韓牛韓式燒烤 (Closed)

喺屋企食飯食得悶悶地，冒險去食吓韓燒，韓牛喺創興1樓，地點好方便，可能最近疫症影響，唔太多人，唔使等位就入得，門口招呼果位哥哥仲好熱情，假日去，價錢二百三十蚊一位，仲唔限時，任飲任食，勁抵！入到去，座位闊綽，即刻行個圈，好多嘢食，頭盤食咗輪刺身壽司，味道唔錯。冷盤甜蘿白、雞腳，好開胃。但呢到竟然有薑醋，試返啖豬骨，哇，好入味，正！試咗一輪，終於入正題，梗係韓燒啦！款式都多，燒咗南瓜茄子，我見仲有大啡菇。d羊肉、牛肉腌得好入味，仲有牛仔骨都值得一試。嘢飲都有2個雪櫃選擇，任飲嘅。食到最後梗係要食個甜品埋尾，有朱古力噴泉同綿花糖機，我太飽無試到，但我見其他食客都玩綿花糖機玩得好開心。呢到仲有雪糕機，味道係有d甜，食得出係新鮮牛奶整出嚟，另外都有包裝雪糕選擇，同埋泡芙都係好食嘅。總結而言，值得再去，抵嘅！btw 唔好意思，掛住燒d牛羊（真係幾好食），無咩影相

牌頭寫韓牛 但係最簡單既生菜 生蒜頭 韓式辣醬都無 真係純粹黎燒烤 肉類正正常常 但無咩味道 試一次就算 完了 完了 ........熟食都還可以接受 但韓燒主角唔係燒肉到 想點呀？！ 生果只見到火龍果同橙...

請大家一定要留心看完全文；星期五晚上與友人都貴店舖進食放題由於人客有很多，食物切換速度也慢甜品難下口，沙律漿凝固熟食難食，湯類有異味望店舖能夠確保食物在多樣化下也能保持味道。以符合店舖晚市的性價比吃完後感到不適。 不建議食用

呢排天氣涼涼地，真係好啱去食燒肉🤤喺旺角既韓牛地理方便，食物種類都幾多，任飲任食韓牛幾光猛，枱又大張，放到一枱都係野食都無問題啱晒幾個朋友，或者一家大細，慢慢食慢慢吹水__________________________🔹星期一至四 $228/9點前 $208/9點後🔹星期五六日及公眾假期及前夕 $258/9點前 $228/9點後一入門口會先畀甜品區吸引，棉花糖機，軟雪糕機，朱古力噴泉😍唔好miss 左最遠既雪糕櫃，一定要記得留胃畀佢地😋.肉類大約有十幾款，計埋其他野有成甘幾款食物剩係牛都好多款，有牛脷，牛仔骨，一口牛，肥牛等等豬有豬梅花，豬腩肉，豬扒，五花腩等等其他就係醃雞扒，魚柳，鴨腎，鴨胸，鯖魚等等.除左生既食材，亦有即食既熟食好似各款韓式前菜，壽司，青口，大蝦，炸雞，炸蝦，韓式煎餅，款式多到數都數唔晒

開始入冬想食燒烤，朋友帶咗我嚟呢間韓式燒烤係好地道嘅韓式放題，有好多燒烤嘅肉類三文魚同埋凍蝦三文魚味道都算鮮甜凍蝦幾大隻肉較肥厚韓式冷盤前菜款式幾多，居然仲有我最鍾意食嘅酸辣鳳爪弄得好入味，夠冰涼酸辣炸蝦同埋炸蟹鉗很鬆脆肉類選擇好多😋吾少得廚師腸，魷魚口感爽口彈牙很不錯👍🏻值得一試佢哋呢度嘅豬牛羊肉，烤好後點佢哋呢度嘅秘製醬汁別有一番風味牛牛🐮肉質比較薄，好快就熟，呢個部位嘅牛牛嘅口感都幾幼嫩。最吸引我嘅都係呢個朱古力噴泉甜品吧可以自己整一串串嘅水果棉花糖再淋上朱古力😚自製甜品

旺角韓燒店有很多,但係質素比較參差，依間韓燒自助餐廳，食物種類繁多，除咗燒烤用肉食之外，仲有好多熟食，冷盤小食，壽司刺身，甜品軟雪糕，汽水啤酒任飲。「刺身」有凍蝦三文魚青口等，凍蝦都幾大隻「炆牛尾」炆得好琳夠入味另外豬腳薑都幾好食「前菜」唔算好正宗嘅韓國前菜小菜，但係種類都幾多「壽司」壽司飯比較硬建議都係食刺身比較吸引燒烤肉類蔬菜包括豬牛雞魚等，各種部位都有。都算新鮮。「自製甜品」可以自製棉花糖仲有朱古力噴泉。整體性價比唔錯

