韓牛韓式燒烤 (Closed)

過百款種類食物任夾任燒，我就最鍾意佢有勁多款韓式前菜，咁我就可以整韓式菜包肉，將生菜，泡菜同燒好的肉包埋一齊食，正😋熟食都超多款，有韓式煎餅，炸魷魚絲等等等仲有壽司同刺身🍣味道就正正常常，勝在選擇多。佢個甜品區就更加係包羅萬有，仲多過一般酒店buffet，有軟雪糕機，綿花糖機，朱古力噴泉，仲有巨量甜品/生果/豆腐花同雪糕

啲三文魚淨係refill咗兩次就冇人refill，後期入嚟嘅人連食都冇得食。燒嘅嘢食質素還好，但係態度認真唔得 臨尾半個鐘就催埋單 然後仲有15分鐘就趕人走 永不再試

三文魚剌身唔refill 仲意食三文魚可以唔使嚟 隔離漢和平D都不停refill 經理服務態度極差 一放低就系咁催俾＄埋單 驚死人唔俾咁 仲有15分鐘既時候竟然話出面好多人排隊 迫人走

於剛剛過去的星期一打電話去此餐廳訂位，有個男士聽電話，我話book1月某晚晚上兩位，咁ok左冇問題，仲話有來電顯示知道我個電話號碼，咁會留位俾我地。於今日星期三，有個朋友話想一齊食，咁我再次打電話去此餐廳諗住加多一位，同樣有位男士聽電話（但此男士把聲比較年長），我話我之前打過電話黎book位。。。。都未講完句說話，個男士就不停講冇book位架，冇book位架，之後cut左我線。我以為我打錯電話，於是再上網睇返個電話號碼，我明明冇錯吖，咁再打多次去，又係年長男士聽電話，佢一聽到我把聲，又好似錄音機咁，又不停loop冇book位架，冇book位架，於是我冇等佢講完時，就問佢我星期一打電話黎留位，依家話冇得book位，咁如果我唔知道冇得book，我又以為自己book左，咁黎到冇位，咁咪浪費時間囉，個男士仲好似鬼上身咁，仲係咁講冇book位架，冇book位架。。。終於等到佢有句新對白喇，係呀，我地冇book位架，之後又cut左我線。呢間野咁嘅服務態度，啲野點好點抵食都唔會黎食呀！

韓牛韓式燒烤旺角彌敦道601號創興廣場1樓已經唔記得左有幾耐無食過韓燒啦，記得以前中學時代成日約埋班fd一齊食真係好開心，今日突然間想回味下所以即刻上網搵下，見到呢間<韓牛>好似幾吸引，首先地點好方便旺角創興廣場，其次就係見到好多好評，所以就決定黎試下啦呢到燒烤既食物種類真係好多，有成幾拾款，我自己就偏好燒D醃製過既肉類，食落惹味d, 覺得全場最好食既竟然係雞腎，我地燒左勁多轉呀，另外仲有牛肉骨同埋牛仔粒都好正呀除左肉類之外，呢到仲有好多唔同既熟食，包括有唔同既炸物，豬腳薑，炒麵，炒青口等等。。跟住仲有三文魚，希靈魚，帆立貝，凍蝦，凍青口同埋唔同款式既壽司，真係好豐富，無唸過韓燒都有魚生同海鮮食，好有驚喜呀最後當然係食埋甜品先走啦，有成個凍櫃擺滿左水果同埋唔同既糕點，除此之外，仲有最愛小朋友歡迎既自製棉花糖機同埋朱古力噴泉，黎呢到食飯真係大人細佬都咁滿足

今日大約2點先步入餐廳，餐廳已冇乜食客，我們兩人坐低，侍應問我哋是定食還是食自助餐？我心諗兩點鐘仲食自助餐？因為自助餐三點鐘就會停止，可能侍應等我們示意食自助餐才提醒我們吧🙄最後我哋嗌左兩個定食，牛肉石頭鍋飯、牛肉抄年糕每個定食都跟兩個配菜和湯，今日餐湯是青紅蘿蔔，湯不是太多味精比較淡，配菜有辣泡菜和西蘭花。味道普普通通。吃完最後還有甜品選擇，涼粉或豆腐花，我哋最後選擇豆腐花，好滑好有豆味，總括來說$55一份午餐，性價比高。若然有下午茶價錢更好，就會吸引更多食客，那就不會2:00後場面冷清了

