Hands-On Coffee (Closed)

今日又係遲左放飯嘅節奏，成四點半先食晏，真係搵食艱難，再遲多少少放又冇得堂食，算啦，今餐貴啲補償翻自己，嘆下咖啡先，今日去左旺角西洋菜南街嘅Hands-on Coffee，我就試左佢地嘅卡邦尼意粉，比較特別嘅係依間會加好多芝士，但比較淡味，而朋友就試左個蕃茄海鮮意粉，有青口、帶子同蝦，都幾抵食，午餐會有85折，折左之後$50幾至$90幾一個餐，仲送飲品，幾好幾好，依間可以再encore。蕃茄海鮮意粉 $98卡邦尼意粉 $66

一去到比我睇相想像中細，都幾令，menu上野飲幾多簡，叫左個漢堡，不過不失～叫左杯咖啡酒下面熱上面加左層凍既野係到再加少少橙花葉咁既野飲落一開頭都特別，都5錯既

入到去比想像中細，但大玻璃令陽光入鋪，感覺開揚舒適。餐牌以all day breakfast 為主，都有意粉呀其他小食，我同朋友揀左『Hea足全日』同『食肉瘦』，d名都幾港或幾得意，同埋叫左兩杯熱咖啡，latte 同mocha 。飲品到左好驚喜呀！認真係我本年度見過最有心思既拉花。我認得伊之助，但其實我係無睇過尼套年度話題之作：鬼滅，反而朋友有追開，但佢獲得熊仔貓兩個拉花都好cute, 令人眼前一亮同好開心食肉瘦！可惜我食唔晒！味道唔錯，包係淡味蒜蓉包，果醬我麻麻地😂黑松露滑蛋香口滑溜，好食，雞扒嫩口，另外一塊應該係豬，好中式既味道，少少醬油味既甜，好食，薯仔同紫薯本身都有甜味好食，但我地覺得落左椒鹽就太咸，多左嚕打卡尼講陽光下影都幾令，食物質素同咖啡都配合得幾好，整體都值得一試

有日逛於旺角，無意中抬頭望到呢間餐廳又走左入去食飯入到去餐廳設計幾靚（又有粉紅色牆可以打下卡）聽店員話：冇疫情嘅時候會開咖啡班俾人參加，教人沖咖啡品咖啡（聽到都好鬼吸引）講返食物質素，叫咗一份全日早餐、蜜糖鴨胸同一個意粉。全日早餐擺盤用心，而且味道絕不普通，所有食物都係即叫即整，煙肉、腸仔、黑松露炒滑蛋都熱辣辣上碟。除咗個牛角包唔夠熱，同牛油果切得唔係好靚之外，呢碟都幾值得一試（同時用嚟打卡）之後到個蜜糖鴨胸，超級入味！鴨胸厚切，雖然食到後期有點膩，但配上沙律茶又能夠中和起來。行過旺角，唔知食乜好嘅時候，推介你呢一間樓上coffeeshop～～

I ordered the garlic mushroom spaghetti which looked aesthetically pleasing.😍 It was quite delicious, the garlic flavour wasn't too strong , but there were many slices of mushrooms, my favourite! The spaghetti was also quite chewy. Matcha latte was ok, matcha flavour was quite strong.Love the environment here, nice place to relax and chat with friends. Quite pretty for photo taking!

原來呢度有間隱蔽Cafe，要喺中國移動入邊先有lift！預先用咗KLook book, 有優惠！餐廳環境唔算大，如果唔book嘅話都幾難有位，Walk in又唔知要等幾耐！餐廳好適合打卡！黑松露野菌忌廉意粉，好creamy，好香濃嘅黑松露忌廉，仲有大量野菌加洋蔥！All day breakfast，呢個勁量all day真係好足料，女仔嘅話兩個人食一個都好夠！Hot Mocha，朱古力味淡左少少，同埋如果熱啲會更好！

去前驚有伏，所以都睇左食評先去...收到食物都以為OK,但睇返menu同人地d相，先知自己個餐唔多掂....有折都咁話啦，比個折你其實係將貨就價...1）餐牌寫牛角包，變左一塊隔夜淋晒既蒜蓉包片，連整返脆都無2）黑松露炒蛋，變左個溫泉蛋3）寫住有蕃茄，見人地d相有好多蕃茄，我個度係有蕃茄，但係全碟得半粒，無睇錯係半粒，一粒都無唯獨正價杯咖啡，係叫正常上面係好少客，我諗上去飲野OK,野食免了呢個正價過百蚊既全日早餐，收到咁既樣，真係會打心口架。無咁激氣係有折，但有折唔等如要差咁遠囉，如果係將貨就價，唔叫抵左喎。唔好話個日d野賣晒啊，先中午咋。又或者話食個早餐要睇廚司心情好唔好，先跟到同menu一唔一樣，咁好難搞架喎，因為我無預知能力。當然成餐野，我無出過聲，食完就快閃了，伏一次囉，如果出聲要人換，我都驚加料。心口有勇字可試下

今日係旺角等朋友要搵地方hea發現左呢間樓上cafe估唔到呢間嘢細細地竟然有咁多品種手沖咖啡我嗌左Ethiopia嘅手沖☕️ ($58)雖然等左大概20分鐘先有 不過又幾好飲😋我見佢餐牌仲有好多嘢食 隔離枱嗌左啲嘢食都好香下次應該會同朋友黎試下P.S. 間cafe個位置有啲難搵 要行入中國移動先見到部lift 上3樓就係