🌟🌟🌟🌟🌟🌟🌟🌟🌟🌟🌟🌟🌟🌟🍽 韓牛韓式燒烤 (旺角)📍旺角彌敦道601號創興廣場1樓🌟🌟🌟🌟🌟🌟🌟🌟🌟🌟🌟🌟🌟🌟又一個月啦！🤪今個月book左呢間同男朋友去食好d食放題，當慶祝下😜呢到唔止得燒肉，仲有刺身，熟食，甜品，緊有一款啱食。😳一開始等個爐熱之前，出去夾左d刺身同熟食先🤤三文魚紋路分明，口感順滑，味道新鮮。三文魚骨同牛尾大大舊，啖啖肉🤪好好味。之後到主角燒烤啦！💝有豬、牛、羊、雞、海鮮嘅唔同部位，包保唔會食黎食去都係肉片🤩。比較令人驚喜嘅係佢嘅牛舌，充滿肉汁，有口感，細細塊亦好易燒😛。成日要同其他客人爭住攞😂適當地燒左d蔬菜黎食，d菇好大舊☺甜品琳琅滿目，但無奈胃口有限，隨便攞左幾嘢黎食，都味道唔錯。最後食埋雪糕😝為今餐劃上完美句號

Bonnie baby 由我中學已識她，她是轉校生，一見如故到現在維持了20多年友誼。一兩個月都會出來吃飯聚一下舊。又到相見的時間，挑了KOREA BBQ放題，唔洗考慮叫多了會埋單好貴，又讓我們瘋狂兩人都食到好多款刺生,輕嚐一下，因我主攻熟食仲有海鮮螺蜆蟹，惹味小食及肉類都可以繼續任叫任食,出面大把選擇自己拎, 好多好似食緊BUFFET去到尾段邊飲東西邊吃，一路吹水談天。飲品甜點採自助式，自己去拎，做成細細件。當然雪糕都係一大賣點啦結帳每人才二百來，放題那麼盛行是有背後原因的

前排收工之後，同朋友去左食放題，哇，好耐無食啦，未食已經好肚餓，人真係犯賤呀，成日都眼闊頭窄😂😂，夠就好，千奇吾好浪費食特呀，小編最憎人浪費。有好多吾通種類既食物，有肉類，海鮮類，熟食類，冷盤類，熱盤類，炸物類，甜品款等等。。。種類繁多，一次滿足晒多個願望，一家大細黎食最好不過呀😋仲有朱古力噴泉，岩晒小朋友，食得又睇得呀 。仲有棉花糖機玩添呀。小編最鐘意係食肉之前食個沙律打下底，好似冇咁有罪惡感嘛，沙律吧嘅選擇都唔少，而且都好新鮮，而主角肉類方面都醃得唔錯，味道啱啱好唔會太鹹太淡，我就最鍾意佢既雞翼，烤完唔會太老，入面既肉仲keep到夠滑。。但小編老啦，同朋友食左一round已經停晒手，人均約$250一位，依家仲做緊優惠呀，4人同行3人收費，抵食呀😋仲吾快d帶屋企人黎試下🥰🥰。最高為（5/5）味道⭐⭐⭐⭐價錢⭐⭐⭐⭐環境⭐⭐⭐⭐服務⭐⭐⭐⭐推薦星數⭐⭐⭐⭐。

老公話想食燒肉，咁掂佢咁大食嘅話咁我梗係搵一間燒肉放題比佢食啦，搵到呢間平平哋嘅有好多款式選擇，因為佢哋連甜品都有好多款揀，佢哋係韓國菜咁嘅形式去做，所以有好多前菜都係韓國款式，但係略嫌肉就比較少選擇，同埋有啲肉就冇奄製過，所以食落口比較淡口，不過佢哋可以話係乜都有得你食，壽司刺身，炸物，冷盤海鮮，雪糕，甜品，飲品亦都好多款，更加正你係佢有棉花糖機俾你知左去整棉花糖食，呢樣已經加晒分啦，壽司刺身份量比較少，不過話晒都係放題，即係任拎任食都得，所以都唔會介意份量有幾多，炸物雖然係一早炸定，但係入口都卜卜脆，唔會話林晒唔好食，至於啲韓國前菜又係俾你任食，呢樣做得幾出色，另外仲有啲熟食例如炒粉絲，滷水豬手，都好好食，唔會話求其做，佢哋咁嘅價錢來講真係好抵好抵，如果你係大胃王，而對食物唔算太過高要求的話，都會推介你哋呢間試吓。👍🏻👍🏻👍🏻

好耐都無食過燒肉啦，所以今日去左食韓式燒烤 因為好早黎所以未係好多人，空間好闊落，坐得舒服。第一時間去睇下有咩肉揀， 基本既肉類都有，個人鐘意食牛脷同一口牛肉粒， 淨係呢兩樣都走左幾around!!仲有d熟食同炸物，食落仲係熱同脆口既🤩有好多唔同種類嘅韓式配菜，鳳爪同泡菜好味。有青口、蝦同三文魚、仲有壽司🍣韓式食法：加韓式辣醬+包飯醬再用生菜🥬包住黎食，好好食最後有朱古力噴泉同雪糕仲有水果甜品🍦