抵DEAL 韓燒韓牛韓式燒烤地址: 旺角彌敦道601號創興廣場1樓旺角真係乜類型架放題斬有，仲大都唔貴多野食, 今次去左間人均$250晚市架放題, 集燒肉火鍋, 日式放題於一身。地方好大, 燒肉同火鍋用架肉類同蔬菜已放在自助區。除此之外仲有好多KIMCHI 同熟食, 炸物, SALAD等等架。我勁鍾意食唔好類別架韓國KIMCHI, 今日可以食翻夠本啦。先夾了一大碟, 有牛豬同海鮮。肉食有唔同部位, 也以不同香料調味醃好。刺身壽司夾了一些來食, 呢度太多野食啦, 心思思乜都夾下啦。甜品有MINI 甜品杯同軟雪糕生果, 最開心係有朱古力噴泉呀, 通常是酒店BUFFET先會有架GIMMICK。無論係一班朋友或一家大細, 都食到開心又抵食。

突然間好掛住韓式燒肉🥳去咗旺角創興廣場呢間任食韓燒，用餐區都幾大，食物款式有好多。除咗有燒烤肉類同配料之外，仲有韓式熱食丶前菜泡菜丶壽司丶水果丶甜品丶汽水啤酒丶雪糕雪條⋯可以一次過滿足晒鍾意食肉/食韓食 嘅朋友👍🏼全部食物都係自助形式～燒烤肉類選擇都好多🥳五花腩丶羊肉丶牛仔骨丶牛脷丶韓式醃肉丶鴨腎丶金菇肥牛卷丶多春魚⋯仲有幾多蔬菜選擇，南瓜丶菠蘿丶茄子我都鍾意💗食物擺放得好整齊，而韓式熱食方面有泡菜煎餅丶海鮮蔥餅丶炒粉絲⋯目測有10幾款，我食完燒烤已經好飽🤩淨係食咗豬手～好軟腍入味，唔錯👍🏼水果選擇都多，當日見到除咗有切片西瓜丶火龍果之外，仲有提子丶大柑丶林柿🥳 食到咁飽～再食多啲水果真係好滿足。

是日禮拜一黎食午市放題，12點9開始食到3點半先走，滿足飽飽，， 2人盛惠 $392紋嘢食整齊企理，值得讚係食物名稱都好清晰👍👍哋肉類每樣試過都對得住個價錢，性價比高👏🤗肉質唔鞋又有肉味，特別係5花楠任食來講好有良心，正大概5成飽啦， 又可以嚟玩下棉花糖機，轉轉下，都幾高難度先整到個靚靚棉花糖😁😄有刺身，小妹無試軟雪糕不過不失啦呢間韓式放題， 小妹會再encore，， 性價比高味道唔差*******

最近好友好想食韓式燒肉，帶左我黎同旺角創興既韓牛～呢度款式都幾多，分左好多區域～刺身/壽司有: 三文魚、希靈魚、八爪魚、凍蝦、凍青口、凍帶子~韓式前菜: 泡菜、辣蘿蔔、菠菜、大豆芽、鳳爪、拍青瓜~燒肉區: 金菇肥牛卷、雞翼、牛舌、一口牛粒、牛仔骨、肥牛、多春魚、魷魚~熟食/炸物區: 雞翼、炸蟹鉗、炸蝦、炸芝士波、炆牛尾、炆牛腩etc~生果區：青提、紅提、林沛、柑、番茄仔、粟米粒、哈蜜瓜~甜品: 雪糕機、豆腐花、桂花膏等等overall我地最欣賞係呢度油煙控制得好好,完全唔勁油煙味～另外任食黎講，呢個價錢非常抵，太多野食～ 當中牛仔骨、牛舌我地最中意，燒得好香，食落又可口! 坐得又舒服！