呢間coffee shop 🏬 幾岩打咭，又坐得舒服😌，旺中帶正，佢有好大塊落地玻璃可以望到旺角嘅街景，陽光透過玻璃入咖啡店，影相打卡唔錯㗎。今次利是呢間嘅咖啡其實係因為早前見到佢嘅咖啡有開Workshop，心諗教得人整咖啡應該質素都唔錯喎，所以就黎試吓啦。真係冇失望㗎佢嘅咖啡好出色。我揀咗一個綠茶🍵latte，抹茶同鮮奶嘅配搭10分夾，佢嘅抹茶粉好似日本嗰啲咁濃綠茶味，感覺上好似好健康，又唔係好肥。性價比極高，而且呢呢個拉花睇落都唔錯呀。我哋仲叫多咗令一杯滴漏咖啡☕️，呢杯雖然個價錢貴少少但講真真係有層次感，而且店員用心介紹，話俾我哋聽呢隻咖啡豆嘅來源，飲落去第一啖，同過咗一陣再飲過味道已經有唔同，一開頭呢咁濃嘅咖啡，其實係有啲苦澀味嘅，但之後唔知係味蕾已經習慣咗你個味呢，好似又覺得冇咁苦，反而覺得有啲甘甘地，呢啲就係咖啡嘅層次感。雖然你杯咖啡唔係我嘅最愛，但係都幾特別呀。值得一試呀👏🏼

食完呢個all day breakfast，真係可以hea足全日？——Hea足全日早餐 ($108)黑松露炒蛋ok，腸/煙肉ok，牛角包難食，淋到傻咗🤮 紫薯外表有少少鹹鹹地嘅調味，又幾好食喎🤣而且好飽肚！成件事都幾豐富～.慢煮三文魚扒意大利燉飯($108)外型好似一個戴咗頂帽嘅人類😂飯係唔錯嘅，幾飽滿而且好夠味。不過魚就麻麻，唔算特別滑....Overall: 6.8/10Value for money: 3.4/5——📍Hands-On Coffee旺角西洋菜南街1L-1M號中國移動旗艦店內3樓.

是禁的，同朋友去上到去環境真係舒服干淨但食物來到 就係毁滅假象既開始我叫左個慢煮雞漢堡食第一啖！塊雞滑到係我個口雞啼我睇下塊雞 係生！生到見到佢做gym然後我同店員講，塊雞未熟佢同我講：「慢煮雞係禁」我就不斷撩比佢睇「禁wor」佢仲要同我抝！話慢煮雞係禁直到我用把刀撩塊雞仲有根膜相連部分係半塊！佢先話拎去再幫我煮！我之前食過慢煮雞，人地用雞胸，絲絲分明入口流汁最後，只影到嘔返出來個舊！唔係會做gym 🙂你唔同我抝我都無禁嬲仲要想抝贏🙄最激氣係 會仲要收加一但要自己行去埋單叫佢比杯水比左2次先有我行過去埋單你收我加一 你加一意義去左邊？

Hands-on coffee英式香草豬肉腸意粉忌廉海鮮意粉Hot LatteCold Mocha價錢💲: $ 39/ $75/ +$8/ +$16好味程度😋: 4/5服務🍴: 4.5/5 (會不斷幫你加水)環境🗾: 4.2/5 (幾靚但小小細)性價比🥢: 4.4/5回頭率😚: 4.2/5-Hands-on coffee之前見到人地的相，勁吸引就去左試。佢地係eatigo可以book，如果唔係lunch set都超抵食！簡單做個會員，所有lunch set都有85折仲勉加一🤩 由$39-75都有，大部分$50就有啦！係旺角點會有咁抵的cafe😂😂 佢個位置勁難搵，係兆萬隔離的中國移動塔lift上去的。-講下先我地叫左一個最平的英式香草豬肉腸意粉。呢款就有一片片平時allday個啲豬肉腸，洋蔥同小小蘆筍，用大量蒜頭橄欖油炒的意粉。所以食落好香，好有鑊氣☺️ 豬肉腸份量都唔小，煎到小小焦香😚 咁的價錢都冇咩要求，幾香口好食。呢個餐配左熱latte，加$8仲會有個靚靚拉花，個日係熊仔🐻平時整係一杯野都四十幾蚊而家成個餐所以超值😋-另一個叫左最貴的忌廉海鮮意粉。$75比的海鮮冇hea你，有2隻青

這間隱蔽的咖啡店設於中國移動旗艦店樓上，整體佈置充滿少女風的氣息，而且有一個落地玻璃窗觀着西洋菜街，感覺頗舒適寫意。早於用餐前幾天在Eatigo訂枱，當日消費全單五折飲品除外，絕對是CP值高的一間咖啡店。(以下標示價錢為正價)🥐【Happy all day breakfast, Hea足全日早餐 $108 】All day breakfast的食材豐富且有誠意，份量絕不欺場。🍴【MK all day breakfast 西菜全日早餐 $98】 ☕️【Hot mocha熱朱古力咖啡 $42朱古力與咖啡的比例平衡得宜，味道不俗。

呢度有好多品種嘅咖啡可以揀我就叫咗個Cappuccino 咖啡味都尚算濃郁 個拉花呢就勁靚呢度嘅環境都幾安靜外面望落去係繁囂嘅街道所以呢個感覺都幾特別㗎！呢度除咗咖啡仲有朱古力呀抹茶等等

係旺角行到好攰，求其搵左間最近既coffee shop坐低，估唔到呢到幾舒服(同埋bar枱好靚)。————————🔸Daily Cake $52我食既係紅絲絨蛋糕，蛋糕少少甜幾好味。但個蛋糕有d乾，一liu就好易碎。評分：🌕🌕🌕🌗🌑-🔸Hot Chocolate $43拉花幾靚，但飲落好淡，似係普通朱古力粉開熱水沖咁😂評分：🌕🌕🌗🌑🌑—————————環境係幾舒服嘅，有個落地大玻璃望住西洋菜街，光線都好夠，坐喺度休息吓係唔錯。