韓家莊韓式燒烤 (Closed)

放工鬆一鬆，涼涼地去食個韓烤先醒起佐敦新開左間韓家莊韓式燒烤，一於去試下先入座後，立即出去睇吓有咩食先，實在太豐富，涼拌已經有12款，酸蘿蔔絲酸甜適宜有少少辣辣地，白菜仔有麻油香，泰式鳳爪醃得入味，韓式泡菜及蘿蔔，味道剛剛好，不會太辣，順便去飲品櫃拎我鍾意飲既韓式忌廉溝鮮奶汽水同啤酒，同老公啤啤佢先食完涼拌之後，就食一啲熟食先，熟食都有好多選擇，有泰式冬陰公湯、炸薯餅、炸雞翼、炸煎堆仔、牛尾骨、韓式炒粉絲、咖喱炒蟹、炒蜆、壽司、魚生、龍蝦沙律、東風螺，食完熱葷已經飽左一半，不過仲有30樣烤肉，蔬菜，點可以咁快停手呢最基本的有羊肉、牛肉、豬扒、雞肉、雞翼、牛仔骨、鴨腎⋯但我推介大大條魷魚鬚，爽口彈牙，仲有大大隻海蝦，肉質鮮甜，食咗太多肉，要食番啲蔬菜，南瓜香甜，翠玉瓜新鮮，少不了喜歡的雞髀菇及茄子。食到肚都脹埋，但仲有甜品及生果，最驚喜有部棉花糖機，有得玩又有得食呢度值得讚既係，肉類味道醃得剛剛好，種類多，地方整潔（因為曾經去過一些任食的燒烤店，地下是很油很滑，食物雜亂），坐位間空間足夠，員工們亦有禮貌

最近天氣漸涼，秋意漸起，心中就起了燒肉的念頭。加上，恰逢小弟生日，於是女友在網上看見韓家莊，便帶我來一試。首先，地點就近我的工作環境，通勤便利，位於佐敦人流點味道方面，小弟認為不過不失，中規中矩。可以一試

正式步入秋冬,搵野食就梗係要配合天氣,韓燒簡直係不二之選,同事提議去佐敦,貪佢搭車夠方便,我地揀左呢間喺佐敦地鐵站口嘅佐敦薈-韓家莊。餐廳是新開張,裝潢很蔟新,而且座位很闊落,無太大油煙味。韓式配菜都有十多款,真係好少有咁齊全,攞些少醒醒胃先,芽菜仔同白菜仔都幾正宗韓式風味。飲品櫃都有幾個,講得出嘅汽水都有齊,仲有蘋果醋同埋豆漿,多款韓式啤酒更加唔使加錢任飲。肉類選擇眾多,牛肉,牛脷,豬扒,魷魚,多春魚,紅腸樣樣齊,牛肉醃得很入味,魷魚新鮮彈牙,其餘雞翼同多春魚都很好味仲有炒蜆,炸鰻頭同埋炒飯。熟食都很多款,咖哩蟹是必搶,燴牛尾啖啖肉都很有韓國風味。各款小食不停供應。仲有即切三文魚刺身同埋多款壽司,仲有龍蝦1沙律同東風螺,點可以唔試。甜品有西米露,涼粉。仲有星級甜品櫃,感覺很乾淨整齊,試左泰式椰汁糕,千層糕都簡直酒店級水準。仲有多款雪糕供應食埋雪糕真係超飽,仲有多款肉類同熟食無試到,今個冬季要再來幫襯。

咁岩經過佐敦 見到呢間韓燒店見到裝飾幾新淨 就決定入去試下環境：由於今日係平日 店內冇咩人 可以同朋友仔吹下水 相當舒服比起其他韓燒店 環境唔算多油煙入面以卡位為主 有油桶椅子坐 都幾得意食物：食物選擇都幾多 有咖哩蟹 炒粉絲...好多熟食味道都唔錯啦 店員狂refill 好細心不過入到黎見咁多選擇 的確幾開心燒肉方面有好多選擇 岩哂食肉獸特別推介 牛肉粒、牛仔肉、海蝦以呢個價錢任食 確係幾抵既另外仲有甜品區添 見到有部棉花糖機 不過我就冇試玩喇服務質素：店員好細心 會主動教我點樣可以唔會俾油彈到鍋式結哂焦 亦會幫手換

秋風起除咗打邊爐，最好嘅梗係韓燒啦，啱啱喺佐敦同朋友按完摩，難得一齊放假梗係點都要食埋個飯先走架啦，朋友話佢之前食過一間任食韓燒都幾好食同幾抵食，一於就咁決定啦。餐廳位於彌敦道佐敦薈5樓，地點10分方便好找餐廳環境闊落，座位採用卡位形式，坐得10分舒服。餐飲採用全自助式，所有嘢食飲品醬料甜品都係出面自己拎前菜區除咗沙律，壽司刺身都係任拎任食，更驚喜嘅係佢呢度仲有青口同埋東風螺都係任食嫁燒肉區有海鮮，肉類，多蔬菜全部都一應俱全。更難得嘅係肉類品種眾多，連我最愛嘅牛脷都有。海鮮亦都10分新鮮。熟食區選擇亦唔少，除咗韓式煎餅，炸物之外，連湯類都有幾種唔同選擇，有中湯，亦都有人蔘雞湯。更加有炒飯同白飯選擇，韓燒任食來講來講選擇都算好多生菜同沙律都有冷盤小菜區款式甚為齊全連啤酒都係任飲架，我都飲咗兩罐雪糕，甜品，生果都有。冇花冇假，款式真係多到你驚仲有棉花糖機添，如果帶埋小朋友來一定好開心超級滿足嘅一餐飯，食到捧住個肚走呀