天氣凍咗都想同班朋友仔放鬆一下最啱就係去燒烤，放題就夠滿足地方比較舒適，大大個卡位同埋夜晚食都唔貴，好抵食燒烤肉類有好多選擇醃牛肉、醃豬肉、醃魷魚估唔到佢哋嘅調味係好開胃👍🏻牛扒、五花肉，牛仔骨超級好味食咗好多唔會太鹹反而有啲偏甜嘅感覺❤️熟食種類有唔同嘅選擇仲有呢度嘅人蔘雞湯、海帶湯等等冬天到咗一定要暖胃，飲到超舒服估唔到呢個價錢仲有刺身💕三文魚夠新鮮而且會refill，唔洗驚俾人攞晒就冇啦✌🏻唯一就係有時候叫服務員，但係見唔到我😂吉列蝦、炸雞粒等等，仲可以自己整沙律🥗食飽咗仲可以食甜品甜品櫃有多款小小杯布甸食得飽之餘，仲有好多選擇，下次都可以再同朋友嚟聚會玩！

秋天的涼意又引起左我想食燒烤的慾望 見到創興呢間韓牛韓國燒烤價錢唔貴 就忍唔住入左去試 雖然價錢平民 但食物質素就一d都唔差入面有分烤料區 熟食區 海鮮冷盤區和甜品區 食物款式應有盡有 連我最喜歡的牛舌都是無限量供應 整體的食物質素都頗高 尤其是牛仔骨和冷盤區的大蝦 大蝦肉身非常爽脆 俾到d驚喜我烤到咁上下時 個爐都會黑哂同燶哂 侍應都會主動幫我地換一換烤爐 呢個舉動真係值得加分 仲有岩岩講漏左人參雞湯大家記住要試 個湯清得黎又重人參味 飲落亦都不油膩總結來說 餐廳的座位間隔闊落 食物的質素亦相當不錯 環境望落亦十分潔淨 

天氣開始凍，想燒野食，就encore返呢間韓燒。我印象中呢間牛小排幾好食，又多熟食揀，如果想食下韓國野，例如泡菜餅，呢到都可以滿足下，冇得飛韓國既欲望。牛小排好香口，同埋唔軔，厚身多肉。大菇燒完仲有啲水份，幾juicy。飲品、肉類、水果選擇都多，酒精都可以任飲。仲有朱古力噴泉，除咗棉花糖，仲可以用水果點黎食，火龍果都幾新鮮，西瓜爽口脆甜。刺身區仲有有蝦、青口、三文魚、希靈魚，我見都幾多人拎三文魚。我同朋友仲燒咗蜆同菠蘿，啲蜆冇沙，幾大隻，幾甜。菠蘿燒熟咗幾甜同清香。

真係好耐冇去過旺角創興開餐。地下大嬸派宣傳單如常，好！反正好耐冇食韓燒，想去望望環境先。從大門往裏面睇，樣樣食物排列整齊，而且款式頗多，同朋友入去試吓先！燒牛肉一定係我首選，呢度牛肉薄薄一片片，燒烤一流！燒香兩邊，加埋泡菜，韓國辣醬，用生菜包裹放入口，牛肉多汁軟身，生菜平衡油膩感，不錯不錯！其餘鐵板燒材料，特別推介牛仔骨、魚柳、多春魚、雞翼。特別推介薑醋，豬手、雞蛋和薑，非常足料，薑醋杰身味道濃郁，超班水準，鍾意食薑醋嘅人一定要試！甜品、雪條絕對不能放過，款式多籮籮，啫喱、奶凍、軟雪糕、椰汁糕、芒果糯米飯等等，細細杯可以試多幾款。

同朋友去左旺角創興韓牛韓式燒肉，款式都多，每個區域都有十幾款選擇。刺身有三文魚、希靈魚、凍青口、、凍帶子、凍蝦，三文魚刺身經常搶購一空。燒肉區：一口牛粒、牛仔骨、肥牛、三文魚、多春魚、魷魚、金菇肥牛卷、雞翼、牛舌、鴨胸肉韓式涼拌都好多款，有泡菜、辣蘿蔔、大豆芽、菠菜，仲有泰式鳳爪、拍青瓜。熟食/炸物區有煎蔥餅、炒粉絲、豬腳薑、炸雞翼、炸蟹鉗、炸蝦、炸芝士波、印尼蝦餅、炆牛尾、炆牛腩等等。生果/沙律區：好誇張，林沛、柑、青提、紅提、唔同顏色番茄仔、粟米粒、哈蜜瓜等等甜品區都勁多款式，仲有棉花糖機、雪糕機、豆腐花等等整體不過不失，平民價錢，燒烤時不會太大煙，衞生方面有好大進步空間，任食時間只得75分鐘，有點趕急