱，食慢啲啲飯都變飯焦，所以要keep住搞啲飯先得！😂 最驚喜嘅反而係個前菜（午餐包的），都幾大碟，令成個lunch set變得好抵食。整體嚟講，以佢嘅價錢，食物質素都算唔錯！想喺呢頭食平民價嘅韓式午餐嘅話，都可以試吓！不過我嗰日其實大概1點半之後先到，偏遲，所以唔算多人。唔知道佢lunch time會不會多人排隊。

呢間韓國餐廳係我so far最喜歡嘅韓國餐廳，每次去點都會有一枱客係日本人或者韓國人，日本人居多🤣平時想食部隊鍋，都係嚟呢間，有一日心血來潮想食燒肉，試左一次好正，但無影相，所以搵到機會再去食多次！！ 順帶一提，除左燒肉同部隊鍋，令我不斷回頭嘅係佢啲韓式小菜，泡菜，青瓜，菠菜，薯仔，全部都好好食❤️❤️ 🐮特級雪花牛肉 $198 呢個牛肉望落已經好靚，油脂平均，色水都好靚😍食落有油脂得嚟，肉味都好濃！一啲都唔靭，燒到半生熟，再配一啖飯，簡直一流！🥰 🐷烤豬腩片 $130 曾經食過一啲韓燒舖頭嘅豬腩肉一係就薄到紙咁，有時太厚又容易燒到好靭好乾。呢一間就啱啱好！燒腩肉，搭住小菜，生菜，白飯咁樣食真係會上天堂😍😍❤️ 🥬生菜 $50 貴，但唔可以唔叫，食韓燒係唔可以無生菜！ 🍚白飯 $20 都係一樣，食韓燒唔可以無白飯， 尤其是呢度嘅泡菜咁好食，白飯餸泡菜都食到一碗🤣 

經過紅磡想食韓國嘢，見到呢間有晚市優惠(主食有折)就入左去，點知入到去就無左個個優惠餐牌，得返正價餐牌，可能出聲問都會有嘅，希望店主可以留意下既然無優惠餐牌，就嗌Set啦，有個人2人套餐睇落都唔錯，可以燒肉，又有個豆腐湯，包飯包汽水 ($468 再加一)份量都唔少，豬腩肉大大件都有4件，有埋生菜包住食，大滿足! 牛肋肉都大大件，好似有7-8件，燒出黎勁香，食落都惹味，肉質好冧(但食落似鬆肉粉口感)重點係韓式海鮮豆腐湯，用個傳統韓式鍋仔上，上枱時仲係滾下滾下好有feel，飲落熱辣辣，餘韻有海鮮鮮甜香，豆腐就普通，唔算好滑好滑個種，略嫌湯少啲啲，兩個人Share都裝唔滿，可能係料太足

雖然外賣係無咗個石鍋煲不過一樣超好味份量好足夠 加埋D醬汁撈埋一齊食 好好味配前菜有青瓜、薯仔、泡菜、豆芽飯入面已經有波菜、牛肉絲、甘荀絲、蘿蔔絲、白芝麻紫菜碎 正！

黃埔除咗多日本餐廳，原來都有唔少隱世韓國餐廳㗎🇰🇷今次捐窿捐罅嚟到一間巷仔入面嘅小餐館韓式裝潢非常有味道😍但入面唔少日本人客人🇯🇵🤣講番正題，午市套餐非常抵食，約$70～80包前菜我哋叫咗石鍋拌飯同泡菜湯🥘兩樣嘢食都好惹味😋下次路過一定會再食埋佢其他嘢食🤣👍🏻

呢間韓國野係小弟飯堂之一，去親食都會有韓國人去食，所以都覺得佢幾正統🤤前菜⭐️⭐️⭐️⭐️⭐️幾多😂個薯仔好甜，d泡菜好食！唔會過酸，d味道適中，配飯食一流，佢個泡菜堅可以食多碗飯冷麵⭐️⭐️⭐️⭐️⭐️夏天食呢個係一流！夠凍，酸酸地，開胃一流！d麵煙韌，夾青瓜同酸蘿白，食完仲可以食多d野啊！牛肋骨湯⭐️⭐️⭐️⭐️⭐️個湯清甜，蛋花同蔥花夠晒香！牛肋骨大約有3,4舊，肉嫩，食得過海鮮煎餅⭐️⭐️⭐️⭐️我老婆之愛，我自己就覺得海鮮唔算多，不過佢剪得好香好脆！加埋d汁黎食幾好食🤤燒牛肉個汁甜身，夾個冷麵食都唔錯，佢夾冷麵係個套餐，所以先叫😂😂😂

一個人佢會唔做你生意 叫你走 個呀伯仲好冇禮貌. 唔係無論幾多個人去 佢都係只會比一set小食 同埋唔俾refillTerrible customer service. If you visited alone, they’d cast you out and refuse to serve you at all. Honestly, is that the right way to treat a customer?! The food, considering the price, is not bad indeed but with that kind of service, I won’t ever visit again. Funny how they also serve only one set of banchan (Korean side dishes) to each table, be it 2,3 or 4 people, and note that it’s not refillable, unlike what most authentic Korean r

之前經過呢間野無乜人唔洗排隊，所以今晚 2個人想食個便飯就特登行去果邊。入到去有4-5台客食緊野，根本無工作人員起度。我地見有一張吉臺，我地就行去張台隔離，打算等工作人員出來先坐低，等左一陣先有個唔知係侍應定老細的工作人員出來。而當時有個4人家庭入緊來，拒問完我地人數即刻比左張台果個剛剛先入來的4人家庭，之後完全無理我地2個，只有用極差的態度叫我地出去等。如果你鍾意受不公平對待或可以20人包場趕曬其他食客走的話，你不妨去試試。老實講我地一開始過去都只係見住起同區，唔洗排對就試一試，睇過曬d 食評，差評同好評差不多，真係大把更好選擇，真係接受唔到一間食店連基本的禮貌同尊重都無！呢間野，請我都唔會再去！