今日趁有得早收，同朋友去左旺角一間叫韓牛既任食韓燒聚下。食任食至緊要係多選擇。因為滿足到我樣樣都想試下既心態丫嘛。呢間前菜都至少有十幾款，有基本既泡菜，蘿白，拍青瓜等仲有中華沙律，帆立貝粒，青口，熟蝦甚至連壽司，三文魚刺身都有！基本上泡菜夠入味，酸辣無骨鳯爪夠彈牙爽身，值得推薦一下做前菜開胃。其他小試都值，款式夠多丫嘛！到主題肉類，豬牛羊三類一應俱全。首先店家既肉質有一定質素。無論肥牛定五花腩定豬梅花肉，肉身都唔會呈暗雅顏色。油脂分佈都幾好，唔會出現有8成肥膏2成肉既食物。而醃製既肉類唔會不濃味，至少燒完黎食時不會渴喉。個人鐘意燒一口牛肉粒同肥牛，易燒又好味。而驚食得肉太多既，仲有十幾款蔬菜可揀。個人建議必燒金菇同鮮冬菇。金菇正好配肥牛，鮮冬菇既清新又中和一下肉既油膩感。最後如果仲有胃口，可以試埋甜品，雪糕雪條，朱古力噴泉甚至自製軟雪糕都有！一個普通既價錢，試足幾十樣野，抵！

難得過幾日開始放大假 就諗住約朋友食過大餐 呢個商場出名多嘢食我哋就揀咗一樓嘅呢間韓燒餐廳因為見佢裏面都好多食物選擇坐低咗就急急腳出去攞野食見佢頭盤有唔少凍盤三文魚青口凍蝦帆立貝等等 又有沙律 佢個薯仔沙律都幾好味而且啲熱食都好唔錯 我哋開始食一啲熱食 期間當然就攞咗一啲韓燒食物 食住喺度等食物燒好 熱食有好多選擇 豬腳薑 豬手 炒粉絲 亦有幾款炸物 炸蝦我覺得好好食個粉唔會太厚韓燒嘢食都好多選擇 淨係牛豬雞都有好多款 佢仲有羊肉 墨魚仔 牛脷 鴨腎 全部都係比較少見 蔬菜菇類都好多種類食咗幾輪之後都飽飽地之後我哋就開始進攻甜品 雪條選擇有好多 甜品又有中式糖水個蕃薯糖水味道唔錯 佢仲有部朱古力機同埋軟雪糕機喺度 其實真係飽 不過個口就係停唔到要係咁食食食 飲飲飲 因為飲品都好多款佢仲做緊四人同行三人價錢隨返開都唔使二百蚊一個人真係好抵呀

天氣轉涼好想食韓燒，於是和朋友收工出旺角創興食好野，見到這間韓牛韓燒放題，—於去試下座位舒適空間感足夠，冷氣夠而抽風系统勁。種類多任食沙律這間不只是食燒烤，而且有沙律bar, 冷盤有白雲鳳爪，泡菜等。海鲜有蝦肉質夠爽口，青囗和螺肉還有壽司 刺身非常新鲜 熱熟食炸雞，泡菜斜蔬菜等。燒烤肉食非常多選擇，羊，豬，雞牛和海鲜，全部醃得非常入味。我尤其牛仔骨和牛肉粒，夠牛味肉質軟腍。甜品選擇多到眼花有木桶荳腐花豆味濃。朱古力噴泉，自製軟雪糕機 還有雪糕櫃任君選擇。桂花糕，布丁和米糍。無限水果供應。飲品相當多選擇，豆浆，蜜桃茶，汽水，韓式果汁和啤酒。食材新鲜選擇多，價錢抵

平時見到鋪頭好多人排隊，今日終於有機會去試。今次就黎試下韓烤放題。一入到去已經見到好多好吸引既醃肉🤤，真係留晒口水。鋪頭入面有好多種類既肉揀，例如：五花腩，牛仔骨，魚柳，骰子牛，豬扒，羊肉，雞肉，雞腎等等。 我個人比較推薦五花腩同雞腎兩隻食落都好正。五花腩肥瘦均勻，配埋生菜食就好岩岩好，有少少油香，再加埋搞菜減少油膩感。而雞腎就好爽口。另外佢仲有好多炸物，等你一路燒一路食，都唔怕餓。例如炸雞翼，麥樂雞，煎餅等。令我最印象深刻既係可以自己整綿花糖！好耐冇見過尼種綿花糖機。仲可以自己揀顏色，技術高可以整埋變色花花😂仲有可以自己整雪糕，真係樂岩親子去🥰